عالم الحياة الزوجية - منتدى

قيس ابن الملوح · 17-03-2007, 22:14

الاخوات المطلقات والارامل والعوانس سؤال ؟ماذا سيستفيد الرجل المعدد من زواجه منك غير !!!!!!

ذكر لي زميل دراسة يقول في بريطانيا سألتني عجوز انجليزية ليش انتم تتزوجون اربع نساء والمرأه ما تقدر تتزوج اربعة رجال يقول رديت عليها طيب اذا تزوجت اربعة رجال وجاهم ولد من هو ابوه؟

انا عندي سؤال مشابه لسؤال المرأه الانجليزية الى حد كبير للاخوات ياليت اجد اجابة مقنعة منهم
كما واتمنى وياليت وعسى وارجو من الله تكون الاجابة منطقية :
ماذا سيتسفيد الرجل من زوجه من امرأة مطلقة ,عانس او ارملة؟؟

وطبعا لن اناقش ولا ارغب من احد ان يناقش من ناحية دينية فالتعدد حلال
ولا من ناحية اجتماعية او عدل او غيره من الاسطوانات المملة اللتي تتعذر بها كثير من الاخوات عندما يرفضن الزواج من رجل متزوج او معدد.
وطبعا لا تقولون سيحصل الرجل علي الجنس لانه شيئ مشترك بين الذكر والانثى ولا تنسون انه متزوج اصلا
وايضا راح تجيب له عيال لانه ايضا زي ماهم عياله سيكونون عيالها وعنده عيال من الزوجة الاولى
ولا تقولون انه سيلقى الحب والحنان لان اكثر المتزوجين ماهو ناقصهم حنان ورومانسية
والرجل في الاربعين غالبية سن المعددين ماهو ناقص حب زي المراهقين وخلاص شبع حب وزواج وعشرة نساء ؟
ولا تقولون ما حد قاله يتزوج لانه رد غبي وانتم الخسراني وعلى نفسها جنت براقش!! وعارفين القصة

اريد فقط شيئ يذكر مقابل تحمله اعباء اضافية للزوجة الجديدة؟

وياليت كل بنت تعطينا شيئ مميز غير مذكور من قبل اخت اخرى

وفي النهاية سنقيم الردود والمشاركات؟

وتحياتي لجميع الاخوه والاخوات ومشرفة المنتدى

الم الحرمان · 18-03-2007, 00:31

(( ماذا يستفيد الرجل من زواجه من مطلقه أو عانس أو أرمله ؟!!!!!! ))

لا تقولون ولا تناقشون من ناحية دينيه ولا اجتماعيه ولا جنسية ولا انجاب عيال ولا حب

ولا حنان ولا ولا..... ! قفلتها من كل النواحي أجل من أي ناحية نناقش ؟! ايش المقصود ؟

الله يعافيك لاتضحكني مالي نفس أضحك لا يكون غرض الرجل لما يتزوج من ثانيه وثالثه

ورابعه (وعاشره لو هو جائز ما قصر ) هو فقط انه يعف بنات المسلمين ويكسب الأجر

والثواب فيهم ويتجمل عليهم بس وهو ماله أي مصلحه ياحرام ؟!!!!!!! ياسبحان الله من

هالكلام ........ والله ياأخ اعترفت أو انكرت ما يتزوج إذا كان زي ما قلت مو ناقصه

شي مع المره الأولى إلا لمجرد التغيييييير والوناسه ولمصلحته الشخصيه البحته لأنه مل

