رفيق الجرح

السلااام عليكم ورحمة الله وبركاته


حد يتخيل فيكم ان واحد مات و لا وحده ماتت من القهر ..... ها الايام اذا حد صار فيه شي يقول انا ميت من القهر .. بس هو عايش و حاس بضيييج و عايف نفسه و حياته ..
هذي القصه بدايتها كانت في سنه 2001 و على ما اعتقد في شهر 3 مارس ... يوم اتلاقى الشاب فالبنت بالغلط على بوابه الجامعه , و انعجب الشاب فالبنت من يوم شافها وحاول بكذا طريقه انه يعطيها رقمه , و لكن البنت ما كانت منتبهه عليه ابدا , و بوجود السايق الخاص فالبنت ما كان يقدر يلاحقها و لا انه يعرف يوصل لين سارتها ... و على مر الايام حصل فرصه و واجه البنت و عطاها الرقم على اساس انه يبا يكلمها في موضوع و ما يصح ان يكلمها على بوابه الجامعه , البنت خذت الرقم و هيه خايفه ما تعرف شو اتسوي .. مندهشه فالموقف الي صار لها اول مره حد يتجرا و يرقمها , و تمت طول الوقت اتفكر شو يبا منها ها الشاب و ليش سار عندها مع انها مالها علاقه في حد من الجامعه و لا برع الجامعه البنت تقريبا كانت اتحب الوحده و منعزله عن الناس ... من البيت للجامعه و صديقاتها ماكانوا ينعدون على اليد الوحده .. المهم بعد ثلاث ايام قررت انها تتصل للشاب و اتشوف شو موضوعه و شو يبا منها ... و اتصلت له و قال لها انه معجب فيها و ان يحب يتعرف عليها لا اكثر , و زادت الاتصالات من بينهم و عرفت ان الشاب كان قصده للجامعه ان يوصل اخوه الصغير , و عرفت كل شي عن الشاب و عرف كل شي عنها .

مع الايام حب الشاب يصارح البنت و يقولها عن اسمه و عمره لانه فالبدايه كذب عليها و قالها اسم ثاني و عمر ثاني , و يا اليوم الي صارحها فيه و كان بعد شهرين من اول لقاء من بينهم ... و خبرها عن كل شي و اتضايقت البنت و حست انها ندمانه انها اول واحد اتكلمه كان معيشنها في جذبه ... و قالت له يعني كل الكلام الي كان من بينا جذب في جذب ... و حاول يقنعها ان ما كان قصده انه يجذب عليها و لا انه يعيشها في جذب .. و لكن البنت ما كانت راضيه عليه و كانت اتقوله انساني و لا اتفكر اني اكلمك من بعد اليوم .. انهارت اعصاب الشاب و اتضيق و كره نفسه .. و حزتها يوم كان يكلمها كان يسوق السياره .. و فقد اعصابه و كان يسوق بسرعه زايده عن اللزوم .. وكان تفكيره في البنت و كيف يرضيها ولا كان يفكر في الطريق لين ما انحرفت السياره و دعم له عمود و عبر على الشارع الثاني و دعمته سياره كبيره (( بيك اب )) و كانت سرعته تقريبا 160 كم اول ما دعم , انقل الشاب للمستشفى و كانت حالته خطيره ... و طاح في غيبوبه مدتها شهرين و من بعدها صحى الشاب و ما كان يدري بالدنيا و لا شي و استغرب انه فالمستشفى و ريوله مجبسه و ايده و خياطه كبيره في بطنه .... وخبروه اهله و الدكاتره , و حمد الله ان انكتب له عمر ثاني .... لكن اهله كانوا مستغربين من شي واحد ...... وسالوه : قالوا له من طحت فالمستشفى يمكن 8 او 9 مرات يت بنت اتزورك و كانت تيلس في اخر القسم و اتصيح ....؟؟؟ شو السبب ؟؟؟ حطوا في بالهم ان البنت كانت سبب الحادث يمكن هيه الي ... لفت عليه .. ؟؟؟ فرد عليهم انه ما كان يدري بنفسه وقت الحادث و لا يذكر اي يوم كان و لا اي وقت و السبب ..؟

