عالم الحياة الزوجية - منتدى

رغبة عاشق · 28-05-2007, 19:54

يوم من الايام كنت رايح الدوام وصلت المكتب مع الوقت , الا أشوف خوينا رفع السماعه

و قاعد يكلم واحد يستفزه بالكلام الجارح و يقول في حرمته أشياء كثيره تزعله و خلته

يخرج عن طوره , الرجال أخذ نفسه و راح طلع من المكتب , عرفنا السالفه منه شخصيا

بعد مرور أكثر من أسبوع أو أكثر , أتضح ان الشخص هذا اللي كلمه دق على بيته اللي

هو بيت رفيقنا , يوم دق رفعت السماعه البنت الصغيره قام ياخذ معاها بالكلام و قام

يسألها أسئله , أنت أمك وش لابسه , وشلون اللبس اللي على أمك , وشلون مسويه

شعرها , قاعد يجر لسان البنت لحد ما أخذ المعلومات من بنتها و البنت صغيره تفكره

قريب , ويمكن قالها انا عمو والا خالو عشان يجر لسانها , المهم أخذ المعلومات و دق

على رفيقنا بالمكتب و قال انا كنت عند زوجتك الحين وانا سويت معاها كذا و كذا ,

قال رفيقنا انت كذاب ما عندك سالفه , قال خلاص مو مصدقني انت روح شوف حرمتك

لابسه كذا و كذا و مسويه شعرها كذا و كذا و روح الحين البيت و شوف حرمتك و لو أنا

منك كان طلقتها و انا ما دقيت عليك عشان أستفزك أنا انسان فاعل خير و انا صحيح

اني أقمت علاقه مع زوجتك لكن أقل شيء انا عزوبي بس انت هاذي زوجتك و انا ما

ارضى لك هالشيء .... لاحظوا (((( سياسة الشخص المجرم هذا بالكلام و أسلوب الاقناع

و السياسه )))) و الله خوينا حطها براسه و راح بيته . يوم شاف حرمته طلقها بالثلاث و

طلاق صريح , وش رايكم انتوا في الاسلوب اللي اتبعه رفيقنا , و ابي الكل ياخذ راحته

بالطرح و الاجابه لاني وقتها اقسم بالله أول شيء فكرته فيه في بنته الصغيره و الا

هم ما همني فيهم ,,,,, وش رايكم و انا كتبت هالقصه الواقعيه اللي عشت احداثها

عشان الأخ ( أسعد زوج ) و أقوله ترى ياما تشوف بالدنيا هاذي بس ابي

رائيكم ...........................

ذات الرداء الأحمر · 28-05-2007, 20:41

الصراحه القصه تدل عدم نضوج عقل صديقك
معقوله يصدق اي احد
المفروض كان يدرس الموضوع ويتأكد
قبل لا يظلم بنت الناس

صوت المطر · 28-05-2007, 21:18

صراحة صديقك عقله صغير معقول يشك في زوجته أم بنته
وبعدين أول شي يستفسر منها الموضوع ويعرف أيش السالفه
وبعدين كيف عرف رقم العمل؟..........!

أكيد هاذا واحد يعرفهم وحاقد

الشوق مضنيني · 29-05-2007, 09:38

لا ياخوي

لو كنت بدااله

وش بتسووي

شـىء طبيعي بطلقها

بس المفرووض بعد ما تاكد

يرجعها ..

واظن إن القااضي يحكم

وتقبلَـَ‘ـوا مَـَ‘ـورري

غامضه كالبحر · 30-05-2007, 05:32

طلاق مره وحده لالالا
لازم يسألها قبل يشوف يستفسر كثير من الصغار كذا

sony_23 · 10-06-2007, 22:53

انا اعرف ان الطلاق اذا قالها بالثلاث مايصير ثلاث طلقه يحسب طلقه وحده
واعتقد ان زوجها غضبان ولا طلاق للغضبان
بس الي سوى الحركه ونكب مرتي بوديه بستين الف داهيه

majed sharf · 11-06-2007, 10:12

السلام عليكم[COLOR="Navy"]اولا وقبل كل شئ[ انصح هذا الرجل التي حصلت له هذه المشكله الكبيره بالصبر والتحلي به لانه مهما اصاب الشخص اي شئ من هذا القبيل/ يجب عليه من التاكد حتى لايصيب قوما بجهال كما قال الله سبحانه وتعالى في محكم كتابه ---ياأيها الذين امنوا اذا جائكم فاسقا بنبا فتبينواا حتى لا تصيبوا قوما بجهاله---صدق الله العظيم هذا رأيي والله ولي التوفيقCOLOR]SIZE]

