عالم الحياة الزوجية - منتدى

**&&دلوعة الحب&&** · 02-04-2007, 14:07

موضوعي عن زوجة اخ زوجي او (( سفلتي ))
وهو انه كل ماأراها اشعر اني دمي يتحرق من تصرفاتها واكرهها رغم انه لايوجد شيء كبير يجعلني اكرهها ولكن كرهتني بنفسها لأنها انسانة كل همها تحب تبين للناس وقدامي انها احسن وحده وتفهم بكل شيء وشايفة نفسها ومغرورة واحس انها تغير مني جداا لأني تزوجت بعدها وبحكم انها اصغر وحده في السلايف واقرب وحده بالسن لي حاطة دوبها من دوبي تغير مني وتبغى تكون احسن مني وانا بصراحة ماشوفها غير في بيت اهل زوجي وكمان فين وفين مو دايما ووالله المرة اللي اشوفها فيها احس انها تحرق لي دمي فيها من كلامها لأن زوجها وظيفته احسن من وظيفة زوجي واجازاته اكثر وداايما يسافرو تحب تبين ده الشيء قدامي وتجلس تحكيلي بالتفصيل انها راحت وراحت كله من باب انها تبغى تقهرني وداايما تحب تبين ان زوجها يحبها اكثر من زوجي مايحبني بصراحة انا اليوم اللي اشوفها في احس ان حياتي ماهي حلوة كله من كلامها وتخليني اسوي مشاكل مع زوجي غصبن عني لأنها دايما تحب تبين ان زوجها يسوي لها كل شيء وانا ماأحب كده وانتو عارفين ان الحريم يخربو على بعض في هذا الشيء وماينفع الوحدة تجلس تقول زوجي ويسوي لي وتحكي عشان الحريم مايغيرو واخر مرة تقولي ان زوجها هو اللي يقولها يالله نسافر ولمن قلت لزوجي غريبه ان اخوك يحب السفر قالي لاتصدقيها واحس ان زوجي يشيل هم في اليوم اللي اقابلها فيه لأنه عارف انها بتجلس تعبي لي راسي لأن اشياء كثير اطلبها من زوجي مايسويها لي وعارف انها هي سوتها وفعلا اكثر المرات اللي اشوفها فيها بعدها احس اني مو طايقة زوجي لأنه غير عن اخوه وحتى باقي السلايف مايطوقوها لأنها اخده حقها وزيادة مع زوجها وتحب تبين ده الشيء بس عشان السلايف الباقيين اكبر مننا بكثير مودايما يكونو معنا
وحتى لمن نتكلم انا واخوات زوجي بأمور عادية مثلا المعارض وغيرة وعجبني شيء معين او اي شيء تقول لا ماهو حلو اللي في البلد الفلاني احلى يعني غير تبغى تبين انها هي اللي تفهم بكل شيء ومرة ساتني اخت زوجي عن كوفيرة شاطرة راحت نطت وقالت مافي ولا كوفيرة شاطرة والبلد الفلاني احسن من هنا واي شيء لازم تقاوح فيه وتبغى رأيها هو اللي صحيح
انا بصراحه مليت منها وكرهت اني اشوفها بس وش اسوي لازم تكون بوجهي بس قلت رح استخدم معها اسلوب اني اسوي مثلها عشان ماحسسها انها احسن مننا ولا ايش رأيكم

محطمه من الجميع · 02-04-2007, 14:18

احس انك انتي اللي تغيرين منها (اسمحيلي بس هذا احساسي)

يمكن هي على نياتها وتحب تسولف في ناس كذا

وانتي فهمتيها غلط

تصدقين ان اخت زوجي ماخذه عني فكره نفس الفكره اللي انتي ماخذتها عن سلفتك

دايما تقول مغروره وشايفه نفسها وتكرهني وانا والله مو داريه عن شي عنها

ومره قالت لاختي ليش اختك (تقصدني) دايما تطالعني بنظرات حقد

ويوم قالت لي اختي انصدمت لاني ماعمري طالعتها بهالنظره

الله يعين بس

وانا انصحك تحاولين تحسنين الظن فيها يمكن هذا طبع فيها ومو قصدها تغيظك

التمسي لها الاعذار والكلام اللي يقهرك دخليه مع اذن وطلعيه مع الثانيه

أبو خالد لكويتي · 02-04-2007, 14:40

هلا اختي دلوعة الحب موضوعج انا عايشه في بيتنا انا واخوي في البيت وكل واحد عنده زوجه مع انا زوجاتنا يقربون لبعض ومشاكلهن مشاكل كل وحده تغار من الثانيه
لاكن مايتواجهون يحاولون يعبونه علي شان نكره بعض ودايم زوجتي تشكيلي من زوجة اخي وانها تغار منها وتبي اهي الي تبين واهي احسن وحده وماتحب احد يمدحني وفي الواقع انا حاس في هاذا الشي من زوجت اخي واحس حتي اخوي بدا يتغر علي زوجتي لم يشوفها مايسلم عليه مع اني عكسه حتي لو سمعت من زوجتي ماياثر فيني مدام هم بينهم انا مالي شغل

