عالم الحياة الزوجية - منتدى

رش رش احمد · 02-06-2007, 15:19

هذا اول موضوع لى وان شاء الله اشوف ردود منكم تبرد قلبى
انتو ياشباب ورجال الخليج ياكثر ماتتشرطون وتتأمرون على الحريم
مسكينه الوحده فينا طول اليوم تفكر بس شلون تسعد زوجها من ناحية
الطبخ والاهتمام فى العيال والبيت وملابس زوجها ونفسيته واكله ماتخلى
شئ ماتفكر فيه مشقيه الله المسيكينه...ولما يجى وقت النوم المسكينه طول اليوم تحط فى هالسنفرة
واللوشن والشامبو والكريمات الجسم وكريمات الشعر وتبدى تختار قميص النوم
وتحتار فى المكياج وترتيب السرير وتغير الكفر وتولع الشموع وتعطر الغرفه
وتنوم العيال وتزهب له العصير والكيك والمكسرات وووو ماتخلى شئ ماتسويه
ولما يشرف ((سبع البرمبه)) او شئ يقط دشداشته على الارض ثانى شئ مايدخل الحمام لعشان يتحمم ولايروح لحمام يفرش اسنانه بعد الاكل والارف طول اليوم متكون على الاسنان ولايفرك رجوله اللى صايره كأنهم رجول وحش صخرتين ومتشققين من تحت ولايتكرم ويحط دهن عود او عطر يخبى فيه ريحة العرق والارف طول اليوم ومع هذا كله يقول لزوجته ابيك تلبسين مثل نانسى عجرم او مايوه هيفاء وهبى وينتقد ويقارن بينها وبين هالممثلات النص كم وماااااااااايشوف نفسه ....ترى احنا بشر يالحريم موحيوانات يعنى مثل ماانت يالرجل تبينى اصير مثل هيفاء ونانسى انا بعد انسانه وابيك مثل رامى عياش وائل كفورى وراغب علامه بس احنا نسوى اعتبار لكم ومانحب نحطكم فى مقارنه مع البنانين وغيرهم مثل مانتم تسون فينا ....ومثل ماانته يالرجل عندكم نفس تشتهون ترى احنا عندنا نفس الشعور ونبى مثل جمال وعناية وكلام المعسول اللى عن اللبنانين او الفنانين او غيره

فأرجوكم يااااااااااامعشر الرجال(( رفقا بالقوارير)) احنا دم ولحم واحساس ومشاعر لاتقارنونه فى اى احد

دروبـ · 02-06-2007, 15:38

هلا وغلا

حبيبتي اصابع ايدج مو سوااا ولا كل الرجال ينضرب فيهم هالكلام الي قلتيه .......... يعني مو تعميم ....
السموحه هذاا راي الشخصي
والاختلاف في الراي لايفسد في الود قضيه
تحياتي

طيف الأمل · 02-06-2007, 15:44

لاتشوفين طبع الرجال كلهم مثل طبع ريلج لالا

الحمدالله النظافه آمرنا بها اسلامنا قبل لاتكون احترام

ويكون الله بعونك على اللي عندك

SMSM007 · 02-06-2007, 15:45

لا يجب التعميم اختي

فهناك الكثيرين الذين يهتمون بانفسهم من اجل زوجاتهم

/
/

رش رش احمد · 02-06-2007, 16:30

شئ اكيد احترم رايكم وشكرا على المرور والتعليق
بس يبقى سؤال وين هم هذول الرياجيل اللى انتم تتكلمون عليهم مالهم وجوووووووووووووووووووووود نهائيا

رش رش احمد · 02-06-2007, 17:05

اقتباس:

المشاركة الأصلية كتبت بواسطة طيف الأمل

لاتشوفين طبع الرجال كلهم مثل طبع ريلج لالا
الحمدالله النظافه آمرنا بها اسلامنا قبل لاتكون احترام
ويكون الله بعونك على اللي عندك

شكرا على المرور الكريم
شئ اكيد اننا مسلمين والدين الاسلامى حثنا على النظافه الشخصيه لكن انتم يالرياجيل تبونه احنا الحريم نطبقها وانتم لااااااااااااااااا

على فكره انا مو متزوجه واذا زوجى سوا معايا كذيه خذفته من الشبااااااااااااااك ههههههههههههههههه

رش رش احمد · 02-06-2007, 17:07

اقتباس:

المشاركة الأصلية كتبت بواسطة smsm007

لا يجب التعميم اختي
فهناك الكثيرين الذين يهتمون بانفسهم من اجل زوجاتهم
/
/

شكرا على المرور الكريم
بس معك حق الاكثريه مايتنظفون لحريمهم
والاقليه هم اللى يهتمون
عكسنا يالحريم الاكثريه نهتم والاقليه مانهتم

رش رش احمد · 02-06-2007, 17:09

اقتباس:

المشاركة الأصلية كتبت بواسطة احلى سنفوره

هلا وغلا
حبيبتي اصابع ايدج مو سوااا ولا كل الرجال ينضرب فيهم هالكلام الي قلتيه .......... يعني مو تعميم ....
السموحه هذاا راي الشخصي
والاختلاف في الراي لايفسد في الود قضيه
تحياتي

معااااااااااااك حق شكرا على المرور

دلوعة بابي · 02-06-2007, 17:11

اي احذفيه واذتبين مسانده ماععندي مانع

عسولة الكويت · 02-06-2007, 17:13

أولا شكررا علي الموضوع

صحيح أختي في رجال من هالنوهيه

بس تقدر الزوجه باسلوب لطيف تقوله انا مزهبتلك خوش سهره علي ما تروح تاخذ شاور الا كل شي جاهز

وبعدين اللبيب بالاشاره يفهم

بس ضحكتني فقرة وائل كفوري وراغب علامه

هههههههههههههههههههههه

زعلانه... · 02-06-2007, 18:23

اقتباس:

ولما يشرف سبع البرمبه

وش معنى هالكلمه سبع البرمبه

السر الدفين · 02-06-2007, 19:06

صح لسانك يارش رش

أنا من دخلت هالمنتدى وانا أشوف الحريم يتهزؤؤؤن وتنظفي وتسنعي وتعطري وووو

طيب وانتم يالرجال ملائكه تمشي على الأرض !!!!!!!!!!!!!!!!!

وتدعون اللهم عجرم نسائنا والله نانسي عجرم ماتتحملكم دقيقه

الله خلق لنانسي الي مثل وائل كفوري على قولة رش رش

والله خلقكم لنا وخلقنا لكم

فكلن يحمد ربه ويرضى بنصيبه ويبدأ التغيير بنفسه

رش رش كنت افكر اكتب مثل هالموضوع <<< متحامله على الرجاله

بس سبقتيني تسلم ايدينك

دمعه وفى · 03-06-2007, 01:39

بصراحه اختي الرجال مو واحد واالاغلبيه ملولين جدا يعني مما سمعت انه يوم يتنظف ويوم لا...وحتى لو فرشو وتعطرو احنا نبي اكثر من كذا نبي يحسسوننا انهم يهتمون علشاننا وخاصه التنظيف...........والف شكر لكي اختي

رش رش احمد · 03-06-2007, 04:28

اقتباس:

المشاركة الأصلية كتبت بواسطة دلوعة بابي

اي احذفيه واذتبين مسانده ماععندي مانع

افاااااااااااااااااااا عليك شئ اكيد راح انا ديك تحذفينه معاااااى <<<<<<< هاها قلبنا وصرنا رياروسكينه
شكرا على المرور

رش رش احمد · 03-06-2007, 04:32

اقتباس:

المشاركة الأصلية كتبت بواسطة عسولة الكويت

أولا شكررا علي الموضوع
صحيح أختي في رجال من هالنوهيه
بس تقدر الزوجه باسلوب لطيف تقوله انا مزهبتلك خوش سهره علي ما تروح تاخذ شاور الا كل شي جاهز
وبعدين اللبيب بالاشاره يفهم
بس ضحكتني فقرة وائل كفوري وراغب علامه
هههههههههههههههههههههه

ليش اقوله انا مزهبة الحمام او افرش اسنانك او غيره ليش هو جاهل مايفهم ولابس شاطرين انهم يقارنون بينا وبين الفنانات واذا شافو فينا غلطه صغيره اكلونا بقشورنا انتى ماتهتمين بشكلك وانتى وانتى وانتى ...المرأه طول اليوم تركض من صالون لصالون بس لعشان تعجب هالرجال وهو حتى اسنانه مايفرشهم
حتى ابسط شئ العطر مايحطه الا اذا عنده طلعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الرجل الخليجى ياكثر مايتشرط على المرأه !!!!!