من الأولى وتحديدا من الناحيه ( الجنسيه ) لنكون صريحين فحب يغير وبالذات لو كانت

صغيره وإيش يعني مطلقه أو أرمله المهم إنها أمرأه جديده بالنسبه له يستمتع معاها

ولو حصل له يتزوج بكر صغيره ما بيفكر بالمطلقه والأرمله والعانس ... يعني الزواج من

ثانيه وثالثه ورابعه بدون نقص من الأولى زي ماذكرت هوتغييييير ومتعه ووناسه للرجل

وماهمه أي شي ثاني لأن الرجل بطبعه أناااااااااااني وهذا باعتراف بعض الأخوه اللي

عندهم أمانه وموضوعيه في الكلام اعترفوا بهالشي .... هذا الواقع لاتنكره ولا تغيره

انت قلت تبغى الصراحه وهذي الصراحه ورأي الأغلبيه ولو فيه مجال كان ذكرت بعض

القصص اللي تأكد كلامي ....... وشكرا ً ارجوا عدم الزعل من الحقيقه والصراحه...

قيس ابن الملوح · 18-03-2007, 00:35

اختي اعطيني فائده واحده وخلي افكارك مرتبه وبدون عصبية
معليش خللي النقاش يكون ثقافي وهادف
وبعدين نشوف النتائج
اذا عندك رأي اكتبيه كموضوع ومستعدين نعلق كرجال
ارجو ان يتسع صدرك فقط لرأي الاخرين
تحياتي

والله تري المتعه والوناسة اللي تقولين عليها ما ارخصها الان ومن مطلقات وارامل وو

واللي يبي يتونس ما هو متزوج طال عمرك وان اخوك

الم الحرمان · 18-03-2007, 01:16

لا والله ما ني معصبه ولا شي ...... وكلامي واضح وافكاري مرتبه ........ بس ما عجبتك

لأنها صريحه ومنطقيه ......... وترى في بداية موضوعك قفلت النقاش من كل النواحي

إذا انت ملاحظ !! وعلى قولك المتعه ما ارخصها هالأيام .................صحيح بس فيه

رجال مهما كان عندهم خوف من الله ما يبون الحرام ويبون المتعه فما تجي الإ عن

طريق الزواج ......... وسلامتك

قيس ابن الملوح · 18-03-2007, 01:29

اقتباس:

المشاركة الأصلية كتبت بواسطة الم الحرمان

لا والله ما ني معصبه ولا شي ...... وكلامي واضح وافكاري مرتبه ........ بس ما عجبتك
لأنها صريحه ومنطقيه ......... وترى في بداية موضوعك قفلت النقاش من كل النواحي
إذا انت ملاحظ !! وعلى قولك المتعه ما ارخصها هالأيام .................صحيح بس فيه
رجال مهما كان عندهم خوف من الله ما يبون الحرام ويبون المتعه فما تجي الإ عن
طريق الزواج ......... وسلامتك

ياليت تعطيني نقاط

اكتبي لي ماهي الفائده

اكيد لايوجد لديك شيئ

تحياتي

غريبه اطباعي · 18-03-2007, 17:23

ياحبي لك الم حرمان

بصراحه اعجبتني الجمله اللي قلتي فيها
انه الاخ سكرها من جميع النواحي وين نناقش معه

بالفعل صادقه هذي اسباب منطقيه بحد ذاتها
شكله يبي يسمع شئ جديد

الشئ الجديد احذف موضوعك >> حلوه ذي

واضح من موضوعك تبي تقول يسترونا
ياحرام بس صدقناكم

سؤال مين لاعب عليكم ان الحريم يلعب عليهم !!!!!!!!! >> والله انتم صدق اللي ينلعب عليكم قالو الحريم ينلعب عليهم صدقتو صدق ينلعب عليكم

عموما خلنا نناقش الموضوع على قولتك

شوف من الدين صحيح لانناقش صح جائز محد ينكر وغصب نرضى يالحريم لو ماعجبنا السالفه !!

لكن العدل صار اسطوانه ممله لا ياخوي العدل مهم حتى نرضى احنا يالحريم واي وحده متزوجه واحد متعدد لو ماعدل بتطلب الطلاق اكيد لان حقوقها بتكون ناقصه والشرع ماقال هيك !!

اما اجتماعيه مادخلت راسي الكلمه هذي !!!!!!!!!!!