مدمن رومانسيه · 12-06-2007, 12:02

تصرف غير عقلاني ,,

الأولى له أن يراجع زوجته ويستسمح منها ,,

ودع هذا الماكر .. يتربص في خلق الله حتى ينتقم الله منه , لفعلته الشنيعة تلك ,

آمل أن يراجعها ويستسمح منها, وأن يعيشا حياةً عامرة بالحب بعيداً عن المنغصات ,,

وبالتوفيق ,

واواي · 14-06-2007, 07:48

مثل قصة مسلسل اسوار اللي في ام بي سي

@بـــداية جـديـدة@ · 14-06-2007, 13:13

بصراحة كل شي ممكن يصير في هذه الدنيا

بس الإنسان دايما يتثبت قبل ما يصدر قرار أو يتصرف

انا تخبرني وحدة عن صديقتها....تقول كانت صديقتها طالعة مع زوجها وبنتها

في السيارة والبنت عمرها يمكن 3أو 4 سنوات المهم عرضت من جنبهم سيارة

وفي رجال قالت البنت الصغيرة باباتي أمي فيه واحد باسها منا(اشرت على

خدها اليمين ) ومنا اشرت على خدها اليسار وعنده سيارة مثل هاذي وتقصدالسيارة

اللي مرت من جنبهم وقالت وفي منا اشرت على ذقنها شعر ....

الابو انصدمت وفتحها تحقيق مع الزوجة ولف الدوار يمكن 12 مرة وهو يسألها من ذا ؟

ومن يطلع ؟ والحرمة المسكينه اتقول هاذي بزر صغيرة تصدقها تراها تكذب

والبنت فعلا تكذب ولكن شوفوا كيف الكذبه محد بيخطر في باله انها تكذب

هذا دليل ان الانسان لازم يتمحص قبل يصدر الأحكام

صياد الغزلان · 24-07-2007, 15:56

يصراحة هذا فعلوا غير صاب وكان للازم يتحرى في المسالة و الصبر و تحري الحقائق فقد نعتت السيد عائشة في حادثة الافك لما اتهمت بالزنا فقد كانت وقعا على رسول الله صلى الله عليه وسلم مع ذالك صبر ودعى الله ان يظهر الحقيقة و الحمد لله برئها الله من فوق سبع سموات فبالله عليكم كيف شخص يطلق ام عيالوا بسماع مثل هذي الكلامات اين الثقة في زوجتك اين تفكيرك في ايام السعادة بينكم اين الرحمة و الحلم اين التدبر ووضع الامور في ميزانها و السلام عليكم

الحب من صفاتي · 24-07-2007, 16:08

المتصل نذل والزوج متسرع

أرض الامارات · 24-07-2007, 16:11

يا ايها الذين امنو ان جاءكم فاسق بنبا فتبينو

ان شاء الله كتبت الايه صحيح

و صديقك غلطاااااااااااااااااااااان

و غلطااااااااااااان

و غلطااااااااااان

بالثلاث

ما اتوقع رجال لهالدرجه بدون عقل مع احترامي له !!

صياد الغزلان · 24-07-2007, 16:57

يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين سورة الحجرات

تجرونه · 25-07-2007, 02:24

السلام عليكم
هل ا اخوي
طيب كيف عرف الزوج ان الرجال سئل بنته وان زوجته بريئة
يعني بعد ماطلق زوجته اكتشف كذب هالشخص ولا كيف؟؟
ووش مصلحة هالشخص يكذب هالكذبة الشنيععععععة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصه حقيقيه صارت لشخص صديق عمل ..... وش رايكم بردة فعله !!!!!