عالم الحياة الزوجية - منتدى

رومنــسي بس عزوبي · 14-02-2007, 06:24

السلام عليكم ورحمة الله وبركاته
حبيت اطرح قصة صارت معي ومادري وش السبب الي خلاني كذا
انا عمري 27 سنة كلمتني الوالده عن بنت وقالت لي عن البنت كل شي
وانها بنت ناس وشايله امها وابوها على راسها والبيت كله يعتمد عليها
في البداية اتصلت الوالده عليهم وخطبت لي البنت بعد اسبوع تقريباً
اتصلو اهل البنت قالو البنت والله تبي تكمل دراستها ومادري ايش
يعني عذر صراحة ماقتنعت فيه قلت يمكن في حاجة ثانية
انا صراحة قلت خيره بس ولا عاد ابي اتزوج خلها على 30 ان شاء الله المهم انا خلاص شلت فكرت الزواج من راسي بعد شهر اتصلت ام البنت وقالت والله كلمنا ابو البنت والبنت وافقو جت الوالده وقالت لي ان البنت واهلها وافقو قلت انا لالاولا ولا
مابي اتزوج حسيت نفسي انا البنت وصرت اتغلى ومن وبعده باسبواع من اتصالهم اتصلو قالو هاه وش قال الولد الي هو انا
قالت امي والله الولد رفض ويقول مابي اتزوج الحين
النقطه الي ابي اوصلها او بالاصح هي الي الموضوع عليها
الوالده تروح عنده كل شهر في عشاء وتشوف ام البنت وام البنت ماغير تمدح لامي تقول هذا مصلحته فلانه الي هي بنتها وهذا فلانه جايبته وهذا فلانه مسويته وهذا افلانه مختارته وهذا وهذا وهذا وهذا وهذا وهذا فلانه وفلانه ماغير تمدح في بنتها عندي امي كل هذي اغرات لامي وعلى هذا الموال وكل ماقالت لامي شي جت امي وقالت لي وكل شهر اسمع حاجات جديده
وانا الصراحه خلاص مادري وش جاني ماعاد ابي اتزوج ابد ابد ابد
مادري يمكن عشاني عايش في مجتمع كله مشاكل زواج زواج زواج اسمعو واشوف كرهت شي اسمه زواج في الاستراحه مشاكل اخويي مع حريمهم خالتي عماتي مو كلهم طبعاً بس في منهم تشتكي انا عن نفسي مليتتتتت مليت ماعاد ابي اتزوج مادري وش صار فيني اتمناء اعيش اعزوبي بس تتدرون وش العيب الحمدالله انا موظف وظيفة كويسة وراتبي كويس بس العيب ان اكبر اخواني وخواتي كلهم تزوجو ومافيه في البيت الي انا والوالده والوالد واخوي الصغير من جد استحي لما ادخل البيت والبيت كبير مره استحي من جد ماادخل الي الفجر وماصحي الي المغرب اتقهوي معهم وعلى طول على الاستراحة الساعة 1 بالكثيير في البيت اجلس مع امي إلى الساعة تقريباً 2.30 واطلع انام واروح الدوام الساعة 10 واطلع الساعة 4 وعلى هذا الحال كل يوم
ياليت احد يوجهني ولا يحاول يمدح لي الزواج شوي اوي يوجه لي اي نصيحه تكفون مادري وش صار لي

(المهاجر) · 14-02-2007, 10:40

تحية،،،
أخي الفاضل أتناول مشكلتك من عدة زوايا:
**أولا أنت غاضب لرفضهم الأول وأصبحت المسألة عندك وكأنها مسألة كرامة لابد من ردها.
**ثانيا ليس هناك من سبب يدعوك إلى ترك الزواج نهائيا .
**ثالثا لا داعي للخوف بسبب المقارنة بمشكلات الأسر الأخرى لأنك بالتأكيد تعرف عشرات الأسر التي تعيش بسعادة.
**أنت لم تلتق بالبنت أبدا ولو هاتفيا ، اربط مسألة موافقتك برؤية البنت شرعيا ولا مانع من التحدث إليها بوجود محرم.
**يجوز أن هذه البنت بالذات ستكون مفتاح سعادتك فالشيطان يدفعك بعيدا عنها بتضخيم الأسباب التي ذكرتها في البداية.
** توكل على الله ولا تتردد.