من ناحيه العيال فيه ناس مايجبون عيال وفيه ناس يتزوجون بحجة انها ماتجيب غير بنات وبعضهم يحب يكثر عياله ويمكن المراه عندها مرض او ماتبي تفرخ كل سنه و,,,,,,,,,و,,,,,,,,,,,,,,,

ومن ناحيه حب وحنان من قال لك كل الازواج يلقونه معليش غلطان بعدين واحد كبر وخصوصا الاربعين ترجع له المراهقه يابوي !!

اذا تبي رد حكيم من بنت واصغر منك !!!!!
ردي راح يكون حكيم مثل رد زميلك

الرجال لو تحققت كل النقاط اللي ذكرتها في زوجته
عيال وحب ورمانسيه و,,,,و,,,,,,,,,,,,,,,,,,,,و,,,,,,,,,,,,,,,

ماتزوج 2 او 3 او 4

وان سواها فهي نزوه بس لا اقل ولا كثر

بعدين سؤالك اذا تبي الحكمه اسأله لرجال يارجال مو تسأله الحريم
وانا اتحداك اذا سألته الرجال وقلت له مثل ماذكرت في سؤالك انه عنده زوجه شبعان حب ورمانسيه و,,,,,,,,و عنده عيال و,,,,,,,,,

واتحدى واحد بس واحد يقول لك بتزوج 2 بس 2 اذا هو صدق متوفر عنده كل شئ
ماحد يتزوج الا عنده نقص بشئ يبيه
او واحد تاجر ويبي يستمتع ويكثر عياله حتى يتنعمون بالفلوس بعد عينه

اترككم بامان الله

قيس ابن الملوح · 18-03-2007, 17:33

اقتباس:

المشاركة الأصلية كتبت بواسطة غريبه اطباعي

ياحبي لك الم حرمان
بصراحه اعجبتني الجمله اللي قلتي فيها
انه الاخ سكرها من جميع النواحي وين نناقش معه
بالفعل صادقه هذي اسباب منطقيه بحد ذاتها
شكله يبي يسمع شئ جديد
الشئ الجديد احذف موضوعك >> حلوه ذي
واضح من موضوعك تبي تقول يسترونا
ياحرام بس صدقناكم
سؤال مين لاعب عليكم ان الحريم يلعب عليهم !!!!!!!!! >> والله انتم صدق اللي ينلعب عليكم قالو الحريم ينلعب عليهم صدقتو صدق ينلعب عليكم
عموما خلنا نناقش الموضوع على قولتك
شوف من الدين صحيح لانناقش صح جائز محد ينكر وغصب نرضى يالحريم لو ماعجبنا السالفه !!
لكن العدل صار اسطوانه ممله لا ياخوي العدل مهم حتى نرضى احنا يالحريم واي وحده متزوجه واحد متعدد لو ماعدل بتطلب الطلاق اكيد لان حقوقها بتكون ناقصه والشرع ماقال هيك !!
اما اجتماعيه مادخلت راسي الكلمه هذي !!!!!!!!!!!
من ناحيه العيال فيه ناس مايجبون عيال وفيه ناس يتزوجون بحجة انها ماتجيب غير بنات وبعضهم يحب يكثر عياله ويمكن المراه عندها مرض او ماتبي تفرخ كل سنه و,,,,,,,,,و,,,,,,,,,,,,,,,
ومن ناحيه حب وحنان من قال لك كل الازواج يلقونه معليش غلطان بعدين واحد كبر وخصوصا الاربعين ترجع له المراهقه يابوي !!
اذا تبي رد حكيم من بنت واصغر منك !!!!!
ردي راح يكون حكيم مثل رد زميلك
الرجال لو تحققت كل النقاط اللي ذكرتها في زوجته
عيال وحب ورمانسيه و,,,,و,,,,,,,,,,,,,,,,,,,,و,,,,,,,,,,,,,,,
ماتزوج 2 او 3 او 4
وان سواها فهي نزوه بس لا اقل ولا كثر
بعدين سؤالك اذا تبي الحكمه اسأله لرجال يارجال مو تسأله الحريم
وانا اتحداك اذا سألته الرجال وقلت له مثل ماذكرت في سؤالك انه عنده زوجه شبعان حب ورمانسيه و,,,,,,,,و عنده عيال و,,,,,,,,,
واتحدى واحد بس واحد يقول لك بتزوج 2 بس 2 اذا هو صدق متوفر عنده كل شئ
ماحد يتزوج الا عنده نقص بشئ يبيه
او واحد تاجر ويبي يستمتع ويكثر عياله حتى يتنعمون بالفلوس بعد عينه
اترككم بامان الله

