عالم الحياة الزوجية - منتدى

اوراق الياسمين · 06-04-2007, 14:39

السلام عليكم ورحمة الله وبركاته
اخواني واخواتي الاعزاء
حبيت اطلرح لكم مشكلتي لعل وعسى القى عندكم الاسباب والحلول
بعد ماضاقت فيني الدنيا مالي بعد الله غيركم
انا منتزوجه من عشر شهور وحامل بالتاسع باقيلي اسبوع ونص تقريبا على موعد الولاده باذن الله
قبل امس جيت ابصحي زوجي يروح للدوام ومسكت جواله علشان اشوف المنبه ولقيت رساله مكتوب فيها (

تخاف على مشاعرها ولا تخاف على مشاعري حتى باي ما قلت بس انا الغلطانه )
تخيلوا ....
دااااااااااااارت فيني الدنيا حسبي الله فيه وفيها ونعم الوكيل
قمت قلتله وش هذا انت ما تبطل حركاتك <<< لاني زمان لما كنت متزوجه لي اربع شهور لقيت بالسجل رسائل متبادله ولما اتاكدت من الرقم لقيته رقم بنت

ولما سالته قال هذي وحده تلاحقني ..... الخ
وانا اخترت اني اصدقه بمزاجي مع اني مو مقتنعه بكلامه بس علشان ابحافظ على بيتي واعطيه فرصه ثانيه
وبعدها بفتره لقيت رساله بجواله من رقم ثاني غير الاول تقول فيها ( كل يوم بهذه الساعه اللي ربي يستجيب فيها للمظلومين اقول حسبي الله ونعم الوكيل فيك )
المهم مسحت الرساله من جواله وطنشت الموضوع وحفظت الرقم عندي
وهذا هو نفس الرقم اللي قبل امس لقيته

المهم بعد ما راح الدوام انا حسيت نفسي بنجن وارسلتله رساله ما خليت بقلبي شي
قام دق وحاول يقنعني انه ما يعرف الرقم وانا قلتله اني شفته قبل كذا بجواله بس ما واجهته فيه
وطبعا رجال لا يمكن يعترف انه غلطان
المهم سكرت ودقيت على اخوي ورحت لاهلي لاني حسيت نفسي ماني طايقه شي وبنجن لوحدي
وقفلت جوالي قام دق على زوج اختي وسأله عني وعرف اني ببيت اهلي ولاعاد سأل بعدها 00000000 حتى زوج اختي لما كنت عندها قال لاختي ابدق عليه (يقصد زوجي ) واجيبه يتفاهمون مع بعض ويتصالحون واقنعي اختك تجلس
وتخيلوا بعد ما هدتني اختي واقنعتني ما جاء قام زوج اختي انحرج وطلعنا نتعشى برا بمطعم ولما رجعنا انا قلت لاختي خلاص بروح بيت اهلي وكانت الساعه 1 بالليل والا زوج اختي يقول خلاص هو الحين جاي ( بعد ما خلص سهرته الاخ توه جاي ) وانا طبعا رفضت وانا طالعه من بيت اختي وهو داخل
ومن يومها لا يدق ولا يسال ولا شي كانه انا الخاينه وهو الضحيه اللي انا استغفلته
وراح اقولكم اشياء عرفت تفسيرها بعد هالموقف :
_ زوجي ما ينام معي بغرفة النوم ينام وحده بالصاله بالبدايه كان مره مرتين بالاسبوع وبعدين صار مستحيل ينام فيها يقول تجيني كتمه وضيقه من الغرفه (طبعا بس بالليل بالظهر عادي ينام ) وانا كنت الصق وانام معه بالصاله وما اخليه لوحده بس بعدين صرت اتعب من الارض لاني حامل
والتفسير عشان ياخذ راحته ويكلمها
_ من ناحية حقوقي الزوجيه زوجي مررررره مقصر معاي فيها رغم اننا عرسان
ممكن نجلس ايبوع او عشر ايام بدون ما يلمسني ولو ما ابادر انا لا يمكن يبادر رغم انه ما عنده ضعف وهذا شي متاكده منه
وهذه النقطه ابيكم انتم تفسرونها لي
_ زوجي راتبه 4 الاف ونص وما عندنا ايجار وبيتنا ملك وما عندنا اطفال لسه وانا ما اروح السوق ابد وما نقضي الا مره بالشهر وبقيمة 200 ريال اكثر شي وبس
وما يمر اسبوع ونص او اسبوعين الا الراتب طااااااااااااااار
وطبعا مالي مصروف محدد وهو مو بخيل بس اذا طلبت شي يقول ليش ووش تبين فيه وعندك كثير ........... الخ ومن هالكلام اللي يعوف
فلوسه وين تروح ؟؟؟؟؟؟؟؟
_عنده جوالين واحد بالسياره ودايم صامت والثاني اللي معاه طول الوقت
يقول فواتيره بحدود 300 _500 ولو انه يكلم كان فواتيره اكثر من كذا
بس انا وش دراني انه صادق طبعا فواتيره ما تدخل البيت
قولوا لي وش الحل ؟؟؟؟؟
وربي اني مو مقصره معاه حتى بالعلاقه الخاصه احاول اسوي اللي يبيه وما اقصر بشي بس هو روتيني معاي مرررررره وما يبي يجدد كأنه يسوي واجب وفرض مفروض عليه
والله تعبت
الله يجزاكم خير لا تطنشوني محتاجتكم حيل حييييييييييل لا تخلوني
فهموني ليش يصير معاي كذا وهو غلطان ولا لأ ؟؟؟؟؟
انا بانتظاركم واتمنى يكون فيه جديه بالردووووووووود

