عالم الحياة الزوجية - منتدى

لميس · 05-01-2005, 00:07

مقارنة بين البنت و الولد في كل مراحل الحياة

أولا: مرحلة الولادة
************
الولد في بطن امه يسووي مشاكل وترفيس ويتعرفط ويسوي حركات بهلوانيه وبعدين تولده امه وهو يبكي وعلى فكرة صراخ
الولداذا انولد يسمعه اللي باخر الدنيا لسانه طويل من يوم يولد

البنت اذا طلعت من بطن امها تطلع باحترام ومؤدبه وبلطافه
ماشالله على البنات

ثانيا: مرحلة الرضاعة
*************

الولد يتعب والدته بشكل رهيب والبنت في المرحله هذي طيبه وحبوبه وتقنع بالقليل والولد مايقنع حتى الحليب الولد يتشرط ان يكووون غير شكل

اما البنت ماشالله عليها تشرب حتى النيدو ههههههههه

ثالثا: مرحلة الحبو
**********

الولد اذا وصل مرحلة الحبو لازم تكلبشه أو تربط رجليه لان الولد اذا حبا حط رجله ويا الله دوره تلاقيه يا متكرفس مع الدرج والا غاطس في البانيو الله يكرمكم والا شايف لها صرصور وقاعد وراه يلاحقه

أما البنت هاديه ومطيعه وغالب تقعد قعده رومانسيه

رابعا: مرحلة المشي
*************

هذي اخطر مرحله يوصلها الولد وانصحكم ماتخلونه يذهب مكان البقاله او مكان محل الالعاب ويبدأ يحب الاسواق والله يعينك اذا ماسمعت له انت جرب وخله يروح معك للبقاله مرة وشف وش بيسوي لك اذا بغى يشتري حلاوة او لعبه ومارضيت توديه صدقني يكرهك بحياتك

أما البنت طبعا هاديه ولو صاحبة بنات السوء تتصرف بأدب أو تكون بلطجيه بأدب
ههههههههه

خامسا: مرحلة دخول المدرسة
**************

المرحلة هذي خطيرة جدا صحيح الولد يروح للمدرسه يتعلم القراءه والكتابه لكن فيه اشياء جانبيه بعد يتعلمها مع القراءه والكتابه راح تسألوني شنهي وكيف أنا اقول لكم..............؟؟؟
الولد يروح للمدرسه ولازم انه يختلط باولاد اخو ياه وبعدها يجي البيت ويشتغل الضرب على اصوله ويتدرب على اخوانه وخواته اللى اصغر منه وهات يا صياح وانواع الازعاااج

اما البنت فهى مؤدبه وتقلد خوياتها اللى رابطه بكله ورديه لازم البنت تقلد زميلتها وتزعجك الين تشتري لها مثل خويتها بالمدرسه يعني من هذي المرحله تبدا تقلد البنات لـسا ماوصلنا تقليد الفنانات وغيرهن هعهعهعهع وتتبع الموضه اقعدبهاا

سادسا: مرحلة المراهقه
*************

الولد اهنى يحس انه صار رجال وهات يا طلعات وحياته بالشوارع والزقاره باليد ويمسح بالقذله كل شوى اللى تارسها جل من تمر قدامه بنت يعنى شوفينى لووول

وهذي المرحلة يبدأ دلع البنت.. مادري ليش اي بنت توصل لمرحلة المراهقه تصير دلوووعه يااى ؟ البنت حساسه جدا في جسمها وفي مشاعرها وايضا لو قلت لها كلمه قويه شوي ولو كانت بسيطه او حتى مو قصدك تجرحها البنت ماعندها تفاهم على طول تزعل حتى لو تمزح معاها في الماسنجر وتضحك على طول بدون سبب أما الدلاخه في انها تصدق اللي يمدحها او يتغزل بهاالبنت تصدق على طول

سابعا: مرحلة العشرينات _ الشباب
*********************

لاداعي للكلام عن الولد فهو اصبح الان مسؤولا عن نفسه

المرحلة هذي مرحله حلوه مرة للبنت لانها في المرحله تبدا تعدل من اوضاعها وتصير راكده وتبدأ تعقل شوي شوي بس المشكله فييييين ؟؟؟؟؟
إن في هذي المرحله تعرفون البنت يكثر خطابها يعني مضطره انها تـتكشخ بكل عزومه او مناسبه والام توديها معها لاي مكاان تروح على شان تقول عندي بنت اللي يبي يخطب لولده ترى هذي بنتي ... البنت اذا انحرفت في المرحلة هذي تنحرف بعنف والى الهاوية واذا إلتزمت إلتزمت بشده وايضا في هذي المرحلة تظهر مواهب البنت اللي تخيط والا فنانه في تفريك الصحون والمحترفة في كنس البيت وإللي إختصاصها غسيل وكوي يعني مواهب حلوه بس للاسف الشديد على ماعتقد ان مافي بنت الان في عصرنا هذا تتوفر لديها هذه المواهب

