عالم الحياة الزوجية - منتدى

رسيييييل · 15-05-2007, 22:48

انا عندي مشكله مضيقه صدري مرررررررررررررره هو اني تملكت قبل شهر بناء على طلب زوجي وزوجي اللحين ماسأل عني ولافكر فيني حتى ماطلب رقمي يبارك لو برساله موكله ولهانه عليه وإلا ابي اكلمه بس حاز بخاطر ليه مافكرفيني انا الي اعرف ان الواحد بالبدايه يكون متحمس انا عن نفسي والله كنت متحمسه وانتظر هالفترة ابي اعرفه بس والله تحطمت

وطارت كل احلامي الورديه والرماديه والبرتقاليه والسماويه و و و مدري وش السبب ليه مطنشني ؟مدري ماله قلب ؟ولاقاسي وجاف المشاعر؟ولامجبورعلى الزواج؟ولاخجول؟كلها اشياء مو مقنعه؟ووين اهله عنه؟شي يحير من جد
وبليز لاتقيسون على قبل كم سنه لان الدنيا تغيرت اول مافيه جوال واللحين مع الخدم
معليش طولت عليكم بس من الي فيني والله
طمنوني هل هذا طبيعي وإلا لا مع ذكر السبب؟

بنتظاركم لاطنشوني انتو بعد كفايه علي

الولد التعيس · 15-05-2007, 23:09

طبيعي ويمكن يبغاك له مفاجأة حلوة من غير سابق علاقة يعني يبغى حلاك في بيته

Tera · 15-05-2007, 23:38

مساء الخير ...

اولا مبروك .. والله يوفقك ..

ما اخفيك شهر واجد شوي .. بس ولو التمسي له العذر .. يمكن الرجال مشغول..

او فيه حيا بزيادة .. أو يبي يثقل من أولها وهو متقطع يبي يكلمك بس الأخ يسمع

با الثقل ووده يسويه بس مو عارف ..

وبعدين لحظة .. وش مجبور وما أدري ايش ... لا توسوسين .. ترى الشيطان قاعد

يسن سنونة فوق راسك ... يبي يألف لك قصص واعذار مالها داعي .. انتبهي من

الوساوس والإسترسال فيها .. وتعوذي من ابليس .

لكن انا أقترح عليك تصبرين شوي ... وبعدها حاولي احد يلمح له .. يعني اخوك أو

ابوك يكلمه ويشوف وش أخباره .. ويكلمه على أساس اكمال الترتيبات ... ويذكر من

ضمن الحديث هل كلمت زوجتك ورتبت معها؟؟ هل اتفقتوا على شي ؟؟ يعني من

هالكلام.. اللي يبين لزوجك ان اخوك او ابوك ما يدرون انه كلمك او لا .

وبالتوفيق ان شاء الله ..

(والله اني هلأيام طالع كني فوزية الدريع ... بس يله مو مشكلة

)

رسيييييل · 15-05-2007, 23:52

يالولد التعيس سبب بصراحه غير مقنع لكن يسلموووو على رفع المعنويات المنحطه

Teraأصلا يكلم بابا يرتب للزواج ولايفكر يسأله عني يسلم ويسأل بالعموم
وهم عارفين ان ماعند رقمي كيف يسألونه
حاله صعبه ادعولي

شرفني مروركم

بنتظار البقيه

ريح الجنوب · 16-05-2007, 00:06

اسمعي يا أخيتي:

الحل سهل ميسور بإذن الله!

أسهل مما تتصورين.

رأيتِ تلك العبارات التي ذكرتيها في الموضوع تصفين بها شوقك وولهك؟

والله يا أخيتي إنها تذيب الحجر الصلد لا قلب رجل فحسب.

توكلي على الله، اكتبيها في ورقة، وأضيفي عليها أمثالها مما يفيض من قلبك الولهان، ولن تعدمي حيلة لإيصالها إليه... وسترين النتيجة بإذن الله.

إياك ان تتعللي بخرافة الكرامة ونحو ذلك من الأساطير الوهمية: تـعَـلّـمـي أنه ليس مع الحب كرامة... العاشق مستعد لأن يدفع كل شيء لكي يظفر بالوصال... بل بنظرة من محبوبه ومعشوقه...
ثم إنه زوجك... وتودد المرأة إلى زوجها واستجلابها لحبه ورعايته شيء مقدس... عبادة لله تعالى... فأنت رابحة دون شك.

