عالم الحياة الزوجية - منتدى

خايف عليها · 08-04-2007, 05:06

السلام عليكم ورحمة الله وبركاته

اخواني مالي خلق حتى اقول اشلوونكم من الضيقه الي فيني

ابي ادش في الموضوع على طول وابي راييكم ومساعدتكم

لأني صدق صدق تعبت

توني متزوج جديد ماصار على زواجي خمس شهور وكنت اعامل زوجتي احلى معامله

لحــد الآن ولاتعبت وديتها افضل مستشفى وافضل طبيب واذا بغت فلوس عطيتها

فوق ماتبي دبل واذا قالت ابي اروح ازور اهلي اقولها من عيني هذي قبل هذي

وماقصر معاها بالكلام الحلوو والريق العذب يعني مو مقصر معاها بالمره

ولكن اشوووف هذا كله قاعد ينقلب ضدي

يعني مايمر اسبوع الا تقول ودني عند اهلي انا تعبانه شوي وانا اقول يا الله

امشي واشوف السالفه هذي زادت عن حدها

وتبون الصدق انا مليت من حركاتها هذي وصايره ماتقوم بواجباتي من ناحية الطبخ

والملبس والنظافه

والحين انا موديها عند اهلها تقول انها تعبانه والا تدز لي مسج تقولي انا بروح

عرس وحده من رفيقاتي ؟؟؟؟

يعني الحين انا موديها ترتاح عند اهلها عشان هي تقول انها تعبانه وثاني يوم

تقول انا ابي اروح عرس رفيقتي ؟؟؟

ابصراحه انا مليت من هذا الاسلوب وودي بحل يؤدبها ومايخليها تعيد هذي الحركات

انا بصراحه طرت في بالي زوجة ثاني والله العظيم

لأن ابصراحه من يوم تزوجت وانا مالي شغله الا حركاتها الي مالها داعي بالمره

ابي رايكم بصراحه وبسرعه لأني والله طفشااان من قلب

منيب هينة · 08-04-2007, 05:12

ياخي الله يصلحك المفروض بدال
ماتجي تشتكي على زوجتك هنا كلمها قول لها الكلام الي قلته هنا
وأذا بغيت الجد انت غلطان
انت الي مخربها بعض الحريم ماينعطون وجه المفروض انت الي تعلمها على
اطباعك من اول
انت صارحها بهدوء وبطيب وأن مانفع معاها
شف لك معاها اسلوب ثاني كأن تطنشها..قول لها يوم كنتي عند ابوك
شي وهنا شي ثاني
انت ادرى بزوجتك وبلأسلوب الي يمشي معاها

خايف عليها · 08-04-2007, 05:19

مشكوره على المرور والتعقيب

ஐرٍهيـنة الخيـالஐ · 08-04-2007, 05:41

وعليكم السلام ورحمة الله وبركاته

اللهم لاسهل إلا ماجعلته سهلاً وأنت تجعل الحزن إذا شئت سهلاً
واكثر منـ الاستغفار ,,

اول الــف مبـــروك اخوي خايف عليها

اذكر الله ياخوي توك متزوج وتقول الثانيه حرام عليك
اللي يشوف مصيبة غيره تهون عليه مصيبته

الحل بيدك ...
صارحه باللي يضايقك
عاتبها باللي سوته ليش تاخذ عى خاطرك منها وماتقولها ...!!
يمكن هي فعلا تعبانه ولكن لما كلمت رفيقتها تعزمها ماقدرت تردها ..!

تمنياتي لك بالسعادة فالدارينـ ..

أتعبتني · 08-04-2007, 05:41

أخي العزيز خايف عليها
صباح الورد والجوري
أنت في بداية حياتك الزوجية ومن المأكد أن التفاهم يكون فيه نوع من الصعوبة لعدم التوافق الفكري، وعليه أجلس مع زوجتك جلسة مصارحة وبين لها ما في خاطرك وكيف تريدها أن تكون وهي بالمثل تبين لك كيف تريدك أن تكون، وأعتبروا هذا الكلام الذي يدور بينكم بمثابة العقد، لاني أراك في ضيق شديد وأنت في بداية الحياة فكيف بعد مرور فترة طويله من الزمن،
أخي
يجب عليك أن تحسم المسألة من البداية كي لا تفلت الأمور من يدك، ومسألة الدلع ليس كل النساء تفهم أن ما تقوم به دلع وأنما يظنون أنه ضعف من الرجل فيستقلون الموقف بصورة غير جيدة والنتيجة الذي أنت تعانية.
اسال الله لك التوفيق والسداد،