بعد فتره من الغيبوبه الي كان فيها قام يتذكر ربيعته .. و يوسوس في باله سالت عنه و لا لا .. تدري عن الي صار فيه و لا لا ...؟ و ما لقى حل غير انه يتصل فيها و يشوف ردت فعلها ... اتصل و لكن ما كانت اترد عليه و حاول اكثر من عشر مرات .. و حط في باله ان البنت ما كانت تسال عنه من يوم ما صارحها .. و شلها من تفكيره و من باله لانها ما سالت عنه , مع انه عرف من اخوه ان وصلها الخبر انه مسوي حادث و طايح فالمستشفى ... و بعد يوم اتصلت فيه و عرف انها كانت تسال عنه طول الوقت و كانت اتزوره فالمستشفى , و قالت انها راضيه عنه و كانت متضايقه شويه منه لانه ما صارحها من البدايه , و قرروا يفتحون صفحه يديده و ينسون الي صار قبل , و على فكره بعدها صارحت البنت الشاب و قالت له انها جذبت عليه و قالت اسمها و كل شي عنها ... و ما زعل منها لانه حبها و ما همه شي لا اسمها و لا شياته .

ومرت على علاقتهم سنه تقريبا و فكر الشاب انه يخطب البنت و لكن ما حب يستعيل لانها كان باقي للبنت كورس واحد بس و اتخلص دراستها .. و في اول الصيف من سنه 2002 وشهر 6 تقريبا يعني بعد سنه و ثلاث شهور من علاقتهم ... انقطعت اخبار البنت و ما كانت تتصل و لا كانت اترد على التلفون ... اتخبل الشاب الي كان متعود يوميا يسمع صوتها ....و مستحيل ما مر يوم عليه و ما سمع صوتها .. كملت اسبوع على ها الحاله و الشاب كل يوم يتعقد اكثر و اكثر ... لين ما وصل له الخبر من بنت ما يعرفها " كانت بنت خالها " قالت له ان البنت انخطبت من ولد خالتها و اهلها راضين فيه " يعني بتتزوجه غصبا عنها " انصدم يوم عرف الخبر .. و من عرف على طول اتصل فيها و حزتها هيه كانت تدري انه عنده خبر و قالت له ان كل شي استوى غصبا عنها و ما في ايدها حيله و لا شي ...... و ان اهلها متعصبين الي في بالهم بيسوونه البنت لولد خالتها و الولد لبنت خالته ...... و حددوا اهلها ان بعد اسبوع ملجتها و مر عليها الاسبوع و يا يومها و ملجت البنت و في اليوم الثاني طاحت على اهلها مريضه .. محموومه ... و اتنومت فالمستشفى .. و كانت تعبانه وايد ... و كملت ثلاث ايام و اتوفت ... و عرف الشاب في نفس اليوم عن خبرها من بنت خالها الي كانت اتقوله كل شي عنها يوم فالمستشفى .... و ما صدق و فكر ان بنت خالها اتحاول اتخليه ينساها و اتاكد بنفسه في اليوم الثاني صباح يوم الاحد 30/6/2002م .

و كان يقول في باله ان ماتت من القهر ماتت و هيه مب راضيه على اهلها .. هيه و الله ماتت من القهر ...

((منقووووووووووووول))

__________________



سبحان من محسن صورة كل انسان
]
لاشفتة راح همي ولوجاع

مع تحياتي

احصل على الاف المقالات , المواضيع و الصور باستخدام البحث في المنتدى انقر هنا

moon_flower

قصصصصصه مؤثره

تسلم يدك

__________________
كلمتان خفيفتان على اللسان ثقيلتان في الميزاان

سبحان الله وبحمد سبحان الله العظيم

احصل على الاف المقالات , المواضيع و الصور باستخدام البحث في المنتدى انقر هنا

الطيبة

وحليلها والله......الله يرحمها و يغفر لها

احصل على الاف المقالات , المواضيع و الصور باستخدام البحث في المنتدى انقر هنا

رفيق الجرح

اشكركم على المرور
واتمنى لكم دوام الصحة والعافية

__________________



سبحان من محسن صورة كل انسان
]
لاشفتة راح همي ولوجاع

مع تحياتي

احصل على الاف المقالات , المواضيع و الصور باستخدام البحث في المنتدى انقر هنا