عالم الحياة الزوجية - منتدى

نواف الولهان · 25-12-2004, 13:52

طبعا الكل عارف ان الزواج بدايته مهر والمهور تختلف من منطقه لمنطقه

ابي اعرف ماهو المهر المتوسط اولا لانوابي ادفع مهر ومو عارف كم ادفع لو نويت ابي ادفع 60 مهر و40 ذهب

هل هو قليل او متوسط مع اني عندي القدرة على دفع 100 و50 ذهب بس ابي المتوسط مابي قليل او كثير

ثانيا ماهو راتب الزواج الي من الممكن يفتح بيت انا راتبي حول 8000 بس حاسس انو شوي ومايفتح بيت وش رايكم

ابي نصايح البنات والاولاد بأكثر مشاركات عشان نعرف اجابه السؤالين بصراحه تااامه

والبنات الي تزوجوا يقولوا مهورهم والشباب الي تزوجوا يقولوا كم دفعوا

الموضوع مهم جدا جدا

تحيااااااااتي المعطرة بالورود

نواف الولهان

بورهف · 25-12-2004, 14:04

اخوي نواف اولاً الله يوفقك في زواجك ويسعدك

ثانياً كما قلت انت تختلف العادات في المهور واعتقد

ان دفع المهر كامل وجعل الفتاة هي من تشتري الذهب

على ذوقها أفضل والمتوسط في دفع المهور حسب معرفتي

لبعض الزملاء والاخوان هو 70.000ريال سعودي شامل الذهب

وانا كذلك دفعت مثله مهراً لحبيبة قلبي ام رهف .

اما بالنسبة لراتبك فهو جيد جداً متى ما طرح الله فيه البركة وبإمكانك

ان تقسمه الى أقسام (راتب للزوجة, مصاريف الكهرباء والتلفون, الايجار

,تحويشة للأيام الجاية,السفريات) وانصحك بالاستثمار في احد الصناديق الموجود في البنوك

مادام راتبك جيد وقبل وصول الخلفاء (الابناء) فتزداد المصاريف ارجو حرصك على هذه

النقطة حتى لاتندم مثلي بعد مضي سنوات على زواجك ويكثر الاولاد

وفق الله الجميع وأسعدهم

ابورهف

ســ هـــ ر · 25-12-2004, 14:13

نواف الولهان ..
الشروط تختلف على حسب العائلات فيه من يطلب مية الف وفيه من يطلب 35 الف وفيه 60 وفيه 40 (( وحد خبره هههههه )))
وبعضهم الله يعينك امها تعطيها وابوها وجدها بعد
شوف إذا حبتك البنت صدقني ماراح تطلب شئ تبيك فقط
وراتبك ما شاء الله يفتح بيت وزياده بعد ...
الله يوفقك ..

°•« § سارهـ §»•° · 25-12-2004, 14:20

انـــــــــــــــــــــــــا
مع ســــــ هـر
في كلامها
بصراحة ما بعرف كم السعر يساوي عندنا
ولا كمية الذهب هاذي

كيوتكس · 25-12-2004, 19:51

ياي يهبل ....

يجنن...

راتبك 8 الاف واو
و100 الف مهري وااااااااااو
بععععععع (( البنت كرعت من الفرح ))

ابو الشباب .... على مين تلعبها؟

الله يزوجك ثاني احلى بنت في الدنيا
ويزوجني احلى بنت في الدنيا

قول امين ولاتكون طماع

نواف الولهان · 25-12-2004, 20:28

الحقيقه استفدت من ارئكم كثير بس وين تفاعل الباقي

الراتب الي ذكرته مستحيل انه يفتح بيت بعد ماحسبتها وماابي اظلم بنت الناس يعني اتوقع اقل شي عشرة الاف كراتب

والمهر هو الي ماادري لانو مافيه مشاركات كثيرة عشان نحكم

درب المحبة · 26-12-2004, 02:37

يا أخي ترى مسالة الزواج ربنا يبارك فيها ، وراتبك كويس ويفتح بيت ، ترى فيه غيرك راتبهم أقل وتزوجو وعايشين مبسوطين والحمد لله ، كذلك يعتمد على أهل الزوجة ( عسى ربنا ما يحطك في ناس طماعيين) ما يبغو يسترو بنتهم من كثر الطلبات إلا ما لها نهاية ، كما أن هناك مصاريف في الزواج ما لها داعي ، إلا أذا كان عمك جيبه عمران فأعتقد لا تشيل هم .

وألف مبروك مقدماً

طالبه القرب · 26-12-2004, 04:17

الصراحه احنا الي متعارف عليه عندنا مابين 80 الف وميه الف

واحس ان راتبك يفتح بيت اذا كان هناك حسن تدبير من الطرفين

نواف الولهان · 26-12-2004, 12:56

مشكورين على تفاعلكم الرائع

بتول الملول · 27-12-2004, 23:14

في البدايه الله يسعدك ويوفقك يارب
بالنسبه للمهر شوف شنو العادات الي ماشيه ي بيلتك وعلى اساسها تقرر
وبالنسبه لراتبك يمشي الحال

نواف الولهان · 27-12-2004, 23:21

انا ماابي يمشي الحال انا مسرف وراعي سفر وبسطه ومطاعم يعنب مااخلي على نفسي قاصر

يعني 8000 مو كافي

خجول جداً · 28-12-2004, 05:06

اقول 8000 الف ريال وخايف

فيه ناس رواتبهم 4000 ريال

وعايش مبسوط وفاتحين بيت

ياخي توكل على الله الزواج

فيه بكرة بس امسك الفلوس عن الحرمة

لا تخربها بعدين ما تقدر تمسك

يعني عطها مصروف شهري وللمناسبات ولاعياد

بس المصروف الشهري لا تكثر ما عندها شئ

اما المناسبات والاعياد
لا تقصر معاها ترى تستاهل زوجتك هي

طالبه القرب · 28-12-2004, 11:54

يا نواف الكل يحب البسطه والوناسه بس بالمعقول مو يجي اخر الشهر وانته مافي جيبك ولا ريال الحين انته مقدم على حياه يبيلها حسن تدبير واداره وتعمل للمستقبل ولا تخلي همك صرفك اليومي وفر شي للمستقبل انته ماتدري بالي جاي وفي نفس الوقت لاتقصر على عمرك بعني كل شي بالمعقول ولا غلو ولا اسراف تعيش مرتاح وانا معاك لاتخلي شي بنفسك بس حلو تضحي بشياء مقابل اشياء اخرى

ابو نوف · 29-12-2004, 11:35

يانواف والله انك صادق 8000 ماتسوي شي في هالايام
انا راتب ضعف راتبك واعزوبي وفي نهاية الشهر والله ماادري وين راح ز
شكلي بتزوج وبخلي ابوي يصرف علي مع راتبي!

نواف الولهان · 30-12-2004, 18:11

طيب وش الحل ننتظر اذا جا الراتب 15000 بعد كم سنه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

جميع البنات والشباب يدخلوا موضوع للمقبلين على الزواج والمتزوجين ابي رايكم