عالم الحياة الزوجية - منتدى

عاشقة ميمي · 28-02-2007, 08:44

السلام عليكم

ابيكم تساعدوني

عندي اخت متزوجة السنة الماضية بشهر 4

بعدها ما كملت سنة

والمصيبة متزوجة ولد خالي
المهم
..

من أول ما تزوجها قام يبعدها عنا شوي شوي

وكان قايل لصاحبه اللي هو زوج اختي حاليا
وطبعا هذا زوج اختي عكسه تماما لانه ولد عالم وناس وشايف خير

اني بتزوج البنت

بس ابي فلوسها لان تشتغل

وقام يبعدها شوي شوي
المصيبة امه تساعدة بسوالف الطبوب وغيره
لان امه حسبي الله عليها مب من الجنسية اللي عندنا
وهمها الفلوس وبس
واختي لما عرفت
اعترفت عن سوالفه جدامنا بس قدر يسكتها
المهم يعطوها اشياء تخليها تكرهنا

وفعلا ما في تواصل بيننا
وتحاول انها تذل أبوي
ولما عرف ابوي
طردها من البيت
وزوجها هذا حسبي الله عليه

ويصرف من راتبها
المشكلة علاقتنا مقطوعة تماما
ولما تشوفنا كأنها ما تعرفنا
وابوي طاردها من البيت ومن قلبه بعد
ما يحب يسمع اسمها
ويقول لنا انسوها
على فكرة هذي البكر عند أبوي
ودلوعة ابوي
الكل تفاجأ فيها
المصيبة انها تقول للناس ابوي يحبني أكثر خواتي
بس ما اعرف ليش تتصرف كذا
حتى اخواني الصغار
قطعت علاقتها فيهم
تقول لنا اكرهكم ما ابيكم
وغيرت رقم تليفونها علشان ما نتواصل معها
وحاليا حامل
حتى ما نعرف بأي شهر
وعرفنا انها حامل من الناس
يعني مرة
ونحن 6 اولاد عند ابوي
3 ذكور و3 بنات
يقول ابوي انا غيرها عندي 5
تزوجت اختي حتى ما كلفت نفسها تساعدها بالتحضيرات مع اني انا واختي طبعا انا اصغرهن ما قصرنا يوم زواحها وخلينا زواجها يطلع ولا احلى

بس عرس اختي الثانية سوينا انا واختي الثانية كل شي ولوحدنا
والحمد لله
بس احسها تغار
ويقول زوجها لها اهلك راح ينسوا لما تولدي كل شي
والمصيبة الاكبر
جدتي ام أبوي وعماتي يحرضونها علينا
وصار البيت كئيب
ابوي سافر من اسبوعين مريض للعلاج ما كلفت نفسها تسأل عليه
وهالاسبوع بالاثنين امي بتسافر وما ظنتي تسأل
وهذا اول عيد ام بيمر بدون مشاركتها وبعد عيد الام بأربعة ايام عيد ميلادها
ومحد من اخواني راح يشاركها
والله الحال صعب
يمكن ما حاسيين اللي انا حاستنه
يقول لها تسلفي من البنك وابنيلي بيت وعلشان اهلك ما يعارضو
بنبني البيت ف السر ولما بيعرفو راح يكونو امام الامر الواقع
وفي اشياء وايد
بس هذا شوي يعتبر
انا بنخطب الخطبة الرسمية ف ربيع
ماراح اخبرها
وف النهاية هي اللي بتندم

لما بيذلها وبيرميها رمية الكلاب
ابيكم تساعدوني بلييييز

انتظر ردودكم بلييييييز
انتظر ولا تبخلو علي وآسفة طولت عليكم

عاشقة ميمي سابقا عاشقة حسووووووني حاليا

بنت النوخذه · 28-02-2007, 08:58

الله يساعد قلوبكم ياحبيبتي

بس يكون بعلمج ماعمر الظفر يطلع من اللحم
والله يمهل ولا يهمل ورااح يراوي ويبلي زوجهااا وامه بهالطبوب الي يسووونهاااا

حبيبتي والله انا حسيت بالمصيبه الي عندج واختج هذاا الي يبدر من عندهااا بعمل عامل يعني مو بكيفهاااا بس حبووبه لاتقطعين في اختج والخوات حق بعض وماعمر
الدم صاااااااار ماي

بالعكس واصلي وتواصلي فيهاا حتى لو هي تسوي الي تسوي وتقول الي تقول لكم

وتهادوا تحابواا والله يعينج حبووووبه ويوفقج

ضؤالشمس · 28-02-2007, 09:35

أختي .. ارجو منكم التواصل مع اختكم وعدم الانقطاع عنها .. وماادري ماهو الطبوب هل هو السحر والشعوذه وإن كان كذلك سارعو الى علاجها وفك هذا الطبوب ياأختي .. وربي يحفظها من كل مكروه ويلم شملكم انه سميع مجيب.. أخوك ضؤالشمس

mody990 · 28-02-2007, 11:30

فهميها إن الدنيا دوارة وإنكم أهلها ، قولي لها لو مات زوجها مثلاً مين اللي حيوقف معاها ويرعاها ، بأي بيت حتسكن ؟

thefox · 28-02-2007, 13:10

الا تقاطعى اختك وخصوصا ان ممكن يكون هذا ما بكيفها وممكن تاخديها لشيخ وتتعالج وما تقسي عليها فهى ماتدرى اللى بتعملة

