عالم الحياة الزوجية - منتدى

أميرة العفاف · 05-03-2007, 02:13

طبعااا كلناا عرفناا بقصة أختفاءأبتهاااااال ..الله يطمن اهلهااا عليهااا يارب ..ومرت علينا كثير من القصص عن أختطاف الأطفاال والأعتداءات الجنسية عليهم ذكورا وإناثا ..

وبالرغم من براءة أيااامنا ..إلا أني لما سألت وجدت الكثير من القصص المرعبة والمخيفة والتي ظلت طي الكتمااااااان سنين طويلة خوفا من أهاليناا ..

وهذي بعض مواقفي اللي مريت فيهاااا ..واللي سكت عنهااا ..واللي كانت ممكن تسبب لي مشاااكل كان ممكن أنا وأهلي نروح فيهاااا ..لولا رحمة الله فينا ..

الموقف الأول ..أنا والوردة الحمراء ,,
-----------------------------------------------
من كم يوم أهدتني بنت اخوي الصغيرة وردة حمرااا ..ومع هذي الوردة الحمراا تذكرت موقف مريت فيه وانا طفلة ..

لموقف بالنسبة لي مضحك حاليااا
لكن لولا رحمة الله بي ولطفه ..لكنت أنا في حالتين ...أما من الأموااات ..أو من الأحياء الأمواااات ..

في يوم من الأياااااااام الصيفية الحااارة وطبعا صيف الخليج 45 درجة وفوووق ..قبل 19سنة من الآن ...كان عمري عشر سنين ..وبما إني كنت شريرة العائلة ..

تضاربت أنا وأخواني وخواتي في ضرابة جماعية .....
والكل راااح عند الوالدة الله يطول بعمرها في طاعته ..ويشتكي ..مني ..

اللي وقف على راسها ويقول يماااه ------
واللي وقف عند رجولهاا ويقول أمي ..------
واللي تعلق بثوبهااا ويقول مااما..-------

قامت امي وعصبت علي وعطتني شوي من الكلام اللي يهز البدن ..وبديت أنا بحركااااااات الأفلااااااااام ..الهندية ..

خلاص أنتوا ما تحبوني ..

وأنا كأني مب بنتكم ..

خلاص بترك لكم البيت وبطلع وما بتشوفوني مرة ثانية ..((ما أقول لكم ثقافة أفلام ))

وطلعت من البيت ..وسكرت الباب بكل قوة علشااااان يتأكدون إني طلعت ..

وقفت عند الباااب من برى ...وأنا أفكر ...ألحين أنا وين بروووح ..

الساعة ثلاث الظهر تقريبا..وكل خلق الله في بيوتهم ..

ومافي الفريج ولا قطوة حتى ..

قلت بقعد عند الباااااااااب ..وأكيد ألحين بيجون يراضوووني ..

وما بهون عليهم أنطبخ في الحر ...

ومرت الدقااااااااااايق ..ولافكروا فيني ..الظاااهر هم وانزاااااااااح ..

قلت ما عليه أنتظر الأذاااان وأكيد أبوي لما بيروح صلاة العصر بيراضيني ..ويرجعني البيت ..

ومرت كل دقيقة كأنهاااا دهر ..

وأخيــــــــــــــرا ..

مر وااااحد بسيارته ..من بعييييييد وكانت وجهة السيارة غير اتجااااه
بيتنااا ..شافني ..والفرحة شقت وجهه ..وغير اتجاه السياااارة ..

وجااا عندي وقرب سيارته مني ..يعني بيني وبينه شبر ..

سألني بعض الأسئلة ..وأنا ما أتذكرهااا حاليااا ..بس كان في حوااااااار ..

ومن الحواار دققت في شكله ..شكله أبدااا ما كااااااااان مريح ..

كاشخ كشخة قديييييييمة ..وشكله وصخ ..وأسنااااانه ثلاث أربع حبات بس ..وصفر ..
وجزااااه الله خير هو الوحيييد اللي فكر يراضيني ..

طلع من خلف المرايا أمامية ..وردة حمراا بلاستيكية ..

وومد يده وعطاااني الوردة ..

وبنظرة خبيثة ..وبصوووت مخيف متحشرج كأنه بالع قوطي ..وعنده أصغر ظفر طويل يمكن طوله 2انش

قال خذي الوردة ..
وعااااااد البنااات والورود الحمرااا ..رومنسيات بالفطرة ..

قلت في نفسي باخذ الوردة الحمراااا وبشرد ..بس لماا انتبهت لظفره الطويل حسيته مخلب ..

وعلى طووول عيني على الوردة ..واليد الثانية ..على مقبض الباااااااااب ..

ووقعدت محتااارة الوردة ولا البااااب ..و الحمد لله الذي هداااني أني أترك
الوردة ..وسحبت الباااب سحبة قوية وطحت داخل الحوووش ..

وهو فص ملح وذاااااااب وما شفت في المكااااان إلا الغباااااااااار اللي تركه ..

وبعدهااااا ما تبت ..ما دخلت البيت على طول .. أبت نفسي الكريمة ..أني ادخل وأنا
مهددتهم إني اترك لهم البيت وأمشي ..

