عالم الحياة الزوجية - منتدى

دانة الدبة · 21-04-2007, 21:13

مساء حلو معطر بالورد على أحلى أعضاء..

مالكم بالطويله..

القصه ومافيها..أنا مسويه رابطه للمطلقات ونتراسل دايماً..ونفتح قلوب بعض..نشيل عن بعض الهموم<<جربوها يابنات مافي أحسن من تصادقين وحده من نفس طينتك...
المهم وحده من البنات..
قالت أنو متقدم لها واحد مطلق زوجته..بعد ماأنجب منها طفلين..

أنا ووجهي فزعت وقلت لها..ماعليك ..استخيري..وزين ماجاك..مطلق..يعني عايش زي حالتك..ومجرب أزين من الولد اللي مايعرف شيئ..يعني قد تعامل مع حرمه ويدري وش العرس..
قعدت أنا ويها يوم كامل..أحس إنها تبيه بس كاشه عقب طلاقها..خايفه من تكرار التجربه..

وأمس وأنا أدور في المنتدى لقيت موضوع النور الأحمر..أن المطلق مهما كان لابد يندم..

بصراحه أنا محتاره وش أقول لها..أخاف عقب كلامي ذا تتوهق..وتدعي علي..

يالله شباب صبايا ساعدوني..
للأمانه تراي أبنسخ كلامكم وعلى المسن على طوووووووول..

اصرار رجل · 21-04-2007, 21:37

اختي القرار لها هي
خليها تستخير وتتوكل على الله وتدعيه
والله يوفقها لاتخاذ القرار السليم

انتي اعطيها وجهه نظرك بس افهميها انها نصايح فقط والقرار لها عشان مو بكره تحملك المسئوليه وتقولك انتي قلتي لي كذا و كله منك

انا من رايي ( بدون ادني مسئوليه ) انها توافق عليه
هو صحيح ان المطلق يحن لزوجته الاولى خصوصا ان له منها طفلين
لكن فيه مطلقين تزوجو وحياتهم مستقره الان مع زوجاتهم الجدد
وانتي شايفه الوضع الان البيوت مليانه بنات ما تزوجو ومليان مطلقات واجد
والشباب قله

وخليها تستشير من سبقوها في الامر هذا

وتشاور قريباتها الكبيرات في السن
واهلها

القرار لها هي لوحدها اما
توافق او ما توافق

وانا مثل ماقلت اختي افضل توافق
اذا كان الرجل اخلاق و عرفتو ان سبب طلاقه منطقي
ويصلي وبعيد عن الشبهات
وغير عصبي وهادئ
بس اهم شيء وش سبب طلاقه

القرار صعب
والله يعينها ويوفقها ويسعدها
وانتي بعد الله يوفقك ويسعدك ويرزقك الزوج الصالح التي تتمنينه

وجميع المطلقات
والمطلقين

تحياتي ,,,,,

دانة الدبة · 21-04-2007, 21:48

إليك ياهيونه من اصرار رجل..

@@@@
ياخواف ليش مو على مسؤليتك..
أنا أخافتطلق ثانيه وتدعي علي..ثمين أبلش بها..

ثانكس مشرفنا..

@بـــداية جـديـدة@ · 21-04-2007, 22:00

مشكلة ان كانه يحن لزوجته الأولى يمكن يظلم الثانية بس خليها تستخير وأكيد ربي

بيخيرها للي فيه الخير

اصرار رجل · 21-04-2007, 22:02

اقتباس:

المشاركة الأصلية كتبت بواسطة دانة الدبة

إليك ياهيونه من اصرار رجل..
@@@@
ياخواف ليش مو على مسؤليتك..
أنا أخافتطلق ثانيه وتدعي علي..ثمين أبلش بها..
ثانكس مشرفنا..

