عالم الحياة الزوجية - منتدى

Aziz -551 · 23-05-2007, 14:51

احبتي الكرام....
قام بكتابة هذا الاقترا ح زوجتنا امصون,,,,
**************

وحده اعرفها جمالها متوسط بس اخلاقها رفيعه والبنت رائعه جدا ..

وصل عمرها للثلاثين وهي لسى مااعرست ..

وأستغربت وسالتها يمكن هي تردد اللي يجيها وحاطه شروط ومواصفات صعبه ..

قالت انها بصراحه جتها عقده نفسيه من كثر مايجون هالحريم يتفرجون عليها ويطلعون ولايردون خبر ..

وطبعا بعض الحريم يبون مواصفات معينه .. زي الحريم الكبار يبون المليانه والبيضاء وام شعر طويل ..

وبصراحه انا اقترحت عليها هالاقتراح وان شاء الله انكم تؤيدوني عليه ..

قلت لها شوفي .. اول ماتدق عليكم الحرمه وتسال عنكم وعن اصلكم وفصلكم ..وهي اكيد مادقت الا عارفه من انتي بنته وووش اخلاقك ومواصفاتك بشكل عام .. او امك تقولها عن شكلك ومواصفاتك .... الخ

خذوا رقم ولدها .. وخلي ابوك يسأل عنه .. ولما يطلع ابن ناس اجاويد واخلاقه تمام ..

علطووول خلي ابوك يطلعك عليه ويشوفك .. وانا متاكده ان شاء الله انك بتعجبينه

لان ذوق الرجال غير ذوق الحريم ..

ويمكن الرجال يرتاح لك من اول نظره ..

ويشوف فيك اشياء وأمور تهمه ويمكن امه واخواته مايشوفون هالاشياء او يهتمون لها ..

وبنفس الوقت ماله داعي امه وخواته يجون يشوفونك الا اذا جت الشبكه او الملكة..

دام انتي عجبتيه .. وانتي اللي راح تعرسين عليه .. خلاص الامر منتهي بإذن الله

ولا وش رأيكم .. قد أحد جرب هالاقتراح ونجح معاه ؟؟؟

*سحر الشرق* · 23-05-2007, 15:11

عنوان الموضوع شدني

لكن ماذكرت والله صحيح وصحيح جدا

لم امر بتجربة مشابهة ولا جربت اقتراحك

لكن فعلا ترى الحريم نظرتهم معقدة مرة ويدققون

والافضل ان صاحب الامر يشوف بنفسه من غير اهله

مع ان الاغلبية لازم الاهل يشوفون !!!

ويعطيك العااااااااااافية

المهذبة · 23-05-2007, 17:47

صحيح ذوق الحريم صعب واصعب من الرجال

يعني الحرمة تجوف البنت وتطلع فيها عيوب اما الرجل لو جاف

ما يدقق وعلى طول تعجبه طبعا على حسب الذوق

انا ما جربت هالتجربة ..فاقتراح حلو للي جربت هالتجربة وصابت بتعب نفسي

بس في اهالي ما ترضى لبنتها هالاسلوب ومعقدين الموضوع

bubu · 23-05-2007, 18:21

اقتراحك حلو بس ممكن الولد يقول لهم ادا اهلي شافوها واعجبتهم وهم يعرفو رايي لان فعلا في ناس كدة بس
رايك مرة طيب

Tera. · 23-05-2007, 18:29

مساء الخير ...

اسمع كثير عن هالقصص ... حتى يقولون في وحده عندها بنات كثار ما ادري كم عددهم

المهم ان جمالهم وسط ... فلما يجون اهل الشاب يبون يشوفون البنت ... ما ترفض طبعا

وتقولهم لا ... بس تملللهم وتخليهم يطفشون واذا شافتهم وصلوا حدهم قالت لهم ان البنت

مستحية تطلع لكم وعجزنا فيها نبي نقنعها بس مو راضية (هههه انواع التصريف) ..

ويقترحون انهم يرسلون الولد عشان يشوفها مرة وحدة ..(الذكي بيعرف كيف تستحي

تطلع على اهل الشاب وما تستحي تطلع على الشاب نفسه من باب اولى ) ... هههه بس

ما فيه ناس تفكر ...المهم انها زوجت كل بناتها بها الطريقة .