رحت ورااا البيت الحوش الخلفي وانا كلي ندم إني ضحيت بالوردة الحمرااااا ..

والحمد لله على نعمة العقل .. عاد متى رجعت دخلت البيت ما أذكر

وفووووق هذا اللي صاااااار كله ما قلت لأي أحد الموقف إلا بعد سنيييييين طويلة ..

----------------------------------------------

الموقف الثاني ..راعي الدكااااااان
-------------------------------------------------------
راعي الدكاااان هذا ماكان من دكاااااان الفرييييج ..

لكن بيته بيت العزاب هذا كان قريب مناا وكل مغرب يرجع البيت ويمر من عند شلة البنااات وطبعااا أنا وياااهم ..

وكانت له دايمااا نظراااااااات خبيثة . وهو رايح راااجع ويطااالع ..ومرة من المراات
وكنت قاعدة بروحي في الفريج وما اأعرف شلتي وين كانت ..إلا أنه يقرب مني ..
ويقرب ويقرب ..

وبمجرد ما مد يده صووووووبي إلا أنااااااا طيراااااااااان ..على بيت الجيرااااااان ..
والله أعلم بنيته ..

ومن يومهاااا خفت أقعد بروحي

وبعد ما خبرت أحد ..

-----------------------------
الموقف الثالث ...ثقافة الخادمااات ..
--------------------------------------------------
في ليلة من الليالي .المظلمة ..وطبعاا أيااامنا ماكان في اختراااع الملاحق وفصل الخدم عن الأطفااااااااال ...وفوق هذا كانت البيوت صغيرة والأعداااد كبيرة ..

وغالبا الخدامة تنااام في غرفة البنااااااااات ..

المهم
وعاااد أنا من الصغر دوم عندي أرق ..والشغااالة نفس الشيء عندهااا أرق ..والظاهر تذكرت قصص الحب والغراااااام في بلادهاااا ..

كلمتني شوي عن صديقهااا ..وكيف كانوا يلتقون على النهر .. بعيدا عن عيون الفضوليين ..

وشو كان يقول لهاااا ..من سوالف وخرابيط ..وهني اخذتهااا الشفقة علي لأن عمري 15 سنة ومسكينة ما عندي صديق ..

وعرضت علي خدماتهااا ..قالت الله يخلي إنتي ..

إذا في صديق قولي لي أنا

وأنا بودي رسالة حق هو ..وما في خبر ماما بابا ..علشان أنا بعد في صديق .. وأبغي انتي حبي مثلي ..((ويا للمصيبة ..))

ولما قلت ما عندي صديق .. قالت خلاص أنا بدور حق إنتي على صديق ..
شورايك بـ(( ولد مال ماما فلانة ))

ولا شورايك بـ(( ولد بابا فلان )) هذا واجد حلووو ..

المهم ولمااا لفت ودارت وما لقت فايدة ..

قالت خل أحمسها زيادة ..قالت لي تعرفين كيف يتكون الجنين في بطن أمه ..ويا شينه
من سؤاااااال ..

والأشين منه الجوااااااب ..

علمتني وليتها ما علمتني ..

قالت الطريقة ..باسلوب مزعج ومقزز ومرعب ..وما خلتي أعرف أنااااااام اللي باقي لي من سويعات قبل الدوااام المدرسي ..

وخلتني اكره كل ذكر وكل أنثى ..على وجهه الأرض ..

وفوووق هذا كله الحمد لله بائت محاولاتهاااا في إيجااااد صديق لي بالفشل الذريع
وأنقلب السحر على الساحر مثل ما يقولون ..

وطبعاااا ما خبرت أحد حتى يومنا هذاااااااا ..

----------------------------------------
الموقف الرابع ..البااااااائع وترقيص الحواجب ..
------------------------------------
عندنا عائليااااممنوع الحريم يركبون السيارة إلا مع أبوووي فقط ... لا تكسي ولا غيره ..

ويومهااااااا كانت عندي حمى شديدة ..وأبوووي في الدوااااام امي خافت علي أضيع من بين أيدينهااااااا ..المهم قالت قومي بوديج العيادة ..

ورحنا وركبنا التكسي ..وأنا كلي خوووف لأنها اول مرة ..

المهم رحنا عيادة خاصة ..
ورحنا نصرف الدوااااء في صيدلية ..

وقالت أمي خلينا نمشي لين الصيدلية ..وأناالمسكينة قاعدة أتبخر من زود الحمى ..
المهم قلت زييييييين ..

ومشينا ومشينااا ووصلناالصيدلية ..وخذنا الدوااااء ..قالت لي امي السوق قريب وابغي غرض ضروري بما أننا قريب من السوووق ((عاد هذي شغلة حرييييم )) قلت زين ..

رحنا المحل ..
ولا البياااع يستخف دمه ويسولف ..وكلما أمي تصد ناحية البضاعة ..يسوي لي حراااكات ماصخة بوجه من وراهاا..سود الله وجه العدو ..

