عالم الحياة الزوجية - منتدى

المصريه111 · 23-02-2007, 02:59

السلام عليكم ورحمه الله
انا هحاول اوجز فى قصتى بختصار
انا تعرفت على شاب كويس جدا ومتدين وله مستقبل ان شاء الله
بس
من خلال النت
وحبينا بعض جدا وفعلا تم المقابله بنا وشفنا بعض
والحمد لله تمت الخطوبه
كل ده ومفيش اى مشاكل
المشكله بجد فيا انا
انا دائما بشك فيه
انا اموت من الغيره لو وجدته فاتح ايماله
وانا واثقه من اخلاقه وكمان ايماله معايه ومفتحه وكمان كل الى يعرفهم شباب مثله
لكن بجد انا من النوع الغيور جدا
انا الان فى زعل معه
دائما ازعل معاه وكثير هو يستحملنى لكنى بجد بغير من اقل شئ عليه
من يومين زعلت معاه بسبب وجوده على النت والايمال وزعلت معاه جدا
ولما كلمته فى التليفون انا بالغت فى اسلوبى معاه وهو غلق فى الانهايه فى وشى
انا حسه باهانه كبيره منه
وازى يعمل معايه كده انا خلاص حسيت انه مبيحبنيش
وبعد كده اتصل كتير اوى بيا بس انا مكنتش برد عليه خالص ولا على رسايل الموبايل
انا بجد ندمانه
ومكسوفه من نفسى اوى
ياريت حد يقولى ازى ابداء بالكلام معاه
انا مكسوفه جدا
خايفه ميردش عليا انا ممكن وقتها اموت
ياريت اعرف رايكم
وعرفونى اعمل ايه وازى اصلحه
بس بطريقه متجرحشى كرامتى
وهكون شاكره لكم جدا

(المهاجر) · 23-02-2007, 03:24

تحية اختي الفاضلة..
هناك عدة وسائل للاتصال به..
أرسلي له رسالة على هاتفه....اتصلي به من هاتف مجهول....أرسلي له رسال بواسطة
قريبة أو صديقة...
ولكن ماذا بعد ذلك ؟ أتمنى أن تخففي من هذه الغيرة الشديدة لأن مواقف الحياة في المستقبل متعبة جدا مع الغيرة ( المذمومة).
أتمنى لك التوفيق.

نور اسلأم · 23-02-2007, 03:38

يااختى فى بطاقات بهدة المناسبة الصلح او التسامح دورى على النت وانشاءاللة تشوفى هى موجودة , بس تعالى على نفسك شوى من الغيرة الى انتى فيها انا كمان بغاار تصورى انا عندى الكوت بتاعة وبدخل بنكة بس مجرد شفت نكات بنات وهو عاملهم بلوك طبعا وانا اى عملتهم ريموف يعنى لو هو عندو شى مكان عطانى كوت بتاعة , انتى اسرع وقت ارسلة لة بطاقة حلوى على دوقك واطلبى السماح واللة يوفقك ,,,

عسل دافي · 23-02-2007, 05:00

تعوذي من الشيطان وبلا شك كتير راح تخربي حياتك
ارسلي رساله على تلفونه او موبايله وانسي المشكله اللي صارت
واكتبي بالرساله مثلا
صباح الورد حبيبي
وحشـــــــتني
وباذن الله على طول بيتصل عليج
كبري عقلك يا اختي الغاليه بليز
وحاولي تصلي استخاره فالحياه الزوجيه لاتبنى على انج تقولين حبني وحبيته
خلي الاستخاره بحياتج بكل كبيره وصغيره
والله يوفقج يارب

رمال البحر · 23-02-2007, 12:23

الله يعينك

المصريه111 · 23-02-2007, 15:09

بجد انا متشكره لكل واحد فيكم
لزوج الفنان
ونور اسلام
وعسل دافى
وكمان كلى دلع ومرح

اهم حاجه انى لازم اسرع وارسله اى رساله حلوه او بطاقه قبل الموضوع ميقلب بمشكله اكبر
انامتشكره ليكم والله
واتمنى من الله السعاده لكم طووووووووول العمر

