عالم الحياة الزوجية - منتدى

حنين الانين · 24-03-2007, 01:12

اتمنى ان اجد الاجابه لسؤالي لانه كثير محيرني مو عارفه

كبرياء غرور عدم مبالاة ام غيره ؟؟؟؟
المثل يقول وراء كل رجل عظيم امراءه
مو قف حدث قدامي انقهرت وغاظني حبيت اخبركم اياه لعلي اجد الاجابه

كنت عند احد قريباتي وهذه القريبه تتصف بصفات اروع من الرائعه
جميله واسلوب روعه كلامها منطقي قنوعه مدلله زوجها دلال ماعمري
شفت مثله فيها صفات الف من يتمناها حتى كثير يتكلمون عنها وعن
اسلوبها وتصرفاتها
وانا كنت جالسه معاها ومعانا اخت زوجها وزوجها وكانت تقدم لنا
اكرام الضيافه واحنا نتكلم مدحتها اخت زوجها وتقول لاخوها الله
يهنيك فيها لو تلف العالم ماتلاقي وحده مثلها ومثل اخلاقها وصفاتها
تخيلو رد زوجها وقدام الكل يعني حتى مااتحترم وجودنا عندها
باللغه العاميه ( امحق من حرمه )
اهي ملامحها تغيرت تحس بتحطيم ليه ؟؟؟ انا انقهرت قلت يابو فلان
اكيد تمزح اهي ضحكت قالت لاتواخذون بكلامه بس اهو يخاف علينا
ومايبي العين تصيبنا
بس بعيونها كان كلام وشي ثاني وحاولت تغير الموقف والكلام
وبعدها بوقت بعد ماراحو ضليت انا وهي
وهي قربه مني كثير يعني صداقه اخوة كل شي بيننا
قلت لها ... فلانه انت مبسوطه مرتاحه
اخذت تنهيد كبيره حسيت انها من قلب طالعه قالت مافيه انسنان
مرتاح ومبسوط بحياته مو كل اثنين قفلو الباب عليهم يكون مرتاح
ومبسوط قلت لها صحيح كلامك
قالت انا مو مهم عندي شي انا اللمهم عندي مهما كان الي بيني وبينه
ماتمنيت هالكلمه قالها قدام اي شخص حتى لو يكرهني مايطيقني بس
يحترم مشاعري انا انسانه لي احساس ومشاعر
قلت لها ماادري اش اقولك لان بصراحه الموقف من جد حتى انا ضايقني
لاني اعرفك واعرف كل شي عنك تمنيت انه ماقالها بس يمكن مو من قلبه
يمكن متظايق شي بخاطره وماتواخذينه
قالت وبصوت تحس كله حزن والم انا لو ابواخذه بكلامه وغلطاته ماعشت
معاه يوم واحد بس انا ارجي رب العباد انه يصلح حاله وحالي ويالف
بين قلوبنا لو مو عشاني على الاقل عشان هالاطفال لان اش ذنبهم
انا وربي مااتمنله الا اني اشوفه اسعد العالم واتمنى اسوي اي شي
يسعده ويبسطه

بس من جد انا انقهرت وتظايقت ليه الرجال مايحبون مدح زوجاتهم ولا غيره ولا ايش تبون ؟؟؟
حاجه تحز بالخاطر اذا عندك زوجه بهالصفات وبهذا الجمال والدلال والدلع الي تتمنونه

ليه الجبروت ليه العنف ارحمو من في الارض يرحمكم من في السماء !!!!

حـ سـ ا سـ ه · 24-03-2007, 01:43

اختي انا معك في كل كلمة كتبتيهااا ومن جد موقف يقهررر اللة يعين

هبات النسيم · 24-03-2007, 01:44

الله وأعلم شنو الموقف الي صار ويخلي الزوج يتغير على زوجته

الله يعطيج الف عافيه حنين الانين على الموضوع

the*wife · 24-03-2007, 02:52

فعلا حتى أنا إنقهرت

يمكن أكب عليه العصير من الحمقة اللي بتصير مني

بس من جد هذا الشيئ أنا أشوفه بس في المجتمع السعودي فعلا الرجل عنده جفاف مو طبيعي من ناحية زوجته ما يحبها تمدحه ولا يحب يمدحها خصوصا قدام الناس

يحسبون هذا الشئ ينقص من رجولتهم

بل بالعكس يرفع قدره قدام زوجته هالمسكينة

ويجبر بخاطرها والله كان ما عاد تشوف غيره بس الله يصبرنا يالحريم عليكم يالرجال القساة

* الـنـجـلاء * · 24-03-2007, 03:19

الموقف يقهر بقوه
بس مو كل الرجال كذا

غلاب · 24-03-2007, 04:01

هذا انسان جاهل من الواجب احترام وتعضيم شان الزوجه امام الناس حتي ولو كانت سيئه لابد من احترامها والرفع من شانها تحياتي لك

ضمني لصدرك حبيبي · 24-03-2007, 04:19

ياعمري عليها الله يوفقها ويصخره لها غصبن عليه
الله يهديه ويكفيه شر نفسه
طيب ممكن يكون هو انسان مزحه ثقيل اشوي ومدبه
بالكلام ,,,,,,,,,والله مدري بس موقف محرج لها حرام عليه احرجها الله يسامحه,,,,,,,,مافي يدي غير ادعيلها والله حسيت بها الله يخلف عليها دايم الي تكون بهالمواصفات يكون حضيضها مو مره ,,,,,,,,,ايه الله يعدل الحظوظ,,,,,,,,,,,الله يوفقك انتي وياها

حبوبة مره · 24-03-2007, 04:44

لا حول ولا قوة إلا بالله

وينك ياغلا الدنيا؟ · 24-03-2007, 04:56

صراحه مت من القهر .. ياليته قدامي كان توطيت في بطنه

الله يهديه بس

تحياتي

دروبـ · 24-03-2007, 05:11

والله قهرررررررررر

يعني الوااحد مايحمد ربه ع النعمه الي عنده الا اذا ضااعت من ايده

ربي لك الحمد والشكر
دعواتي لها بالتوفيق وربي ييسر امورهاا ويصبر حالهاا
تحياتي

24-03-2007, 10:55

والله انها زوجة رائعة ومتحملة كل هالشي ورغم ياللي عمله بتدعي له انه ينصلح لو أنا كنت تركته من زمان ......... الله يكون معاها

24-03-2007, 11:11

هلا بحنين كيفك اختي موضوعك صحيح وفي رجال كذا بس مو الكل والثقافه لها دور ولك كل الشكر ع الموضوع المهم والموقف يقهر بالحيل لك كل الشكر

powernet · 24-03-2007, 11:11

الموضوع اثار الشجون بتعرض الزوج لزوجته
كيف لها هذا الصبر ان لا ترد عليه ، كيف لها ان تداري عن الاخرين فشله العاطفي معها

بصراحة هذه المرأة يمكن ان تكون مثاليه في هذا الزمان

فمـان الجرح · 24-03-2007, 11:18

يمكن مزحه من العيار الثقيل

حنين الانين · 24-03-2007, 13:54

اقتباس:

المشاركة الأصلية كتبت بواسطة حـ سـ ا سـ ه

اختي انا معك في كل كلمة كتبتيهااا ومن جد موقف يقهررر اللة يعين

مو بس يقهر الا يموت قهر شكرا لمرورك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اهو كبرياء رجل ام غرور ام ماذا ؟؟؟؟