مرة يرقص حواجبه ..ومرة يغامز ..ومرة ....ألخ ..

وأنا أسحب في أمي يالله تعبانة بروح ..زين زين ..

يالله ..دايخة ..زين زين ..

عاد هو من زود الشهامة ..إلا أنا أوصلكم للسيارة .. وأحط لكم الأغرااااض بيدي ..

وأشر على تكسي ..ووقف ..ودخل الأغراض ..ولما رحت بالإتجاه الثاني ركض وفتح لي الباااااااب ..وأنا وصلت درجة حرارتي الخمسين من الغضب ..

وامي تقول ما شاء الله عليه طيب ..

رجعت البيت وأنا في قمة الغضب لكن أكثر من ذلك الخووووف والرعب بعد ثقافة
الخادمات اللي عرفتهااا ..

وطبعا للحين ما خبرت حد ..
-------------------------------------------------------------------------------
الزبدة
من الموضوووع بوجه عاااااااااام ..أبغي ننتناقش ..في عدة أمووور ..

1\ليش كان خوفنا من آبائنا وامهاتناا كبير جدااا ..واحترامنا لهم شديد ..وخوفنا منهم أشد من المواقف اللي تعرضت لهاااا ..واللي كانت ممكن تقضي على كل حياتناا؟؟
يعني في كل حالة من الحالات السابقة ..كنت أخااااف أنضرب أو أتعاقب ..

مع إني ما أتذكر مرة أنهم عاقبوننا ..

وليش آباء هذا الزمن فقدوا أحترامهم ..نشوف الولد أو البنت أعمارهم تسع وعشر سنين
أسمعهم يصرخون على آباااااا ئهم ..

2\ الشيء الثاني ..في أيااامنااا ما كنا نشوف المواقف السابقة إلا من الاجاااانب والخدم ..وكنا بريئين وأفكارنا طفولية ..وكل همنا اللعب والركض والرسوم المتحركة ..

لكن ألحين الطفل مع طفل صغير نخاااف نتركهم ينفردون ..

ونسمع في قصص تصير في المدارس الإبتدائية ..ما صارت لنا وأحنا بالثانوية ..

وغير هذا التحرشات الجنسية بين المحااارم ..

قبل كان الأخو يموووت ألف مرة ولا حد يطالع اخته من بعيييييييييد .. مع أنه هو نفسه كااان طفل ..

لكن ألحين الغيرة انعدمت ..والبنااات ضاعوا ..والأولاد نفس الشيء

كنا قبل كل وحدة فينااا تمشي بخط مستقيم ولا تصد يمين ولا يسااااااار وكنا نمشي على العجين ما نلخبطوش على قولة أخوننا المصريين ..

لكن بنااات اليوم ..لو واحد دق طبله قالت أنا قبله ..

الأم تضيع قبل بناتهااا ..والأب لاهي وغافل وتارك المسؤولية على زوجته ..
على بن أبي طالب رضي الله عنه قال ..علموا أولادكم على غير شاكلتكم؛ فإنهم مخلوقون لزمان غير زمانكم"

لكن الزمن هذاااا ..من اللي يعلم ؟؟؟

ألأهل ولا المعلمااات ..ولا الإعلااااام ولا التطووور ..ولا الشارع ولا البلاء توث ولا ولا ...ألخ ..

يا ترى كانت عندكم مواقف مشابهه .. خلونا ننتناقش ..يمكن لعل وعسى نفيد هذا
الجيل القادم ..

وكيف نخلق جيل واعي وفاهم وكيف نربي نفسنا قبل عيالناا...

ابن الأميرة · 05-03-2007, 08:32

أما بالنسبة للإجابة عى الرقم (2) الله يسلمك من كل شر وسوء وفتنه والجميع آمين دخلت علينا القنوات الفضائية الدامره للأخلاق والتربية والنشئه الصحيحه والله ما حلفتيني أعرف ناس معرفه تامه لديهم القنوات الفضائية يتكلمون عن القنوات الإباحية المحرمه وهم أطفال والله انصدمت من كلامهم وفيه أمور ما كنت أعرفها يتكلمون فيها أول ما استنقدت أبوهم اللي تارك الحبل على الغالب .
سبحان الله يتكلمون عليه وإذا طلبوا شيء غصب عنه ينفذه.
================================================== =============
أما قصتي كنت صغير تقريباً من (17) سنة كان عمري (12)سنة كنت ألعب مع عيال الحاره كوره بعد صلاة المغرب أمام منزلنا .
ويمر واحد معه سيارة جيب وسأل وين السوق الفلاني وأنا على نياتي مفكر كل الناس طيبين ومشكلتي ما أعرف أوصف لكن أدل السوق .
قلت قريب. قال : ما أعرف وينه وش رايك يا شاطر تركب معي توريني السوق وارجعك عند بيتكم.
قلت له (لا) العب كوره . الرجال شاف ما فيه فايده وينزل ويمسك بثوبي من قدام واتمسك في (عمود الإناره) العيال اللي معي كلهم راحوا لبيوتهم شوي ويطلع أبو جيرانا الرجال اللي ما سكني ركب سيارته وراح .
وأنا جلست أبكي عند (عمود الإناره) جاء جارنا قال ليش جالس ادخل بيتكم تراى يمكن يرد ويسرقك .
أنا خايف من أهلي أكثر من خوفي من صاحب السيارة اللي نوى يخطفني.
والحمد لله على السلامه وهذه رحمه من الله .

