عالم الحياة الزوجية - منتدى

اخت القمر · 10-04-2007, 21:18

مرحبا بالحبايب
انا الله يسلمكم مالجه يعني عاقده القران من اسبوعين ...وعرسي باجي عليه 8 اشهر ان شاء اللع يعني توني ............. مالجه المهم
زوجي يطلب مني اني اقوله كلام حب وبالذات كلمة احبك ... بس انا استحي وايد وما ابيه يزعل حرام في خاطره ..

بس انا استحي قلت له اصبر علي شوي تونا مالجين هو مره قالها وانا قلت له لا تقول لاني استحي

وبعدين قالو لازم تتغلين ؟؟ ولا تقولين بسرعه
شو الحل اتغلى وما اعطيه كلام حلو ؟ ولين متى؟؟؟ ولا اعطيه ؟؟ وكيف اقوله ؟؟

ثاني شي ... هو قالي اليوم انه عنده طرق يخليني احبه .. وقلت له وانت شواللي تباني اسويه عسب اخليك تتعلق فيه وتحبني قالي عاااااااااد هذا وشطارتج
فابي منكم يا اهل الخبره المساعده شو الطرق والاشياء اللي اخليه يحبني ويتعلق فيه بس بطرق التغلي ................؟؟؟

المرفهة · 10-04-2007, 21:51

العزيزه اخت القمر

الف مبروووووووك الملكه وعقبال الزواج يارب

نصيحتي لك غاليتي كوني على طبيعتك
فمتى احسستي بحبك له صارحيه اكيد راح تكوني محرجه ومكسوفه لكن الرجل ايضا يحتاج لسماع كلمات الحب مثلك
فهذا يعجبه ويرضي غروره
ولاتتصنعي فالمشاعر الصادقه تخرج من القلب وتصل الى القلب

تمنياتي لك بالتوفيق

elsahtana · 10-04-2007, 22:14

حبيبتى مبروك على عقد القران اولا
ثانيا جميل انك تكونى غاليه عند زوجك بس مش كده هو اكيد عايز يسمع كلمة حلوة
قوليها بس مش كتير وان قالك انه يقدر يخليكة تحبية قوليله انت لما تخلينى احبك هتخلينى كمان اخليك تحبنى دايما خلية هو اللى يبدأ

اخت القمر · 10-04-2007, 23:40

المرهفه
مشكوره حبي ع النصيحه

##################

اقتباس:

يقدر يخليكة تحبية قوليله انت لما تخلينى احبك هتخلينى كمان اخليك تحبنى دايما خلية هو اللى يبدأ

مشكلته اذا منعته قلت له لا تقول لاني منحرجه مثلا ...

صدق خلاص ما يقول بس يترياني انا اقول

بس انا استحي ماعرف كيف اييبها وما احب اكون خفيفه عنده احب اتغلى واحب بنفس الوقت انه يتعلق فيه ويحبني

لاني تعقدت سمعت وايد من رباعتي انهم دلعو رياييلهم لين ما طنشوهم ولا اهتمو فيهم ...

صاروخ الشعب · 11-04-2007, 01:46

الف مبروووووووك الملكه وعقبال الزواج يارب

قولي احبك وريحيه وبلاش تتغلين حرااام

اخت القمر · 11-04-2007, 08:44

صاروخ الشعب

اقتباس:

قولي احبك وريحيه وبلاش تتغلين حرااام

ماتحس اخوي انه تو الناس .. لانه تونا من اسبوعين مالجين
... يعني ما اتغلى بعد شوي ..

(المهاجر) · 11-04-2007, 09:10

تحية،،،

** تدرّجي فيها ....عدد من الرسائل المتباعدة...ثم بالهاتف ...وأخيرا وجها لوجه.
** الاعتراف بالحب يمكن التعبير عنه بعدة أوجه...وحتى في الكلام ممكن تعبري بأكثر من أسلوب...وأيضا بالتدريج.... اختبريه أولا بالكلمات الخفيفة.

بالتوفيق،،

شيخ الرومانسية · 11-04-2007, 11:29

انا حالتي مثل ريلج ومالج من ثلاث شهور وكنت اشجع حرمتي تقولي احبك ويوم تقولي صوتها يروح من الخجل لكن مع الايام تحسن الوضع ولكن بعدها تستحي مني وما تقولي شي الا اذا انا قتلها واحس مب شي جي وحلاته يوم البنت اللي تبدأ بهذا الكلام والريال يحب الحرمه اللي ادلعه وتسمعه كلام حلو بين فتره وفتره ودام انكم مالجين يعني يمكن تتصلون في بعض اكثر من مره فاليوم ولكن حاولي اخر مكالمه تكون احلى مكالمة واللي تكون غالبا اخر الليل وتسمعينه كلام حلو وتصارحينه مثلا تقولين له بتدريج ولهانه على شوفتك واحسن اني محظوظه فيك وانت احلى واحد في عيوني وبتدريج فديتك وأحبك واموت فيك والكلام مب تحفظينه حفظ.. ترا يلاحظون الرياييل اذا البنت مزهبه كلام من قبل او لا واحلى شي يوم يكون عفوي ويطلع من الخاطر بدون حواجز وخجل ويوم يتكلم عن شي او يمدحج مثلا مره وحده دشي عليه عرض وقولي له بقولك شي بجديه وبسكت وقولي له أحبك وصدقيني بيتخبل عليج
ولا تنسين الريال يبغي يشبع غروره من الكلام الحلو واذا ما سمعه منج بيسمعه من عند منو ويمكن المسكين من ايام الخطوبه وهو يتريى الكلام الحلو منج
واذا تبينه يحبج
اسئلي عنه دوم واتصلي عليه بين فتره وفتره خلال اليوم يوم تسئلين عنه وقولي له ابغي اسمع صوتك او ولهانه عليك وهني بيحس بقيمته عندج وبيحبج وبيعزج وايد ولكن اذا ما تجاوبتي معاه وما حسستيه بحبج واهتمامج وتغليتي عليه يمكن بييه احباط ومب كل الرياييل مثل بعض ولا تسمعين كلام ربيعاتج لأنهم بيضيعونج بالاخير .. وحلاته البنت هي اللي تبدا بالكلام الحلو والريال دايما يحب يسمع الكلام الحلو وعودي لسانج على الكلام الحلو من الحين يعني تزقرينه بدلع ويوم يزقرج تردين عليه عيونها روحها وبيتم لسانج حلو معاه على طول اما اذا بتمين جافه وتتغلين بتعانون من النقص العاطفي مثل ما يقولون وعيشوا هالفتره ولا تخربينها عليه وعليج بالخجل وتوابعه ^_^
وهالفتره تبين له حبج بالكلام ولكن عقب العرس باهتمامج وحنانج وافعالج ف عيشي هالايام ولا تضيعينها عليج بالخجل