وطمئنا،،

المحتاج · 14-02-2007, 10:54

والله ذكرتني بمشكلة واحد من الجماعة نفس مشكلتك بالضبط بس الاسباب تخلتف طبعا
عموما اخي الحبيب : شوف الحياة ذي كلها ماتصلح الا بالزواج والحياة الزوجية وخاصة
انك موظف ماشاءالله يعني حاول تنظر للزواج بنظرة ايجابية يمكن البنت ذي ربي
كاتب لك نصيب فيها وبعدين ياما ناس ردوهم وبعدين تزوجوا وعايشين احسن عيشة والله يسعدهم
وتذكر حبيبي ان الحياة حلوة وتحلى اكثر بالزواج والابناء وكما قال الله تعالى"المال والبنون زينة الحياة الدنيا "
والله يسعدك ويختار لك المراة الطيبة الصالحة اللي تسعدك

وتقبل ارق تحياتي

#####قمر ##### · 14-02-2007, 12:49

أخي رومنسي طول بالك شوي مو كذا تمشي الأمور
مثل ما قال اخويزوج فنان انت يمكن ماخد موقف من رفض اول مرة وهذه الاشياء تصير كيثر
يمكن أهل البنت كان عندهم احد مو موافق وبعد كذا ناقشوا بعض ورجعوا اتصلوا
اخوي تذكر انه الزواج نص الدين والحياة ما تصير أحلى غير بالزواج والأولاد
أنا انصحك تعطي لحالك فرصة وتشوف البنت أكييييييييييييييييييييييييييييد هتغير رأيك
أتمنى لك التوفيق
وما تنسى تخبرنا ايش يصير معك

عسل دافي · 14-02-2007, 14:19

صلي استخاره وشوف امورك بعد الصلاة كيف راح تكون وفوض امرك لله
لانك لو استخرت ربنا الله ماراح يرك خائب وراح تتوضحلك كل الامور
بالتوفيق

جماااااانه · 14-02-2007, 22:07

أنا بأدعيلك الله يوفقك ويرزقك بنت الحلال اللي تسعدك

moon_14 · 15-02-2007, 00:59

شكل الام رفضت من عندها وترا البنات مظلومات مايدرون ان احد خطبهم والله اعرف وحده بعد ثلاث سنوات عرفت ان الانسان اللي تحبه من يومها صغيره خطبها واهلها رفضوا ومحد قالها بالصدفه عرفت والله انهارت نفسيا وواضح ان البنت تبيك لانها خلت امها تتصل لوماتبيك ماكان امها اتصلت ارجع لهم ونشالله لك خيره عندهم وربنا يوفقك ومحد مرتاح وانا اختك الدنيا كذا حلوة بشدتها ولينها

رومنــسي بس عزوبي · 16-02-2007, 21:37

اقتباس:

المشاركة الأصلية كتبت بواسطة الزوج الفنان

تحية،،،
أخي الفاضل أتناول مشكلتك من عدة زوايا:
**أولا أنت غاضب لرفضهم الأول وأصبحت المسألة عندك وكأنها مسألة كرامة لابد من ردها.
**ثانيا ليس هناك من سبب يدعوك إلى ترك الزواج نهائيا .
**ثالثا لا داعي للخوف بسبب المقارنة بمشكلات الأسر الأخرى لأنك بالتأكيد تعرف عشرات الأسر التي تعيش بسعادة.
**أنت لم تلتق بالبنت أبدا ولو هاتفيا ، اربط مسألة موافقتك برؤية البنت شرعيا ولا مانع من التحدث إليها بوجود محرم.
**يجوز أن هذه البنت بالذات ستكون مفتاح سعادتك فالشيطان يدفعك بعيدا عنها بتضخيم الأسباب التي ذكرتها في البداية.
** توكل على الله ولا تتردد.
وطمئنا،،