أحبكم جميعاً

إبن قاهرة أهلها · 05-03-2007, 09:52

الأخت الكريمة أميرة العفاف

شكرا لك على هذا الموضوع المهم

لا أعتقد أنه يوجد أحد منا إلى وقد تعرض في طفولته لموقف من هذه المواقف المرعبة والخطيرة، ولكنني لا أذكر أحدها الآن.

على أي حال أردت أن أعلق على الموضوع بشكل عام.

أعتقد أن المشكلة لا تكمن في التعرض لمثل هذه المواقف بقدر ما تكمن فيما تتركه من أثر نفسي على الطفل قد يدمر حياته كلها. فالطفل ليس لديه أي خبرة عن المناعة النفسية، أي أن أي مشكلة صغيرة قد يتعرض لها من الممكن أن تسبب له مشكلة نفسية كبرى، وإن لم يجد من يدعمه نفسيا أمام هذه المشكلة فقد يدمر ذلك نفسيته وحياته.
وهنا يأتي دور الأسرة، وللأسف الشديد جميعنا تربينا على الخوف من آبائنا بحيث أننا عندما نتعرض لمثل هذه المشاكل نخاف أن نقصها عليهم ونؤثر أن نكتمها في أنفسنا ومن هنا يبدأ الخطر.

قد تتعرض فتاة صغيرة مثلا لحادث اغتصاب بشع فتجد دعما نفسيا من أهلها يعينها ودعمها نفسيا على تخطي الحادثة فلا تؤثر عليها وتسير حياتها على خير ما يرام وكأنها لم تتعرض لحادثة بشعة.
بينما قد يتعرض طفل لموقف تافه مثل رؤية حيوان ميت مثلا، فيمتلئ قلبه بالخوف. ولأنه يخشى أن يبوح لأهله بمصدر خوفه هذا فقد يكبر ويكبر الخوف معه فيصبح في النهاية إنسان جبان أو معقد نفسيا بسبب هذه الحادثة التافهة، والسبب الحقيقي هو أنه لم يجد دعما نفسيا ممن حوله.

لذلك يجب على الأباء أن يهدموا حواجز الخوف بينهم وبين أبناءهم بحيث أن الطفل إذا ما تعرض إلى أي شئ يسبب له ألم نفسي يذهب إليهم ويقصه عليهم فيوجهنه ويدعمونه لتخطي الموقف.

متزوج وطفشان · 05-03-2007, 10:13

يعطيك العافيه أميرة العفاف

موضوع شيق وراقي يستاهل النقاش والتثبيت

تصدقين؟أول مره يشدني موضوع هنا

بارك الله فيك
سأعود لاحقآ

أميرة العفاف · 05-03-2007, 23:04

اقتباس:

المشاركة الأصلية كتبت بواسطة نادي الهلال

أما بالنسبة للإجابة عى الرقم (2) الله يسلمك من كل شر وسوء وفتنه والجميع آمين دخلت علينا القنوات الفضائية الدامره للأخلاق والتربية والنشئه الصحيحه والله ما حلفتيني أعرف ناس معرفه تامه لديهم القنوات الفضائية يتكلمون عن القنوات الإباحية المحرمه وهم أطفال والله انصدمت من كلامهم وفيه أمور ما كنت أعرفها يتكلمون فيها أول ما استنقدت أبوهم اللي تارك الحبل على الغالب .
سبحان الله يتكلمون عليه وإذا طلبوا شيء غصب عنه ينفذه.
================================================== =============
أما قصتي كنت صغير تقريباً من (17) سنة كان عمري (12)سنة كنت ألعب مع عيال الحاره كوره بعد صلاة المغرب أمام منزلنا .
ويمر واحد معه سيارة جيب وسأل وين السوق الفلاني وأنا على نياتي مفكر كل الناس طيبين ومشكلتي ما أعرف أوصف لكن أدل السوق .
قلت قريب. قال : ما أعرف وينه وش رايك يا شاطر تركب معي توريني السوق وارجعك عند بيتكم.
قلت له (لا) العب كوره . الرجال شاف ما فيه فايده وينزل ويمسك بثوبي من قدام واتمسك في (عمود الإناره) العيال اللي معي كلهم راحوا لبيوتهم شوي ويطلع أبو جيرانا الرجال اللي ما سكني ركب سيارته وراح .
وأنا جلست أبكي عند (عمود الإناره) جاء جارنا قال ليش جالس ادخل بيتكم تراى يمكن يرد ويسرقك .
أنا خايف من أهلي أكثر من خوفي من صاحب السيارة اللي نوى يخطفني.
والحمد لله على السلامه وهذه رحمه من الله .