وهذه اخت ثانية مفلسه ليس معها شيئ تذكره

والدور على الاخت الجاية

مع احترامي وتقديري للجميع

ارجو عدم الزعل مني ولكن ساجرد النساء

من جميع اعذارهن

عقبال الاخت القادمة

النتيجة ا لان اثنين+صفر

وردة باكية · 18-03-2007, 17:36

يعني انت وضعت اجابات وافترضت انها صح ومنعتنا نذكرها ؟
يعني ومين قلك الي عمره اربعين سنه شبع حب ؟
ما بصير يكون تزوج عن غير حب وعايش بؤس مع زوجته ؟؟
وما بصير تكون زوجته لا تلبي حاجته وهي بنفسها قالت له لم اعد استطيع مثلا تلبيتك
يعني السبب يختلف من رجل لأخر
ممكن يحب فعلا ولا يريد الوقوع في الحرام
ما المانع

ابو الغالية · 18-03-2007, 23:04

هلا فيك اخوي
لنكن منطقيين لن يتزوج الرجل من مظلقة او ارملة الا لانه لم يجد بكر .. ولن يتنازل عن البكر ويقبل بالمطلقه او الأرملة الا لان لديه نقص في جهه معينه ويقدم تنازل معين من اجل تغطية هالنقص . وتبقى المطلقة والأرملة مثلها مثل البكر وربما افضل ولكن المجتمع له رأي آخر لم ينزل الله به من سلطان ..

ودمتم بود اخوكم ابو الغالية .

قيس ابن الملوح · 18-03-2007, 23:43

اقتباس:

المشاركة الأصلية كتبت بواسطة وردة باكية

يعني انت وضعت اجابات وافترضت انها صح ومنعتنا نذكرها ؟
يعني ومين قلك الي عمره اربعين سنه شبع حب ؟
ما بصير يكون تزوج عن غير حب وعايش بؤس مع زوجته ؟؟
وما بصير تكون زوجته لا تلبي حاجته وهي بنفسها قالت له لم اعد استطيع مثلا تلبيتك
يعني السبب يختلف من رجل لأخر
ممكن يحب فعلا ولا يريد الوقوع في الحرام
ما المانع

هل لديك شيئ يذكر ولا تقولين قفلتها

الرجل المتزوج حتى وصل عمره اربعي اكيد

له على الاقل 15 سنه زواج واكيد يحب زوجته

النتيجة لا يوجد لديك شيئ

النتيجه 3= صفر

الاخت القادمة ارجو اضافة شيئ وشكرا

قيس ابن الملوح · 18-03-2007, 23:46

اقتباس:

المشاركة الأصلية كتبت بواسطة ابو الغالية

هلا فيك اخوي
لنكن منطقيين لن يتزوج الرجل من مظلقة او ارملة الا لانه لم يجد بكر .. ولن يتنازل عن البكر ويقبل بالمطلقه او الأرملة الا لان لديه نقص في جهه معينه ويقدم تنازل معين من اجل تغطية هالنقص . وتبقى المطلقة والأرملة مثلها مثل البكر وربما افضل ولكن المجتمع له رأي آخر لم ينزل الله به من سلطان ..
ودمتم بود اخوكم ابو الغالية .

