عالم الحياة الزوجية - منتدى

daisy · 29-05-2007, 12:09

السلام عليكم و رحمة الله و بركاته .......

سؤال حيرني كتير و فكرت فيه كتير و ما عرفت التفسير المناسب و المنطقي ........قلت لحالي بكتبه بالمنتدى لربما أفكار الأخوة تساعدني............

معروف أنه الرجل مهما كان مركزه العلمي مهم و مهما كان مثقف و فهمان لما بدو يتزوج بيدور على بنت حلوة مليئة بالأنوثة و الدلع و خبيرة بأمور البيت ..........طبعا هذا مو غلط و عادي ........
و لكن سؤالي ........طالما الرجل المثقف هذا لما بيشوف أي بنت مثقفة و لتكن باحثة أو دكتورة و مناقشة بارعة و أفكارها منطقية و مقنعة علميا بيعجب بيها ...........و لكن ما بيقبل أبدا أنه زوجته تطور نفسها و تتعلم .... و بيحطلها مليون حجة و لو قبل تشوفه بيتأفف ......و ينزعج لو اضطر يساعدها بأي أمر .........
و مع ذلك بيبقى معجب بالباحثة و مع مرته بتشوفه مزعوج و مو طايق العلم ...........
طب يعني ليش هيك ؟؟؟؟؟؟؟؟
طبعا كتير رح يردوا و يقولوا مو كل الرجال هيك ........طبعا مو الكل هيك و لكن الأغلبية هيك ......حتى الرجال اللي بيدعموا زوجاتهم و يساعدوهم بيكون تعلم المرأة بهدف وظيفة أفضل لمساعدة الأسرة ..... و مو بقصد العلم بحد ذاته ........( طبعا في طفرات بالموضوع و لكن نسبة قليلة جدا )
يعني ما اختلفنا أنه وظيفة المرأة الأساسية هي أن تكون أم بمعنى الكلمة ، و لكن المرأة الأم مو من حقها تزيد معرفتها ؟؟ يعني لما الولاد صغار ..قلنا معلش بيكونوا أشد حاجة لأمهم بالوقت و لكن لما يكبروا ......معقول المرأة المتزوجة مو لازم تهتم غير بزوجها و فنون إغرائه و متعته ؟؟؟مو من حقها تنمي عقلها و تتثقف ؟؟؟؟؟؟؟؟
يعني بيكون غلط لو شجعها و ساعدها و دعمها معنويا ؟؟؟؟
مش الله سبحانه و تعالى خلق لنا كل أجزاء الجسد و ما في شي خلق عبثا ........يعني هالعقل اللي خلقه للأنثى طبعا عشان تكون حكيمة و عاقلة و لكن لازم تنميه و تهتم فيه ........من حق عقلها عليها تهتم فيه و تتعلم و تطور معارفها و ثقافتها ..........من حقها كانسانة تعمل هيك ..........
و حتى الرجل نفسه لازم يطور نفيه و يتعلم ........مهو العلم ما بيوقف عند عمر معين .........لازم يتعلم و يثقف نفسه دايما و لازم يشجع زوجته على هالشي .........طبعا ما رح يهملوا الحياة العاطفية و الحب و الجنس .......و إنما قصدي الاهتمام واجب بكل الجوانب الحياتية و كل أجزاء الجسم كمان ........و تخيلوا ولاد ينشؤوا ببيت متل هذا ؟؟؟
بيئة سليمة مليئة بالحب و التفاهم و التعاون و مليء بحب العلم .........

يا جماعة يا ريت تعطوني آراءكم ..........حتى لو مش موافقين معي .......لإني الموضوع شاغلني فعلا و نفسي أصل لنتيجة ..
و مشكورين سلفا ........

daisy · 29-05-2007, 14:23

هههههههههههههه ..............شر البلية ما يضحك ...................من بين كل الناس اللي بالمنتدى ما حدا بيهمه الموضوع أو بيفكر يجاوب أو يرغب يناقش؟؟؟؟؟؟؟؟؟؟؟ و لا هذا الموضوع مو مهم ؟؟؟؟؟ يا ترى لو كنت كتبت عن طريقة جديدة لإثارة الزوج و إغرائه كانت الصفحة هتنملي بالردود مش كده ؟؟؟؟؟؟؟؟؟؟؟؟؟؟؟؟؟

