الاميررره

" المنحوس منحوس " وحكاية اليوم تثبت مدى صحة هذا الموضوع مع بطل اليوم الأخ أنيس الكثيري ، الصهر العزيز اللي كان حيوديني في داهية ليلة دخلتي يا ناس ، أشوف فيك يوم يا أنيس .

المهم القصة وما فيها إنه أنيس طلع من البيت متوجه إلى قصر الزواج في جده عشان يحضر الفرح بتاع صاحبه وحبيبه " المعلم " ، وهو في الطريق حط شريط جديد من أغاني الشباب إياهم اللي بتقول إس إس السلام عليكو ، وهو في نص الأغنية إتقلب الشريط على الوجه الآخر له وإذا بها أغنية للدكتور عبد الوهاب اللي عمره أنيس ما سمع له شريط ولا حبه كده لله وفي الله والسبب كمان لأنه مره زاره في بيته وقاله : إنت الدكتور عبد الوهاب ، فرد عليه عبد الوهاب وقال : أها تم تم نعم انا هو بذاته تم تم أي خدمه؟ تم تم ؟
فرد عليه أنيس وقاله : طب لو تسمح يا دكتور انا عايزك تكشف علي أصلي تعبان وعندي الزايده مدوختني عايز أشيلها للعوزه أهي حاجة تنفع للزمن ، قام الدكتور عبد الوهاب شايته مع الباب ومن يوميها وهو بيكره أغانيه عشان كده كان عايز يقلب الشريط بس خايف السيارة تنقلب معاه وبدأ يحاول شويه شويه وأثناء المحاولة كانت السيارة متجهة إلى منطقة منخفظة فيها منحدر خطير وعايزه إهتمام كبير من السواق ولكن للأسف أنيس مشغول مع الشريط اللي عايز يقلبه ولم ينتبه إلا في اللحظة الأخيرة وقد أصبح هو والسيارة في وضع حرج ودخل بها في الفرح بتاع " المعلم " وكسر الدنيا وخرب الزواج وحطم الكراسي والناس هربت منه في كل مكان ، وبالعافية بالعافية هربوا أنيس من قدام " المعلم " اللي كان عايز ياكله بسنانه ( عايز تخرب علي الليلة المفترجة يا أنيس والله حكلك بسناني وحمزمز عظامك كمان ) المهم بعد دقائق حضرت دورية الشرطة ونزل الضابط وبيسأل أنيس : إزاي عملت الحادث بالشكل ده يا سيد ؟؟؟؟
أنيس : والله ترى ما هو قصدي ولكن انا وجدت نفسي مضطر للدخول في الزواج بالشكل ده
الضابط : إحكي لي القصة وخليني افهمك كويس يمكن اعذرك .
أنيس : أنا كنت نازل في منحدر خطر والفرامل كانت خربانه وما قدرتش أعمل حاجة
الضابط : أيوه يا سيدي وبعدين ؟
أنيس : كان فيه على يميني إثنين شباب واقفين ، وكان فيه على يساري الفرح والمعازيم ، فمن باب تخفيف حجم المشكلة في رأيك أروح يمين وأصدم الشباب أو أروح شمال وأصدم المعازيم كلهم وأخرب الفرح ؟؟
الضابط : بالتأكيد تروح يمين لتقليل الإصابات قدر الإمكان
أنيس : عليك نور يا ضبوطي أفندي ، ماهو أنا عملت كده بالضبط
الضابط : إزاي تقول إنك عملت كده وإنت خشيت في المعازيم كلهم وخربت الفرح بتاع " المعلم" ؟
أنيس : ما هو أنا رحت يمين وصدمت أول واحد من الشباب ، بس التاني هرب مني وراح شمال قمت أنا و لاحقه وخشيت معاه الفرح .

احصل على الاف المقالات , المواضيع و الصور باستخدام البحث في المنتدى انقر هنا