اوراق الياسمين · 06-04-2007, 16:13

ليش مطنشيني ؟؟؟؟؟؟؟؟؟
بليييييييييييز
محتاجتكم قبل اولد

كلمات لها معنى · 06-04-2007, 16:22

انتي ياقلبي ليه تسامحينه من البدايه 0000الرجال اذا شاف انو زوجته متساهله معاه من البدايه صدقيني راح يتمادى اكثر واكثر خصوصا في هالمواضيع الحساسه 0000وبالنسبه للمكالمات مع البنات 0000 اكيد انو ربعه الي يمشي معهم كذا وهم الي مشجعينه على هالشيء 00000هذا في حاله اذا كنتي انتي مو مقصره معه وقايمه بواجباته 00000 طيب انتي ليه ما تستغلين فتره الحمل في انك تشغلينه فيك وفي البيبي الي جاي في الطريق 00000يعني دايما سوي نفسك تعبانه وبتموتين وتبينها يمشيك ويراعيك ويجيب طلباتك ----- وبالنسبه للراتب 00000000ليه تصرفين 200 ريال في الشهر ؟بس ؟ وليه ما يعطيك مصروف ؟
الفلوس هذي انتي احق فيها ؟ ولازم تمتعين نفسك وتروحين السوق وتشترين كل الي نفسك فيه وتجهزين نفسك للولاده وللبيبي 0000 وهو يدفع غصب عنه 0000لا تقولين زوجي مسكين وابغاه يجمع فلوس 00000لا
انتي احق منه في هالفلوس الي تنصرف 00000ولا تخلين عنده فرصه حتى يتنفس 000اذا قدرتي انك تحرقين الراتب كله لا تقصرين 0000لان الرجال مايقدر يتنفس الا بالفلوس 000000نصيحه خليك واعيه ؟ لا تخسرينه 00000000

اوراق الياسمين · 06-04-2007, 17:49

اختي كلمات لها معنى
مشكووووره على المرور والرد الحلو
فعلا خليتيني احس اني ظالمه نفسي معاه زمقصره على نفسي بالمرررره كله علشان ما ابي اضغط عليه واكرهه بالزواج والبيت والمسؤليات
حتى ال200 ريال مافيها شي لي كلها مقاضي للبيت
بس الحين داخلين على مرحله جديده مرحلة البيبي حفايظ وحليب ومستشفيات باذن الله غير اهريه طلبات واصر على مصروفي
ياخساره الواحد يقدر ويراعي ويعامل بالطيب علشان بالاخر ينداس وتنهان كرامته
فعلا الرجال ما يجون الا بالعين الحمرا والطيب ما ينفع معاهم