مذهلــــــه · 08-04-2007, 06:08

صباح الخير خايف عليها

الى يصير معك شي طبيعي في بداية الحياه الزوجيه

يكون فيه اختلاف بينكم....لانكم باقي ماعرفتوا بعض

الدلع والكلام الحلو شي رائع استمر عليه .....لكن بعد

لابد من الشد القليل حتى ماتتمدي عروسك بجهلها

ولازم اخوي تجلس معها وبكل حب واحتوى تصارحها

بضيقتك وانك محتاجها وتبي عطائها وحنانه واهتمامه

ومو كل مره تعبانه بروح اهلي ارتاح قلها راحتك في بيتك

اولى وقل انا تعبان بعد ومحتاج راحه وراحتى قربك مني

لاكن ماتوصل المسأله وانت توك عريس تفكر في الثانيه

بسبب تضايقك من بعض تصرفات عروسك ومانقول مشاكل

اجل بعد كم سنه لازادت المسؤليات والمشاكل وش بتفكر فيه

اخي لا تهرب من ضيقتك باقرب حل وقتي وهو الزواج بالثانيه

مامنه الاالمشاكل ووجع الراس....وابحث لحل جذري تحصل نتايجه

الحسنه كم سنه قدام وهو المصراحه والطلب فقد تجهل عروسك

ماتريد فبعض النساء تفقد الفطنه والذكاء وتحتاج من يذكرها

وانت اولى بتذكيرها ورح تتغير وتكون لك زي ماتحب واكثر

متفائلة بالخير · 08-04-2007, 06:15

اقتباس:

المشاركة الأصلية كتبت بواسطة مذهلــــــه

صباح الخير خايف عليها
الى يصير معك شي طبيعي في بداية الحياه الزوجيه
يكون فيه اختلاف بينكم....لانكم باقي ماعرفتوا بعض
الدلع والكلام الحلو شي رائع استمر عليه .....لكن بعد
لابد من الشد القليل حتى ماتتمدي عروسك بجهلها
ولازم اخوي تجلس معها وبكل حب واحتوى تصارحها
بضيقتك وانك محتاجها وتبي عطائها وحنانه واهتمامه
ومو كل مره تعبانه بروح اهلي ارتاح قلها راحتك في بيتك
اولى وقل انا تعبان بعد ومحتاج راحه وراحتى قربك مني
لاكن ماتوصل المسأله وانت توك عريس تفكر في الثانيه
بسبب تضايقك من بعض تصرفات عروسك ومانقول مشاكل
اجل بعد كم سنه لازادت المسؤليات والمشاكل وش بتفكر فيه
اخي لا تهرب من ضيقتك باقرب حل وقتي وهو الزواج بالثانيه
مامنه الاالمشاكل ووجع الراس....وابحث لحل جذري تحصل نتايجه
الحسنه كم سنه قدام وهو المصراحه والطلب فقد تجهل عروسك
ماتريد فبعض النساء تفقد الفطنه والذكاء وتحتاج من يذكرها
وانت اولى بتذكيرها ورح تتغير وتكون لك زي ماتحب واكثر

مجنونة حبيبها · 08-04-2007, 09:49

أنا مع مذهله ماشاء الله كلام عين العقل
تحياتي

أم مروه · 08-04-2007, 11:58

في موضوعك كله ماكتبت كلمة // كلمتها // نصحتها // ناقشتها

يعني ماعمرك وضحت لها إنه هالأشياء تضايقك يمكن هي معتقده إنك مرتاح ومافي شي مكدرك لأنك مثل ماقلت إنك مو مقصر معاها في شي وهذا يبين لها إنك مرتاح لو هي حاسه إنك مو مرتاح جان غيرت تصرفاتها إلا إذا كان هناك سبب آخر لا نعلمه.

والله أستغرب من بعض الرجال من تصادفهم مشكله في حياتهم قالوا نفكر في الزوجه الثانيه الله يهداك يا أخوي إنتو توكم عرسان جداد يعني شي طبيعي إنه في أول سنه محد يفهم الثاني بعد العشره يبدأ كل واحد يعرف وإشلون يفكر الثاني وش إلي يريحه وإلي يضايقه.