لكن مسألة ان ذوق الولد يختلف عن ذوق اهله ... او بالأصح ما يدقق .. فهذي مو شرط

انا عن نفسي .. ارحم لها ان اهلي يشوفونها اول.. وبعدين انا اروح اشوفها ... اما اني

اروح انا من اول مرة ... لا والله ما عندي استعداد ...لازم آخذ فكرة قبل ما اروح ... لأني

اهتم كثير بالتفاصيل .. ودقيق الملاحظة

... فها الأسلوب ما يمشي معي .

شكرا لك ... مع انك بتخرب البنات علينا ... بس برضوا شكرا .

Rawwaf · 24-05-2007, 02:44

كلامك وأقتراحك صحيح

وفعلاً هو الحل

أنا خطبت بنت ورفضت أمها مع أني أعرف أن البنت تريدني .... لكن لأن أمها عنيدة رفضتني ....

ولكن الغلطة غلطتي ولو أني كلمت أبوها وقلت له سأحضر وأجلس معك ومن خلالها يتعرف علي وعلى عملي وعلى أسلوبي وثقافتي لكان أفضل .... ولكن من الأخطاء نستفيد

دائماً الأمهات يكونوا معقدات وكل وحده من
الأمهات (أم الولد وأم البنت) تريد تحقيق رغبة من رغتباتهن التي لا تنقضي.

تحياتي لك ولموضوع المتميز .... والله يعوضني خير

أنتظرك · 24-05-2007, 03:02

رأي سليم وصحيح مئة بالمئة

و ليس المقصود يا تيرا العزيز أنها خطة للبنات المتوسطات الجمال أو غش للخاطب لا ، لكن كثير من الاحيان يكون الرجل راسم في باله مو اصفات معينة ولما يشوف يتغير رايه

وكثير من النساء شاهدتهم يعقدون المسائل بشكر كبير ، ترى البنات المقترحات للزواج من ابنها او اخيها افضل واجمل بكثير منها وترفضها لدرجة ان واحدة منهم تقول كل ما رأت فتاه لا اريد اقل جمال من فلانة أحاول اقناعها كل فتاة ولها جمالها لا تجعلي فلانة مقياس ولا مجيب ..

لكن الرجل يختلف وممكن يحدث العكس مثلا الاهل تعجبهم البنت والخاطب لا تعجبه

عموما الرجل او الخاطب هو الذي يملك الاحقية وانا مع صاحبة الاقتراح

وآسفة على الاطالة

شوق السحاب · 24-05-2007, 04:18

جزاك الله خير

لكن اذا الخاطب شاف البنت وماعجبته؟

الحلوة المزيونه · 24-05-2007, 08:09

انا اعاني من نفس المشكلة انا بنت حلوه مو عاديه...

والكثير يمدحوني ويلمحون انهم يخطبوني .....وماصار شيء....

احس اني تعقدت نفسيا من هالسالفة..........انا عمري 23 وانا اخاف اني اعنس مع ان كل البنات اللي بعمري اللي من قرايبنا اقل مني جمالا الحين مملكات..وزواجهم بالعطلة...

Tera. · 24-05-2007, 10:48

اقتباس:

المشاركة الأصلية كتبت بواسطة الحلوة المزيونه

انا اعاني من نفس المشكلة انا بنت حلوه مو عاديه...
والكثير يمدحوني ويلمحون انهم يخطبوني .....وماصار شيء....
احس اني تعقدت نفسيا من هالسالفة..........انا عمري 23 وانا اخاف اني اعنس مع ان كل البنات اللي بعمري اللي من قرايبنا اقل مني جمالا الحين مملكات..وزواجهم بالعطلة...

عااادي ..

انا كنت مفكر ان البنت الحلوة او الشاب الوسيم ... يتزوجون مبكر .. أو على الأقل يصير

زواجهم سهل ...

بس انا لما كبرت اكتشفت غير كذا ...

آخر من يتزوج هم ... تدرين ليش؟

لأن البنت الحلوة ... يخافون الناس يخطبونها يخافون انها ترفض ولدهم ... والولد الوسيم

يخافون البنات يتزوجونه .. ويصير احلا منهم وتحس نفسها اقل منه..اويصير يلفت انظار

بنات غيرهم وتحرقهم نار الغيرة .. او يخافون انه راعي علاقات .. وغيره وغيره ...حتى

الشاب يعقدونه اهله ما يخطبون له تدرين ليش ؟؟ يقولون مالقينا وحده تناسبك .. وهلم

جرا ..

