عالم الحياة الزوجية - منتدى

حنين السبيعي · 26-05-2007, 12:40

السلام عليكم
والله موضوع يبكي شوي

نزلته هنا .. عشان كثير من المقبلات على الزواج وبالأخص ( الي تحس نفسها مو حلوه .. ومافيها حلات )

أول شي الناس عيونهم عليها
ويفكرون إن زوجها بيتجنن عليها ... والعكس صحيح ؟!

والمسكينه تطيح برجال حاس بجمالها ويغااااار عليها من اقاربه .. غيره مو طبيعيه
وحده تقول

الله يهديه لو أشوف السيارة وأنا بالإشاره

يبداء التحقيق ؟!

وتعال بالأسئله
من تناظرين ؟! ومن شفتي ؟!
وغطي نقابك .. ومايستانس يطلع معي إلا إذا لبست نقاب يخوف .. وعبايتي متضغرطه ..
وياويلي إذا قلت .. شكلي مرعب ؟!
تقول يصول مررررره

هذي وحده أعرفها الله يحفظها ويخلي لها زوجها

نسبت جمالها 5 % يعني وربي موحلوه أبداً وغير كذا سمينه وقصيييييييييره بس فيها البياض بسسس
وزوجها كل فتاة تتمناه ( عريض المنكبين .. قمحي البشره .. طويل .. وسييييم )

يعني الأوصاف كامله .. زوجته حاطها على كفوف الراحه .. والدلع .. تدرون وش يلقبها ( تفااااحه ) بالله قلوا لا إله إلا الله ... تدرون كانت تحب تلبس الون الاحمر وهي بيضاء ودبدوبه لقبها بهذا القب ..

وقصص كثييييييير البنت الي مو حلوه أسعد حياة من الي حلوه يكفي ياخوات إن عيون الناس مو عليها ( تدرون إن العين حق .. وخاصه من الاقارب ) ... وغير كذا ماتكون محيره ومغصوب على أحد أقاربها

.. لأنه شافها ولا يبي أحد غيرها ( وكأن مافيها بنت في الكون غيرها

) ويكون الوالد أو الوالدة مايبون يحرمون الرجال من البنت وخاصه إذا كان من طرف الأب ومو متفهم .. مشكله والله

ترى ولله إنهم يحسون بالقهر ..
وانتم وش رايكم بالي قلته ... مو صحيح ؟!

كحيـلان · 26-05-2007, 13:02

بس الجمال مطلوب
والمحبه في الأخير من الله
الله من وحده قبيحه بس في عين زوجها غزال يمكن لحسن أخلاقها
والله من وحده جميله بس في عين زوجها قرد يمكن لسوء أخلاقها
يعني لو أجتمع جمال وأخلاق + زوج يقدر هالنعمه أكييييييد بيحطها فوق راسه

عسل دافي · 26-05-2007, 13:10

يسلموووووو عالموضوع بس ماينطبق عالكل يالغلاااااا

حاير بين امرين · 26-05-2007, 13:11

حتى ولو هي شينه الغيره مطلوبه

Rawwaf · 26-05-2007, 13:24

كلامك مصداق للمثل الشعبي : هذا بلا أبوك يا عقاب

مختصرها ....رجل تزوج وحده دميمة وملكة قلبه .... ثم ماتت فجلس يبكي عليها فجاءه ولده وكان أسمه عقاب ...فقال له يا والدي لماذا تبكي عليها وهي دميمة .... فقال له قولته المشهورة والتي بقيت مثلاً يتناقله الناس

هذا بلاء أبوك يا عقاب

تحياتي

*سحر الشرق* · 26-05-2007, 13:29

اقتباس:

وغطي نقابك .. ومايستانس يطلع معي إلا إذا لبست نقاب يخوف .. وعبايتي متضغرطه ..
وياويلي إذا قلت .. شكلي مرعب ؟!

حلوة الجملة هذه

لكن اعتقد ان التوفيق من الله والجمال لايكفي لوحده

يعني كثير جميلات وفي مشاكل هذا راجع للأخلاق

وفيه عاديات وجدا لكن سعيدات

لو الجمال شرط السعادة كان خربت الدنيا وماتزوج احد

والله يوفقك ياحنين

المهذبة · 26-05-2007, 13:30

والله مب شرط لكن الاغلب مثل ما تقولين

الحلوه تاخذ شين والحلو ياخذ شينة

نادر تجوفي حلوه +حلو

بس اهم شيء الاخلاق

والله ياخذ شيء ويعطي شيء

يعني الحلوه تحمد ربها على نعمه الجمال لكن تتحمل النتايج

تسلمين موضوع رائع

الحلوة المزيونه · 26-05-2007, 17:18

هذا موضوع مهم جدا..

اغلب كلامك صحيح.....

والحلوه يحسبونها الناس مغرورة عشان كذا ماحد يخطبها يتخوفون انها ترفضهم...

ومثل ماقلتي اكيد زوجها بيغير عليها وينغص عليها حياتها...

وكما قلت ان الرسول دعا للبنات القبيحااات...عشان كذا يتزوجون حلوييين ويموتون فيهن...

والعييين,...ااااه من العين ...انا اخاااف من الحسد..

