عالم الحياة الزوجية - منتدى

قودي · 25-03-2007, 21:36

ذكريات مطبخية ......
مساء الخير
ترافق عاده أيامنا الأولى لدخولنا عالم المطبخ ذكريات جميلة تنتج من مواقف لطيفة ولأكون صريحة محرجة
لكلاً منا مثل تلك الذكريات "" ذكريات مطبخية ""
بعضنا تمتد معهم فترة تلك الذكريات ككاتبة تلك الكلمات وبعضنا يسيطر على ذلك المعترك المطبخي بسرعه ويكسب المعركه والخبرة بعد عده مواقف فقط
ما رأيكم أن نستعرض هنا بعض مواقفنا تلك
لعلى في ذلك خبرة بالإضافه إلى المتعة
بأنتظار ذكرياتكم المطبخية نبقى..

{&سنيـوريتا&} · 27-03-2007, 22:33

وااااااو قودي

موضوعج واايد حلوو

وان شا الله اشوف مشاركات من الاعضاء ...

قودي · 27-03-2007, 23:19

الله يسمع منك يالغلاااااا

بسس ماكتبتي لنا شي ؟؟؟

معقول ماعندك موقف يشجعنا شوي ...

على العموم يعطيك الف عافية حبيبتي على المرور وانتظر مشاركتك الجميله

أم مروه · 28-03-2007, 13:10

موقفي هو كذبه بيضاء دامت سنه

أول سنه من زواجي كنت ماعرف أطبخ يعني كنت أحط ذي على ذيه وأقدمه حق المسكين زوجي وهو الله يخليه لي ماكان يحبطني كلما أسئله يقول زين بالنسبه لمبتدأه بس تعابيره توحي لي بـ

المهم دارت الأيام وحملت وصرت أكره الطبخ قلت حق أمي كل يوم تطبخين رفعي صحن حق زوجي بس بدون مايعرف إنه منك عشان مايزعل ويقول تكلفين عليها وكنت أحط له من أكل أمي وكان ياكل وأحس إنه الأكل يعجبه ولما أسئله وش رايك يقول إنتي إلي طابخه أقوله إيه عجبك يقول وايد حلو.

مرت أشهر الحمل ورجعت لي النفسيه للطباخ وقمت أطبخ له مره ثانيه ولما أسأله عن رأيه يقول زين

ومره أمي جابت الغداء وقال لي من طابخ قلت خل أترك عني الكذب لو مره وحده وأقوله أمي وفعلاً قلت له أمي قال أدري أكل أمج يبين

ياويلي وإشلون يبين قال آنه أعرف طباخج زين وأعرف طباخ أمج.

فشله بس أكيد هو عاذرني لأني كنت حامل بس تبون الصج كنت أتدلع مابي أطبخ

قودي · 28-03-2007, 18:02

هههههههههههههههههههههههه ياأم مروووه

اهم شي الحين وش النتائج عساك تتطبخين زين ؟؟؟

وصراحه زوجك ماشاء الله عليه يجامل بقووووه الله يخليكم لبعض

ومشكوره يالحبيبه على مشاركتك الجميله

أميرة العفاف · 29-03-2007, 02:17

أتذكر مرة بداية تعلمي للطبخ ..

سويت كيكة ..مع ان على الكرتون مكتوب بدون أضافات

قلت يعني معقولة بدون بكينج ..وزدت شوي من البيكينج باودر ..

..وعاااد ساعاتهااا شوفوا الكيكة وهي في الفرن ..

من البركاااااااااان ..والحممم الكيكية تطلع موراضية توقف ..

وأنا تفشلت كل حد يدخل من أخواني وخواتي هااا خلصت الكيكة ..

وانا أقول لا ..مو مصدقين أن في كيك يستوي في البيت ..

وطبعا النتيجة بائت بالفشل الذيع ..