توكلي على الله، ولا تنسي أن تخبرينا بالنتيجة.

والدعاء ... الدعاء... الدعاء...
فإن الدعاء يلين الحديد، ويفتح لصاحبه الطريق في البحر، ويحفظ أهله وهم في جوف النيران.

أسأل الله تعالى أن يلين لك قلب زوجك، ويجعله مفتونا بحبك، ويغرقه في غرامك، ويرزقه الحنان عليك والرحمة بك. وأن يبارك لكما ويبارك عليكما ويجمع بينكما في خير.

آمين.

تحياتي.

ريح الجنوب

مووووج 2 · 16-05-2007, 00:09

الاحظ هذي المشكلة منتشرة بين المخطوبين جدد

ماادري لو يتفضلون الشباب بارائهم
لمساعدتكم

بالتوفيق لكِ عزيزتي

رسيييييل · 16-05-2007, 00:24

ريح الجنوب_موووج اسعدني موروكم
وياريح الجنوب صدقني مااقدر ابادر لان هذا مراح يرضي غروري وانا الي مضيق صدري انه مافكر فيني مو الاتصال بحد ذاته وكمان مو متعارف عندنا ان البنت هي التبادر
وشكرات على الدعوات الي تثلج الصدر

ريح الجنوب · 16-05-2007, 05:08

اقتباس:

المشاركة الأصلية كتبت بواسطة رسيييييل

[COLOR="DarkOliveGreen"][B]
وياريح الجنوب صدقني مااقدر ابادر لان هذا مراح يرضي غروري وانا الي مضيق صدري انه مافكر فيني مو الاتصال بحد ذاته وكمان مو متعارف عندنا ان البنت هي التبادر

فرس قلمي يجمح بي جموحا.

لكني أفضل أن امسك عناه... لا أريد أن اربك أخيتي...
ولكن كلمة تأبى إلا أن تفلت مني:
هذا المنطق المخالف للفطرة الأنثوية التي فطر الله تعالى عليها المرأة هو أكبر شيء يدمر المرأة... لأنه ليس أكثر تدميرا للشيء من مخالفته لفطرته...
أخشى عليك أخيتي أن تتعبي كثيرا... أخشى عليك...
والأمر ـ بعد الله تعالى ـ يرجع إليك...

أسأل الله عز وجل أن يحفظك من بين يديك ومن خلفك... ويبعد عنك كل سوء ومكروه.... ويلهمك الرشد والسداد

آمين.

تحياتي

ريح الجنوب.

أم تـــركـــي · 16-05-2007, 05:47

اقتباس:

المشاركة الأصلية كتبت بواسطة ريح الجنوب

فرس قلمي يجمح بي جموحا.
لكني أفضل أن امسك عناه... لا أريد أن اربك أخيتي...
ولكن كلمة تأبى إلا أن تفلت مني:
هذا المنطق المخالف للفطرة الأنثوية التي فطر الله تعالى عليها المرأة هو أكبر شيء يدمر المرأة... لأنه ليس أكثر تدميرا للشيء من مخالفته لفطرته...
أخشى عليك أخيتي أن تتعبي كثيرا... أخشى عليك...
والأمر ـ بعد الله تعالى ـ يرجع إليك...
أسأل الله عز وجل أن يحفظك من بين يديك ومن خلفك... ويبعد عنك كل سوء ومكروه.... ويلهمك الرشد والسداد
آمين.
تحياتي
ريح الجنوب.

اختي انا من الناس الي ماايد المكالمات الهاتفيه ولا القاات قبل الدخله لان كل واحد منكم بيكذب على الثاني ويطلع احسن ماعنده وبعد الزواج كل واحد ينصدم بالثاني

== STR0NG!RL == · 16-05-2007, 06:51

صباح الخيررر ..