ثامنا: مرحلة الزواج
*************

وهذي المرحلة بداية تعاسة الرجل ماتجي المصايب الا من هذي المرحلة يدخل البيت تستقبله الحرمة بريحة بصل أو ثوم او بديها صابون توها طالعه من المطبخ والا تستقبله وهي تزعق عليه وتصفق بوجهه بذيك الورقه اللي مكتوب فيها بصل خيار طماطم شامبو ضد القمل..الخ على فكره هذا كله تمهيد وبعده تكتب مجلة سيدتي خاتم ذهب شنطه جلد سحليه تغييرات اثاث البيت روح للمشغل طلع فستاني ولاتنسى تمر الصراف تجيب لي الف ريال ابي أروح السوق بعد كل هالطلبات كمان تروح السوق .. هبل

تاسعا : مرحلة الامومه
****************

في هذي المرحلة تبدأ المشاكل بين الزوجين يعني الرجال اللي عنده عيال كثير هذا اقف له وقفة احترام وتقدير لانه صابر على زوجته في المرحلة هذي تلاقي الرجال يحاول يهرب من البيت كثير ولكن وين ينحاش الحرمه وراه وراه والله تطلعه من تحت الارض وين مايروح تلاقيه اذا جلس الابو في البيت تلاقي وجهه احمر من الصراخ على البزارين واذا طلع من البيت ينشرح صدره ويرتاح لاحظوا ابائكم اذا هم في المجلس كيف تكون نفسيتهم اكيدزفت مثلا الاب يجلس مع حرمته ويجيك ولده الصغير يلعب بالكورة ويشوته على راسه بالكورة وينكب عليه الشاي والاب معصب والام تقول ماعليه توه صغيرخله احر ماعنده ابرد ماعندها واذا كان يبي يسولف معها يلاقيها متعلقه بسماعة التلفوون
ومعها كيس فصفص وتقشم على براطمها وتملا الصاله قشام واذا خلصت الرجال يبي يكلمها وهي تقول ابي اكنس الصاله لاحول ولا قوة الا بالله

¶§»أســ§ــومــ§ــة«§¶ · 05-01-2005, 02:25

يسسسسسسسسسسسسسسسسسسسسسسسسسسسلمو لميس على ا لموضوع
بس حاسه انه مكرر كاني قريته قبل
دورت على موضوع مثله مالقيت
يسسسسسسسسسسسسسسسسسسسسعدك ربي
مواضيعك رائعه دائما

لميس · 05-01-2005, 11:53

اسماهر مرورك الاروع حبيبتي

احبك وربي احبك · 05-01-2005, 11:58

مشكور ه لميس

بس لو قلتي الفرق بين الولد والبنت كان افضل

ونسامحك هالمره بس لاتكررينها

فهد

! وصيتـ قلبيـ ! · 05-01-2005, 14:09

البنت اذا طلعت من بطن امها تطلع باحترام ومؤدبه وبلطافه >>>>> وتطلع مستشوره بعـد خخخخخخخ

اما البنت ماشالله عليها تشرب حتى النيدو >>>>>>>>>> اقول كيف الحال خخخخخخخخخخ

أما البنت هاديه ومطيعه وغالب تقعد قعده رومانسيه >>>>>>>>> تسمع بالرومانسيه هههههه

يسملووووووووو لميس على الموضوع الرائع ولو ان فيه هضم لحقوق التماسيح هههههه

وحبيت امزح معك شوي

ويعطيك العافيه

وتقبلي ارق تحيه

اخوكـ / وصيتـ قلبيـ

لميس · 05-01-2005, 17:39

أحبك وربي أحبك لا تزعل أحاول ما اكررها

وصيتـ قلبيـ مشكور على مرورك وتعليقك

°°»Najla«°° · 07-01-2005, 03:47

هههههههههههههههه

عليهم

يعطيك الف عافيه عيوني لميس

ladylove · 11-01-2005, 02:11

خطييييييييييييييييييييييييييييييييييييير مرة
ياحبيلهم البنات يهبلون

لميس · 23-01-2005, 15:55

ليدي

ليدي لوف

تسلمون على مروركم حبايبي

samoo · 23-01-2005, 20:39

حرام عليكي ياشيخة ظلمتينا اللة يسامحك بس بدي أسألك وبصراحة بتقدري تعيشي بدون تمساح ٠
مع النصيحة بعدم المكابرة ٠

لميس · 23-01-2005, 23:28

لا ما أقدر

التمساح نصفي الثاني

ومشكور على مرورك

قطر الندى · 24-01-2005, 04:53

شكرا لميس
بس ليش خربت المدح في الاخير
لو كنتي لصقتيها فيهم...............

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

:: الفرق بين البنات الحلوات وبين التماسيح منذ الولادة ::