عالم الحياة الزوجية - منتدى

شوق السحاب · 15-03-2007, 04:01

السلاحف عليكم
قريت هذي القصة وبصراحة ضحكت عليها وعجبتني فحبيت انكم تقرونها وتشاركوني فيها واهيه قصة حقيقية عن زواج بنت...... وبقولكم قصة زواجها الغريبة
هذي البنت سلمكم الله عندها خوات اكبر منها واصغر منها واهيه توها متخرجة من الثانوية المهم بيت هذي البنت ماعندهم خدامة فعاد كل يوم الدور على وحدة من البنات تطبخ وبعدين اتقط الزبالة عند باب البيت فوصل دور البنت اللي اتكلم عنها كانت سهرانة مع خواتها لي الساعة 2 الصبح وبعدها كل وحدة من خواتها راحت لغرفتها ونامت واهيه راحت اتكمل تنظيف المطبخ وتشطب عليه وقامت وطلعت برة عشان اتقط الزبالة عند الباب ....المهم قالت البنت انا ليش ما اتشجع واحطها بالزبالة وطلعت بره بالشارع وكان فاضي ما فيه احد وكانت الساعة حوالي ثنتين ونص المهم يوم راحت اتقط الزبالة واوصلت عندها قفل باب بيتهم البنت اتوهقت فقالت ليش ما ادق جرس بيتنا ويفتحون لي الباب بس كانت خايفة لأن ابوها نايم وهو من النوع الشديد فخافت لا يزفها وطلعت بالشارع ما عليها الا بجامتها مالت البيت المهم حست ان في صوت قرب .......صوت سيارة !!قامت المسكينة اقلبت الزبالة وفضتها وانخشت فيها مع ريحة الزبالة اللي تقطع القلب المهم كان اللي بالسيارة ولد جيرانهم كان توه راد من القهوة مع ربعة وطلع المفتاح عشان يدخل البيت جان يشوف الزبالة اتحرك ؟؟؟؟؟راح عند الزبالة واستغرب انها مقوبلة جان يقوم يبي يعدلها ولا اهني ما سمع الا صراخ البنت!!!!!!شالسالفة جان تقول: لا لا لا لا لا لا جان يقول: بسم الله الرحمن الرحيم..... قول اعوذ برب الناس
انتي انس ولا جن جان اتقول: والله والله انس جان يقولها: شيايبج اهني وقصت له البنت القصة كلها واهيه متغطية بالزبالة واترجت الولد ان يساعدها قال خلاص ولايهمج راح اساعدج وفعلا راح وقف سيارته جدام الباب وركب فوق السيارة ونقز داخل البيت وفتح الباب حق البنت من داخل البيت وقالها: دخلي بسرعة لا احد يشوفج البنت صدقت وراحت وقطت الزبالة وطلعت جدام ولد جيرانهم
المهم دخلت وقفلت الباب على طووووول وولد الجيران واقف ما تحرك.....يطالعها المهم ما مر على السالفة يومين الا وهو متقدم لها وخطبها واتزوجهاهههههههههههههههه والله قصة زواج غريييييبة وعلى فكرة ترى هذي السالفة صجية وصارت بالفعل ................فعلا اللي يعيش يشوووووف

'Taghrid · 15-03-2007, 04:33

يعني ما تعجبو بنت جيرانه الا عند ما تلطخت بالقمامه هههههههههههههههههههههههههههههههههههه

~ ريناس ~ · 15-03-2007, 09:32

ههههههههههههههه
انقلب السالفه من الزباله الى زواج

BANDAAR · 16-03-2007, 01:34

ههههههههههههههههههههههههههههه

نصيبهاا سبحان الله

يسلموو على الموضووع القميييل

شوق السحاب · 16-03-2007, 03:09

مشكورين على الردود واحد واحد
بس ياحسرة نصكم مكتوب الاسم بالانجليزي
كنت بشكركم واحد واحد
لكن خفت اكتب الاسم غلط بعدين تزعلون وانا اتفشل

سالم الشرقيه · 16-03-2007, 10:44

هههههههههههههههههههههههه بندررر ههههههه انت كيف راح تكون زواجك؟

منيب هينة · 17-03-2007, 05:13

سبحان الله
والله فله ذولا ماشاء الله عليهم..بسسس
غريبه شففف السر لزباله سر جمعتهم وتوفيقهم
ههههههههههههه
الله يوفقهم يااااارب
ومشكوره حبيبتي على الموظوع الحلو

شوق السحاب · 18-03-2007, 02:02

منيب هينه
الف شكر على مرورك العطر
يسعدني تواجدك

سلطان2005 · 18-03-2007, 10:08

ما شاء الله

الله يوفقهم

شكرا على طرح الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصة زواج 00000000000000غريبة