عالم الحياة الزوجية - منتدى

اموت ولاتنهان ديرتي · 12-03-2007, 02:11

زوجتي هي بنت خالتي ونعرف بعض من يوم كنا صغار

وانا يوم خطبتها وافقت باصرار من امها وامي

وامها كانت تعرف انها تريد اخوي بس تقول انا موظف وجاهز واخوي كان لسى طالب في الجامعه
اول ماتزوجت كانت زوجتي دايما تمدح اخوي وتحاول نطلع مشاورينا مع بعض وانا كنت نايم ماعرفت قصدها

بعد اول مشكله صارت بيننا صارحتني انها ماتريدني وانها تحب اخوي اللي اصغر مني
انا صفعتها كف على وجهها ورحت نمت

في اليوم الثاني جيت واعتذرت منها وقلت يمكن الكلام اللي قالته علشان المشكله وتغاضيت عنها

بس اكتشفت انها على علاقه باخوي في الجوال

انا طفح معي الكيل وكان ودي اطلقها بس عندي منها بنت واخاف تتشرد

وسالفتنا انتشرت في جميع العائله وامي وخواتي يقولون لي طلقها خلها تاخذ اخوي

واخوي يحلف بالله انه مايخذها الا اذا انا كنت راضي

وانا فيني زي المرض النفسي من عقب هالسالفه لاقادر اكل ولا اشرب ولا اتهنى في نومي

بالله عليكم ارشدوني وشو الحل معاها

دانة أهلها · 12-03-2007, 02:23

لاحول ولا قوة الا باالله العلي العظيم اخوي مشكلتك صعبه جداً ..انت في دوامه
بين زوجتك واخوك وبنتك واهلك ..والأهم من كل هذا كرامتك ورجولتك وكبريائك..
الله يساعدك اخوي ويلهمك الصبر وطولت البال ..كل اللي ارجوه منك اخوي
عدم التسرع والتريث ..والأكثار من الصدقه وقراءة القران لتهدئة اعصابك
لأنك ماتقدر تحل المشكله وانت بها الحال ..انت رجال خلك قوي وواجه المشكله
بكل قوه وشجاعه ولا تخلي ابليس يلعب في راسك ..ترى ايليس شاطر في تفريق
الزوج من زوجته والأخ من اخوه ..والغلط كل الغلط على زوجتك ليش تقبل
فيك وهي تحب أخوك المفروض لو قطعوها اهلها ماتقبل ..المهم اخوي لي
عوده لموضوعك ولكن أستأذنك لحظااات ..

كلمات لها معنى · 12-03-2007, 02:29

الله يعينك اخوي على ما ابتلاك 00000000انصحك فكر بجد بالانفصال لانو رحمه بيكون في حالتك 0000وبالنسبه لزواجها من اخوك ابد لا توافق لانو ر اح تعيش في جحيم طول عمرك 00000 اخوك لازم ما تخسره ابد لانو الاخ صعب يتعوض اما الزوجه بدالها الف 0000والطلاق ما انوجد في هالحياه الا لانه ممكن يكون من افضل الحلول 00000
وبالنسبه لبنتك مراح تضيع اذا كنت بتربيها التربيه الصحيحه 0
والله يوفقك

روآآبي · 12-03-2007, 02:32

اقتباس:

كل اللي ارجوه منك اخوي
عدم التسرع والتريث ..والأكثار من الصدقه وقراءة القران لتهدئة اعصابك
لأنك ماتقدر تحل المشكله وانت بها الحال

حاليا ماقدر اقول افضل من هالنصيحه ,,,الله يعينك ويثبتك عالصواب

اموت ولاتنهان ديرتي · 12-03-2007, 02:33

دانة اهلها يعطيك ربي الف عافيه على ردك على موضوعي وانا ماراح اقصر في حق ربي ولاني متسرع في طلاقها

اسيرة همي · 12-03-2007, 02:34

السلام عليكم

اقتباس:

وامها كانت تعرف انها تريد اخوي بس تقول انا موظف وجاهز واخوي كان لسى طالب في الجامعه

هنا بداية المشكله...الام اللي ماعترفت بمشاعر بنتها...والبنت مسكينه قلبها يملكه اخوك...والخطأ خطأ الام يوم تجاهلت هالنقطه وزوجت بنتها لاخو الشاب اللي تحبه
بقولك شي اخوي....الماضي شي والحاضر شي ثاني....فاذا كان الله سبحانه يسامح فمن نكون احنا عشان مانسامح؟؟؟
بس زوجتك غلطانه لانها استمرت بعلاقتها بعد زواجها....كانت تقدر تتجاهل الماضي وتبني حاضر مشرق الى مستقبل اروع
هنا انت لازم تتخذ موقف حازم معها....وتبين لها انك انت بما انك ولد خالتها وبينكم بنت فانت راح تحترم قراراها
وتخيرها بين بقاء معك من غير خيانه...وتسامحها خاصه ان كانت راح تتوب
او تطلقها واخوك عليه بالعافيه في حال رفضت البقاء معك
بالنهايه وشتبي بزوجه ماتبيك؟؟؟او زوجه متزوجتك غصب وتخونك من ورى ظهرك؟؟
وهل تقدر تعيش معها وانت عارف انها تفضل اخوك عليك؟؟وهل تقدر بعدها تطلع من بيتك وانت واثق ان ولاشي بيصير بينها وبين اخوك؟؟
برأيي الشخصي....لاتعاقب زوجتك بسبب خطأ امها
خيرها بين الطلاق والبقاء مع مراعاة الاخلاص في العلاقه
وريح حالك....ولاتخسر اخوك.....صح ان اخوك غلطان...لكن ترى كذا هي مشاكل القلب توهق الواحد
صير انت انبلهم....واذا الطلاق يسعد زوجتك واخوك فنفذه...وترى بنتك ماراح تتشرد...من بيت ابوها لعمها
واذا زوجتك تبيك لاتطلقها...وتذكر دايم ان الله العظيم يسامح...فليش احنا مانسامح
ان كان الخطأ بيظل بالماضي فانساه....اما ان كانت الاخت راح تستمر فيه فمن اللحين اقولك ريح نفسك منها
وبالنهايه استخير

