عالم الحياة الزوجية - منتدى

رومنــسي بس عزوبي · 22-05-2007, 02:20

السلام عليكم ورحمة الله وبركاته

حبيت اطرح الموضوع هذا لاني والله ماعندي اي خلفيه ومحتاج نصايحكم
اليوم الوالده خطبت لي وحده تقرب لنا من بعيد شوي بس عائلتها داخله في عائلتنا
خطبه مبدئيه عن طريق التلفون برغم اني سبق وخطبتها وقالو لي صغيره وتركتها ورجعت خطبتها مره ثانية لانهم متمسكين فينا من كلام الوالده لما تشوفها في المناسبات وكلامها عني وانا متمسك فيهم وطرحت الموضوع هذا قبل فتره في المنتدى اذا كان احد ذاكر موضوعي والان اطرح للمره الثانية .
وقلت لها قبل يكون كل شي رسمي في حاجات لازم تعرفها عشان تكون بالصوره
اول حاجة :
السكن يكون مع الوالد والوالده لاني اكبر اخواني والبيت الحمدالله كبير جداً ولا عندي الا اخو في الثانوي واختي في الابتدائي و راح يكون لي جناج لحالي وعملي يمنعني اطلع لسكن لوحدي
لان عملي مو ثابت 6 شهور في الرياض و 6 شهور برا الرياض
الحاجة الثانية :
يكون الزواج السنه الجايه لان بقدر المستطاع انا بكون نفسي بنفسي
حبيت اوضح لكم كل شي بس الي ابيه توجيهاتكم
لاني راح اشوفها الرؤيه الشرعيه ولا اعرف كيف اشوفها وش اسئالها وش اقولها
برغم اني موصي الاهل انهم يقابلون البنت وياخذون رايها بنفسها
في حاجة ابكون معكم صريح ممكن حمل على ظهري ولا احد يعرف عني الشي هذا وابي رايكم
انا عمري 27 سنه ولي 7 سنوات ادخن ولا احد يعرف عني اني ادخن غير اخويي في العمل والاستراحه
وكل هذي الفتره ماحد يعرف ومادري اصارح الوالده في الشي هذا عشان تقول للبنت وتكون بالصوره هي تقبل في شاب يدخن ولا لا
ولا احاول اتركه والله هذا الموضوع هو الي شايل همه ومحتار اقول لاهلي لانها المسألة مسألة انسانه تبي تعيش معك طول العمر والي يكذب مره يكذب مرات
برغم الحمدالله حدي دخان واخف نوع بس حاولت اتركه كم مره ماقدرت والحمدالله محافظ على الصلاة في اوقاتها بس عيبي دخان لاغير والكمال لاوجه لله سبحانه
ياليت احد يفيدني اصارحهم ولا اتركه
وانتظر توجيهاتكم في الرؤيه الشرعيه وش اسوي ومااسوي

* الـنـجـلاء * · 22-05-2007, 02:37

بالتوفيق والله يبارك لك في خطبتك

ويتمم لك على خير

ولازم المصارحه وياليتك تتركه أفضل لك ولها

رومنــسي بس عزوبي · 22-05-2007, 02:44

اقتباس:

المشاركة الأصلية كتبت بواسطة الشقحاء

بالتوفيق والله يبارك لك في خطبتك
ويتمم لك على خير
ولازم المصارحه وياليتك تتركه أفضل لك ولها

الله يوفقك الجميع ان شاء الله
اخاف اصارحه يكون عندي الدخان شي عادي في اي مكان ادخن
واخاف اقول اني اتركه وارجع له بعد فتره المشكله عندي في العصبيه
لما اعصب لازم اخذ زقاره لا اوبعد عن اي شي ينرفزني بس لفترة عادي ماعندي مشكلة اتركه
اشكرك جزيل الشكر اختي الشقحاء على مرورك وابداء رائك

المرفهة · 22-05-2007, 02:56

الف مبرووووووك رومنسي
بالنسبه للشوفه في مواضيع كثير عنها في القسم ممكن تبحث عنها وتستفيد منها
ارى من الأفضل ان تترك التدخين نهائيا نصيحه لوجه الله
فإن لم تظهر اثاره على صحتك الأن فستظهر فيما بعد
وللعلم اخي رومانسي والدي كان يدخن منذ زمن بعيد
وبعد عدة سنوات ترك التدخين وهو منذ سنين يعاني من ضعف في الشريان التاجي وعضلة القلب ومنذ اكثر من شهر
وهو منوم بالمستشفى بسبب إلتهابات رئويه وازمات قلبيه بسبب التدخين ( الله يكفيكم شره)
فلا تفرط في صحتك وتذكر قوله تعالى( ولا تلقوا بأيديكم إلى التهلكة )
تمنياااتي لك بالتوفيق