نور اسلأم · 23-02-2007, 20:01

ونحن كمان نتمنى لكى السعادة ,,

عاشق وطفران · 08-03-2007, 15:09

احسلك سيبيك الغيره الي مالها داعي ولا العريس يطير من يديكي هذا بدايتها طيب كيف بعد الزواج حتمتحنينه بنفسه ويوميا زعل هذا ماصارت عيشه احسلك سيبيه على راحته والرجل كما الماء في اليد صعب تمسكينه ابعدي عنك الضنون والشكوك وحتى لو حب يطيش يطيش ويطفش ويرجع لكي لانك انتي الاصل ودمتي سالمه

أميرٍهٍ · 08-03-2007, 15:40

أختي ممكن سؤال :
هل خطبك من أهلك او الكلام بينكم كآن ...
بمعني فيه شي رسمي بينكم اي عقد أو مجرد كلام ؟

مو هالأيام كثير نسمع اني مخطوبه أخر شي نسأل فيه شي رسمي ... يقولون لا ...

فما صرنا نعرف مخطوبين بعقد أو بدون عقد أو بدون عقد .... ..

فإذا كنتي مخطوبه له بعقد غذا إنتي مضايقتيه مافيها شي لو ابديتي بالاعتذار ولكن بدون كلمة آسفه ... اي شي تعمليه مثل زياره له وكلآم جميل يوضح ندمك والرجل قلبه كالطفل لايحمل اي كره تجاه حبيبه ...

وفقك الباري ...

ام ايات · 08-03-2007, 15:41

اقتباس:

المشاركة الأصلية كتبت بواسطة عسل دافي

تعوذي من الشيطان وبلا شك كتير راح تخربي حياتك
ارسلي رساله على تلفونه او موبايله وانسي المشكله اللي صارت
واكتبي بالرساله مثلا
صباح الورد حبيبي
وحشـــــــتني
وباذن الله على طول بيتصل عليج
كبري عقلك يا اختي الغاليه بليز
وحاولي تصلي استخاره فالحياه الزوجيه لاتبنى على انج تقولين حبني وحبيته
خلي الاستخاره بحياتج بكل كبيره وصغيره
والله يوفقج يارب

كلام سليم 100%

المصريه111 · 08-03-2007, 16:39

انا مخطوبه فعلا يا اميره تقدمى واهلى وافقوا عليه
بس الصراحه محدش يعنى لا احد عرف عندى فى البيت
ولا عند اهله اننا تعرفنا من خلال النت
كانت الخطوبه هتخرب وكسروا الجهاز بتاعى
اقصد يعنى الكومبيوتر بتاعى فوق راسى
اصلى بنت وحيده وكل اخواتى مسافرين خارج مصر
ومشددين عليا جدا
يمكن بعد الشر عليه طبعا
نزلوا من السفر وموتونى هههههههههههههههههههههههههه
المهم
يا اميره فى مصر هنا
فى فتره اسمها خطوبه نقراء فيها الفاتحه وبعده بفتره بسيطه
العريس يقدم لخطيبته دهب على قدر مستواه يعنى
وفى هذه الفتره نقول عليها فتره خطوبه
يعنى قبل حتى كتب الكتاب او الملكه مثل ما اهل الخليج يسموها
انا و خطيبى الحمد لله مخطوبين رسمى وكان فى فرح ومعزومين وكل حاجه
يعنى فعلا تم خطوبه رسميه لكن لسه عقد القران
عندى فى مصر غالبا يتم قبل الدخله بحوالى اسبوع
وفى كتير بيعقدوا القران مع الخطوبه مع تقديم الشبكه يعنى الدهب
لكن انا لسه شويه لان بابا محدد فتره كبيره
سنتين هو تقريبا خطيبى قرب يتجنن وانا على وشك ههههههههههههههه
المهم
لو انتى مكانى او اى بنت بجد هتغارى عليه جدا حتى من جلوسه امام الجهاز
لانى انا بالذات ليا ظروفى الخاصه وهى انى تعرف عليه من خلال النت
وبشك فيه
ممكن اصحح كلمه بشك فيه لكلمه ومعنى اصح انا بخاف جدا
صح هى دى الكلمه الصحيحه انى بخاف اوى عليه
بس كل ده من كتر حبى له
وكمان مش نكديه بالعكس انا كتير من النوع البشوش احب الضحك والهزار موووووووت
اما ردى عن كلام عاشق وطفشان
هو بجد ممكن العريس يطير
عارف
كنت نتفتله ريشه ههههههههههههههههههه
قال يطير منى
لا هو بيحبنى موت ولا يقدر يستغنى
بس انا عندى غيره تصل لدرجه الغباء
من الاخر انا غبيه فى غيرتى عليه
بس فى حاجه انا لاحظت عليه انه بيحبنى لما اغير عليه
وبما انى غبيه فلن اسمح له بهذه الفرصه
غلاسه ورخامه منى هههههههههههههه

