عالم الحياة الزوجية - منتدى

الأمير الصغير · 03-04-2007, 12:20

يابنت ياللي تلبسين الفرنسي
.......... وتمسسينه فوق الارداف مسّا
حمستي قلوب المساكين حمسي
.......... واللي يشوفك طال ليله ولا امسا
الناس ترها يا البنيه تحسّي
.......... لا تحسبين ان العرب ما تحسا
وانتي عرضتي والبضاعه تعسي
.......... واللي يطب السوق مثلك يعسا
ابديتي اللي كان لازم يدسي
.......... اللي عن عيون الخلايق يدسا
واليوم قدمتيه في وسط تبسي
.......... وقلتي لجمهور الجويعين كبسا
لين اجتمع وايل وهيثم وعبسي"
.......... مثل البساس اليا اروحت ريح بسا
وجيههم مثل المرايات ملسي
.......... وعيون مرطٍ والمناخير فنسا
إذا التفت كنه مجبّس بجبسي
.......... خايف على الغتره تعطّف وتقسا
كنه مربط فوق علباه حلسي
.......... ودك تسوقه بين الاسنان بقسا
بنت الرجال اللي على الخيل ترسي
.......... اللي وراهم يشبع الذيب فرسا
صارت تغنّج بين كدلك وجمسي
.......... واحمس قلبي من فعايلك حمسا
شومي عن اهل الدندنه والمجسّي
.......... اللي ليا ذكروا هل الطيب يخسا
ذولاك ما يسوون يابنت فلسي
.......... لو جتهم الهيئه يروحون دعسا
نسيتي ان اللي خلق جن وانسي
.......... يمهل ولا يهمل ولا هوب ينسا
قادر على انه يحبس الروح حبسي
.......... في ساعةٍ كل المخاليق خرسا
اضفي العبايه خلّي العود مكسي
.......... حتى يجي عندك عريس وعرسا
تبنين جيلٍ يغرس الطيب غرسي
.......... جيلٍ خذا في سلم الاجواد درسا

لؤلؤة-المحيط · 03-04-2007, 12:38

حلو كثير كلامك شكرا

عذبة الخاطر · 03-04-2007, 13:00

ينقل للقسم المناسب...

احلام وردية · 03-04-2007, 17:10

الله يعطيك العافيه..قصيده مميزه مشكور

وياهلا فيك

ثلاثنيه متزوجه · 03-04-2007, 19:45

واااو روعه جد
يسلموو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)