فشاهد اختي انا موضوعج ناس واجد يعانون منها انا اول واحد
هاذا طبع الحريم الغيره صحيح انهم ناقصات عقل ودين وان كيدهون عظيم

نصيحتي لج وهاذا الي متبعه انج تتجنبين الاحتكاك فيها وقللي الجلوس معاها حاولي انج ماتختلطين معاها يعني اذا شفتيها مجرد سلام وروحي مكان ثاني واذا قالتلج شفيج تعذري انج مشغوله ولا تعلمينها بسرارج خلج ذكيه صدقيني راح تطق منج وتموت قهر بس بشرط انتي تكونين واثقه من حالج

وسلامتج اختي

elsahtana · 02-04-2007, 15:18

معلش اختى انا ايضا اشعر انك انتى اللى بتغيرى منها
كم منا لم يواجه مثل هذه الامور لكن انتى لو بتحبى زوجك وراضية بما قسمة الله لكى والله ما يفرق معاكى شئ دى اسمها قناعه شخصية اعتقد ان انتى اللى نفتقدها متزعليش من الرد ممكن يكون قاسى بس صريح
ويا بخت من بكانى وبكى عليا ولا ضحكنى وضحك الناس عليا ده مثل عندنا فى مصر
اتمنى انك تكونى فهمتى قصدى
تقربلى لربك وارضى بما قسمة لك

كلمات لها معنى · 02-04-2007, 15:44

انتي طنشيـــــــــــــــــــــــــــــــــــها بكل معنى الكلمه
ودايما قدامها الفي القصص والروايات تاليف 00000معي
يعني اخترعي السوالف الي تبين تقهرينها فيها اختراع 0000000 وعندي لك سر 0000يموت الحريم من القهر 000000
لما تجين تروحين بيت اهل زوجك 0000000كشخـــــــــــــــــــــــــتي على الاخر وخلي الزين طاغي يعني لو انك بتروحين اكبر حفله في العالم ما تكشخين كذا 00000طيب
ودايما تقربي لاهل زوجك بالهدايا 00000حتى لو اشياء بسيطه 0000لانهم لو مدحوك باي شيء بسيط قدامها 000000000صدقيني بتولـــــــــــــــــــــــــــــــع من القهر
وانتي دايما جيبي سوالف حلوه عن زوجك (والفي قصص مو مشكله )
والله يعينك عليها 000000بس مهما كان انتي الاقوى 000صح؟
اعتبريها حرب 000000000وخبرينا النتايج

أعذب احساس · 02-04-2007, 15:49

حاولي إنك ما تقابلينها

**&&دلوعة الحب&&** · 02-04-2007, 16:20

بالنسبة للأخوات اللي قالو اني انا اغير منها لو جيتو للصراحة 95% من السلايف يغيرو من بعض وانا ماقولكم اني ماغير منها بس غيرتي هي بس في ان زوجها يلبي لها طلباتها اكثر وحدة فينا احنا السلايف واهل زوجي مسمينو حق زوجته بس هي دي الغيرة اللي اغيرها منها اما الأشياء الثانية من ناحية الجمال وكل شيء فلأنا الحمد لله بشهادة الجميع اني اجمل وحدة بالسلايف كلهم وانا الوحيدة فيهم اللي متعلمة والحمدلله اخلاقي احسن من اخلاقها وده كله بشهادة الجميع ليس غرور او ثقة بالنفس ولكن اتمنى ان زوجي يعاملني مثل زوجها رغم انها متسلطة على زوجها وقوية معه

اخت محطمة انتي تقولي انها يمكن ماتقصد انها تقهرني -- مواقف كثير حصلت تثبت ذلك حتى ام زوجي لاحظت عليها وتضايقت من ده الشيء غير كده سارت مرة مشكلة وقالت بلسانها ايش معنى فلانه اللي هي انا تسوي وانا لا على نفسها يعني نطقت اسمي وبينت ده الشيء

ابو خالد صحيح كلامك اكثر السلايف كده والله يعينك انت واخوك

كلمات لها معنى تصدقي انك جامدة بس ان شاء الله اقدر اسوي اللي قلتي عليه مع اني ماحب اكدب