عباسه · 22-05-2007, 03:01

الف مبروك مقدماً اخوي رومنسي بس عزوبي , انا بصراحه حصل معاي نفس موقفك

انا انخطبت لواحد يقرب لي وهو يدخن وكان مخبي وماقال شي

وسألته وتردد شوي بس صارحني وقالي محد يدري لاني عارف اضراره وانا احاول

اتركه , ووعدني انه راح يتركه وحسيت انه صادق ,فأنا انصحك لاتقول شي اذا سألت

خطيبتك خليك صريح معاها واذا حبتك راح تساعدك على تركه بس ضروري تكون

ارادتك قويه وتتركه لصحتك اولاً وعيالك انشاءالله مستقبلاً والف مبروك

شوق السحاب · 22-05-2007, 03:35

اختلاف الراي لايفسد في الود قضية

انا يوم انخطبت ماقالوا لي ان زوجي يدخن

وبعد الملكة زوجي قال لي بانه يدخن صح اني زعلت

لكن راح الزعل وماعاد فكرت كونه مدخن
قلت بنفسي حرية شخصية

انا اشوف انه شيء عادي
انت اذا قابلت البنت قول لها

ربي يوفقك ويعينك على تركه

اميرة البرق · 22-05-2007, 07:01

الف مبروك
اغلب الشباب الحين يدخن بدون علم اهله
الله يهديهم
اتركه نصيحه لوجه الله
بس اعتقد انه اول سؤال بالشوفه راح تسألك ياه البنت
انت تدخن ؟؟؟؟؟؟؟؟؟؟
طبعا لو سئلتك اكيد تكره الدخان
ولو ما سئلتك بيكون عندها عادى
او انت علمها وقت الشوفه قولها ادخن وناوى اتركه واتمنى تساعدنى
بس جد خلى نيتك صافيه واعزم على تركه نهائياااااااااا
وابدء من الحين بالتدريج الين تتركه
كل الشباب وقت الخطبه يقولون بنتركه خلاااااص
بس وين الى ينفد
وطالما من زمان انت خاطبها
اكيد البنت متعلقه فيك
يعنى يمكن تعترض على التدخين لكن ما ترفضك
والاستخاره قبل كل شى
بالتوفيق ان شاءالله

بانتظاره..! · 22-05-2007, 07:20

وعليكم السلام ورحمة الله وبركاته

أسأل الله لك التوفيق .. وأن يتمم بينكم على خير ..

أخوي نصيحة اترك الدخان لكن مب بنفسك .. روح تعالج أحسن وما بترجع له بإذن الله ..
أما إذا تركته بنفسك ممكن بأي لحظة ترجع .. هذي نصيحتي .. والله يوفقك

بْقَاٌيَاٌ҉ذِكْرَيَاٌتِ · 22-05-2007, 07:25

الله يمملك على خيييييييييييييييييييييييييير

من حقك تشوفها ........ ومافيها شئ لو صارحتهم بأنك تدخن بس الأفضل تتركه مع اني عارفه صعب في البداية لكن بأيش ينفعك التدخيييييييين ؟؟؟؟

والف مبروووووووووووووك مقدمااااااااااااااااااااااااhttp://www.vixen-toys.com/

bubu · 22-05-2007, 16:06

بانصحك لاتبدا حياتك ع كدبه وكمان فكر زين بكل اللي تبي تسالها لانها فرصةلن تعود

شيخ الرومانسية · 22-05-2007, 16:25

بقولك اياها بإختصار

نادر جدا انك تحصل وحده ترضى بشخص مدخن

والسلام ختام

(المهاجر) · 22-05-2007, 20:47

تحية،،،،

أقدّم التهاني...وأسعدكما الله.

أنت إنسان واضح...وصريح ماشاء الله عليك.

أكمل صراحتك ....وبلغها....وحتى اطلب دعمها لك كي تتركه.

الكمال لله...نعم...لكن الإنسان يسعى إلى الرضا عن أحواله عموما.

فترة الخطوبة والملكة فترة ذهبية للتغيير...فاستغلها.

بالتوفيق،،،،،

me_you · 23-05-2007, 00:56

السلام عليكم

اولاً اترك التدخين .. .لصحتك و لصحة زوجتك (مستقبلاً بأذن الله)

و اذا انت عارف انك ماتقدر تترك الدخان .. لازم و لازم و لازم تقول لها.. لان بعدين لو عرفت بتصير مشاكل انت بغنى عنها..

و ترى كثير من البنات يحبون الرجل اللي يدخن . هذا لحد علمي ..
و كثير عندهم هالشي عادي

و لو هي حبتك و تبي مصلحتك تساعدك عشان تترك الدخان ..

و اتمنى اكون ساعدتك ولو بشي بسيط

و الله وحده الموفق

ام ارام · 23-05-2007, 02:03

الف مبرووووووك

رومنــسي بس عزوبي · 23-05-2007, 02:29

اقتباس:

المشاركة الأصلية كتبت بواسطة المرفهة

الف مبرووووووك رومنسي
بالنسبه للشوفه في مواضيع كثير عنها في القسم ممكن تبحث عنها وتستفيد منها
ارى من الأفضل ان تترك التدخين نهائيا نصيحه لوجه الله
فإن لم تظهر اثاره على صحتك الأن فستظهر فيما بعد
وللعلم اخي رومانسي والدي كان يدخن منذ زمن بعيد
وبعد عدة سنوات ترك التدخين وهو منذ سنين يعاني من ضعف في الشريان التاجي وعضلة القلب ومنذ اكثر من شهر
وهو منوم بالمستشفى بسبب إلتهابات رئويه وازمات قلبيه بسبب التدخين ( الله يكفيكم شره)
فلا تفرط في صحتك وتذكر قوله تعالى( ولا تلقوا بأيديكم إلى التهلكة )
تمنياااتي لك بالتوفيق

صباح الخير
هذا الي ان شاء الله راح يصير اني اتركه بس مو معقوله بين يوم وليله لازم وقت مع الاصرار والله يشفي والدك ويقومه بالسلامه ان شاء الله وعقبال ان شاء الله مايرجع متشافي بإذن الله واشكرك على النصيحه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الــيوم الــوالده خطبت لي