أحبكم جميعاً

أولا أخوي الحمد لله على سلامتك ..سمعت مرة موقف مشابه لطفل في فريجنااا ..ومن يومهااا حذرت جميع أطفاااااااال العائلة ..ما تركبون مع حد ..وما تخلون حد يلمسكم ..وحفظناهم أرقام تلفوناتنا ..
بس الأهم من كل هذااكيف نخليهم يصارحونا باللي يمر عليهم ؟؟وما يصيرون مثلنا ..وما يخافون ..

ثانيااا ..فعلا اللوم في هذي الحالة على الأب ..كيف يدخل هذي القنوااات في بيته ..والمصيبة لو قال ما يدري ..

الله يرحم أيااامنااا ..
البيت ما فيه غير تلفزيووون واحد ..وثلاث أو أربع قنوات ..كلنا نتجمع عليه مع بعض ..وما صارت الساعة 12 إلا كل القنوااااااات وشششششششش ...

اليوم تلفزيون لغرفة البنات وتلفزيون للأولاد ..وتلفزيون للصالة اللي فوق وتلفزيون للصالة اللي تحت ..وتلفزيون لغرفة النوم الرئيسية ..وتلفزيون في المجلس وتلفزيون في غرفة الخادمة يعني اكثر من عدد أفراد الأسرة ..

أميرة العفاف · 05-03-2007, 23:15

اقتباس:

المشاركة الأصلية كتبت بواسطة إبن قاهرة أهلها

الأخت الكريمة أميرة العفاف

وهنا يأتي دور الأسرة، وللأسف الشديد جميعنا تربينا على الخوف من آبائنا بحيث أننا عندما نتعرض لمثل هذه المشاكل نخاف أن نقصها عليهم ونؤثر أن نكتمها في أنفسنا ومن هنا يبدأ الخطر.
قد تتعرض فتاة صغيرة مثلا لحادث اغتصاب بشع فتجد دعما نفسيا من أهلها يعينها ودعمها نفسيا على تخطي الحادثة فلا تؤثر عليها وتسير حياتها على خير ما يرام وكأنها لم تتعرض لحادثة بشعة.
بينما قد يتعرض طفل لموقف تافه مثل رؤية حيوان ميت مثلا، فيمتلئ قلبه بالخوف. ولأنه يخشى أن يبوح لأهله بمصدر خوفه هذا فقد يكبر ويكبر الخوف معه فيصبح في النهاية إنسان جبان أو معقد نفسيا بسبب هذه الحادثة التافهة، والسبب الحقيقي هو أنه لم يجد دعما نفسيا ممن حوله.
لذلك يجب على الأباء أن يهدموا حواجز الخوف بينهم وبين أبناءهم بحيث أن الطفل إذا ما تعرض إلى أي شئ يسبب له ألم نفسي يذهب إليهم ويقصه عليهم فيوجهنه ويدعمونه لتخطي الموقف.

صحيح كلامك أخي الكريم ..100%
للأسف الدعم الأسري غائب تماما عن مجتمعاتناا ..
وأنا أيضااا ما ألوم أبائنااا لأنهم في الغالب تربوا هم أيضااا في ظل الخوف ..
يعني أجدادنااا ..يمشونهم بكفوف على أقل شيء وظروف حياتهم الصعبة اللي مروا فيهاا من فقر ومصاعب وعيشة القرى والصحاري خلتهم في كثير من الأحيااان يستخفون بنا نحن الأبنااااء ..
لكن الدور القادم والثقل الكبير على الآبااااء الجدد ..أو الجيل الحااالي لأن القادم أصعب بكثييير ..

وكلامك ذكرني بموقف ..
أنا من صغري وحتى يومي هذااا ..اخاااف خوف شديد من الصرصور ..لدرجة لو شفت صورة صرصور في كتاب او مجلة ..ما أقدر اجتمع أنا والمجلة في نفس المكااااان ..
في هذي الحالة ..كانوا يوبخوننااا بأننا خوافين وهو ما شاء الله عاشوا بين العقارب والثعابين ..وكان هذا يزيدنا خوف فوق خوفنااا ... يعني بمعنى آخر ما ينزلون لمستوى تفكيرناااا ..بالعكس تماما ..يرتفعون لمستوى العقارب والثعابين اللي خطرها أشد من الصرصور ..

أميرة العفاف · 05-03-2007, 23:17

اقتباس:

المشاركة الأصلية كتبت بواسطة متزوج وطفشان

يعطيك العافيه أميرة العفاف
موضوع شيق وراقي يستاهل النقاش والتثبيت
تصدقين؟أول مره يشدني موضوع هنا
بارك الله فيك
سأعود لاحقآ

الله يعافيك أخوي ..
وننتظر عودتك ..بما يفيدناااا ..

أميرة العفاف · 05-03-2007, 23:42

في يوم من الأياااام فكرت أسوي تجربة ,,بغيت أعرف إذا في فتن حول عيالنا ولالا ,,

رحت لولد أخوي اللي عمره 11 سنة ..