صدق الوفى · 28-02-2007, 13:49

هذا آآفه وقطاع صلة الارحام ومخرب

لطب وسط الحموله راعي النمه """" فرق وكره محارم في محارمها

فرق اقلوب وولايف قبل ملتمه """"" ناسن صدوقه اتصدق ويتغانمها

غش القلوب النظيفه وانتشر سمه """" بانيابه اللي بعرض الناس ملحمها

اعراض الاجواد يشغله ويهمه """""" يا كثر ناسن بسموم الهرج مسقمها

راحم بيمه وباقي حيهم يمه """""" ضحية اللي تفاخر في ظلايمها

وكم كره عم في ولد عمه """"" الكل نفسه عن الثاني يزايمها

وكم مسلم حط بين فمه """""""" ونفسه بريه ورب الكون عالمها

بخطة منافق عديم الدين والذمه

بخطة منافق عديم الدين والذمه """" ناسن يشكك بزرعها وناس ظالمها

وأهل النمايم في وسط الناس شر ذمه

واهل النمايم في وسط الناس شر ذمه """" سوسوة اقلوب الاوادم انتفهمها

حجم الخطوره يهدد جيل بالامه """""" والواعي المدرك من الناس يفهمها

اوجزت عنوانها بس بقى مهمه """""" كيف نتحاشى وان تفهمها

وهذا واسمحي لي زوجها خبيث ومن الاوله الزواج خطأ

ولكن الخير ما يغير ولو ان اختك قويه ما كان تغيرت عليكم

الله المستعان

كلي خير · 28-02-2007, 16:44

السلام عليكم
حررررررررررام هذي اختك مهما كان ماتتركيها كذا
بعدين اهل زوجها راعين سحر وطبطبه .........اكيد سحروها وخلوها تكرهكم
عشااااااان ياخذو فلوسها
فكرتي تقهرينها
ولافكرتي كيف تعالجينها خذيها بالنصح
حاولي اكثر واكثر بعدين زوجها يحرضها ماتدرين كيف يلعب بمخها
الله يهديه
وانتي بعد الله يهديك عطي اختك خبر انك تنخطبين كوني احسن منها
ووواصلي اختك واتركي الاقدار تلعب دورها بالانسااااااان وبكره اختك راح تعرف مين الصديق والعدو
والله يوفقك ياعروسه

نور اسلأم · 01-03-2007, 00:17

هدة اختك مهما يكون حاولى تقربى ليها اكتر من تشوفكم حوليها اكيد راح تحس بيكم اكتر وتحن عليكم .يمكن ضروف مخليتها تتصرف هيك . هى الحين محتاجتكم اكتر ماانتوو محتاجينها . اللة يعينكم يااختى

عاشقة ميمي · 04-03-2007, 21:03

هلا
مشكورين ع ردودكم الطيبة بس بالاربعاء اختي مادري بس تعدلت ورجعت لنا بس احسها مو مثل اول احس ان ف خاطرها شي تبي تسويه بس الله يستر من تاليتها
ابوي عطاها فرصة وهاي الفرصة الاخيرة وتسلمووووون وربي يخليكم لي وللاهاليكم

مالي دخل · 04-03-2007, 21:37

الي ماخذه فكره انهم يسحرون اختك !!!!!!!!!!!!!!!!!!!!!!!!!!!
اضاهر ان المشكله مو فيهم

عاشقة ميمي · 05-03-2007, 09:17

سلام
مشكورين ع الردود الطيبة
بس اقولكم
بالاربعاء الماضي باباتي احس انه مشتاق اختي فقال اروح لها المدرسة
طبعا هي معلمة
المهم ماماتي ما خلته قالتله اذا شافتك بتنفجر عيونها من الدمع
فقال لامه تتصل فيها يعني جدتي
كل ما تتصل ع ارقام اختي معطتنها يرد زوجها
المهم عرفنا ان زوجها ساحب كل التليفونات منها
ف زوجة عمي صاحبتها معلمة بنفس المدرسة
اتصلت فيها وخلت جدتي اتكلمها
واتفقت مع اختي اذا تبي تشوف ابوي تجي بيت جدتي الساعة 5 العصر
وطبعا اختي قبل كانت كل ما تزور جدتي تبكي تبي تشوف ابوي وتبي ترجع العلاقة
المهم صار اللقاء بس حسافة انا ما كنت موجودة لأن رجعت من الجامعة الظهر لان انا اسكن بسكن جامعي ورديت بالاربعاء الساعة 12 ونص والساعة 2 الظهر رحت العين مع اختي الثانية وزوجها بس الحمد لله
ولما كنت راجعة ف الطريق للبيت كنت انا واخوي بنسوي حادث بس ربي ستر

وخبروها وجات بالجمعة ولفت علي وجلست تصيح
وع العموم اهي تحاول تسوي اي شي علشان ترجع اللي بيننا وربي يسهلها ويستر بعد

عاشقة ميمي سابقا عاشقة حسووووووووني حاليا

marawan1 · 05-03-2007, 10:08

متابع

نور اسلأم · 05-03-2007, 18:56

اهم شى فى تقدم يااختى .. .وسلأمات انتى واخوكى الف سلأمة ..

majidoberrada · 05-03-2007, 20:01

ورد عن الرسول حديث في صلة الرحم لا تحضرني الآن ألفاظه ولكن معناه ما يلي /
صلة الرحم معلقة بالعرش تقول اللهم صل من يصلني ، واقطع من يقطعني .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني بليز والله مشكلتي كبيييرة