عالم الحياة الزوجية - منتدى

متواضعة وبشدة · 28-02-2007, 14:31

أهلــين وسهلين .. كيف الحال ؟؟ بصراحة عندي مشكلة مواجهة أخو صديقتي أهله دوروا له علن بنت الحلال والحمد لله لقوها وأخلاقها عالية وخجولة مررة وتستحي لأبعد حد فسألوا عنها وكل شي فيها طيب وماينعاب لكن تفاجأ إنها تلبس عباية كتف ولثام بالرغم إن العباية مو مخصرة أبدا بالعكس فضفاضة جدا ولكن أخو صديقتي وعايلتهم جدا محافظين ومايحبون يكون مظهر زوجة أخوهم بهالشكل فشلون يقدر يحل المشكلة وبأي أسلوب يحل هالمشكلة أرجوكم ساعدوني

عاشقة انتهى امرها · 28-02-2007, 16:49

حبيبت قلبي

وحدة من الثنتين

1. يقلها مو عاجبتة عبايتها وانة يتمنى انها تغيرها

2. يتقبلها مثل ماهي او يصرف النظر عنها

لان اللى متعودة على شئ صعب تغيرة الا اذا حبت هالشخص

محدثتك مثلا

البس لثمة وعباية كتف
24 ساعة مناقرة انا واخوي ولا غيرتها
واخذتها عناااااااااااااااااااااد معاه
لان توة صغير ويبي يسوي على رجال

لا كن لما جاء اغلى البشر وماقال غيريها
ولاعاتبني عليها ولاشئ

مجرد قال ......... اش باقي في وجهك
مو بايييييييييييييييييييييييييييين ؟.
وحسيت انة زعل

انا من نفسي غيرتها لاجل ارضية

حبيبتي انا عارفة كم وحدة بتنط لي الحين وتقلي الحجاب لربك مو لحبيبك
بس سبحان الله احيان في مسببات للهداية
وامكن هو السبب

وخذيها مني كلمة .................
ياما ملثمات ماينقربون من رجال
ومستراااااااااات هم يغازلووووون

صدقيني انا متلثمة لي فترة طويلة جدا واختي كمان
لاكن خل واحد يغازل في السوق والا في اي مكان
يتقططططع من اختي انا امكن اهاوش لاكن مو زي اختي

والبنت تبان من مشيتها وحركتها اذا هي تدور احد او مو صاحية
وراعية خرابيط

والا انا بعيوني شايفة وحدة عباية على الرااااااااااس
وتمشي في السوق وواحد يدور حوالينها وهي تضحك
دخلوا اهل المحل
هي خرجت لة واخذت الرقم

عاد اختي ماتفوتها <<<< نشمية البنت
في نص السوق قالت لها

طواااااااااااااعة جدتي خخخخخخخخخخخ

الولد شرد والبنت دخلت المحل بسرعة هههههههه

لاكن هو الاعتقااااااااااد بالشئ
والا الحريم لو في بالهم شئ يسوووووووونة
خخخخخخخخخخخخخخخخخ

ذات الرداء الأحمر · 28-02-2007, 18:33

ليش مايكلمونها
يمكن ترضى تغير طريقة لبسها
واذا ما رضت اهو كيفه
ياإما يصرف النظر
أو ياخذها بس لا يحط في باله انه يحاول معاها بعد الزواج
لازم يكون صريح معاها من الأول

كــلي حركات ! · 28-02-2007, 19:49

بابا العباه عالجتف عااادي ومثل ماقلت العباه مش مخصره يعنى عادي مب حرام ليش تخلون الحلال حرام ع كيفكم هوو؟

يعنى ماتتعاقب ومابتتأثم ياخي شو هااااا؟

لعيون الامير · 03-03-2007, 01:03

كلي حركات معليش اختي احب اقولك ان العبايه علكتف ولو كانت واسعه والثمه حرررررررررم
انتي الي لبش تبي تخلين الحرام حلال
البس الشرعي معروف والبس الحرام كمان معروف

وياليت تحاسبين على كلامك الانك محاسبه عليه

* الـنـجـلاء * · 03-03-2007, 02:43

عاشقه عجبني كلامك وفعلا الي تلبس عباة الكتف مو شرط تكون مو شي
بالعكس في كثير يلبسونها ومحترمات جدا ولا يرضون بالمسخره وخاصه الي تكون عباياتهم مو ملفته لكنهن يلبسنها عشان يرتاحن فيها أو لانهن تعودن عليهاولا في احد منعهن
عن نفسي ما أتنازل عن عباية الراس أبد
أرجع لمحور الحديث
أنا أقول أنه يقولهم قبل أي شيء وافقو خير وبركه ما وافقو يشوف نفسه أو يشوف غيرها
عادي يمكن ترضى

عسل دافي · 03-03-2007, 03:55

انا البس عبايه كتف ولثام ومحترمه والحمدلله وفي بالي حاليا افكر اني البس عبايه راس ان شاء الله واهيا قناعات شخصيه يعني اذا اهوا متضايق من لبسها يكلمها او اخته بتقول لها بطريقه حلوه انه يغار عليج كل شي ولا يبيج تلبسين هالعبايه
يعني بالكلام الطيب راح تتقبل .