شوفي ياحبيبتي لاتعطين الموضوع اكبر من حجمه اوكي

ولاتفكرين كثير اقلك ليش اولا يمكن الرجال هو عنده مبدأ وهو

انه مايكون فيه مكالمات هاتفيه قبل الزواج لأن هذا تفكير بعض

الشباب ومو بس الشباب حتى البنات انا كثير من صديقاتي

وخالاتي وبنات كثير مو مع المكالمات الهاتفيه تخيلي ماعرفو

ازواجهم الا ليلة الدخله!!

وهم اللي يبون هالشئ وكل شخص له وجهة نظر في

هالموضوع..

وبالعكس الحين مبسوطين ولااثر هالموضوع فيهم ..مو معناته

اني مو من مؤيدين المكالمات بالعكس انا هالشئ مهم جدا

عندي وحتى اني لازم اشوفه من فتره لفتره ضروري لاني قبل

ماارتبط بهالشخص اتمنى اني احمله في قلبي مشاعر الحب

والشوق وقبل كل شئ اكون فاهمه هالشخص اللي راح ارتبط

فيه وافهم عقليته كيف وتفكيره ولاتقولون كل واحد بيكذب على

الثاني موصحيح كل شئ راح يتبين اذا مو من المكالمه الأولى

من المكالمه الثانيه والبنت مفروض تكون واقعيه ولاترسم امور

خيال براسها وتتوقع ان هالشخص عنده عيوب مثل ماعنده

حسنات..
وطبعا هذا يعتمد على ذكاء البنت >> على بالها ذكيه

وتفهم وش يحب وش يكره وبكذا تحاول تتأقلم معه الين تتزوج

لاني والله احس التعارف قبل الزواج مهم جداااااااا للطرفين

وهذي وجهة نظري ..

بس الحل في مثل حالتك صعب انك تطلبين انه يكلمك وهو

ماطلب مو مسألة كرامه لابس يمكن هو مايبي ويفكر مثل

ماقلت علشان كذا ياقلبي لاتستعجلين وش عرفك يمكن

بيطلب بس ينتظر الفرصه المناسبه ويطلب يشوفك بعد

انتظري .... واذا ماجات عادي ياقلبي ادري انك راسمه اشياء

في بالك وحلاوة المكالمات وايام الخطوبه بس ماتدرين..

(عسى ان تكرهوا شيئا و هو خير لكم و عسى ان تحبوا شيئا و هو شر لكم )
خليها على الله يابنت الحلال وتوكلي على الله وانشغلي بامور

ثانيه جهزي لزواجك وخليك مبسوطه والله يوفقك يارب ويطلع

زوجك رومانسي وحبووب وفيه الخير انشالله ...

see u..

بريق عينيك · 16-05-2007, 08:10

عزيزتي الله يوفقك ويسعدك
التعارف ضروري قبل الزواج ...علشان تعرفي الانسان اللي راح يشاركك باقي حياتك وراح يكون اب لأطفالك .......اللي يقولك خليها على ربك .....اقول ونعم بالله بس خلينا واقعيين ........يعني الوحدة تتزوج خبط لزق ما ينفع لازم تكون مقتنعه بشريك حياتها وتعرف طباعه من الحين علشان تتعود عليها وتكون عارفه كيف تتصرف مع طباعه وشخصيته وتتهيأ لأي سلوك يمكن يكون مفاجيء بالنسبة ليها

الله يعينك ويسعد ايامك

رسيييييل · 16-05-2007, 13:21

اسعدتني طلتكم جميعا

يسلموووووووووو على التفاعل الرائع

Mr.G · 16-05-2007, 14:25

ما أدري بس أعملوا مناسبة وأعزموه هو وأهله

أو

خلي أمك تكلم أمه

sadeel · 16-05-2007, 16:18

كيف ماتعطي الموضوع أكبر من حجمه

والله لو حصل هالشي معي كنت فورا طالبت بفك العقد

فترة الخطوبة أجمل فترة بالنسبة للأثنى لأنها تحس إنها محبوبة ومرغوبه من حلالها وشريك حياتها

وإذا كان بهالفترة مو مهتم معناها مشغول باحد تاني أو بارد عاطفيا

فكري يا أختي منيح قبل اكمال هالزيجة وحطي ببالك كل الإحتمالات الممكنة قبل الإستمرار فيها..

زنوبيه · 16-05-2007, 18:31

متابع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يابنت بلا فارس احلام بلاخرطي