إذا بغيت تركب مطبخ ألمنيوم

السلامــ عليكم ورحمة الله وبركاته ،،،

تعليمات مهمه جداً عند تركيب مطبخ الألمنيوم

من خلال جولتي بين محلات تفصيل مطابخ الألمنيوم بالرياض

يوجد حرامية في السوق يبالغون ويستغلون

عدم معرفة الناس بالخامات والأنواع

أولاً : مطابخ الألمنيوم يكون سطحها( الطاولة ) رخام

صناعي نوعه يكون (صبه => قشره)

لايكون صبه عاديه اللي تحتها خشب .

قيمة الرخام اللي فوق الطاولة (صبه قشرة ) من 270 إلى 300 ريال

ثانياً : أنواع الفورميكا ( سوري ، وطني ، أمريكي )

(( أنتبه أسأل)) عنها ترى يفرق السعر..

ثالثاً : الفصالات اللي يمسكون الأبواب لازم تكون

إطاليه ..إنتبه.. فيه تقليد مكتوب عليها صنع في إطاليا جاية من دبي

رابعاً : الزاوية أو أي إضافات عادية تحسب عليك بالمتر حتى

لو شي بسيط ( حاسبهم أحسن لك بالسـنتيمتر علشان تعرف اللي لك واللي عليك)

خامساً : المجلى الحوضين(صبه قشرة) قيمته من 900 إلى 1200

سادساً : الأرفف الداخلية إذا كانت مدبلة تكون أغلى ( أنتبه )

سابعاً : العمود اللي حامل الكاونتر إذا كان رخام غالي و إذا

كان ستيل أرخص .. أنا أفضل ستيل

سابعاً : قيمة المتر تكون طولية شاملة

الطاولة(صبه قشرة)+الدولاب مهما كان إرتفاعه .

ثامناً : قيمة بيع المتر المعقولة من 550 إلى 750 ما زاد

عن ذلك يعتبر غااااالي

تاسعاً : المحلات اللي تتكاثر فيها المطابخ :

ــ طريق التخصصي (غالي لكن راااقي )

ــ طريق الخرج ـ إتجاه الشمال ـ

ــ طريق مخرج 9 (شارع الأمام محمد بن سعود) بين مخرج 7 و مخرج 5

أنا بالنسبة لي فصلت مطبخي عند إيكيا ( مطبخ خشب ) بدون

سطح الطاولة .. لأني بفصل سطح الطاولة رخام

صناعي (صبه قشرة ) برا علشان الطاولة الخشب غير عملية وغير مضمونة و

أقدر أحدد اللون اللي أبي

ومع ذلك المطبخ الخشب أرخص من الألمنيوم

ويضمنون شغلهم 10 سنين لأن تسعيرة الألمنيوم وصلت 9000آلاف

أما الخشب 7800 آلاف ( طبعاً مافيه مجال للمقارنة بين الخشب والأمنيوم )

ختاماً .. أسأل الله لكم التوفيق .. ولا تنسونا

من دعواتكم لي وللمسلمين ( لو وحدة بس )

أرجو عدم لطش الموضوع يا حلوين ..


تحياتي .. مجنون توفي

نصائــــــــــــــح ثميــــنه وجدا راااائعه ,,


يعطيك ألف عافيه ,, وبإنتظار جديدك ,,