والله اختي القرار صعب

اذا قلنا لا
هناك امور تؤيدها
مثل حنينه لزوجته الماضيه
ربما يكون الطلاق بسببه ( يعني العيب منه)
ربما يفكر يرجعها

واذا قلنا ايه
لان فيه تجارب سابقه ناجحه
ولان المطلقات نصيبهن اصعب شوي من ناحيه الزواج
ولانه مطلق وهي ايضا مطلقه

انتي اعرضي عليها الامرين

وقلي لها الخيار لك

وخليها تستخير والله يوفقها

بالنسبه لي اقول لها توافق لكن ( ما اتحمل اي مسئوليه )
ايضا انتي لما تنصحينها بوجهه نظرك قلي لها انا ما اتحمل اي مسئوليه

تحياتي لك ,,,,

أم الشباب · 21-04-2007, 22:38

والله الافضل انها تستخير وتسأل عنه وعن سبب طلاقه
احتمال ما علمها بسبب الطلاق الصح
والله يوفقها للي فيه صالح لها

الفتى الحالم · 21-04-2007, 23:16

مساء المطر والعطر والبخور مساء كله سعاده وبهجه

في رأيي : مطلق بلا اطفال افضل بكثير من مطلق عنده اطفال .

بما ان عنده طفلين هذا ممكن يسبب لها المشاكل في المستقبل بعد ما يكون عندها

اولاد يصير تحيز من زوجها او تتهمه بالتحيز او يعيب في اولادها مو احسن من اولاد

زوجته السابقه وقد تقع في ظلم الطفلين الي من زوجته لسابقه وكثيرا ً ما نسمع عن

هذا الظلم اما اذا عندها القدره على الحكمه وقبول الطفلين عليها ان تتأكد عن مواصفات

هذا المتقدم ومن اي صنف ونوع من الرجال وتستخير الله وتتوكل عليه ثم تقرر .

*سحر الشرق* · 21-04-2007, 23:49

أرى أنه تستخير وإذا كان أخلاق فلا تتردد

دانة الدبة · 22-04-2007, 01:47

اصرار رجل
الغلا..
أم الشباب
الفتى الحالم

شكراُ لجميع الشباب والصبايا<<مني ومن هيووونه<<قالت قولي لهم أمانه..

أم الشباب:اصفقيني إذا فيه أحد في الزمن ذا يقول وش سبب طلاقه الحقيقي!!!

دانة الدبة · 22-04-2007, 01:51

دبلوماسيه شكراً لكي..

الريموت · 22-04-2007, 02:01

الصراحة مطلق بدون اولد
احسن بكثير
وانا اعرف انسان مطلق وعندة كمة اولد وخطب وحدة
وهم الان في قمة السعادة
وعلي حسب الرجل اذا كان متزن وعا قل
وهذا نصيب مكتوب
والاستخاة في اي شئ
واللة يوفقها والتوكل علي اللة
وتقبلي مروري
ولك تحياتي

م-سيف · 22-04-2007, 02:10

تتكل على الله اذا كان الرجل محترم

النور الأحمر · 22-04-2007, 02:33

اذا كان عنده من زوجته السابقة اولاد فأنصحها بالركووووووووود قبل التعجل في الزواج وخاصه اذا كان مطلق طلقه واحدة ...

انا اعرف رجال بعد ماتزوجوا رجعوا زوجاتهم ولاكن بعد ان دخل على الزوجة الثانية ,, وتورطت معه بأحد خياريين احدهما الطلاق ..

وحتى لو سئلت عنه فالقرار لايقرره الى نفس الرجل في نفسه وقد لايعلم احد مافي نفس الرجل الا هو فقط ..

فأنصحا بالتأكد منه ... عاجلاً

والله يوفقها لدرب الخير ....

دانة الدبة · 22-04-2007, 05:43

تم النقل إلى هيونه..والله يوفقها ونفتك من حنتها!!

وثااااانكس للجميع..

em tala · 22-04-2007, 05:52

خليها تستخير وتتوكل على الله وتدعيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سالفة صديقتي..عطوني رايكم..