المشكله الحلوه يقولون عنها حلوه ويمدحونها لكن ماحد يجي يخطبها....(((مثلي)))

اقتباس:

كلامك مصداق للمثل الشعبي : هذا بلا أبوك يا عقاب

اقتباس:

مختصرها ....رجل تزوج وحده دميمة وملكة قلبه .... ثم ماتت فجلس يبكي عليها فجاءه ولده وكان أسمه عقاب ...فقال له يا والدي لماذا تبكي عليها وهي دميمة .... فقال له قولته المشهورة والتي بقيت مثلاً يتناقله الناس

هذا بلاء أبوك يا عقاب

تحياتي

هذا القصة انا اعرفها....السبب ان الرجل يحب هذه المراه لأن خصرها صغير واردافها كبيرة ...

..........
فيه واحد اعرفه تزوج وحدة حلوه ويوم تزوجوا طبعا تشرعوا قدام الناس بالزفه وكانو يهبلوون ...على طول انحسدوا العريس صار له حادث بعد اربع ايام من العرس ودخل غيبوبه والمره صابها سرطاااان...عشان كذا لازم الوحده ماتتشرع اذا كانت حلوه

~ اليمامة ~ · 26-05-2007, 17:23

صادقة وربي

دايما اقول مافيه احد مرتاح الا الشيون والا الزين حسرة قلبي عليه الكل عينه فيه

جبتيها على الجرح

زعلانه... · 26-05-2007, 17:50

كلامك صح ميه بالميه

اخوي متزوج وحده شينه وهو وسيييييم جدا ومقدسها

ويبوس تراب رجولها

وفي واحد من اقاربنا امه تعمدت تخطب له وحده شينه مع انه وسيم علشان مايميل معها وينسى اهله

وكانت في صباحية عرس ولدها خاااااااااايفه لايطلع ولدها يهاوش لانه طلب يخطبون له وحده جميله

ولكن المفاجأه انه طلع من عند العروس وراح عند امه وحب راسها وقال الله يجزاك خير ياميمتي على اختيارك للعروس هذي نعمه من ربي رزقني فيها..

الام انهبلت ههههههههههه

وفعلا ولدها طار بعروسته وفرحاااااان فيها موووت مع انها مو حلوه

هبات النسيم · 26-05-2007, 18:16

زعلانه : تذكرين شنو قال الفنان سعد الفرج في احدى مسرحياته لما كانوا يكذبون على بعض : قويه قويه ودي اصدق بس ماقدر هههههههههههههههههههه << امزح امزح

والله اهو دايم تصير الزين للشينه والشينه للزين خخخخخخخ
وياما سمعنا ونعرف ناس صار لهم هالمواقف
وانا اعرف ناس طاحوا بجياكر (مو حلوات) وطلقوا بسرعة البرق يعني خلال اسبوع
وبعضهم يلعن الي اختار له وبعضهم يتزوج عليها
بس ليش الانسان يحط نفسه في موقف مثل جذي
عليه الاختيار بقناعه وحتى لو كانوا حلوين المفروض يتحصن ويقرأ اذكار الصباح والمساء

مووووج 2 · 26-05-2007, 18:36

اي والله ماحدن مرتاح بهاي الدنيا

لا الجميلة مرتاحه ولا الشينه مرتاحه

اقتباس:

المشاركة الأصلية كتبت بواسطة Black Bat

كلامك مصداق للمثل الشعبي : هذا بلا أبوك يا عقاب

مختصرها ....رجل تزوج وحده دميمة وملكة قلبه .... ثم ماتت فجلس يبكي عليها فجاءه ولده وكان أسمه عقاب ...فقال له يا والدي لماذا تبكي عليها وهي دميمة .... فقال له قولته المشهورة والتي بقيت مثلاً يتناقله الناس

هذا بلاء أبوك يا عقاب

تحياتي

اعتقد سمعت قصة مختلفة لهذا المثل بالعكس ام عقاب كانت جميلة ونحيلة الخصر

اعتقد انها قصة مشهورة عند اهل نجد

(المهاجر) · 26-05-2007, 19:18

تحية،،،،

هناك شيء اسمه ( الانجذاب الروحي)..إذا حدث فليس هناك مقياس للجمال...لأنه لا يعترف
بالجمال.
المرأة الفاتنة..تثير الانتباه في اللحظات الأولى فقط...وبعدها إذا لم يتم (الانجذاب الروحي) تساوت تماما مع ...العادية...في عين المشاهد.

وجهة نظر.

@بـــداية جـديـدة@ · 26-05-2007, 21:53

صدق( يرزق من يشاء بغير حساب)

امرأة من زمن آخر · 26-05-2007, 22:07

أي والله ماقلتي غير الحق بتجربه واقعيه وحقيقه مشاهده ومن قبل الكثيرين حولي

عموما يابنات ترى في مثــــــــــــــــــــــــــــــــــــــــــــــــ ـــــــــــــــــــل يقول

(((((((((((((((((الحلوة تدفع ضريبة جمالها ))))))))))))))))))عشان كذا اقول هارد لك للجميلات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يا أخوات .. ترى الجميله والفاتنه مالها حظ في الزوج