السلام عليكم ورحمة الله وبركاته
اول شي اتأسف للجميع في التأخر في الرد لاني كنت مسافر ولسا واصل والله
اشكرك على طرح رايك في الموضوع
وكلامك صحيح مو غاضب كنت متحمس وجاني برود مادري ليه كذا برود خيالي رفضت الزواج نهائياً
وفعلاً كلامك بس الموضوع جالس يدور في راسي الي شاريك اشتره والي يبيعك بعه
البنت واهله متسمكين فيني مو مدح في نفسي بس هذا شي اسمعه من اهلي لما يروحون عندهم وبحكم اني مسئول عن اهلي لما اوصلهم وارجع اخذهم تجيني السواليف من الوالده

رومنــسي بس عزوبي · 16-02-2007, 21:48

اقتباس:

المشاركة الأصلية كتبت بواسطة المحتاج

والله ذكرتني بمشكلة واحد من الجماعة نفس مشكلتك بالضبط بس الاسباب تخلتف طبعا
عموما اخي الحبيب : شوف الحياة ذي كلها ماتصلح الا بالزواج والحياة الزوجية وخاصة
انك موظف ماشاءالله يعني حاول تنظر للزواج بنظرة ايجابية يمكن البنت ذي ربي
كاتب لك نصيب فيها وبعدين ياما ناس ردوهم وبعدين تزوجوا وعايشين احسن عيشة والله يسعدهم
وتذكر حبيبي ان الحياة حلوة وتحلى اكثر بالزواج والابناء وكما قال الله تعالى"المال والبنون زينة الحياة الدنيا "
والله يسعدك ويختار لك المراة الطيبة الصالحة اللي تسعدك
وتقبل ارق تحياتي

السلام عليكم ورحمة الله وبركاته

الكل يكمل الثاني كلامك عين الصواب

واشكرك من اعماق قلبي على ردك واطرأك الجميل

رومنــسي بس عزوبي · 16-02-2007, 21:50

اقتباس:

المشاركة الأصلية كتبت بواسطة #####قمر #####

أخي رومنسي طول بالك شوي مو كذا تمشي الأمور
مثل ما قال اخويزوج فنان انت يمكن ماخد موقف من رفض اول مرة وهذه الاشياء تصير كيثر
يمكن أهل البنت كان عندهم احد مو موافق وبعد كذا ناقشوا بعض ورجعوا اتصلوا
اخوي تذكر انه الزواج نص الدين والحياة ما تصير أحلى غير بالزواج والأولاد
أنا انصحك تعطي لحالك فرصة وتشوف البنت أكييييييييييييييييييييييييييييد هتغير رأيك
أتمنى لك التوفيق
وما تنسى تخبرنا ايش يصير معك

السلام عليكم ورحمة الله وبركاته

والله بالي طويل حيل بس ارجع واقولك كنت متحمس حيل وفجأه جاني برود بعد الرد
والله جلسة مع نفسي كثير مره اقول يالله اعزم وتوكل ومره اقول والله مو ناقص عوار راس ومشاكل ومسئوليه فوق المسئوليه الي انا شايلها الي هم اهلي معتمدين على بعد الله في كل شي برغم الوالد موجود الله يطول في عمره

واشكرك على ردك واتحفتنا بقلمك

رومنــسي بس عزوبي · 16-02-2007, 21:53

اقتباس:

المشاركة الأصلية كتبت بواسطة عسل دافي

صلي استخاره وشوف امورك بعد الصلاة كيف راح تكون وفوض امرك لله
لانك لو استخرت ربنا الله ماراح يرك خائب وراح تتوضحلك كل الامور
بالتوفيق