كلامك صحيح اخي مع الاسف

ولكن حتى النساء تفضل الغير متزوج

والذي لم ينجب على غيره

حتى ولو كانت مطلقه او ارملة واكيد العانس

تحياتي

الم الحرمان · 19-03-2007, 00:22

صراحه حوار ناجح أخوي قيس ........... وأعتقد لو ترد عليك مليون وحده وما يوافق

رأيها اللي في بالك بتقوووووووووول :

النتيجه : مليون = صفر !!!!!!!!

احترامي لأخوي أبو الغاليه في صراحته بالرد واللي صادقت على كلامه ورأيه مع إنه

موافق لردي الأول وقلت عني مفلسه!!! والسبب إنه من رجل وأنا امرأه !!!!!!!!!!

الله يوفقك في نقاشك الهادف ....... عذراً على الإزعاج ...... تحياتي .

قيس ابن الملوح · 19-03-2007, 00:51

اقتباس:

المشاركة الأصلية كتبت بواسطة الم الحرمان

صراحه حوار ناجح أخوي قيس ........... وأعتقد لو ترد عليك مليون وحده وما يوافق
رأيها اللي في بالك بتقوووووووووول :
النتيجه : مليون = صفر !!!!!!!!
احترامي لأخوي أبو الغاليه في صراحته بالرد واللي صادقت على كلامه ورأيه مع إنه
موافق لردي الأول وقلت عني مفلسه!!! والسبب إنه من رجل وأنا امرأه !!!!!!!!!!
الله يوفقك في نقاشك الهادف ....... عذراً على الإزعاج ...... تحياتي .

اختي الله يخليك

بلاش شغل العواطف والنسوان والتأثير (انا امرأه)

اذا عندك شيئ اكتبيه

1_ سيستفيد الرجل_________

2 سيستفيد الرحل______
3-

اعتقد ما هي صعبه

والمنتدى والموضوع مفتوح لتكتبي ما شئتي

اما تعليقات عامة اختي الكريمه

اعتقد ما تنفع

تجياتي لك واسف اذا زعلتك

غريبه اطباعي · 19-03-2007, 16:24

مع احترامي

ماعندك سالفه ورنا حكمتك ياللي زميلك حكيم

ومثل ماقالت اختي لو ردو مليون وحده بتقول النتيجه
مليون = صفر

بعدين كيف مفلسه اللي يتكلم عن الدين والعدل صار مفلس والله ماغيرك مفلس
اللي يتكلم بمنطق ويناقشك بمنطق صار مفلس
اصلا من قالك اني ذكرت اسباب عشان تقول مفلسه انا قاعده اناقش كل نقطه ذكرتها فقط باختصار

وتكلمت من باب عقلاني وقلت لك حكمتي وتحديتك يالله ورنا الحكمه

قيس ابن الملوح · 19-03-2007, 17:10

اقتباس:

المشاركة الأصلية كتبت بواسطة غريبه اطباعي

مع احترامي
ماعندك سالفه ورنا حكمتك ياللي زميلك حكيم
ومثل ماقالت اختي لو ردو مليون وحده بتقول النتيجه
مليون = صفر
بعدين كيف مفلسه اللي يتكلم عن الدين والعدل صار مفلس والله ماغيرك مفلس
اللي يتكلم بمنطق ويناقشك بمنطق صار مفلس
اصلا من قالك اني ذكرت اسباب عشان تقول مفلسه انا قاعده اناقش كل نقطه ذكرتها فقط باختصار
وتكلمت من باب عقلاني وقلت لك حكمتي وتحديتك يالله ورنا الحكمه

اختي العزيزة

الله يوفقك ويخلي لك عيالك

اكتبي نقاط غير اللي انا ذكرت

شيئ مميز مثلا عندك علاقات وواسطات

اقول يمكن

ياليت ارجوك ولا تزعلين وخلي النقاش ودي واخوي

مستني ردك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)