المهم بتوفيج والله يتمم على خير

حنين الذكريات · 11-04-2007, 21:33

اولا الف مبروك ويارب يجمع بينكم فى خير
ثانيا اتفق مع كلام شيخ الرومانسية
لا يوجد مدة محدد ة حتى تقولى لسه بدرى على كلامى معاه ثم ما المانع ان تخبريه بمشاعرك وتسميعه كلام يحبه ما دم هذا فعلا شعورك
ثم ما علاقة غلا كى عنده وان تخبريه انك تحبيه
حاولى وتغلبى على خجلك ويمكن ان تخبريه وانت ناظره للارض او تطلبى منه ان يغمض عينيه وقوليها صدقينى عندما يفتح عينيه سترى نظرة لن تنسيها ابدااااااااااا
ثم هو طلبها اذن هو محتاج والافضل انك تعلقة بيكى وتقربيه بدل ما غيرك يفعل
لا تسمعى لبعض الكلام من البنات الين ينصحون بالدلل والتمنع بحجة الغلا
طبعا الدلل والتمنع مطلوب لكن لحد معين بعدها لا يطيق الرجل هذا الدلل وفسره عدم اهتمام او برود فى المشاعر
تاكدى انك غاليه جدااااااا لديه والدليل انه كتبك على اسمه واصبحتى زوجته امام الله والجميع .
ولا تنسى مشاركته افكاره واحلامه وان تفعلى كل ما يحب ما دام وافقتى عليه
ولك منى كل التوفيق

اخت القمر · 11-04-2007, 23:00

الزوج الفنان
شيخ الرومانسيه
حنين الذكريات

اشكركم كل الشكر على نصايحكم الذهبيه اللي فرحتني وايد
وكنت صدق محتاره كل حد يقولي شي البعض يقول تغلي الريال اذا عرف انج بسرعه حبيتيه ما بيتعلق فيج واتغلي والريال يحب الوحده الخجوله
والبعض يقولون عادي

صدق ماعرف شو اسوي
كل الشكر لكم حبايبي

mousaa · 11-04-2007, 23:36

اقتباس:

المشاركة الأصلية كتبت بواسطة المرفهة

العزيزه اخت القمر

الف مبروووووووك الملكه وعقبال الزواج يارب

نصيحتي لك غاليتي كوني على طبيعتك
فمتى احسستي بحبك له صارحيه اكيد راح تكوني محرجه ومكسوفه لكن الرجل ايضا يحتاج لسماع كلمات الحب مثلك
فهذا يعجبه ويرضي غروره
ولاتتصنعي فالمشاعر الصادقه تخرج من القلب وتصل الى القلب

تمنياتي لك بالتوفيق

اتفق مع كلامها

ويجب ان تبدأي بالتعود , فخجلك طبيعي

يمكنك التمرن بأن تكوني لوحدك و تقولي كلمه احبك

ويمكنك التدرج من الهاتف الى وجها لوجه

تحياتي

engaged girl · 12-04-2007, 02:23

أختي أنا مثلك
أختي تقول لا تقولين له كلام حلو بعدين يمل
خليك ثقل

حتى اليوم بغيت ارسل له مسج بقوله انتبه لنفسك عشان الجو مطر
قالت اختي لااااااااااااااااااااا

والله احترت

بس بعد هالكلام راح أعطيه كلام حلو والله مساكين

الله يوفقنا

اخت القمر · 12-04-2007, 08:35

engaged
لااااااااااااااا عاد مب لهالدرجه اختي
انا احترت اني اعطي كلام حلو وغزل صح بس لازم اسال عنه عسب يحس اني مهتمه فيه ويبادلني الشعور ..

السندررريلا · 13-04-2007, 18:20

أختي لاتتغلين وقوليله كلمة احبك تراها لها اثر كبير في حياته
والله انا من 4 مكالمه قالي أحبك وانا قلتله حتى انا امووووت فيك وفرح ذيك الليله
مع اني في البدايه قلت بتغلى عليه بس الكلام جاب بعضه

اخت القمر · 13-04-2007, 19:40

السندريلا
مشكوره غناتي ع الرد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عاقده القران من اسبوعين .. وابي مساعدتكم بشي