ليال عبدالرحمن · 06-04-2007, 17:57

ارجو من الاخوات ان يفكروا قبل اي رد على مشكله زوجيه

لن الحياة الزوجيه شي حساس

وارجوا ان يتقوا الله في ردودهم لن ممكن ردهم يهدم بيت

وهذي المشكله تكررت مثلها كثير وكنت اشوف ردود الاخوان والاخوات احيانآ يمكن يهدم بيت

ارجوا التنبه الى ذلك وراعي الله في ردودك يااخوان

الورده الحمرا · 06-04-2007, 18:02

ان كان من اولها في حياته معاكي هيك ،، اصبري على ماابتلاكي ربنا لانو ماراح يتغير ،،، والله اعلم

اوراق الياسمين · 06-04-2007, 18:49

ليال
شكرا على مرورك بس ما قلتي رايك
الورده الحمرا
احبااااااااااااااااااااااااط
شكرا على مرورك وردك

نادين الاشقر · 06-04-2007, 19:07

قصتك احزنتني اكتر ما تتصورين

انا لو محلك ما ابقى معه هاد انسان خاين ومقصر (يضرب على هيك اعمال)
شكلو مجنون نساء هاد
ليش تسكتين له ينام بغرفه لوحده وعنده مبايل مسكر بالسياره ورسائل ومسجات من نساء
وشكلو ماخد عليهم وماخدين عليه الاخ
وليه ما تاخدين حقق من المصروف
يا اختي افعال زوجك كلها غلط بغلط
والله لو اني محلك ما اقبل اضل عندو
فوق انو خاين كمان مش معتذر
وبخونك وانتي لسه عروس
حسبي الله ونعم الوكيل
احكيلو البيت الي رباني ما راح وخلاني
اختي تفسيرك لكل افعاله صح
بعتقد انو زوجك متزوج عليكي لانه افعاله تدل انو في امرأه بحياته
وماخده عقله وقلبه ونقوده
شاب لسه عريس ليه عشر ايام تنو يلمسك وهو طبيعي الله اكبر وينتظرك انتي اطالبيه يعني الاخ مو ساأل ابدا

ماله اين يذهب لا اجار ولا اطفال وما تاخدين منه نقود طب وين يروحو ؟ ما بدها تفكير انو بصرف على حد تاني

انا لو محلك لا سمح الله ما ببقى معه ابدا وبطلب الطلاق
اي شي بهون على الانسان الا الخيانه بموت منها

ازا مش مفكره بالطلاق هدده بالطلاق وشوفي رددت فعله
بس يا خوف قلبي يطلقكك وانتي معكش خبر طراه بايعك

منيب هينة · 06-04-2007, 19:40

الله يعينك ياغاليه على زوجك
زوجك مظيع نفسه وراتبه على الي يسوى والي مايسوى

اوراق الياسمين · 06-04-2007, 19:41

آآآآآآآآآآه يا نادين الاشقر
كلامك صحيح بس ما اعتقد انه متزوج لانه شاب عمره 25 سنه بس وما يقدر يفتح بيتين
اما ليش اسكت على افعاله فهو اللي مسكتني غصب
يعني لما اقوله ليش تنام بالصاله يقولي انكتم من غرفة النوم وما اقدر انا فيها ( يسكتني)
ولما اساله ليش جوالين يقول الثاني احتياط للضروره اذا انفصل جوالي او خلصت بطاريته ( يسكتني )
المصروف مثل ما قلت لو اطلب شي بسيط يسوي لي تحقيق واحس اني زي الشحاته عنده وكرامتي تنهان (يسكتني )
لما اقوله ليش انت بعيد عني وانا اللي اقرب يقول انتي حامل وما ابي اتعبك
اقوله حملي مستقر وما فيه اي مشكله واذا كنت تعبانه بقولك
بس مافي فايده
تسلمي على مرورك يا نادين والله لا يخليكي تمري باللي مريت فيه