اعذب احساس

بالعكس انا افضل اني اقابلها عشان اقهرها انا كمان لأني كده كده لازم اقابلها بيت اهل زوجي

for ever11 · 02-04-2007, 16:48

والله مشكلة السلايف مشكله...انا بعد اعاني من زوجة اخو زوجي بس المشكله انها مواجهتني في البيت اربع وعشرين ساعه لانا ساكنين في بيت اهل زوجي ومعانا اخوانه الاثنين بعد يعني خمس عوائل في بيت واحد....ومشكلتي معها هي بالذات مشكله..هي انسانه تخاف من الحسد وتحس كل الناس بتحسد عيالها ..ومره قالتها لي صراحه...في مره كنت ااكل ولدي وبنتها كانت معانا وكانت مصره ان بنتها تروح البيت مع انها قاعده تاكل ويوم سألتها ليش قالتلي انت بتحسدين بناتي لانهم ياكلون ولدج ما ياكل....تخيلوااااا...تفكيرها وين وصل واستوت مشكله كبيره وكانت دايما تقول لي انا دخلت المطبخ وسويت اكل وانت لا مع انه الاكل تاكله هي وعيالها وانا عمري ما كلت شي هي مسويته الا نادرا...وخاصه في رمضان..مع انها فاضيه وما تشتغل وانا الوحيده في البيت اللي اشتغل وتباني بعد ادخل المطبخ اسويلها اكل لها ولعيالها...مع اني يوم اكون فاضيه ما قصر اسوي وجبات للبيت كامل..
احياناً اقول يمكن تغار مني لاني اطلع وايد مع زوجي ونسافر واشتغل واسوق وهي لا
مع ان ظروفها احسن من ظروفي والمفروض انا اللي اغار منها لانها معززه في البيت
واحين تبني بيتها الخاص وانا لا وزوجها مثل الخاتم في صبعها...بس حرييييييييييييييييم
ومشاكلهم ما تخلص
والله يعينا على بعض

بكرى أحلى · 02-04-2007, 18:01

ضعي ستارة بينك وبينها
وبين كل حريم اخوان زوجك

وأنظري لحياتك فقط .. وش تحتاجين ؟ وش تبين تسوين لتلبية احتياجات بيتك ؟

وتأكدي أن نسبة السواليف الحقيقية اللي يقولنه الحريم في مجالسهن ماتتعدى 1%

**&&دلوعة الحب&&** · 02-04-2007, 19:37

فوايفر الله يعينك عليها انا ماحب الناس اللي كده

بكرى احلى مثل ماقلتي اضع حاجز احسن

انوووثه طاغيه · 02-04-2007, 19:53

لاتعليق

رورو ♥♥♥ أبو أيه · 02-04-2007, 19:59

العقل زينة يا بنت الحلال ولا تهدمى بيتك وتعكرى صفو زوجك بسبب امور حريم لاتنتهى
ربنا الهادى

امرأه وبس · 02-04-2007, 20:31

ههههههههههههههههههههههههه ضحكتيني قسما بالله ...

مشكلة النساء الأزليه ...الله يكون بعونهم ..

للأسف سلفتك لئيمة وانتي غيرتك زايدة عن اللزوم ...

هي شكلها حست انك غيورة .. قالت خلني ازيدها ...

ومشكلتك بالضبط حاصله معايه .. أنا لما أقابل سلفتي اللي ساكنه معانا بنفس البيت

أحسها تحترق من القهر ... لدرجة انها أحيانا ماتقدر تخبي دمعتها ... والله العظيم اني

ماسويت لها شي .. بل بالعكس أنا طيبة مره وعلى نياتي ... بس يمكن تنقهر لان زوجي

أحسن من زوجها ظاهريا ... ماتدري جاهلة .. مافيه بيت خالي من المشاكل ... بس

البيوت أسرار ...

**&&دلوعة الحب&&** · 03-04-2007, 13:55

اقتباس:

المشاركة الأصلية كتبت بواسطة امرأه وبس

ههههههههههههههههههههههههه ضحكتيني قسما بالله ...
مشكلة النساء الأزليه ...الله يكون بعونهم ..
للأسف سلفتك لئيمة وانتي غيرتك زايدة عن اللزوم ...
هي شكلها حست انك غيورة .. قالت خلني ازيدها ...
ومشكلتك بالضبط حاصله معايه .. أنا لما أقابل سلفتي اللي ساكنه معانا بنفس البيت
أحسها تحترق من القهر ... لدرجة انها أحيانا ماتقدر تخبي دمعتها ... والله العظيم اني
ماسويت لها شي .. بل بالعكس أنا طيبة مره وعلى نياتي ... بس يمكن تنقهر لان زوجي
أحسن من زوجها ظاهريا ... ماتدري جاهلة .. مافيه بيت خالي من المشاكل ... بس
البيوت أسرار ...

على قولتك لئيمة جدااااااا وهي حاسة بي وتبغى تقهرني بس لمن تلاقي اني احسن منها بشي والله حتى هي تتقهر

em tala · 04-04-2007, 05:11

انتي طنشيـــــــــــــــــــــــــــــــــــها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجة اخ زوجي ماذا افعل معها