هلا ومرحبا في استاذي عسل دافي

وقد وضعت الإطار على الصور وجملتها في موضوعي
اشكرك جزيل الشكر على ابداء الراي وتوجيه النصيحه لي

اخوك

رومنسي بس عزوبي

رومنــسي بس عزوبي · 16-02-2007, 21:55

اقتباس:

المشاركة الأصلية كتبت بواسطة جماااااانه

أنا بأدعيلك الله يوفقك ويرزقك بنت الحلال اللي تسعدك

مساء الخير اخت / جمانه

الله يجزاك الف خير وينور طريقك ويبـعدك عن الي يضرك على الدعوه هذي

اخوك

رومنسي بس عزوبي

دلوعة العمر · 17-02-2007, 00:37

ياخوي الزواج مكمل لنصف الدين
وبعدين سنك دحين مناسب للزواج طالما قادر على الزواج ومصاريفه ليش ماتتزوج وتشوف اولادك وتربيهم وتفرح فيهم انا اشوف سنك هذا جدا مناسب ولاتضيع الفرصة الواحد مايدري بكرة ايش يصير فيه
استخير في هالبنت وان ماارتحت خلي امك تخطبلك غيرها
صدقني جو الاسرة راح يشغلك شوي ولا تحط في بالك مشاكل الزواج ترى مو الكل عندو مشاكل وزي مافي الزواج مشاكل فيه المتعة اكثر..
الله يوفقك ويسخرلك بنت الحلال اللي تسعدك وتهنيك..

رومنــسي بس عزوبي · 17-02-2007, 00:48

اقتباس:

المشاركة الأصلية كتبت بواسطة moon_14

شكل الام رفضت من عندها وترا البنات مظلومات مايدرون ان احد خطبهم والله اعرف وحده بعد ثلاث سنوات عرفت ان الانسان اللي تحبه من يومها صغيره خطبها واهلها رفضوا ومحد قالها بالصدفه عرفت والله انهارت نفسيا وواضح ان البنت تبيك لانها خلت امها تتصل لوماتبيك ماكان امها اتصلت ارجع لهم ونشالله لك خيره عندهم وربنا يوفقك ومحد مرتاح وانا اختك الدنيا كذا حلوة بشدتها ولينها

هلا والله مون 14

كنت متوقع نفس نفس الحكي
وشي واضح الدافع الي حاصل من البنت بس اكرر واعيد مادري وشفيني ليه صار البرود هذا فيني
وربي ان شاء الله يوفقك انتي والجميع يا مون اكيد الدنيا حلوه بشدتها ولينها

اشكرك على ردك الجميل

اخوك

رومنسي بس عزوبي

رومنــسي بس عزوبي · 17-02-2007, 00:51

اقتباس:

المشاركة الأصلية كتبت بواسطة دلوعة العمر

ياخوي الزواج مكمل لنصف الدين
وبعدين سنك دحين مناسب للزواج طالما قادر على الزواج ومصاريفه ليش ماتتزوج وتشوف اولادك وتربيهم وتفرح فيهم انا اشوف سنك هذا جدا مناسب ولاتضيع الفرصة الواحد مايدري بكرة ايش يصير فيه
استخير في هالبنت وان ماارتحت خلي امك تخطبلك غيرها
صدقني جو الاسرة راح يشغلك شوي ولا تحط في بالك مشاكل الزواج ترى مو الكل عندو مشاكل وزي مافي الزواج مشاكل فيه المتعة اكثر..
الله يوفقك ويسخرلك بنت الحلال اللي تسعدك وتهنيك..

مرحبا دلوعة العمر

الزواج شي جميل معك في الحكي هذا والله

الله يخليك ويوفقك انتي بعد

واشكرك جزيل الشكر على ردك الجميل ودعواتك لي الله ينور لك طريقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كنت والحين لاااااا مابي اتزوج