كلماات · 29-05-2007, 15:08

بلللللللللللللللللا تعصيب
بالعكس الموضوع كتير حساس
وانا من مجتمع الفتاة فيه مستواها التعليميي عم بكون أعلى من زوجها
أحيانا بيحاول الزوج يهمشا ويمكن يقلها يعني اذا كنت دارسة لازم تفهمي بكل شى
رغم انو الدراسة ماهي مقياس لمدى ثقافة المرء .صح.
يعني أنا بتفق معك بكل شى قلتيه
يمكن السبب بعود الى حب التسلط أو اثبات الذات لدى الرجل.ومابحب انو زوجته تتفوق عليه خصوصا امام الناس..هيدا راى الشخصي
مابعرف بدنا شى رجل يتكرم علينا ويجاوبنا...ويقنعنا بجوابه

daisy · 29-05-2007, 15:19

يسلمووووووووووو أختي جنا ...........رفعتيلي معنوياتي و الله مش معصبة و لكن الواحد ينقهر أحيانا ............عنا كمان مستوى المرأة الدراسي عالي ..........و أحيانا أعلى من زوجها .......و أنا كمان بتفق معك .....مو قصدي على الدراسة بالجامعة ..الدراسة مو هي اللي بتعطي ثقافة .......و كتير نشوف دكاترة جامعة و تفكيرهم مغلق و محدود ........قصدي على الثقافة بشكل عام .............الاهتمام بالهوايات العلمية ..........دورات تعليمية مختلفة ..مو بهدف الحصول على شهادة و إنما بهدف العلم و المعرفة و بس .........و ناطرين آراء الذكور لنشوف .............

أجتهاد · 29-05-2007, 17:08

كلامك صح, هناك رجال يعرقلوا مسيره زوجاتهم. ذلك أنهم لا يريدوا أن تتفوق عليهم زوجاتهم.

لكن هناك من الرجال من عندهم ثقه بإنفسهم وثقافتهم فتراهم يساعدون الزوجات فى النهوض بأنفسهن.

المشكله أن موضوع الثقافه أصبح هامشى الأن, لذلك ترى أن الرجل إذا وجد أن زوجته ستتجه الى هذا المنحى فإنه سيحاول جاهدا الحد من تقدمها, ولكن ما المانع لمثل هذا النوع من الرجال أن يتخذ هذا حافزا للنهوض بنفسه أيضا , ويكن الموضوع سباقا صحيا لرفع المستوى فمن حق الجميع تغذيه العقول كما تغذى الأجساد,,

شكرا على الموضوع الهام,,

أخوك إجتهاد,,,

daisy · 29-05-2007, 18:00

اقتباس:

المشاركة الأصلية كتبت بواسطة أجتهاد

كلامك صح, هناك رجال يعرقلوا مسيره زوجاتهم. ذلك أنهم لا يريدوا أن تتفوق عليهم زوجاتهم.
لكن هناك من الرجال من عندهم ثقه بإنفسهم وثقافتهم فتراهم يساعدون الزوجات فى النهوض بأنفسهن.
المشكله أن موضوع الثقافه أصبح هامشى الأن, لذلك ترى أن الرجل إذا وجد أن زوجته ستتجه الى هذا المنحى فإنه سيحاول جاهدا الحد من تقدمها, ولكن ما المانع لمثل هذا النوع من الرجال أن يتخذ هذا حافزا للنهوض بنفسه أيضا , ويكن الموضوع سباقا صحيا لرفع المستوى فمن حق الجميع تغذيه العقول كما تغذى الأجساد,,
شكرا على الموضوع الهام,,
أخوك إجتهاد,,,

شكرا أخ اجتهاد على رأيك بالموضوع .....و بصراحة كلمة قلتها إن موضوع الثقافة أصبح هامشي الآن ........فعلا معك حق ...المشكلة إنه حتى النساء هم مهمشينه ...
يعني تشوف النساء يطالبون بالمساواة مع الرجل ........و كل طلباتهم تنحصر بأمور متل اللباس و المشاوير و الصداقات و الخروج من تحت دائرة اهتمام الأهل و كله ما يعمل شي غير فساد المجتمع .........يا ريت يكثروا النساء اللي يطمحون للعلم و الدراسة و الثقافة ...يا ريت كمان الأمهات يهتموا بتثقيف أنفسهم و خاصة أنه غالبا بالمجتمعات العربية بنشوف الأم مسؤولة عن تعليم أطفالها ..........فإذا كانت متعلمة و مثقفة هينشؤوا أطفالها شاطرين و مجتهدين كمان ..........و لهيك لازم الزوج يشجعها حتى لو هي ما رادت .هذا موضوع لتطوير المجتمع ...........ثم إن الإسلام نصحنا و حضنا على طلب العلم ........و مو كل طلب علم يعني سفر و غياب كثير ........إنا بس هنا بتكلم على الفكرة بحد ذاتها ............و الطرق كل مجتمع بيحددها لوحده ...........

