عالم الحياة الزوجية - منتدى

مخنوقه · 05-06-2007, 19:57

السلام عليكم

أبي رايكم بلييييييييز ((شباب وبنات))

عمتي موظفه عمرها 31 سنة تقدم لها واحد أصغر منها بخمس سنوات000

وامكاناته الماديه يعني00 راتبه تقريبا ( 1500 ريال)

ما تدري توافق او ترفض000

استخارت جم مره لكنها ما تحس بأي شي000

اهيه تفكر بأنه كل ما طاف الوقت كل ما قلة فرصتها بالزواج

ومتردده بسبب فارق السن00

بجذي راح تضطر اهيه اللي تصرف عليه وعلى نفسها وهالشي عادي؟؟؟؟؟ 000

ساعدونا بالتفكير من كل النواحي ونبي رايكم بصراحه

شنو تقولون انتوا؟؟؟؟

Tera. · 05-06-2007, 20:39

مساء الخير ...

اولا الله يفك عنك خناقك قولي آمين ..

الشي الثاني .. زواج البنت من شاب اصغر منها شي عادي .. اذا كان التفاهم موجود ..

لكن انا بأنبهك لعدة امور تشرحينها لعمتك وخليها تآخذها في بالها ..

عمتك عمرها 31 يعني متأخرة بالزواج وكل مالها تقل فرصتها بالزواج وامكانياتها

المادية جيدة ..

في المقابل شاب عمره 26 وفرصته في الزواج كبيرة لكن امكانياته ضعيفة ..

اللي انا اخشاه ان كل واحد منهم يدور على اللي ناقصه وبس .. يعني عمتك تبحث عن

الزوج والشاب يبحث عن المادة ... أو بالأصح عن المرأة اللي تصرف عليه لحد ما يكون

نفسه وبعدين ....على قولة المثل (اربيك ياطيري ولما تكبر تروح لغيري ) ... ويجي يوم

يتزوج عليها بحجة انها اكبر منه ويبي انسانة بعمره عشان تلبي احتياجاته ..

فأنا اخشى ان دافع عمتك هو الإحباط من الزواج .. فما ودي انها تتسرع .. وتحاول

تتأكد من اخلاقه ودينه قبل كل شي ... وعن مدى جديته.. لاحظي لازم تعرف مدى

جديته في الموضوع ... مو يستغل عمتك لحاجته وبس .

وانصحيها بالإستخارة والله يكتب لها الخير وين ماكان ويرزقها الزوج اللي يسعدها.

المرفهة · 05-06-2007, 21:22

هلا بك اختي
اهم شيء حبيبتي الإستخاره والراحه النفسيه والإقتناع
ولا تزعلي من صراحتي
فأنا اخشى ان يكون السبب الوحيد لعمتك للقبول بالزواج من الشخص المتقدم لها هو الهرب من لقب ( عانس )
رغم ان هذا افضل لها من الدخول في علاقه غير متكافئه
في رأيي أن فارق 5 سنوات بينهما كبير
تبقى حاله واحده يمكن معها تجاوز الأمور السابقه و هي ان
يكون الشخص المتقدم من اهل الدين والصلاح ومثل ما قال الأخ
تيرا يجب التأكد من ان الرجل جااااد
تمنياااتي لها بالتوفيق

m.n.m.n · 05-06-2007, 22:10

لا توافق لانه عند اي مشكله بيقعد يعايرها
لو كان عنده امكانيات جيده كان راح أخذ وحده أصغر منه بكثير
الرجال مهما كان يحب زوجته لابد يفكر أنها أكبر منه بكثير
معليش ردي شوي قاسي بس هذا من اللي أشوفه بالمجتمع اللي حولي

Rawwaf · 05-06-2007, 23:21

أختي

دعيها توافق .... وقولي لها تتوكل على الله ....حتى لو تزوج عليها بعدين ...مو مهم ...أهم شيء أنها تشعر بالأمومة وهذا ما تريده المرأة.

