عالم الحياة الزوجية - منتدى

دروبـ · 02-06-2007, 16:33

السلاام عليكم ورحمة الله وبركااته
اخواني وخواتي ......... صديقتي طلبت مني راي وصرااحه انا احترت بالرد عليهاا
فقلت مالي الا اخواني وخواتي وهلي وناسي ببيتي الثاني بمنتداي الغالي...
الي مارااح يبخلوون علي باراهم ... القصه ومافيهاا ياسامعين الكراام
انه صديقتي عرفت من اختها عن طريق زوجهاا انه زووجهاا رااح يساافر مع ولد خالته
في منطقه معينه بالبلدان العربيه ... وهو ماقالها بس هو طول هالفتره يبين لها انه حاب يسافر وحاب يستقل لحاله بالسفر بعد الزوااج يعني تمهييد لسفرته ...
هو زوجها الحمد لله مصلي صايم دين خير ماعليه كلاام بس هي مو حابه انه يساافر لحااله ....... وهي محتا ره تبي اي طريقه تمنع هالسفر انا اقترحت عليها انها تاخذ
جواز السفر سكييتي لامن درى ولا من حس وتخشه باي مكان .... بس ماادري هي
محتااره ومو ماعرفه شنو تسوي ... خواني اذا عندكم اراء فخبروناا فيهاا جزاكم الله
الف خيررررررررررر .....
وتحيااتي

رش رش احمد · 02-06-2007, 16:54

مافى مشكله اذا هى واثقه فى اخلاقه مافيه خوف عليه لانه الواحد لو يبى يسوى الغلط متوفر فى كل مكان لعشان كذا خليه يسافر بروحه راحه واستجمام له وقوليله يوعدها بسفره لها يعيدون فيها شهر العسل

عسولة الكويت · 02-06-2007, 17:20

عزيزتي

قولي حق صديقتك تخليه يسافر يغير جو عن طيب نفس

صدقيني اذا قالت لأ راح يعند معاها وراح يسافر غصب عنها

فخل تكون مرنه معاه ولا تسبب مشكله بدام هو مصلي مسمي

مدام ريما · 02-06-2007, 17:26

انا مع عسولة ..

والله الرجال اذا حط شيء براسه بيسويه يعني بيسويه ..

يعني يسافر .. لكن مافيه مانع انها تحاسبه على انه ماقالها .. وتقوله المفروض قلت لي من اول

الله يوووفق الجميع

شكرا

بنت النوررر · 02-06-2007, 18:05

أختي قولي لها تحاول تدلع زوجها بهاليومين

وتعمل له كل اللي بنفسه وتطيعه بشكل ملفت

وتسوي له ليالي رومنسية كل ليلة أحلا من الثانية

وبيوم وفي قمة الرومنسية وهي في حضنه

تلمح له وبطريقة طفوليه جذابة انها نفسها تسافر

و تغير جو معه بعيييد عن العالم ومن الكلام .....

طبعا واكيد بتكسر خاطره ...

وأهم حاجة نصحيها ذا خلص نوا يسافر لا تمنعه بالمرة

تدعي له الله يحفظه وتبين له انها تحب له الراحة واللي يسعده يسعدها ...

ولو سافر بيذكر الايام الحلوة والأدعية الطيبة وبيخجل من نفسه

ومارح يغضب ربه ويخونها .....

وياربي يهديه ويبعد فكرة السفر عنه ....

زعلانه... · 02-06-2007, 18:09

احلى سنفوره

اقترحتي عليها تخبي جواز سفره هههههههه

ما اظن هذي الطريقه تنفع لانه راح يطلع جواز جديد

الحل انها تروح معاه

واذا ماقدرت ترضى بالامر الواقع وتدعي ربها ان يحفظه من بنات الحرام

عقد اللول · 02-06-2007, 18:27

ماتقدر تمنعه او تاثر عليه لانه من زمان حاط هالفكره براسه يعني مسويها مسويها

يعني مالها انها تكيف نفسها على هالشي والله يعينها ويصبرها لان هالشي مو سهل

عليها حتى لو كان زوجها راعي صلاه بس العين بحــــــــــــر

دروبـ · 02-06-2007, 18:36

هلا وغلا
رش رش تسلمين هي ماودهاا يرووح لحالهاا وهي الحمد لله واثقه منه بس الخوف صااحبه الي معه يلعب برااسه ....