اوراق الياسمين · 06-04-2007, 19:46

منيب هينه
فعلا مضيع راتبه ووقته وكل شي على هالحقيرات وانا حارمني من كل شي
كل يوم سهر برا البيت في القهوه ولا الاستراحه الى الساعه 12 ونص او وحده او كاثر
فلوسه عليهم
حبه وعواطفه لهم ( مع العلم انه يقول لي كلام حلو ويحاول يحسسني بحبه ) بس الظاهر علشان يغطي افعاله
لا هدايا لا وقت لا فلوس لا عواطف ولا تلبية احتياجات كلها لهم وانا الشغاله اللي تطبخ له وتغسله وتدور راحته
حتى الشغاله لها راتب اما انا راتبي الخيانه

نور دبي · 06-04-2007, 19:55

اصبري يا غاليتي يمكن صديقة قديمه والله صدقيني انتي الاصل والفصل
والا ما كنت بتشوفين هالمسجات وانها تدعي عليه
يمكن الريال مب عارف كيف يفتك منها ساعديه انتي بذكائج ومحبتج
واحس انج بتقدرين اتغيرين ريلج
وعن معاش زوجج والله ان شوي ما يكفي ولا تتخيلي ان فلوسه يصرفهم مني
ومناك ترا الشيطان شاطر في زينة الشك للازواج
وعن النوم يمكن عشان انتي حامل احيين

اصبري عليه عشان خاطر البيبي يا اختي

نادين الاشقر · 06-04-2007, 19:55

والله قطعتي قلبي يا اختي الغاليه
بس هو صغير لسه يعني ان شاء الله لما تجيبي اعيال بجوز يتغير لانه لسه طايش
اهم شي دير الك منه لانه شكلو مو قليل
حاولي انك خليه يخصص لكي مصروف معين الك ل ابنك يعني انزلي السوق اشتري كل الي تبيه واشتري ل ابنك كل الي يبه ولا تحرمي نفسك من اي شي
عيشي حياتك ولا توفرين له اي نقود لانه الي عم بخليه يلعب ديله كثرة المال وفي نساء والعياذ بالله بدبحوه حالهم وببيعو حالهم لراجل الي معه فلوس
خلصي على فلوسه هههههههههههههههه نصيحت اخت لا اختها
يعني انسي انك توفريله مصروفك وتحرمي حالك على شان ياخدهم ويصرف على الحراممممممممممم اوكي اختي يعني ازا اعطاكي مصروف وما بدك تشتري شي ذبيهم لا بنك تراه زوجك مضروب ومش عارف يدبر اموره
وحاولي تعرفي ليش وين بروح مصروفه اساليه وين بروحو خليه يفرد ورقه امامك
وان شاء الله ربنا بهديه

اوراق الياسمين · 06-04-2007, 20:01

نور دبي
نادين
جزاكم الله الف خير وباحاول انفذ نصايحكم باذن الله

ليال عبدالرحمن · 06-04-2007, 21:58

اوراق الياسمين
ايش تبيني اقولك كثير رجال كذا بمجتمعنا والعن بكثير من كذا
على الاقل يسمعك كلام حب بعضهم حتى كلام الحب ماتسمعه من زوجها
انتي تحبين زوجك اسئلي نفسك قبل اذا كنتي تحبيه اعرفي كيف تكسبيه
دوري على الطرق كيف تكسبيه
اعتبري زوجك شي كبير ومهم جدآ وتبين توصلين لعنده ايش تسوين لجل توصلين
اعملي المستحيل لجل توصلي
ارفعي ثقتك بنفسك وقولي راح اوصل راح انتصر
وطبعآ اول طريق هو صلاة القنوت صليها دايم
ثانيآ اعملي واعملي صدقيني راح تنتصرين
خصصيها بس لهذا الشي لاتدخلي فيها شي ثاني
اذا كنتي ماتقدري تغيري الوضع شوفي وين الاحسن وضعك هنا ولا بيت اهلك اكيد راح تقولي هنا عنده معناته اصبري
مارديت على مشكلتك لني ماارد على المشكله بسرعه لازم اعطي نفسي وقت لني اخاف اخطأ بالرد واتحمل مسؤليه
ودعواتي لكي يالغاليه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجي 000 خاااااااااائن