عالم الحياة الزوجية - منتدى

حبيبة نفسي · 10-04-2007, 05:40

في مشكلة أنا اعاني منها مع نفسي
أنا مخطوبة وأكلم خطيبي واحبة بس مستحيل أقولة انا احبك او اقولة كلام حلو ما ادري ليية حتى لو اكون مشتاقة له ويسألني اشتقتي لي ما اقولة اسكت ودي اتكلم بس ما اقدر احس شي يربط لساني إذا سكرت منة اقول خلاص إذا كلمتة بقولة احبك وبقولة إلي بقلبي وإذا كلمتة ما اقدر اقولة شي ابدآ حتى هو صار شوي يتضايق مني يقولي انا محتاج منك الكلام الحلو محتاج اسمع إلي بقلبك مع إنة ابدآ ما يقصر معي في مشاعرة وبعض الاحياان اتضايق من الكلام الحلو الي يقولةلي بس لاتقولون انا ما احبة علشان كذا ماتبين تسمعين لا احبة واتمنى اكون مثلة اقول إلي بخاطري

إلي عندة حل اتمنى ما يقصر معي واللة محتاجة النصيحة

engaged girl · 10-04-2007, 06:08

حبييتي أولا ألف مبروك
بس انتوا متملكين ؟؟؟؟؟؟؟
لأنه ما يصلح يكلمك وانتوا لسا ما كتبتوا العقد

أختي ترى الرجال اذا شافك كذا ما تقولين له كلام حلو راح يتضايق
وانتي قلتي انه قالك هالشي , أنا عارفه انك حيويه ما شاء الله
بس ولو حاولي , لو بالمسجات في البدايه وتعودي على الكلام الحلو
يا قلبي , يابعدي, يا روحي ,............الخ

وترى والله راح ينبسط عليك ,, بعدين هذي الفتره أحلى أيام العمر
فلا تضيعينها صدقيني راح تندمين

بالتوفيق ,,,,,,,, وطمنينا عليك ياعسل

man2006 · 10-04-2007, 06:08

ترا البنت قبل الزواج تكون فيها حياء

ولكن الرجل يفضل المراه انه تكون مستحيه قبل الزواج و في فترة الخطوبه

لان هذه فطرة المراه

والمراه الجريئه لا يرغبها الرجال

وجهة نظري

حبيبة نفسي · 10-04-2007, 06:32

بس انا لي 3شهور اكلمة ولا مرة سمع مني شي

واللة بديت اشك في نفسي ان ما عندي احساس لان بطبيعة البنت تكون كلامها حلو وانا ما اقدر انطق ها ذا الكلام

خفجاوي · 10-04-2007, 07:25

اقتباس:

المشاركة الأصلية كتبت بواسطة حبيبة نفسي

بس انا لي 3شهور اكلمة ولا مرة سمع مني شي
واللة بديت اشك في نفسي ان ما عندي احساس لان بطبيعة البنت تكون كلامها حلو وانا ما اقدر انطق ها ذا الكلام

هههههههههههههههههههههههههههه
طبيعي جدا وعادي
لما يقولك مااشتقتي لي وتسكتين توصل لزوجك افضل من انك تقولين نعم اشتقت لك
السكوت علامة الرضا او بالاصح علامة الموافقة والايجاب عند البنت
مشكلتك في انك ما فهمتي خطيبك توقعتي لما قالك ما احتاج منك كلام يكفي كلام قلبك توقعتي انه تضايق وهو بالعكس كان يقصد كلام قلبك لان الكلام اللي في قلبك يوصل له وفاهمه
خطيبك انسان متفهم حافظي عليه ولا تحاولين تجبرين نفسك على الكلام اللي في قلبك يوصل لخطيبك ما يحتاجين تقولينه
سبب تضايقك احيانا من كلام خطيبك المعسول خاصة اذا زودها حبتين هو شعورك انك ما تقدرين تجارينه انتي في داخلك تتمنين تجارينه وتتجاوبين معه واذا ماقدرتي تتجاوبين معه تتضايقين من كلامه
هذا كله طبيعي والسبب الخجل
شيلي من راسك ان زوجك متضايق من سكوتك ما دام قالك اللي في قلبك يوصل له لا تشيلين هم هو فعلا اللي في قلبك يوصل له وحاس فيه
ارق تحية لك والله يوفقكم

(المهاجر) · 10-04-2007, 09:03

تحية،،،
ممكن تعبري بالكتابة.
أرسلي له رسالة بعد كل فترة.
سيفهم ظروف خجلك ...وتكوني عبرت عن مشاعرك له.
بالتوفيق،،،،

حبيبة نفسي · 11-04-2007, 03:40

مشكوووووووووووووووووووووووور خفجاوي والزوج الفنان
طيب بعدين إذا تزوجت او بعد كم شهر استمر بسكوت

شوق السحاب · 11-04-2007, 04:12

اكتبي له رسائل حلوة

بنت أدم · 11-04-2007, 04:16

مثل ماقالوا اخواني ارسلي له وبعدين مافيها سشي لو قلتي له انك تحبينه .. ولكن بنوع من الخجل او قولي له باالانجليزي هع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي مع نفسي