عالم الحياة الزوجية - منتدى

حسينو 99 · 16-04-2007, 21:13

السلام عليكم ورحمة الله وبركاته
ممكن مشكلتي مايحلها الا البنات
بختصار شديد باقي على زواجي 5 او 6 بالعربي في العيد من السنه هذي الله يبلغنا وياكم
نجي للمشكله انااملك على بنت عمي من 5 شهور وكانت رافظه مبدى التلفونات اني اكلمها وقنعتها بمساعده من عمتي وكلمتها وتحادثنا في مواضيع عده منها عن الكله الي اهي فيها وعن المجتمع والدين والاهل وغازلتها بالكلام المعسول الي يحبه قلبك
وانا ساكن عزابي في الخبربحكم وظيفتي وانزل كل اسبوع على البلد يومين خميس وجمعه الي قبل كنت انزل البلد كل 3 شهور مره او اكثر من كذا بعد
وكل مره انزل اشتري حق خطيبتي هديه مثل بوكيه ورد عطورات مجسم ملابس مثل جينز او برموده غير المصروف الشهري
ومع ذالك لما اتصل نادر ترفعه اوتكون نايمه

او الجوال في غرفة النوم وهي تحت في الصاله مع الاهل وتاركه الجوال فوق ولا حتى تعطيني مسكول او كول مي على الاقل وكل مره تتعذر لي

طبعا اهي اذا قلت لها شي يظحك اظحكت
تاخذ وتعطي واذا غازلته اسكتت واقلها ابي اسمع كلمه حلومنك قالت بعدين
وهي الحين رافظه اني اقابله في البيت على الاقل مره في الشهروقلت لها ماراح نطلع بالسياره بس انا ابي اشوفها ليه لان الى الحين باين انها مش فاهمتني ولا راظيه اشوفه وبعض الاحيان ارسل لها مسج وهي ماتراسلني والله مليت وهي مش حاسه
وانا خايف احد يلعب في مخها ولا ابي ارغمها الزبده امطنشتني وانا اموت فيها

ها شسوي

لازم اشوفها ممكن تتغيرصح او

دلوعة منسية · 16-04-2007, 21:25

يااخي معليش حاول ما تضغط عليها وخفف من زياراتك واتصالاتك وانشالله بتلاقيها لوحدها بدق لك وتكلمك وتسال عن سبب عدم الاتصال وعدم مجياك _رح تشتاقلك_ صدقني
هي ممكن تكون بتحبك بس بطبيعة حياتنا البنت خجولة واكيد انت بتحس اذا كانت بتحبك ولا غصب عنها مخطوبالك
والله يوفقك ويسعدكم

عروس مطلقه · 16-04-2007, 21:35

اخوي موضوعك واضح وبسيط جدا

البنت باين عليها خجوله

وماشاء الله شكلها متربية صح

مفروض تستانس انت

ودامها تتجاوب معاك لما اتكلمها معناته مافي اي اشكال بالنسبة الها

انت بس اصبر لين الزواج وبعدين بتطلع لك كل شي في خاطري

اسمع مني ...

وانت خلك على اسلوب ك معاها ولا اتقلل .. خلها تتولع فيك

واثقل شوي وشوف اذا ما بادرت هي لك

الله يوفقكم يارب

(المهاجر) · 16-04-2007, 23:16

اقتباس:

المشاركة الأصلية كتبت بواسطة عروس مطلقه

اخوي موضوعك واضح وبسيط جدا
البنت باين عليها خجوله
وماشاء الله شكلها متربية صح
مفروض تستانس انت
واثقل شوي وشوف اذا ما بادرت هي لك
الله يوفقكم يارب

تحية،،
أظن نصائحنا تكون بدائية مقارنة بنصائح الأخوات.
ركّز عليها...واكتبها...وطبّق منها ما يتناسب مع ظرفك.
أكتفي بالدعـــــــــــــــــــــــــــــاء لك.

خوخه1950 · 17-04-2007, 03:04

فعلا هى اكيد خجوله جدا بس انت اصبر وخالى بالك طويل وجرب انك تتقل عليها وما تتصل كام يوم بس يكونوا يوم او يومين وشوف رده فعلها هيكون ايه ولو ما اتصلت او ارسلت رساله اتصل انت وقولها ما وحشتك يعنى حاول تحركه بس باسلوب لطيف من غير متضايقها
وربنا يسعدك ويهنيك ويجمع بينكم فى اقرب وقت ويروح خجلها

engaged girl · 17-04-2007, 12:07

أخوي هدي بالك

أولا ألف مبروك,,,,,,,,
صدقني ترى البنت ما تحب انه يجي خطيبها البيت واعرف بنات كذا لأنهم يقولون
احنا مشغولين بالتجهيز والحوسه ,
بعدين حاول شوي شوي وان شاء الله توافق,

بين لها ان زيارتك لها راح تكون ذكرى حلوه , قلها مثلا اليوم بجي أسلم على عمي
وودي بشوفتك , دور لك حجه تخليها توافق

على فكره أنا ترى تملكت من 3 شهور وزوجي توه يجيني الاسبوع اللي فات
ولا كان يكلم ولا شي , الا من يومين بدا يكلم
صدقني اصبر وربي بييسرها

الله يوفقكم ويسخركم لبعض

فراشه2000 · 17-04-2007, 15:44

اصبر اخي هيك كل الخطيبات دلال بدلال

جوري&& · 18-04-2007, 00:10

اخوي ما دام اذا قلتلها قوليلي كلمه حلوه وتقولك بعدين اكيد خجلانه منك وهي تحبك اصبر لما تتزوج ورزقك بيجيك لا تستعجل
وانا اقول مثل الاخت الي قالت خف عليها شوي من مكالماتك لها وبيجي وقت هي تدورك وتطممن عليك

اعشق عيناك · 18-04-2007, 13:43

انا رايي اشتغل عليها تليفونات كتييييييييييييير لحد ما هية تزهق وبعدين فجأءة اقطع كل اتصالاتك بيها وسيبها تستوي على نار هادية وسيبها لحد ما هية تكلمك

abu adam · 19-04-2007, 00:41

ho اخوي انا شايف انها خجوله انا برايي تخفف اتصلاتك و زياراتك وبعدها راح اتشوف انها هي اللي راح تبادر وتتصل وتسالك لليش ما بتتصل ولا بتسال الله يوفقكم

عباسه · 19-04-2007, 07:12

عطها شويت وقت وشلون ؟؟

انا اقولك كلمها يومين ورى بعض وتركها يوم واليوم الثاني ارسل مسج حلووو

بعدها اتركها اسبوع كامل ، حسسها بغيابك واشغلها وراح ترسل لك بس لاترد اثقل

شويه يومين بالكثير والثالث راح تكلمك .. وربي يوفقكم إنشاءالله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن مساعده