إنصحها كلمها وإذا مافاد دخل حد فاهم من الأهل وإذا مافاد غير معاملتك معاها كون جاف وإذا ماحست على دمها بعدين فكر في الزواج أو الإنفصال ولكن هالشئ خله آخر شي

والله لو زوجي كان يزعل مثلك من بداية زواجنه جان طلقني في شهر العسل لأنه الخلافات في بداية الزواج لازم تصير كل واحد متعود على نظام معين في بيته وعلى إسلوب معين يعني صعب الإنسجام من أول شهور
ولكن ألحين الحمدلله كل واحد عارف الثاني وإشلون يفكر

والله يوفقكم إن شاء الله

حفيدة عبد العزيز · 08-04-2007, 21:34

صارحها
حنا هاذي مشكلتنا مافي الصراحه المطلقه بين الزوجين

الله يوفقك يارب اتمنى لك احلى حياه زوجيه

em tala · 09-04-2007, 01:06

بتعرف شو الاسلوب اللي بيجي مع اغلب النسوان دايما حسسها انه ولاشي من اللي بتسويه عاجبك لاطبيخها ولالبسها حتى لو عجبك شي انتقدها هيك بتسير تحاول اتحسن في حالها مشكلة اغلب النسان انهم ازا وثقوا من حب الرجل بكبروا عليه

امرأه وبس · 09-04-2007, 01:18

لولولولولولولشششششش <<<==== زغاريط

أبشرك زوجتك حامل <<=== فيلم مصري خخخخ

شوف عزيزي اذا كانت فعلا زوجتك حامل فحركاتها ذي طبيعيه جدا ...

والمر أة في بداية حملها تكره كل شي .. حتى زوجها وبيتها ... وتحصلها نفسها براس

خشمها ...

أما ان لم تكن حامل فحركاتها أيضا طبيعيه ... لأنها عايشه طول عمرها عند أهلها مو

معقوله في يوم وليله تقدر تقعد فترة طويلة بدون ماتشوفهم ...يعني أصبر عليها سنه

ولا سنتين ... وبتصير انت اللي تطلب منها تروح عند أهلها وهي تقول لك لا خخخخ ...

أعرف بنات كثير بعد ماتزوجوا كل يوم وهم عند أهلهم ...

وبعدين أخي مثل ماقالوا لك أخواني وأخواتي اللي سبقوني طبيعي الخلافات بين

الزوجين أول الزواج مستحيل تحصل أزواج مابينهم خلافات .. بالذات أول زواجهم .. لأن

كل واحد جاي من بيئه مختلفه ... لكن صدقني لو درت زوجتك انك تتضايق من تصرفاتها

لتبيع الدنيا كلها علشان ترضيك ... بس انت جرب وصارحها بس بأسلوب حلو ...

وسلامتك ...

امرأه وبس · 09-04-2007, 01:20

أم طلال بصراحه كلامك خطير مره مره ...

أنا لو زوجي يعاملني مثل ماتقولين انتي كان انتهى كل شي بيني وبينه ...

مستحيل أعيش مع رجل وأحبه وأسلمه جسدي وهو ينتقدني على كل شي ...!!!!

f444 · 09-04-2007, 10:22

لو رأت منك حزم الرجال والعين الحمراء والهحران المر , مل تجرأت عليك

لكنها هي عارفه أنك طايح عندها وما تقدر على فراقها

ALSANAM · 09-04-2007, 11:10

لا اله الا الله
خمسة اشهر وتشتكي من المشاكل اجل بعد خمس سنين وش تسوي انت واياها
كل امرأة في بداية حياتها الزوجيه تكون عندها بعض السلبيات التي يمكن تعديلها مع الوقت ولعل زوجتك كانت مدلعه بالمره في بيت اهلها ويمكن عندها تعليمات بانها تفرض هي عليك ما تريده وان تمشيك على العجين وما تلخبطه
اعد زوجتك الي بيتك واحلس معها جلسة مصارحة وافهمها المطلوب منها بشكل ودي فاذا رايت منها قبولا وتفهما فالحمد لله اما اذا رايت منهاعدم التجاوب والعنت والعناد فغير تعاملك معها تماما واعطيها العين الحمرا وامنعها من زيارة اهلها الا في مدد متفاوته لان بعض النساء ما تنعطى وجه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اجنيت من كيد زوجتي ,, ابي مشورتكم