قعدت ألعب معااااه شوي بلاي ستيشن ..وما فهمت شيء قلت فهمني ..فهمني ..وما فهمت بس سويت نفسي فاهمة ..وقمت ألعب بحماااااااس ..بعدين قلت له تصدق يا أحمد ..
أتمنى تكبر بسرعة ..ويصير عمرك 18 سنة ..

قال ليش يا عمتي ..

قلت أبغي أسااافر معاااااااااك ..وأروح أنا وأنت مكة ..ونعتمر ..شور ايك ؟؟

قال ليش ما نروح الحين ..

قلت له أنت صغير ..ومب بالغ ..لما تبلغ تصير لي محرم ..
هني بدا يعطيني الثقة شوي ..
وقال لي ..وقال كيف البلوووغ ..

طبعا أنا ما تطرقت إلا لشيء بسيط اللي هو ..غلظة الصوت ..وظهور الشعر على الوجه والجسم فقط ..

المهم اخذنا في الكلام وبديت ألقى معاااه تجاوب اكثر ..(( طبعا كل الكلام هذاا واحنا نلعب ))

قلت له شو رايك نصير ربع من اليووم وراااااايح ..
أسراري عندك وأسرارك عندي ..
قال لي زين ..بس انا ما عندي أسرااااااار ..

قلت حتى أنا بس لما أكون زعلانة من أحد بشتكي لك ..وإنت نفس الشيء ..

وشوية مزحااات وصرت أنا ولد بعمره ..وقام يناديني باسمي ..قلت قول عمتي ..
قال ما في ولد يقول لربيعه يا عمتي ..

قلت ما في ولد يخش أسراره من أعز ربعة ..

هني الولد خررر على طووول وحصلت منه سرييييييييين ..

السر الأول ..
قام يشتكي من امه وأبوه ..وكان سر مهم بصراحة ..المسكين هم في قلبه ..ومحد يسمع له ..

والسر الثااااني وهذا الأخطر ..
قال تعرفين يا فلانة ..(( عاد صرنا ربع وشلنا الكلفة ))
في ولد معاااي بالمدرسة ..
الإستاااذ لما يشرح الدرس ..في حصة الكمبيوتر ..
هو فاتح على الشااات ..
قلت شو الشااااااااات ( قال هذا برنامج ..لكذا وكذا ))
قلت زين وبعدين ..

قال الولد كل يوم يغير أسمه ..ويسوي نفسه مرة رجل .ويغازل البنااات
ومرة يسوي نفسه بنت ويغازل الشبااااااااب ..

قلت له كم عمره ..؟؟
قال كبري وفي نفس الصف ..قلت يعني 11 سنة ..قال هيه ..
قلت وبعد شوي يسوووي .؟؟.
قال يتبادل معاهم صور وملفاااااااات ..

قلت الإستاذ يدري ..
قال لا الإستاااذ ما يتحرك من مكااانه ..الأولاد لاعبين لعوبهم من ورااا الشاشاااااات ..
وهني بديت اعطيه بعض النصااائح ..بطريقة غير مباشرة ..
يعني أنت راضي عن اللي يسويه ..يقول لا ..هذا كذااااااب ..يكذب على الناااس ..
واحنا يا احمد ما نحب الكذااابين صح ..
صح
وما نسوي مثل ما يسووون ..لأن ممكن يجي احد ويخدعنا أحنااا ويسوي نفس الشيء مع خواتنااا صح ..
قال هيه عمتي أنا ما احبه ولا أحب أمشي معااااااه .

وإن شاء الله الله يهدي أطفااال المسلمين يااارب ويبعدهم عن طريق الضياااااع ..ومازلنااا أنا وأحمد اصدقااء ..ويفشي لي بين فترة وفترة عن بعض أسراره وأحلامه الطفولية ..
----------------------------
لكن أهم شيء اخواني إذا وجدنا الطفل يتكلم بكلااااااام يدعو للغضب الشديد إننا نمسك أنفسنااا بالغصب حتى يشعر بالأماااان ويعيد الكره مرة ثانية ويصارحناا وحتى نجعلهم أفضل منااا ..

وللحديث بقية ... إن شاء الله

ابن الأميرة · 06-03-2007, 01:35

اقتباس:

المشاركة الأصلية كتبت بواسطة أميرة العفاف

في يوم من الأياااام فكرت أسوي تجربة ,,بغيت أعرف إذا في فتن حول عيالنا ولالا ,,
رحت لولد أخوي اللي عمره 11 سنة ..
قعدت ألعب معااااه شوي بلاي ستيشن ..وما فهمت شيء قلت فهمني ..فهمني ..وما فهمت بس سويت نفسي فاهمة ..وقمت ألعب بحماااااااس ..بعدين قلت له تصدق يا أحمد ..
أتمنى تكبر بسرعة ..ويصير عمرك 18 سنة ..
قال ليش يا عمتي ..
قلت أبغي أسااافر معاااااااااك ..وأروح أنا وأنت مكة ..ونعتمر ..شور ايك ؟؟
قال ليش ما نروح الحين ..
قلت له أنت صغير ..ومب بالغ ..لما تبلغ تصير لي محرم ..
هني بدا يعطيني الثقة شوي ..
وقال لي ..وقال كيف البلوووغ ..
طبعا أنا ما تطرقت إلا لشيء بسيط اللي هو ..غلظة الصوت ..وظهور الشعر على الوجه والجسم فقط ..
المهم اخذنا في الكلام وبديت ألقى معاااه تجاوب اكثر ..(( طبعا كل الكلام هذاا واحنا نلعب ))
قلت له شو رايك نصير ربع من اليووم وراااااايح ..
أسراري عندك وأسرارك عندي ..
قال لي زين ..بس انا ما عندي أسرااااااار ..
قلت حتى أنا بس لما أكون زعلانة من أحد بشتكي لك ..وإنت نفس الشيء ..
وشوية مزحااات وصرت أنا ولد بعمره ..وقام يناديني باسمي ..قلت قول عمتي ..
قال ما في ولد يقول لربيعه يا عمتي ..
قلت ما في ولد يخش أسراره من أعز ربعة ..
هني الولد خررر على طووول وحصلت منه سرييييييييين ..
السر الأول ..
قام يشتكي من امه وأبوه ..وكان سر مهم بصراحة ..المسكين هم في قلبه ..ومحد يسمع له ..
والسر الثااااني وهذا الأخطر ..
قال تعرفين يا فلانة ..(( عاد صرنا ربع وشلنا الكلفة ))
في ولد معاااي بالمدرسة ..
الإستاااذ لما يشرح الدرس ..في حصة الكمبيوتر ..
هو فاتح على الشااات ..
قلت شو الشااااااااات ( قال هذا برنامج ..لكذا وكذا ))
قلت زين وبعدين ..
قال الولد كل يوم يغير أسمه ..ويسوي نفسه مرة رجل .ويغازل البنااات
ومرة يسوي نفسه بنت ويغازل الشبااااااااب ..
قلت له كم عمره ..؟؟
قال كبري وفي نفس الصف ..قلت يعني 11 سنة ..قال هيه ..
قلت وبعد شوي يسوووي .؟؟.
قال يتبادل معاهم صور وملفاااااااات ..
قلت الإستاذ يدري ..
قال لا الإستاااذ ما يتحرك من مكااانه ..الأولاد لاعبين لعوبهم من ورااا الشاشاااااات ..
وهني بديت اعطيه بعض النصااائح ..بطريقة غير مباشرة ..
يعني أنت راضي عن اللي يسويه ..يقول لا ..هذا كذااااااب ..يكذب على الناااس ..
واحنا يا احمد ما نحب الكذااابين صح ..
صح
وما نسوي مثل ما يسووون ..لأن ممكن يجي احد ويخدعنا أحنااا ويسوي نفس الشيء مع خواتنااا صح ..
قال هيه عمتي أنا ما احبه ولا أحب أمشي معااااااه .
وإن شاء الله الله يهدي أطفااال المسلمين يااارب ويبعدهم عن طريق الضياااااع ..ومازلنااا أنا وأحمد اصدقااء ..ويفشي لي بين فترة وفترة عن بعض أسراره وأحلامه الطفولية ..
----------------------------
لكن أهم شيء اخواني إذا وجدنا الطفل يتكلم بكلااااااام يدعو للغضب الشديد إننا نمسك أنفسنااا بالغصب حتى يشعر بالأماااان ويعيد الكره مرة ثانية ويصارحناا وحتى نجعلهم أفضل منااا ..
وللحديث بقية ... إن شاء الله

ما شاء الله أختي أميرة العفاف على طيبة قلبك ونزولك لمستوى ولد أخوك الله يخليه لكم ويصلحه ويهديه آمين .
وطريقة دخولك الغير مباشر له في الموضوع وفعلاً أتت بنتيجة خطيره وممكن لا قدر الله لو أُهمل ولد أخوك احتمال يسري مسراهم حتى أنكِ لاحظتي تفاعله معكِ.
بصراحه فعلاً المصارحه مع الأولاد والنزول إلى مستوياتهم له دور كبير ألاحظ بعض الناس الطفل قله ما يخليه يجلس مع الرجاجيل ودائماً يتكلم عليه أمام الحاضرين وبصراحة أتضايق جداً من الأسلوب الجاف ( غالباً في مجتمعنا الطفل يُفشل ما يجلس) كذا تبني حاجز بينك وبين الطفل ويحس في نفسه ضيقه يبغى ينفس عنها ويخاف يكلم والده ويعصب عليه كذا رويداً رويدا ويبدأ انحراف أبنائنا ويبدأ أصحاب القلوب الضعيفة المتدنية بالحنان له وحل مشاكله وإعطائه ما يريد وبعدها لا ينفع الندم. في ضياع ابنك بماذاا .........!!!!!!!!!! مفتوح المجال لأمور يشيب لها الرأس .
هذه وجهة نظري
.

أحبكم جميعاً

الحـ ـ ـلم القريب · 06-03-2007, 02:23

اختي اميرة العفاف موضوووعك في غااااية الروووووعه ..

يستحق التثبيت
لي عوده للمشاركه بإذن الله ..