daisy · 29-05-2007, 18:02

أخ اجتهاد نسيت ما قلك إنك لازم تشكرني كتير لأن موضوعي هو اللي خلاك تجتهد عشان تحصل الإجابة الواحد بعد الألف .............و مشكور على التفاعل و الله يعطيك العافية ....

tomb raider · 29-05-2007, 21:47

لن أقول أن الرجال ليسو كلهم على هذه الشاكلة ...ولكن ما أريد قوله أنني مهما حاولت أن أفهم المرأة وأنجح الى مستوى معين ..أعود لأجد نفسي من نفس المكان الذي بدأت منه ...
هل تعلمي أختي أن كل النساء ..كل ...لو طلب منها زوجها التعمق في الثقافة وتحقيق مزيد من التقدم الفكري ...لن أقول من أجل العمل كما الصورة البشعة التي أعطيتي للرجال ...ولكن دعيني أقول من أجل السمو بالأطفال وتباهي الزوج بزوجته الذكية ...عندها لن تحقق المرأة شئ وإن فعلت سوف يكون مستوى الأطلاع عندها محدود من قبلها ..وإذا ما كان الرجل متصلباً ...سوف تسعى جاهدة للحصول على ما تريد وتصور نفسها بالمظلومة والتي يمنع عنها التعلم وحتى في المنزل .....أنا لا أقول هذا الكلام من فراغ ....صدقيني أختي ...طبيعة النساء بقدر ما هي مفهومة ...هي غامضة ..وحتى متميزة المرأة بإختلاط الأحاسيس ...فهي تحب زوجها ..ولكن أحياناً تكره سماع صوته ....
الرجل بطبيعته التي جبل الله هذا الجنس عليها ميالة للإمتلاك ....والزوجة أحد أهم ما يستطيع الحصول عليه إنسان ...والأنثى يجب أن تتميز بإنوثتها بين يدي الرجل ...ولن تشعر بكونها إمرأة إلا عندما تضع رأسها على صدر زوجها ..وتبكي ربما ..أو تضحك ...والرجل محاسب على رعايته لهذه الزوجة ...فمن أساء فوزره على نفسه ....ومن أحسن ...فله نتيجة عمله ...والرجال لن يحاسبوا بموقف واحد ...لكل واحد حسابه ...
أما بخصوص ما ذكرتي عن رفض الرجل للمرأة المتعلمة ..واللهث وراء المرأة التي هي أقل ثقافة من غيرها ...فهذا ليس صحيح ..على الأقل في المجتمع الذي عشت فيه ...والملاحظ أن المرأة المتعلمة تتميز ببعض الكبر ..ولن ترضى بأي إنسان يتقدم للزواج منها ...ومعظم حالات العنس في مجتمعنا هو تكبر المرأة على الأشخاص الذين يتقدمون لها ..لأنها مرغوبة ...وليس لأن الرجال لا يحبون المرأة المتعلمة ..فقط يعجبوا بها ..هذا على الأقل ما أراه وما لامسته ....
أنا أسف أن كنت ثقيل برأيي ..وأنا أحترم رأيك مسبقاً ..ولاحقاً ...أخوكم ..

daisy · 29-05-2007, 22:15

أخي tomb raider :
أولا أهلا و سهلا بك و رأيك مرحب مهما كان .ثانيا رأيك منطقي أيضا ...لو إنك قرأت ردي على الأخ اجتهاد كنت رأيت أنني أوافق على أن النساء أنفسهن لا يرغبون بالثقافة ..للأسف الشديد ...طبعا هنا كل حديثنا ليس بالإجمال ...........