والله يعين الجميع ياكلى ملح ودلع ومتشكره على زوقك اوى

شمسك يادنيا · 09-03-2007, 17:19

عودي نفسك على قتل الشك اللي بداخلك قبل ما ينفر منك وتخربي حياتك معه بيدك، تخيلي لو هو بيغير عليك كذا؟؟! بالبداية يمكن بيكون حلو بس بعد شوية بتحسي انه يشك فيك وفي اخلاقك ويمكن بتحسي انه مريض نفسيا او غير واثق من نفسه. صح؟؟
كل دا هو بيحس فيه الان فحرام عليك تضيعي بشوية غيرة مالهاش لزمة طالما انه جا وخطبك وقريبا ان شاءالله الزواج.
اهدئي وكبري عقلك وخليك بنظره بنت عاقلة تقدر تتحمل اعباء الحياة والمسؤولية مش بنت صغيرة على اي شي تعمل مشكلة وتخرب عليه مزاجه وراحته.
اوكي؟
وبخصوص الزعل ممكن تتصلي به من تلفون عمومي لو خايفة انه مابيردش واسئليه :ممكن نتكلم؟
وبعدها قولي اللي في نفسك بهدؤ وروقان كاعتذار بسيط بحنية او اعتذار وعتاب واوعدي نفسك انك بتبدئي حياة جديدة.
اخر شي احب اقوله لك انك بنعمة، حبيتي وانحبيتي وارتبطي بالشخص اللي حبيتيه دي نعمة ماتتخيليش ثمنها وقدرها ياما بنات حبوا وبالنهاية كان الفراق مصيرهم فلا تخربي على نفسك حياة حلوة كلها حب ورومنسية.

كتكوتة زي التوتة · 10-03-2007, 01:16

انت تشكي فيه لانك عرفتيه عن طريق النت فعشان كده تحسي انه مو مخلص معاكي
لكن اذا هو فعلا طيب
ابعدي الغيرة منك وحاولي تقولي لنفسك اذا انا شكيت فيه فهو كمان من حقه يشك فيكي

ابن الأميرة · 10-03-2007, 08:06

متااااااااااابع
والشك اللي ما هو في محله خراب البيوت

ALSANAM · 10-03-2007, 08:37

انتي تعرفتي عليه من خلال النت وتقابلتو وانخطبتو وقد تحملك اكثر من اللازم ولكنك تصرين على ارتكاب الاخطاء والتجسس على خطيبك ومراقبته وهذا يعني بصراحه انك لا تثقين فيه ابدا كما انك لا تثقين في نفسك ايضا
ماذا لو بدأ هو في الشك في تصرفاتك هذه وعاملك بالمثل وبادلك الشك بالشك فأنتي بهذه الطريقة تفتحين ابواب الشك على مصراعيه
طالما ان الله قد رزقك بانسان محب وخطيب رائع يحبك ويثق فيك وسيصبح زوجا لك فلماذا لاتبعدين عنك هذا الشك لانه اذا لم تتخلصي من شكك الان فسوف يلازمك ذلك طيلة حياتك الزوجيه وربما ادى هذا الى طلاقك في المستقبل وانتي الان اعطيتيه الفرصة لاعادة التفكير في كل شيء مرة اخرى وربما عدل عن قرار الخطوبه
الموضوع لايحتاج الى مكابرة فانتي التي اخطأتي بحقه وانتي التي فتحتي ابواب الشك في حياتكم فاذهبي اليه عاجلا واعتذري منه وحاولي ان تفهمينه ان ما حدث نتيجة حبك الزائد له وصارحيه بانك تغارين عليه كثيرا وسوف يتفهم ظروفك وينتهي الموضوع واذا حصل ذلك فحاولي ان لا تعودي الي اسلوب الشك لانه الشيء الوحيد الذي يدمر الحياة الزوجية وبسرعة فائقه كما ان عليك الاسراع بالزواج منه في اقرب وقت ممكن

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا مخنوقه حد يساعدنى بالله عليكم