عسووله يعني ماجااا يغير جو اغلا بعد الزوااج .. والله بلوى

مدام ريما ايه مسالة حاط براسه السفر حاط ومخلص .. هي منقهره ليش ماعلمهاا
عارف انها ماراح ترضى .... اخ من الرجاال .. مالهم اماان

بنت النور هي مو مقصره معااه بس هي ماودهاا يرووح ويتركهاا وخصوخا هي حاامل بالشهوور الاولى من الحمل

زعلانه ايه حبيبتي اقترحت عليها هالاقترااح بس مو بالساهل يطلع جواز هي المساله لعب لا والله يبغاله على الاقل 4 سنوات ههههههههه

عقد اللول شكله بسويها بسويهاا .. الله يستر بس ..

هي خاايفه يابنات لانها حامل بالطفل الاول ويمكن لاقدر الله يصير شي شياات لها وللبيبي اذا غاب عنهاا ......

عطوناااااااا افكااااااااااااار بلييييييييييييييييزززز

السر الدفين · 02-06-2007, 18:49

احلااا سنفوره أنا مريت بنفس هالموقف صديق زوجي كم مره حاول ياخذه معاه

وكان يجي عندي ويحكيني عن سفرات صديقه راح وجاء ويمدح المدينه الفلانيه ووووو

انا تدرين ايش قوله ما شاء الله اخذوا عيالهم معاهم قال لا لا هو لحاله

قلت له اعوذ بالله وزوجته ليه ماخذها مايخاف على نفسه من الفتن هناك لا لا

اسمحلي صديقك هذا طاح من عيني الي يسافر للخارج بعد زواجه لحاله هذا انسان مش مزبوط

والله لو انا انا مكان زوجته المسكينه ماقعد عنده ولا دقيقه الي يروح لحاله ولهالمنطقه

الي معروفه بالفساد لا لا معليش هذا انسان لعاااااااااب بعدين زوجته المسكينه ليه

ماياخذها والا يبي الجو يصفاله ؟؟

هو تووووبه مافتح معاي الموضوع مره ثانيه وصار يقول الله يهديه بس انشاء الله

يعقل

فأنتي شوري عليها انها تختلق قصه مثلا تحكيه عن زوج صديقتها سافر للخارج

وتقوله مدري اشلون طاعته والله صعبه لو انا مكانها ما ارضاها ومن هالكلام

وشوفي انشاء الله تنفعها مثل مانفعتني هالحركه

سي يووووو

دروبـ · 02-06-2007, 20:31

هلا حبيبتي شهريه
فكرتج حلووه بس الخوووف يجيله الشك والريبه ويقول في نفسه ماجات هالقصه الي بالوقت هذاا .. وقت سفرتي بالذاات ....
ببلغها انشالله الفكره والله ييسر الامور ياارب
مشكوره

دمعه وفى · 03-06-2007, 01:08

هلا عيوني انا اعتقد ان سفره لوحده عادي ومافيه اي مشكله لازم الزوجه تعطي زوجها الحريه شوي هو متعود على ايام العزوبيه والسفر مع اصدقائه بدون اي تحمل للمسؤليه ولا تخلينه يطفش منك دايم لزقه فيه

خليه يتنفس وهي طريقه حلوه انكم تبتعدون عن بعض فتره حتى يتجدد الشوق والحب باالنسبه لحملها تروح عند اهلها لحد مايرجع باالسلامه .............ولا تخبين الجوازههههههههههههههههههههههههه الرجال إذاحطو ببالهم شي خلاص ينفذونه مايردهم شي

(( حجازية)) · 03-06-2007, 17:43

والله لو كنت محلها ما اخلي يسافر لحاله بعدين يتعود
و بعدين لو زوجها يحبها و من النوع اللي يراعي مشاعرها تقوله بصراحة انا خايفة عليك ومن هذا الكلام

لكن لو زوجها عنيد تزعل عليه لحد ما يراضيها لو كان من جد يحبها

و لا تتركله فرصة يسافر سياحة لحاله

لانه الشيطان قوي

و كمان ليش يحرم زوجته من تغيير الزوج دمهم خفيفين و يقدروا يسافرو مع بعض !!!!؟؟

>الشرس< · 03-06-2007, 20:43

ما فيها شي لوسافر لحاله عادي ما دامت انه رجل ثقه وين المشكله اعتبريه راح للدوام ررجع والله ما فيه مشكله ليه ضن السوء ان بعض الضن الاثم ونصيحتي لا تأخذين براي الحريم اوكي

daaana · 03-06-2007, 21:36

تخلية يسافر ها المرة لحالة وما فيها شي طبيعي الازواج يحبون يسافرون يعيدون ايام العزوبية ومدام هي واثقة فية لية تعاند لانة اذا قال لها كل مرة ابسافر وترفض بيتعود انة يسافر من دون علمها بيقولها سفرة عمل وهي سفرة وناسة يسافر بعلمها احسن من انها تتورط بعدين وتعتبر هذا تغيير جو لها ولة 00 تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بليييز لاتبخلوون علي بارآكم