عالم الحياة الزوجية - منتدى

الخيال 2007 · 24-05-2007, 18:26

الألف: أبي فلوس بروح معزومة على شاي هاشمية يهبل
الباء: بكره أبيك توديني لبيت أهلي عندهم عزيمة
التاء: ترى اليوم أنا ماني مسويه عشاء روح للمطعم جيب عشاء
الثاء:ثلاث أسابيع ما طلعنا للملاهي يا لله ودنا اليوم
الجيم: جيب خدامه تساعدني بشغل البيت........(والبيت نص شقة) قهر
الحاء: حبيبي..ودي بساعة شوبارد ,مليت من ساعتي الاوميغا
الخاء: خل الشباب اليوم..أنا عازمتك نتعشى بره, بس على حسابك طبعا
الدال: دور لنا فله على 3 شوارع وفيها سرداب
الذال: ذيك السنة (قبل 10 سنوات) قلت لك اشتر لنا سيارة فان أوسع وما شريت
الراء: روح قدم على إجازة خلنا نسافر لأوروبا ,,اووف حر
السين: سو للبيت حديقة كشخة,حط فيها نافورة ,أنزين!!
الشين: شيل ولدك شوفه يصيح هناك,أنا تعبانه من العيال..
الصاد: صفف الملابس هناك منثرة,مليت وأنا القط ورآك
الضاد: ضبط أوضاعك..ترى كبرت المسؤولية..(توها والدة)
طاء: طالع سيارة رولزرويس ترا ألBMW راحت أيامها
الظاد: الظاهر انك ما تحبني ..ليش ما شريت لي العقد الألماس اللي بغيته!
النون : نبي نحجز شاليه شرم الشيخ بمصر طول الصيف ..لا تنسى!
الهاء: ها عاد..ترى أروح بيت اهلى! إذا موقد الزواج وتكاليفه ليش تخطبنى؟؟!
الواو : ورني شطارتك رح عند أخوك خذ منه الورث (راعية مشاكل)
اللام: لازم تتحقق مطالبي أول بعدين أرد لك..
الكاف : كافي كلام..كسرت خاطري راح اردلك بس بشرط …....
الياء : يا لله أيدك على 20000 دولار رضاوة..

عشاق النصيحة · 24-05-2007, 19:59

شوف حبيب ألبي لو كنت مزنوووووووووووووق أنا راح احلها لك

الألف: أبي فلوس بروح معزومة على شاي هاشمية يهبل

الرد

أنتي عارفة سوق الأسهم وش سوى فينا ألا على فكرة أبي دبلتك ببيعها

التاء: ترى اليوم أنا ماني مسويه عشاء روح للمطعم جيب عشاء

الرد

حطي نواشف أخف من الدسم

الجيم: جيب خدامه تساعدني بشغل البيت........(والبيت نص شقة) قهر

الرد

أنا أخدمك بعيوني

الحاء: حبيبي..ودي بساعة شوبارد ,مليت من ساعتي الاوميغا

الرد

أخشوشنو فإن النعم تزووووول

الخاء: خل الشباب اليوم..أنا عازمتك نتعشى بره, بس على حسابك طبعا

الرد

موافق بس سلفيني

الدال: دور لنا فله على 3 شوارع وفيها سرداب

الرد

الضيق في الأنفس مششش في البيت

الذال: ذيك السنة (قبل 10 سنوات) قلت لك اشتر لنا سيارة فان أوسع وما شريت

الرد

بس يسمحون بسواقة المرأة للسيارات أبشري

الراء: روح قدم على إجازة خلنا نسافر لأوروبا ,,اووف حر

الرد

شكلك ما تقرين جرايد ما سمعتي بالأحتباس الحراري اللي صاير بالعالم يعني هنا وهناك ناااااااااار

السين: سو للبيت حديقة كشخة,حط فيها نافورة ,أنزين!!

الرد

الضاد: ضبط أوضاعك..ترى كبرت المسؤولية..(توها والدة)

الرد

صادقة اليوم كتب كتابي

طاء: طالع سيارة رولزرويس ترا ألbmw راحت أيامها

الرد

نسينا وانيت أبوك 76

الظاد: الظاهر انك ما تحبني ..ليش ما شريت لي العقد الألماس اللي بغيته!

الرد

كيف ألماسة تلبس الماس أنتي ما سمعتي أبو نوره يقول أحلى من العقد لباسه

الهاء: ها عاد..ترى أروح بيت اهلى! إذا موقد الزواج وتكاليفه ليش تخطبنى؟؟!

الرد

لأاني ما شفت فيك شي من الأنوثة ألا أسمك

الواو : ورني شطارتك رح عند أخوك خذ منه الورث (راعية مشاكل)

الرد

خوالي صعايدة يطخوني بالنار

الكاف : كافي كلام..كسرت خاطري راح اردلك بس بشرط …....

الرد

ما عبادي الجوهر يقول حبر وورق

الياء : يا لله أيدك على 20000 دولار رضاوة..

الرد

ما العملة الخليجية الموحدة على الأبواب

عاشق عائشه · 24-05-2007, 20:49

ههههههههههههههه

dodomody · 25-05-2007, 03:34

مشكوووووووووووووور

nourhan88 · 25-05-2007, 09:29

بنات اخر زمن

nourhan88 · 25-05-2007, 09:31

verdomme

maryoom · 25-05-2007, 11:04

مطالب البنات من الألف إلى الباء...

عيل مطالب الرجال من التاء إلى الياء

hyoungki · 25-05-2007, 12:09

أشكرك على الموضوع والله يعطيك العافيه وننتظر جديد

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

abc20010@arb3.maktoob.comarb3.maktoo...aktoob.com.com

كوب شاهي · 25-05-2007, 12:52

ههههههههههههههههههههههههه صح 99%

(المهاجر) · 25-05-2007, 13:21

تحية،،،،

معقولة....كلها طلبات...من الألف إلى الياء.

ولا حرف ...للمشاعر.

شكرا لك.

المقبل2006 · 25-05-2007, 19:44

على راسي ...

غالي والطلب رخيس ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مطالب البنات من الالف الى الباء!!!!!