الموضوع: النفقه بعد الطلاق

السلام عليكم ورحمة الله وبركاته


ودي اعرف كم النفقه اللي تاخذونها وياخذونها صديقاتكم من المطلقات
وودي اعرف كم النفقه اللي تدفعونها ويدفعها اصدقاكم من المطلقين

ومتى تنتهي !؟!!؟؟!


نفقة المولود ..............

نفقة الرضاعه لطليقه ..................

وشكراً لكم

رجاء لحد يزود او ينقص
خلونا نعرف متوسط النفقه الحقيقيه التي تدفع وهل حقيقه يدفعون المطلقين ام محد يقدر يجبرهم على الدفع ولا يوجد من يرغمهم ويقتص من راتبهم ومع الاسف كثير لا يعلم ان هذا حق من حقوق المطلقه وواجب عليه دفع النفقه لها


بنتظار مشاركتكم معي لكي نستفيد كلنا من هذا الموضوع

على حد علمي
حسب الاستطاعة
المادية

انا بعد عدتي ارسلي
1900ريال فقط
مع انه كان مقتدر ماديا
الي مستغربته
ليه ماكمل 100وتصير الفين
لهذه الدرجه التحسيب
طبعا انا ماطالبته
بأي شي
هومن نفسه جابها لي

طبعا انا ماعندي اطفال

انا نفقة بنتى 25دينار وحضانة اللى هية رضاعة عشر دنانير
يعنى المجموع 35دينار شهريا
بس للاسف صارله سنة ونص ما دفع مع انه ربنا فاتحها عليه
ولما تحجزه المحكمة بدفع بحب البهدلة

السلام عليكم

انا لي 5 سنوات مطلقه وما فيه نفقه لان قرايب
وما يبغون تصير محاكم وقضايا علشان النفقه

بعد ما تطلقت عطاني 2000 ريال وهذي مو نفقه لا لان الذهب حقي
كان ناقص وال2000 بدل اللي باع منهم

يرسلون له ملابس في العيدين بس
والحمد لله على كل حال الله

انا ماعمره ارسل نفقه ابببببببببببد حتى لمن البنات يجون يجلسون عندي اسبوعين او ثلاث مايرسل

ولا حنا نطلب

لان اهلى مايبون منه شي طالم هو ماهمه مافي داعي نجبره

لا حول ولا قوه الا بالله

والله هذي تحتاج دراسه

معقوله لهدرجه

وانا يوم نزلت موضوعي بتأكد من عدم دفع النفقه من المطلقين

كثير مايدفع او يدفع مره وخلاص

مو معقوله لهدرجه فيه تهاون بالحقوق

جزاكم الله خير

وعلى فكره تفرق كثير نفقة وحده ماعندها اطفال ووحده عندها اطفال


وبعدين الشيخ يقولي على حسب رضاعتها

اذا هي ترضع الحليب كامل تعطيها نفقتها كامله
واذا النص عطها نصف نفقتها

وانا سألتها وقالت ارضعه النص

والحمدلله احلى حركه يسويها الواحد عشان يرتاح ضميره

يروح للبنك ويسوي استقطاع من راتبه

عشان ماينسى يحول لها

مهما كان فهذا حق من حقوقها

شكراً لكم

السلام عليكم ورحمة الله وبركاته

أنا مطلق ولي 3 بنات و3 أولاد وأتفقت مع مطلقتي أن أدفع لها -/250 دينار شهرياً شاملة السكن وكسوت العيدين،
والصراحة أن -/250 دينار ما تسوي شي علشان كذى مسألة الأتفاق خليته مجرد حبر على ورق والواقع أن أصرف على عيالي بدون حساب ولا أخلي يقصر عليهم شي حتى لو قصرت على نفسي، أما بخصوص كسوت العيدين فخليت هل المسألة علي فأشتري لهم ثياب العيدين وأغراض المدرسة،

أما عن الزيارة فليس هناك وقت متفق عليه آخذ عيالي أي وقت وبعض الأحيان ينامون عندي،

لله الحمد أن في أتفاق بيني وبين مطلقتي على كل الأمور.

المسألة المهمة هو أحساس الرجل المطلق أن هل الأبن أو البنت أمانة في عنقه ملزوم يصرف عليهم من الألف إلى الياء وإذا أنعدم هل الأحساس بهذه مصيبه مالها حل،

هذا تجربتي ولله الحمد على كل حال،

ماشاء الله عليك اخوي اتعبتني

وانت المفروض تصير قدوه للمطلقين

وهذا شي جميل ان يزود الواحد في النفقه وقت العيد وانه ينفق زياده على النفقه المتفق عليها وانه مايقصر على اعياله

شكراً لك اخوي

انا معلقه :) حاليا من تعلقت وهو يرسل 2000 ومرة ارسل 3000 ويسدد جوالي بحدود 500 كل شهر علما بان عندى ولد........كنت اظن ن المطلقة مالها نفقة النفقة بس لعيالها

معليش وشلون اللي ماعندها اطفال لها نفقه ؟؟؟<<اول مره ادري عنها

المشاركة الأصلية كتبت بواسطة جومانه1111

انا معلقه :) حاليا من تعلقت وهو يرسل 2000 ومرة ارسل 3000 ويسدد جوالي بحدود 500 كل شهر علما بان عندى ولد........كنت اظن ن المطلقة مالها نفقة النفقة بس لعيالها

ماشاء الله تبارك الله
يبدوا ان زوجك مقتدر
وبعدين انتي الي معلقه نفسك ولا هو الي معلقك
تراها تفرق كثير
اذا انتي الي معلقه نفسك
فهذا يعتبر نشوز
اما اذا هو فهذا يعتبر تعليق زي ماذكرتي
وبخصوص نفقة المطلقه بعد طلاقها
هذا حق الرضاعه مو نفقه لها
يعني اذا هي ترضعه رضاعه كامله تاخذ نفقه كامله
اما اذا نصف الرضاعه تاخذ نصف النفقه
ويضاف اليها نفقة الاعيال

المشاركة الأصلية كتبت بواسطة solitary

معليش وشلون اللي ماعندها اطفال لها نفقه ؟؟؟<<اول مره ادري عنها

المطلقة الرجعية لها النفقة والسكنى باتفاق العلماء

والله مااعرف مقداااااار النفقه لاني مااحلم انه بيعطيني فماسألتاذا معلقه ماينفق تبيه وهو مطلق واذا شرط الطلاق بيني وبينه ويتنازل لبقاء العيال معي هو عدم المطالبه بالنفقه والتنازل عنها ودي

الصراحه بالنسبه لي جلست معلقه طول فتره حملي يعني تسع شهور وللاسف ماكلف نفسه انه يصرف علي ولا على ولده بالاعياد يجي جدهم ويقرط عليه 200 ماادري وش تسوي هي لي والا لولدهم والا لهالي ببطني حتى بعد مااولدت يوم صار الطلاق صاروا يجيبون الحفايض والحليب بس وكانو الطفل مايبي يلبس ولا ياكل ولا يتعالج وبعد مانبهناهم صاروا يدفعون لهم 500 شهريا صحيح ماتكفي بس الجود من الماجود والشكوى لله ولاحول ولا قوه الا بالله حتى بنتي المولوده مايسالون عنه