السلام عليكم أخواني و أخواتي,,,


عندي سؤال إنسأل لأشخاص كثيرين بنات و شباب و ما كان في نهاية الحوار معاهم إلا ما أدري أتمنى القى الحل بس بمنطقيه مو بس رأي و خلاص .. أحترم رأي كل واحد يشارك لكن لو ممكن يكون رده جاد و مجدي.



أولا نقول أن الطرفين يموتوا على بعض ..

بعيدا عن الدين و التدين .. يعني لو كانوا مو من الملتزمين بالدين 100 % يصلوا و يصوموا و يزكوا و يحجوا و كل شي بس يسمعوا الأغاني و يسافروا و يكشفوا نفس طبائع الغير ملتزمين.


و بعيدا عن موضوع الثقة .. أنا أنسان أثق كل الثقة و لكن كيف أتأكد من غير ما ألاحظ أي شي في الطرف الأخر أنه فيه نوع من الخيانه و طبعا مو معقوله أنك تسيب العالم و مشاغلك كلها و تركز على الشخص للتأكد.

في أمور لو ناقشناها برضه ما وصل الطرف الأول للتأكد بأن الطرف الأخر يحبه 100% و مش راح يضعف حبه .. أقصد بــ 100% يعني ما في أي أحتمال و لو 1% للخيانه خلال بداية الزواج أو المعرفه؟؟

حتقول على حسب المشاعر اللي بينهم .. أقولك برضه ما وصل , ممكن يحبها أو تحبه 99% أقلكم برضه في احتمال 1% يعني في كثير من اللي يحبوا أو متزوجين بعد فتره من الزواج أو العلاقه تلاقيه تلفته او يلفتها شخصيه شافتها أو شافها سواء بسوق سواء بمكان أخر و أنا أتحدى بكلامي هذا أنه فعلا فيه كثيرين صار معاهم الموقف هذا و تراوده نفسه أن ليه ما يقبل يكون العلاقه هذه و لو حصلت الفرصه ممكن كان عملها.

حتقول اذا ما يقصر معاها أو ما تقصر معاه .. أقول ممكن يحصل التقصير و الإنسان مو معصوم .

حتقول يكون أو تكون لمن يشوفها تتلهف عليه و تستنى موعد شوفته و كلامها كله حاضر و طيب و أحلى كلام منها أو منه و تضحيه مخفيه .. أقلك أنه في دكاتره في التمثيل .. حتقول يبان التمثيل أقلك برضه صدقني في ناس محترفين في التمثيل و ذكائهم جدا جدا حاد مهما طالت العلاقه. و حتى لو عرف بعد فتره سؤالي يتكلم عن الفترة الأولى يعني خلال شهرين ثلاثة من بداية الحياة الزوجية او العلاقة ؟؟

طولت عليكم لكن هذه بعض من المناقشات التي طالت إلى شهور و شهور منهم خريجي علم اجتماع و علم نفس و لهم خبره في مجالهم؟؟؟؟؟