اقتباس:

وإذا ما كان الرجل متصلباً ...سوف تسعى جاهدة للحصول على ما تريد وتصور نفسها بالمظلومة والتي يمنع عنها التعلم وحتى في المنزل .....أنا لا أقول هذا الكلام من فراغ

أخي أنا معك تماما و كثيرات هيك و لكن ألست معي بأن المرأة العاقلة ليست كذلك ؟؟؟؟ بما أننا أشرنا أن حديثنا ليس بالإجمال .
أخي أنا معك أن الزوج يجب أن يرعى زوجته و هي أيضا يجب أن تشعر بأنوثتها بين ذراعيه .......هذا أساس العلاقة الطبيعية السليمة ....و لكن موضوع الثقافة هو جزء من ضرورة الاهتمام بالعقل ...هي تشجع زوجها و هو يشجعها .

اقتباس:

والملاحظ أن المرأة المتعلمة تتميز ببعض الكبر ..ولن ترضى بأي إنسان يتقدم للزواج منها

و الله معك حق مع أنه مو كل وحدة متعلمة بتكون فعلا مثقفة و مع ذلك بتشوفهم رافعين روسهم و كأنه ما حدا قدهم ...........الله يخليك هذا لازمله موضوع لوحده .ههههههههههه.....

اقتباس:

أما بخصوص ما ذكرتي عن رفض الرجل للمرأة المتعلمة ..واللهث وراء المرأة التي هي أقل ثقافة من غيرها ...فهذا ليس صحيح ..على الأقل في المجتمع الذي عشت فيه

إذا كان المجتمع عندكم بيشجع ثقافة المرأة فأنا بهنيك إذا أخي ..علما أنه في مجتمعنا دائما الشباب يبحثون عن متعلمات و خصوصا آنسات و مدرسات ..(متعلمات و موظفات و عندهم عطل طويلة هههههههههههه) شفت وين المشكلة ؟؟يبحثوا عن المتعلمة لأجل الوظيفة و بس ...........

أخي ، مشكور كثير على تفاعلك و إعطانا رأيك الكريم اللي نعتز بيه و لو تسمحلي بملاحظة صغيرة :إنه اسمك كتير كئيب و مخيف ..اعذرني بس كتير متناقض مع رأيك المنطقي و ذوقك بالتعامل .....

tomb raider · 29-05-2007, 23:00

فإذاً نحن متفقون على التشخيص وعدم الشمولية بالأراء ....وما لفت أنتباهي سؤالك على أن الأسخفاف بالثقافة ليست من صفات المرأة العاقلة ....وكذلك نبذ الثقافة للمرأة ليست من صفات الرجل العاقل ....مما يدعونا للعودة الى المنزل والتربية والتي أصبحت مشوهة في هذا الزمن ..وآثارها ملازمة لتصرفات الشباب من الجنسين ...فكل إناءٍ بما فيه ينضح ...والتربية السليمة من شأنها أن تنتج أشخاصاً سليمين فكرياً .........

daisy · 29-05-2007, 23:19

أخي tomb raider :
أنا معك كلمة كلمة و الصراحة لاحظت من ردودك إنك دارس علم نفس أو شي من هالقبيل .....اعذرني ممكن تكون آرائي مو مرتبة و لكن عندي استفسار ..الحق على البيئة التربوية السليمة و إنها مو موجودة ....طب فعلا بنشوف تفكك أسري فظيع و مخالفة لأبسط قوانين الانسانية و الأخلاق .......و المجتمعات العربية بتتراجع شوي شوي .......شو لازم نعمل حتى نرتقي بالمجتمع شوي.؟؟؟ هي مهمة و مسؤولية عامة و كل انسان لازم ينطلق من نفسه .....مش كده؟؟و لكن لازم حملات توعية شاملة بمختلف نواحي الحياة مو بس عالثقافة ..و إنما حتى بكل جوانب تربية الأطفال ...........حتى برضه بالتوعية اللازمة لحياة زوجية طبيعية هانئة ............أخخخخخ أخي فوتتني بمداخل صعبة و ما كانت حاططتها ببالي ..لازم تغيير شامل ...........حلها بقى لو كنت شاطر ............

tomb raider · 29-05-2007, 23:42

ما تكلمتي عنه يحتاج لمواضيع وليس لموضوع ....أو رد بسيط ...ولكن أخر قناعاتي لإصلاح المجتمع أن ننطلق من الداخل ..ممكن تقرأي موضوع كتبته بهذا المجال ...ومع ذلك لم أذكر إلا الشئ البسيط ...
أما بالنسبة لتربية الطفل أوعالم المنزل بشكل خاص فهذا موضوع ضخم يحتاج لمتابعة شخصية .....هناك مواضيع كسلسلة تتعلق بالسلوك الأنساني وكيفية تربية الطفل وما يتعرض له لمشاكل ومدى تأثير التربية على شخصية الأنسان...كنت قد نويت أن أوردها كمواضيع في المنتدى ..ولكني توقفت ....
على كل الأحوال فأنا عامل بمطعم ..ولست أي شئ مما تظني .......أخوكم

daisy · 30-05-2007, 00:15

اقتباس:

المشاركة الأصلية كتبت بواسطة tomb raider

ما تكلمتي عنه يحتاج لمواضيع وليس لموضوع ....أو رد بسيط ...ولكن أخر قناعاتي لإصلاح المجتمع أن ننطلق من الداخل ..ممكن تقرأي موضوع كتبته بهذا المجال ...ومع ذلك لم أذكر إلا الشئ البسيط ...
أما بالنسبة لتربية الطفل أوعالم المنزل بشكل خاص فهذا موضوع ضخم يحتاج لمتابعة شخصية .....هناك مواضيع كسلسلة تتعلق بالسلوك الأنساني وكيفية تربية الطفل وما يتعرض له لمشاكل ومدى تأثير التربية على شخصية الأنسان...كنت قد نويت أن أوردها كمواضيع في المنتدى ..ولكني توقفت ....
على كل الأحوال فأنا عامل بمطعم ..ولست أي شئ مما تظني .......أخوكم

أنا كمان معك أخي ...........كل واحد لازم ينطلق من نفسه ......بالنسبة إلي عاملة هيك و الحمدلله ............و لكن برضه الناس كلهم محتاجين حد يذكرهم بحاجات ناسيينها أو بيتناسوها لأغراض في نفوسهم ..أخخخخخخخخ و الله مشكلة عويصة ...المهم أخي شكرا على اهتمامك و إن شاء الله هقرأ كل مواضيعك .......و على فكرة صح المواضيع زي ده قليلين اللي بيقرؤوها و لكن مع ذلك اكتب ........لو في واحد بس قدرها و قراها و أعجب بيها و قرر يستفيد منها يبقى كفاية .........
المهم أخي ......عامل بمطعم أو دكتور نفس الشي .......الثقافة مو محددة بنوع العمل و الدراسة ........و الله أخي ياما بتشوف دكاترة و لكن و الله ما بيعرفوا شو هي الثقافة .أخخخخخخخخخخ قهر و الله ( الله و كيلك صايرين الناس هالأيام يتعلموا بس عشان الوظيفة المنيحة المربحة و المريحة )... المهم تستمر بتطوير نفسك و زيادة ثقافتك ...........
شكرا أخي مرة تانية .......و انشالله ما تتوقف عن طرح المواضيع الهادفة .و فعلا سررت بالحديث معك .

مووووج 2 · 30-05-2007, 00:17

كلامك صحيح

والغريب

انه كل مازادت ثقافة الرجل وعلمه كل مازاد بحثه عن الاقل ثقافه وعلم والعكس ،
لاحظت انه عادة الانسان يختار مواصفات معاكسه لمواصفاته عند اختيار الشريك ، لانه يتولد لديه احساس بالتكامل

يمكن هذا سبب !

تقبلي تحيتي

daisy · 30-05-2007, 00:22

اقتباس:

المشاركة الأصلية كتبت بواسطة مووووج 2

كلامك صحيح

والغريب

انه كل مازادت ثقافة الرجل وعلمه كل مازاد بحثه عن الاقل ثقافه وعلم والعكس ،
لاحظت انه عادة الانسان يختار مواصفات معاكسه لمواصفاته عند اختيار الشريك ، لانه يتولد لديه احساس بالتكامل

يمكن هذا سبب !

تقبلي تحيتي

تسلمي موج على مرورك و مشاركتنا برأيك ........الصراحة سمعت أنه كل ما كان الرجل دارس و تعبان بالعلم بيتمنى يتزوج وحدة تريحه بالبيت و ما تجيبله سيرة العلم ..و هذا يعني أنه كل العلم اللي تعلمه مو لأنه هو بيحب العلم و إنما لتحصيل مركز ما أو عمل ............شو بدنا نعمل ..
يللا هي لسا ناطرين آراء باقي الأخوة و ربما نقدر نوصل لنتيجة ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

lموضوع محيرني ......تعلم الزوجة ........