اموت ولاتنهان ديرتي · 12-03-2007, 02:35

كلمات لها معنى انا احس ان اخوي يبيها بس يخاف على مشاعري

والله ماني عارف ايش اسوي

والله يجزاك خير

اموت ولاتنهان ديرتي · 12-03-2007, 02:37

شجون مشكوره اختي على ردك والله يجزاك خير

كلمات لها معنى · 12-03-2007, 02:38

لا اخوي اعترض على هالزواج لانو راح يفصلك عن اخوك غصب 000000
واذا كان اخوك اخوك بجد 0000000000والله راح يتركها ويترك حريم الدنيا كلها عشانك

اموت ولاتنهان ديرتي · 12-03-2007, 02:39

اسيرة همي الله يجزاك خير

انا ما اقدر اتخذ اي قرار في الوقت الحالي زوجتي عند اهلها وما اقدر اكلمها ولا ابي اسمع صوتها

يمكن مع الوقت يتغير وضعي

دانة أهلها · 12-03-2007, 02:40

اسمع أخوي لاتفكر في الأنفصال حالياً ..أول شي حاول تحتوي زوجتك وتبعدها
قدرالأمكان عن رؤية أخوك تماماً ..يعني اذا كنتوا ساكنين سوا أطلع في شقه
منفصله ..أو ياحبذا تطلب نقل وظيفتك في منطقه بعيده اشوي ..تكون بعيد
أنت وأهي عن كل الضغوطات ..وعاملها بالحسنى وأغفر لها مابدا منها وخليها
تشوفك وتكتشف حسناتك ..لأنها غالباً من أول ماتزوجتوا وهي تناظر اخوك
ولا حاولت تحبك ..خليها تحبك يمكن يكون حبها لأخوك حب مراهقه وتعلق لا
أكثر خلها تكتشف الحب الحقيقي معاك ..ولا تخليها تجي عند اهلك مهما كان
السبب واذا على امك وابوك خلهم هم يزورونك ..وأتمنى أن الله يهدي بالك
ويسعدك مع زوجتك ..

اموت ولاتنهان ديرتي · 12-03-2007, 02:42

اقتباس:

المشاركة الأصلية كتبت بواسطة كلمات لها معنى

لا اخوي اعترض على هالزواج لانو راح يفصلك عن اخوك غصب 000000
واذا كان اخوك اخوك بجد 0000000000والله راح يتركها ويترك حريم الدنيا كلها عشانك

حتى لو اعترضت العايله كلها بيوقفون ضدي وبيقولون عني اناني

بنت الدموع · 12-03-2007, 02:50

الله يعينك على ما إبتلاك ...
أخوي أذا زوجتك بدها أخوك و أخوك رايدها ... طلقها و خلي أخوك يتزوجها ...
لأن إذا هي بتحبه و لما تزوجتك وجابت بنت ما نسيته رأيك بتنساه بعد كل هاد مستحيل
و مين قال إن أخوك لما يتزوجها بيقطع علاقته فيك ... ما أتوقع ...
يمكن أخوك لما توافق تخليه يتزوجها يزيد إحترامه إلك و يقدر الشي إلي عملته ..
بس إذا ما وافقت يمكن يفكر إنك حرمته منها و هي معك و حتحرمه منها وهي مو معك ..
و وقتها يمكن يقطع علاقته فيك ...

و لا تخاف ...بنتك ما حتتشرد ... حتكون معك .. أو في بيت عمها ...

و عموما إنت فكر بالموضوع بعقلانيه ... ما تفكر بشكل عاطفي أو بمنطق الإنتقام ..

الله يساعدك

امرأه وبس · 12-03-2007, 03:41

أخي الكريم أنا أنصحك انك تتركها لأنها بصراحه لاتستحقك .... امرأه مثلها لاتستطيع

ان تتحكم في رغباتها وشهواتها لا تستحق ان تكون زوجه ولا أم ...

والمشكله ان العائله عندكم لم تنكر سلوكها المنحرف بل شجعتها على هذا السلوك

المشين فما كانت ردت فعلهم غير طلقها وخلها لأخوك ...؟؟

بصراحه حتى عائلتك اسمح لي تصرفهم شاذ ويدل على جهلهم ...

أنا أنصحك أخي الكريم أن تفوض أمرك لله ....

وبصراحه لو كنت مكانك كان ماخليتها على كيفها كان تزوجزت عليها وخليتها كم سنه

معلقه علشان تعرف ان الله حق ...

أخي الكريم أنصحك تحسن الاختيار في المره القادمه وتختار الزوجه الصالحه اللتي لن

يهمها سوى سعادتك ورضاك اللتي تخاف الله فيك ...

black woman · 12-03-2007, 04:26

مرحبا اخوي

انا انصح انك تطلقها خوفا عليها من الحرام والخطا
اذا هي ما تبيك طلقها اكرام النفس هواها
اذا انت خايف ان بنتك تتشرد انا اقول انها تعيش بين ام واب مطلقين افضل من انها تعيش بين ام واب على خلاف داااااائم هذا افضل لها نفسيا

اما امساك بمعروف او تسريح باحسان

هذا رايي ووجهه نظري

سلامي لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجتي تريد اخوي