عالم الحياة الزوجية - منتدى

عاشقة ميمي · 24-03-2007, 10:40

السلام عليكم

ابي مساعدتكم

أحب واحد من الاهل وعلى علاقه فيه بس علاقة جدا محترمة

وتواعدنا ع الزواج وبهالشهر يريد يخطبني
وامس تقدملي واحد عكس مواصفاته واحسن

ا

انا خبرت اللي احب عن السالفة وقال لي فكري بعقلج مب بقلبج وشوفي مصلحتج

اللي انا على علاقة فيه يرفض اني اشتغل اتكشخ البس ع كيفي اتمشى اي شي البنات يحبونه يرفضه ويشتغل ف المطار براتب زين بالاضافة عصبي وانا من النوع العصبي جدا
اللي امس تقدملي طيب ما يرفض لي طلب وموافق ع كل شروطي قبل عن اشرط ومعلم تاريخ
وطالبني للمرة الثانية

كل ما اهله يبون يزوجوه يقول ما بتزوج غيرها
يعني امبين انه يحبني من تصرفاته معي
والولد جدا مترم ومن عائله جدا محترمة مع العلم انه خاله متزوج اختي من شهرين
والحين محتاره بين الاثنين
اللي احبه يمكن من كثر ما يرفض طلباتي اخاف تصير حياتي جحيم معه
والحب ممكن يجي بعد الزواج
بليز عطوني آرائكم لان هالاسبوع لازم ارد بالموافقة او الرفض
وتسلمون لي انشالله

وانتظر ردودكم لا تخيبو املي فيكم

ضؤالشمس · 24-03-2007, 11:42

أختي ... عليك بالاستخاره وشوفي بعدها قلبك يرتاح لاي واحد فيهم ... وماخاب من أستشار... ربي يوفقك... أخوك ضؤالشمس

عذبية · 24-03-2007, 12:35

اختي لو تزوجتي اي واحد فيهم بمجرد ماتزعلين راح تقولين ياليتني وافقت على الثاني

فانتي حكمي عقلج

لان القلب مايجي من وراة الا الندامة

ندى الجوري · 25-03-2007, 01:23

حبيبتي عليك بصلاة الاستخاره اهم شي وراح يرتاح قلبك للي الله يسخره لك الجئي الا الله في اختيارك للزوج الانفع
الله يوفقك ويكتب لك الي فيه الخير

تحيــــــــــــــــــــــــــــاتي لك معطره بورد الجوري

wacher · 25-03-2007, 02:22

اولا الاستخاره
وعلى فكره الاول بين لكي كل شي من الاول واسلوبه وهذي حلوه منه وتحسب له
وممكن تتغير وتاخذين كل شي تبينه منه بالعقل ومع الوقت
اما الثاني يقول ومثله كثرمن الشباب يوعد الخطيبه بحياة دلع بدلع وكل شي مستجاب وتتغير بعد اول شهر (الى من رحم الله)

em tala · 25-03-2007, 03:24

عليك بالاستخاره

انوووثه طاغيه · 25-03-2007, 06:30

استخيري وانا من راي انك تاخذين الثاني لان حبيبك تقولين انه عصبي ومايخليك تاخذين راحتك وش تبين بواحد معقد

بحر السكوت · 25-03-2007, 06:50

اقتباس:

كل ما اهله يبون يزوجوه يقول ما بتزوج غيرها
يعني امبين انه يحبني من تصرفاته معي
والولد جدا مترم ومن عائله جدا محترمة مع العلم انه خاله متزوج اختي من شهرين
والحين محتاره بين الاثنين

اختي هذا اللي خطبك وهو شاريك

و انتي قلتي ان الحبيب قال

اقتباس:

انا خبرت اللي احب عن السالفة وقال لي فكري بعقلج مب بقلبج وشوفي مصلحتج

[COLOR="Red"][SIZE="5"][FONT="Arial Narrow"]

يعني اصلا ماهو شاري ولا ناوي يتزوجك ولا كان قالك انه بيتقدم على طول ومايعطي

مجال لغيره ياخذك منه

ويمكن اكون غلطانة بتحليلي بس هذا اللي شفته

وعلى العموم مثل ماقالوا الباقيين وماقصروا استخيري الله

عذبة أنتي · 25-03-2007, 07:23

يا اختي انتي جاوبتي على نفسك ممكن الحي يجي بعد الزواج لكن اهم شي استشيري عقلك والمقربين الذين تثقي يرأيهم واستخيري مرة واتنين وتلاتة وتوكلي على الله صدقيني ح تلاقي الحل يا رب يسعدك

مجنونة حبيبها · 25-03-2007, 07:59

الأستــــــــــــــخاره
تحياتي

عاشقة ميمي · 25-03-2007, 12:09

اتصلو بالاهل امس بالظهر يريدو ردي فقلت لماماتي تقولهم هذا زواج مب شي بسيط ولما بقرر بنرد عليهم

انا بعيد عن الاهل بحكم دراستي طبعا

بس بالاربعاء لما بروح بعلن موافقتي عليه

لان بصراحة الولد ما يتعوض جدا محترم وكل مواصفاته انا كنت اتمناها وقلبي ارتاحله

لان بصراحة اخاف ارفض واندم واخاف اوافق واندم

بس اذا عندكم ردود غيرها ممكن تفيدني بلييييز لا تبخلون علي

بس المضحك ان اختي الكبيرة اسم زوجها احمد واختي الثانية اسم زوجها محمد ويدلعن ازواجهن ب حمودي

وهذا اسمه احمد

اكتملت اللي بتقول حمودي كل واحد منهم ب يلتفت

ما علينا طولت عليكم بس افيدوني بخبراتكم لان لازم ارد عليهم بالاربعاء

عاشقة............... الى الان ما اعرف من؟؟؟؟؟؟

marawan1 · 25-03-2007, 12:30

متابع

طيف المزن · 25-03-2007, 12:41

السلام عليكم .. أختي ..

مثل ما قالوا الاعضاء استخيري .. وشوفي قلبك لمين يرتاح ..

والله معاك .

توته المزيونه · 25-03-2007, 12:48

أكثري حبيبتي من الاستخاره

والدعاء ب: اللهم يامدبر الامور دبر أمري فأنا لا أحسن التدبير

ومارح تندمين باذن الله

دلوعة M · 25-03-2007, 14:54

بهنيكي على هالقلب أللي يحب بهذي السرعة و يغير رايه بهذي السرعة

أعذري صراحتي مافي حب و لا شي

خلاص توكلي و وافقي على أللي تقدم لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بليييز ابي مساعدة بهاليومين مسألة مصيرية