متواضعة وبشدة · 03-03-2007, 07:00

مشكورين كلكم على الردود ويعطيكم العافية .. هي البنت محترمة وخلوقة ومافيها أي حركات صبيانية أبد لكن هاللبس بمدينتنا أو بالمكان اللي حنا عايشين فيه يعتبر ملفت للنظر يعني حتى لو البنت ماكان فيها أي شي كل الأولاد رايحين يناظرونها ومستحيل زوجها يقبل إن كل من يجي يناظرها إنتو وش رايكم؟ يعني هل يتوكل على الله ويخلي أخته تقول لها ترى خطيبك مايحب العباية الكتف واللثام أو أيش يريت لو تشرحوا لي الإسلوب وأكيد قبل العقد تفاتحها بهالموضوع لأنهم حاليا مخطوبين ولسى باقي شهر على عقدهم وملكتهم يريت لو توضحوا لي الإسلوب هل إخته تكلم البنت نفسه أو نفس الزوج بعد مايعقدوا على بعض يوضح لها إن مايعجبه دا اللبس ويمكن تقبل وتقتنع ويمكن لا!! مالحل أفيدوني بشكل أكبر وأوسع

.. مثل العسل .. · 03-03-2007, 07:24

ياهلا بيكم

انا براي الشخصي انة يحاول يكلمها اقتنعت اهلا وسهلا

ما اقتنعت يحاول معها مرة واتنين وتلاتة

عسل دافي · 03-03-2007, 10:58

انا اشوف بعد مايملج عليها اهوا يقنعها باسلوبه ويقولها من هالكلام الحلو راح تتغير اذا لاقت فيه الزوج الل يخاف عليها ويغار عليها ويحبها ويحترمها
يعني انا احط نفسي مكانها اذا جت اخت الشاب اللي يخطبني وقالتلي تراه مايحب العبايه الجتف واللثام راح اتضايق وايد
اما اذا ملجت وقالي بصراحه انا اغار عليج وايد ومابي احد ابد يشوفج غيري وكلمه حلوه من هنا
كل شي راح يتغير للي يبيه
والف مبروك مقدما والله يهنيهم ويسعدهم

moon_14 · 03-03-2007, 13:31

انا مستحيل اقتنع بتغطيه الوجه الوجه محل الكرامه مو تغطيته وتخبيته كانه عوره مهو وجه واحنا تغطيه الوجه عندنا عرف مالها علاقه بالدين وكثير شغلات عندنا عرف لبسنها لباس الدين الالتزام بالتصرفات والسلوكيات مع الله سبحانه مو مع خلقه وكل شخص وله متقداته وطريقه حياته لكن تفسير محافظين له مليون معنى ومعنى والله احنا فاهمين كثير شغلات غلط بس بحكم المالوف والمتعارف عليه صارت كنها قران منزل محد يقدر يخالفها ويمشي عكس التيار ادري بكثير ردود راح تكفروني بس هذا رائي مع احترامي للجميع

طيف الأمل · 03-03-2007, 20:13

احب عبايه الكتف انا

يعني اذا كان واثق منها خليها تلبس اللي تبي

وشكرا

عاشقة انتهى امرها · 03-03-2007, 21:18

اقتباس:

عاشقه عجبني كلامك وفعلا الي تلبس عباة الكتف مو شرط تكون مو شي
بالعكس في كثير يلبسونها ومحترمات جدا ولا يرضون بالمسخره وخاصه الي تكون عباياتهم مو ملفته لكنهن يلبسنها عشان يرتاحن فيها أو لانهن تعودن عليهاولا في احد منعهن
عن نفسي ما أتنازل عن عباية الراس أبد
أرجع لمحور الحديث
أنا أقول أنه يقولهم قبل أي شيء وافقو خير وبركه ما وافقو يشوف نفسه أو يشوف غيرها
عادي يمكن ترضى

يسلموووووووووووو

عاشقة انتهى امرها · 03-03-2007, 21:19

اقتباس:

احب عبايه الكتف انا

يعني اذا كان واثق منها خليها تلبس اللي تبي

وشكرا

100% رااااااااااااااايت T

وردة الارجوان · 03-03-2007, 21:46

الكلمة اللينة تجيب البينة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني كيف أغير هالشي