طبعا اول مرة بس بعدين لا الحمد لله ..صرت محترفة..

soumia · 03-04-2007, 16:09

فكرة جميلة أختي
تجربتي في الطبخ هو أن أول طبخة أسويها تفننت بالنكهات و كل شئ إلا أني نسيتها على النار و الكل ينتظر طبختي الى أن شممنا رائحة الحرق دمعت عيناي من القهر و الكل يضحك علي و أنا أقول و الله لو لم تحترق لكانت أحسن أكلة ذقتوها و ينفجر الكل من الضحك و أنا مقهورة كيف أسكتهم

قودي · 03-04-2007, 22:33

اقتباس:

المشاركة الأصلية كتبت بواسطة أميرة العفاف

أتذكر مرة بداية تعلمي للطبخ ..
سويت كيكة ..مع ان على الكرتون مكتوب بدون أضافات
قلت يعني معقولة بدون بكينج ..وزدت شوي من البيكينج باودر ..
..وعاااد ساعاتهااا شوفوا الكيكة وهي في الفرن ..
من البركاااااااااان ..والحممم الكيكية تطلع موراضية توقف ..
وأنا تفشلت كل حد يدخل من أخواني وخواتي هااا خلصت الكيكة ..
وانا أقول لا ..مو مصدقين أن في كيك يستوي في البيت ..
وطبعا النتيجة بائت بالفشل الذيع ..
طبعا اول مرة بس بعدين لا الحمد لله ..صرت محترفة..

ههههههههههههههه

انت حطيتي بكنج بودر احسن من اي شي ثاني

اذكر مره ابوي طلب مني كاسة شاي وحطيت بدال السكر ملح

تعالي شوفي وجه ابوي لما شربة هههههههه

بس عاد وقتها كنت في المتوسط يعني ماينشره علي

قودي · 13-04-2007, 21:32

اقتباس:

المشاركة الأصلية كتبت بواسطة soumia

فكرة جميلة أختي
تجربتي في الطبخ هو أن أول طبخة أسويها تفننت بالنكهات و كل شئ إلا أني نسيتها على النار و الكل ينتظر طبختي الى أن شممنا رائحة الحرق دمعت عيناي من القهر و الكل يضحك علي و أنا أقول و الله لو لم تحترق لكانت أحسن أكلة ذقتوها و ينفجر الكل من الضحك و أنا مقهورة كيف أسكتهم

هههههههههههههه والله من جد قهر ...

انتي متحمســــــة وغيرك يضحك ..

بس معليش هذاها صارت ذكرى حلوه

مشكوره حبيبتي على مشاركتك في الموضوع وننتظر البقية

هنودهـ · 14-04-2007, 04:23

تصــــدقون انا للحين مابعرف اطبخ
وزواجي قريب
إشـــرايكم اتعلم الحين ولا اجرب فيه بعد الزواج هههههههههه

دانة الدبة · 20-04-2007, 21:53

خخخخ..مايشي عرس بدون طباخ..نصيحه تعلمي وااااايد زين الطبخ..

أنا مواقفي كثييييره في المطبخ بقولكم وااااحد..

مره كنت بسوي طبخه.. بعجن عجينه..قمت ونسيت زدت المويه..وصرت أزيد طحين لين زانت عجينتي..(وإذا بها ثمانيه أكواب)<<هذي مين يصلحها..بس ربكم ستر..وقعدت عليها حوالي ثلاث ساعات..لين خلصت..والله كانت وهقه بصحيح..

عانس في عمر الزهور · 22-04-2007, 05:08

الصراحة ماحصل ولا موقف بداية دخولي المطبخ
لاني داخلته من كان عمري 8سنوات وكلهم يمدحون اكلي حتى اني كنت اخترع طبخات
لكن اذا مالي مزاج اطبخ(في بداية دخولي للمطبخ) ازيد الزيت والا البهارات او احرق الاكل
لكن الحين تمام

ضمني لصدرك عشيقي · 22-04-2007, 07:58

جزاك الله خير

قودي · 22-04-2007, 16:56

اقتباس:

المشاركة الأصلية كتبت بواسطة هنودهـ

تصــــدقون انا للحين مابعرف اطبخ
وزواجي قريب
إشـــرايكم اتعلم الحين ولا اجرب فيه بعد الزواج هههههههههه

ههههههه ياهنوده حتى لو بديتي تتعلمين من الحين مايمديك ..

الله يعين زوجك بيصير حقل تجارب هههههههههه

بس يالله عادي كثير مثلك والحين ماشاء الله طبخات وأولهم أنا

(من جديد ) · 22-04-2007, 16:58

جلو الموضوع

بحجز لي كرسي

تسلمي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

"ذكريــــات مطبخية" شاركونا