عنوان الرابط المتبادل
حول الروابط المتبادلة
حلم كم طال انتظاري كي أناله
وها قد أصبح طفلا صغيرا أضمه
محمد أسميته وماأدراك مااسمه
فتبارك الذي أتم و أحسن خلقه
الحمدلله رب العالمين ...بعد أربع سنوات ونصف بالضبط من الانتظار من الله علي وأكرمني بولد جعله الله من البارين الصالحين اخترت له اسما من أعظم الأسماء وهو اسم محمد تيمنا بأفضل خلق الله محمد ...
طبعا الكل عارف قصة معاناتي مع الحمل والحمدلله حملت والله تمم حملي ورزقني ...وأدري انكم بتجننوني على قصة حملي فبقولها باختصار....
طاف على موعدي الأول 9 أيام والثاني اسبوع فقررت الطبيبة تحط علي طلق صناعي على أساس ان خطير يتم البيبي أكثر من هالمدة...تاريخ 16رحت على الساعة عشر بالليل والساعة 11وربطوني بالسرير وحطوا لي جهاز التقلصات وجهاز قياس نبض الجنين والتنفس والمغذي الوريدي وبدأ المشوار حطوا لي تحميلة مدتها 6 ساعات عشان يشوفون استجابتي ...بعد 4 ساعات بدأت تقلصات خفيفة وكنت مفتوحة بس 1 سم وبعدين حطوا لي تحميلة ثانية الساعة 7 الصبح وزادت التقلصات شوي شوي ..على الساعة 11 انفجر كيس الماي وكان لونه مو طبيعي ...ناديت الممرضة وشافته وقالت البيبي موسخ في بطنك....نادت الدكتورة وبعدها ودوني غرفة الولادة وكنت فاتحة 2 سم...زادت التقلصات أكثر وأكثر وأنا محبوسة بالسرير ينتظروني اتوسع عشان اولد ..على الساعة 4 عصرا شافتني الدكتورة وقالت لسا 3 سم قعدت أقول كل هالآلام وتوني 3 سم..قالت لي شوفي بعطيج فرصة لبعد شوي اذا مازاد الطلق ولا اتوسعتي بيدك القرار يااما البيبي يشرب من الماي الوسخ أكثر وراح يتعب يااما عملية قيصرية وانتي اختاري...رجعت لي على 5 وربع وقالت هااااااااااا تدخلين العمليات زالا ادخلك غصبا عنك لأن البيبي راسه بدأ بتورم وهو يحاول ينزل وانتي لسا ماتوسعتي ..قلت خلااااااااااااااص خذيني على العمليات....تم تجهيزي بسرعة وخذوني على العمليات وخدروني ومادري شنو صار عقب...الساعة 9 ونص بالليل سمعت الدكاترة يوقظوا فيني يقولوا خلاص اصحي جبتي ولدت زي القمر....قعدت من البنج بصعوبة وودوني غرفتي وكانوا أهلي حوالي بس كنت لازلت مخدرة...سلموا علي وراحوا عني وتميت يازعم بنام...عطوني مسكنات ألم عشان أحاول أنام بس كنت أنام شوي وأصحى يمكن من شدة الألم والقلق...باشروني الممرضات طول الليل وكنت الله يعزكم مااقدر اتحرك وكان فيني أنبوب للبول وأنبوب للدم نتيجة للنزيف الداخلي من الجرح...طبعلا صحيت اليوم الثاني ولا شفت البيبي على أساس انه بالحضانة ياخذوا بالهم منه...على العصر جابوا لي ابني محمد وحطيته على حضني ولاعرفت أمسكه زين بسبب اني لازلت على الأجهزة والمغذي...يعني ماكنت اقفدر احس يشعور الأمومة كويس بسبب الألم...بالليل خبرني طبيبب الأطفال ان ولدي عنده حساسية ويتنفس بشكل سريع لأنه شرب من الماي الوسخ في بطني ولازم يخلوه على مضاد لمدة اسبوع....
تخيلوا بنات ماكنت اقدر اشوفه على طول ولاأرضعه بسبب تعبي وتعبه..زمرت 4 أيام وشالوا عني كل شي وعطوني اذن بالرخصة بدوووووووووووووووووووووووووووووووووووووووووووووووو وووون محمد...كنت احس ان قلبي يتفطر اني بروح البيت بدونه ...شعور رهيب جدا جاب لي الاكتئاب...ماكنت اقدر أنام باليل من القلق ومن الألم....مأساة بنات العملية القيصرية وآلامها...المهم مر الأسبوع وكان طويل ورحت لابني يوم الأحد يعني اليوم التاسع لولادته وبالغصب عطوني اياه..قعدوا يتحججون ان الحالة رجعت له ولازم يتم شوي الغريب ان سووا له كل الفحوصات وطلع كل شي سليم..أنا مارضيت وقلت لا باخذه..حسيت انهم حرامية ويبون ياخذون فلوس على الفاضي....المهم قالوا لي بنسوي له آخر عشان نتأكد من أن كل شي سلين وتقدرين تاخذيه على البيت...جابوا له استشاري القلب وفحص الترا ساوند على القلب والحمدلله طلع كل شي سليم ...وافقوا يطلعون لي اياه وروحت علي البيت...الحين الحمدلله صار له اسبوع معاي بالبيت ...ياااااااالله على التعب والسهر ..بس كل هذا يهون وانتي تشوفيني في حضنك يطالعك ويتعرف على ملامحك..
مشكلتي معاه ان تعود على الحليب الصناعي من المرضعة ورافض رفض نهائي يرب من صدري......الله يهدي ويطاوع ويشرب مني لأني تعبت معاه....
هذي قصتي ..أدري اني طولت بس ادري ان حبايبي متابعيني ومو متمللين ...اتمنى من كل قلبي الله يطعم كل المتأخرات بالخصوص حبايبي وصديقاتي وأعضاء صفحتي وحدة وحدة ...الله يرزقكم جميعا وكونوا على ثقة بأن رب العباد سيكرمكن يوما ما مثل ماأكرمني....أحبكم جميعا وبالتوفيق....وياالله حوامل شدوا حيلكم واولدوا طبيعي والله سقومكم بالسلامة...
يلا برووووووووووووووح ماعندي وقت حتى امسح شريط حملي خخخخخخخخخخخخخخخخخخخخخخخخخخخخ
رد مع اقتباس