أميرة العفاف · 06-03-2007, 15:18

اقتباس:

المشاركة الأصلية كتبت بواسطة نادي الهلال

ما شاء الله أختي أميرة العفاف على طيبة قلبك ونزولك لمستوى ولد أخوك الله يخليه لكم ويصلحه ويهديه آمين .
وطريقة دخولك الغير مباشر له في الموضوع وفعلاً أتت بنتيجة خطيره وممكن لا قدر الله لو أُهمل ولد أخوك احتمال يسري مسراهم حتى أنكِ لاحظتي تفاعله معكِ.
بصراحه فعلاً المصارحه مع الأولاد والنزول إلى مستوياتهم له دور كبير ألاحظ بعض الناس الطفل قله ما يخليه يجلس مع الرجاجيل ودائماً يتكلم عليه أمام الحاضرين وبصراحة أتضايق جداً من الأسلوب الجاف ( غالباً في مجتمعنا الطفل يُفشل ما يجلس) كذا تبني حاجز بينك وبين الطفل ويحس في نفسه ضيقه يبغى ينفس عنها ويخاف يكلم والده ويعصب عليه كذا رويداً رويدا ويبدأ انحراف أبنائنا ويبدأ أصحاب القلوب الضعيفة المتدنية بالحنان له وحل مشاكله وإعطائه ما يريد وبعدها لا ينفع الندم. في ضياع ابنك بماذاا .........!!!!!!!!!! مفتوح المجال لأمور يشيب لها الرأس .
هذه وجهة نظري
.

أحبكم جميعاً

مشكووووور اخوي ( نادي الهلا ل ) على المداخله ..
وفعلا هذه الطريقة ناحجة ووجدت أثرهاا على أكثر من طفل ..
يعني مع أبنااء صديقاتي وأخواني واخواتي ..

كل إنساااان له مفتاااح يفتح القفل اللي على قلبه ..
والشاطر اللي يكتشف أي المفاتيح الصحيحة ..

كل أنسااان له ميول وهوايات معينه يحبهااا ..
يعني أحمد مدمن بلايستيشن + الكمبيوتر وبرامجه ..
وأنا دخلت له من هذاا الباااااااب ..

مرة اعتمد عليه وأقول سوو لي توقيع ..ومرة أقوله له علمني على الفوتوشوب ..
وصار كلما يشوفني ..يقول لي تعالي بعلمك تسوين توقيع ..
وأحيااانا لما أكون مشغووولة عنه ..
أقول ما خلق ألحين ..
ألقااااه راااح وسووى توقيع وخزنه عندي في الكمبيوتر ويقول لي بعدين شوفيه ..
----------------------------------------
الموضووع اللي تطرقت له ..عن الأولاد في المجاالس ..

لما يجووون الرجال للمجلس ..يكون غالبا في توصيات على الأم ..
اليهال ما يدخلون المجلس ..
وإذا دخل الولد ..
أسكت يا فلان ..ما تشوف الكبار يتكلمون ..
أو بعد ما يروحون الضيوف ..فشلتنا ليش قلت كذا كذا ..
--------------------------------
الطفل طول عمره عايش عندنااااا صغير ..ولما يصير مراهق هو صغير ولما يصير شاااب هو صغير ..ولما ما يعرف يصب القهوة للضيووف ..
فجأة صاااار كبيررر ..وما يعرف للذوق والأدب ..
------------

أميرة العفاف · 06-03-2007, 15:21

اقتباس:

المشاركة الأصلية كتبت بواسطة دموع الورد

اختي اميرة العفاف موضوووعك في غااااية الروووووعه ..
يستحق التثبيت
لي عوده للمشاركه بإذن الله ..

جزاك الله خيرا أختي الكريمة ..على التثبيت ..
وننتظر ومشاركتك في الموضوع ..يا الغالية ..

مووووج 2 · 07-03-2007, 18:12

موضوع رائع اميرة العفاف

وكثير منا تعرض لمثل هذه المواقف ولكن الحمد الله لاتتعدى كونها محاولات من نفوس شريرة

والاطفال لاذنب لهم وان حصل لهم اي من هذه التحرشات سواء برضاهم او رغما عنهم فهو بسبب والديهم وهم يتحملون مسؤلية اهمالهم كامله

الله يعطيك العافيه

أميرة العفاف · 09-03-2007, 02:05

جزاك الله خيرا على مرورك الكريم( مووووج2)
صحيح الحمد لله إنها جميعهاا كانت محاولات باءت بالفشل ..
والله يكون بعون ضحايا هذه المحاولات ..

وفعلا يقع اللوم الأكبر على الآباااء ..
لأن آباااء الماضي شدو الحبل بقوة ..وآباااء الحاضر أرخو الحبل تماااااما ..وتفسيرهم في ذلك ..
ما بنحرم عيالناا مثل ما انحرمنااا ..

سنيورة2006 · 13-03-2007, 02:29

مشكورة حبيبتي اميرة ويعطيج العافيه فعلا نحتاج هالمواضيع في حياتنا ماقصرتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أنا والوردة الحمراء ..عندكم مواقف مشابهه ..تفضلوا نتناقش