سبحان الله هذي نعمة من الله... بس كل شئ له ضريبته ..

لذلك تحملي وتأكدي ان اللي كاتبه ربي بيصير .

Tera. · 24-05-2007, 10:57

اقتباس:

المشاركة الأصلية كتبت بواسطة أنتظرك

رأي سليم وصحيح مئة بالمئة
و ليس المقصود يا تيرا العزيز أنها خطة للبنات المتوسطات الجمال أو غش للخاطب لا ، لكن كثير من الاحيان يكون الرجل راسم في باله مو اصفات معينة ولما يشوف يتغير رايه
وكثير من النساء شاهدتهم يعقدون المسائل بشكر كبير ، ترى البنات المقترحات للزواج من ابنها او اخيها افضل واجمل بكثير منها وترفضها لدرجة ان واحدة منهم تقول كل ما رأت فتاه لا اريد اقل جمال من فلانة أحاول اقناعها كل فتاة ولها جمالها لا تجعلي فلانة مقياس ولا مجيب ..
لكن الرجل يختلف وممكن يحدث العكس مثلا الاهل تعجبهم البنت والخاطب لا تعجبه
عموما الرجل او الخاطب هو الذي يملك الاحقية وانا مع صاحبة الاقتراح
وآسفة على الاطالة

انا ما قلت انها خطة لمتوسطي الجمال من البنات .. بس اقول ان الشاب لزم يآخذ فكرة

قبل ما يروح يشوفها ... على الأقل يعرف من اللي بتقابله ... نحيفة سمينة .. طويلة

قصيرة .. بيضا والا لا ... طريقة كلامها واسلوبها مع الناس ... كل هذي اشياء لازم

الواحد يعرفها قبل ما يقدم على أي خطوة ..لأن ترى الشوفة (مع اني ما ادري عنها)

بس اسمع اخوياي يتكلمون عنها ... يقولون يادوووب ان الواحد يشوف خيال البنت

وبعدين ترووح بسرعة .. ونادرا اللي يقول ان خطيبته جلست معه وتكلم معها في يوم

الشوفة ... لازم تراعين هالنقطة ... لأن يوم الشوفة انا اعتبره سبااااااااق مع الزمن .. يا

تلحق يا ماتلحق ..هههه

اما من ناحية ان أهل الشاب يعقدون المسأله ...

خذيها مني ... يعقدووونها ويدبلون كبده ... ويرفعون ضغطه بعد .

Aziz -551 · 24-05-2007, 10:59

اكررشكري وتحياتي للجميع....وفي انتظار المزيد من الاراء ولتعليق حول هذاالموضوع,,,,,,,,,,,,

النجم القطبي 3 · 24-05-2007, 11:10

الحل أذا جاء الزوج الذي قد كتبه الله لها حين خلقها الله سوف تتزوجه والعكس صحيح للازواج عشرين خطبه وشوفه شرعيه ؟
تحياتي

@بـــداية جـديـدة@ · 24-05-2007, 13:37

خخخخخخخخ تصدقين جاني من اسبوعين ناس يخطبوني وراحوا ولا عاد الطير منهم خبر

ولا عاد شافتهم العين....................غير كله واحد مقييييييييييييييييط

طبعا انا ما زعلت لاني واااااااااااااااااااثقة من نفسي مليون %

صدق الانسان الواثق ما يهزة شي.......وبعدين انا مستخيرة والحمد لله مرتاحة

وعاد الكهرباء طفت في الليل اللي جونا فيه

قالت أمي انا ما ارتحت لذا الناس حتى الكهرباء طفت يوم جوا واشتغلت يوم راحوا

أقول مهوب حظهم اللي يجيبني خخخخخخخخخخخخ

~ اليمامة ~ · 24-05-2007, 15:04

المشكلة اذا الام رفضت تزويج بنتها عشان اهل الخطيب ما اعجبها شكلهم وهذي شفتها كثير

لذلك الافضل ولا واحد من الاهل يشوف الثاني ويصير الموضوع بين الاب والشاب والفتاة وبعد ما تتم الخطبة رسمي يشوفون اشكال بعض

اقتباس:

آخر من يتزوج هم ... تدرين ليش؟

لأن البنت الحلوة ... يخافون الناس يخطبونها

الله يبشرك بالخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

حل لمشكلة نحشة الخطاطيب!!!