أهم شيء تتأكد من أنه أنسان جاد فقط .... وطبعاً تسأله عن دينه وخلقه

الرسول صلى الله عليه وسلم عاش مع خديجة أحسن أيام حياته وأكثرها رومنسية ومع ذلك خديجة كانت أكبر منه بـ 15 سنة وهي طبعاًً أغنى منه مالاً.

وأقول للأعضاء الذي رفضوا الشاب .... أنا أحترم وجهة نظركم ولكنكم للأسف تفكرون بعاطفة وأرجوكم أبعدوا عنكم الأنانية.

تحياتي

المهذبة · 05-06-2007, 23:37

جميل رد بلاك بات

صحيح لو المرأة اصبحت ام فهو الاهم وما بعده هان

سواء تزوج او طلقها

على الاقل يكون لها سند وهم الاولاد

لاتضمن بالمستقبل ان يأتيها احد ويطلبها

وكل ما تقدمت بالعمر قلت فرصتها بالزواج

والانجاب

يعني احيانا البنت تفكر بالزواج فقط لتشبع غريزة الامومة وما همها زوجها تزوج

او تركها دام عندها اولالالالالالالالاد هم ينسونها العالم كله

ويكونوا همها الاول والاخير

ربي يوفقها وخليها تستخير

وربي يوفقهااااااا

Rawwaf · 05-06-2007, 23:48

الأجمل منه ردك أختي المهذبة

للأسف في هذا الوقت أصبح الناس لا يفكرون كيف يصبحوا سعداء ... لا يفكروا إلا فقط لتحقيق رغباتهم .... تبدلت المفاهيم ..... يعتقدون أن الزواج تحدي وصراع .... وما درو أنه سعادة وأنس.

تحياتي لك وأشكرك

محبة المدينه · 06-06-2007, 04:12

ياتكوني مع رايي تيرا
ولا مع رايي بلاك كات

اقترحي عليها الرائيين وهيا الي ترتاح له تسويه
بس لازم تستخير
وتختار الي تحس اريح لها
والله يوفقها ،،،

حبوبة مره · 06-06-2007, 04:17

رد Black Bat صحيح 100 %

طويلة · 06-06-2007, 05:03

[FONT="Arial"][/Fوالله أنا لو كنت مكانها وتاكدت انو شخص خلووق أهم شي بوافق ليه لأ؟؟؟ بعدين أوكي هي 31 سنة بس هدا ما بيعني انها كبيرة بالعكس ممكن تكون أكتر شبابا منه. وحتى لو فرضنا انه حيتزوج عليها لاسمح الله بالمستقبل صدقيني عاادي المهم ربنا يستر عليها ويرزقها بالأولاادONT بس برضو من أهم الأمور الأخلاق والجدية. يعني يكون شخص خلوق وجاد أما فارق السن ومايمكن أن يترتب عليه من مساوئ(إن وجدت) شيئ ثانوي حيكون والله يوفقها ويسعدها ويكتب الها كللل خير]

me_you · 06-06-2007, 09:23

السلام عليكم

انتي طلبتي رأينا و احنا بنقوولة..

فارق السنه صحيح كبير.. لكن فارق السن بين اثنين اعمارهم 20 فرق كبير عن اللي اعمارهم بالـ 30

أرائنا ماراح تفيدها شي... لان اول و تالي هي اللي لازم تستخير و تختار اللي يناسبنا

الواحد مايقدر يمشي ورا اراء الاعضاء مهما كان هذي سالفة زواج .. مب لعبة

بس انها تصرف عليه هذي بعد مب حلوة

لازم تشوف السلبيات و الايجابيات بالموضوع و تشوف شنو يطلع اكثر

و الله الموفق لكــ و لـ عمتك

Tera. · 06-06-2007, 12:48

مساء الخير ..

وين الأنانية يا بلاك بات ؟

احنا ما قلنا ترفضه ... بس هذا ما يعني انها توافق بها السهولة ... انت عارف مثل

وانا عارف ان مثل هالشباب واللي خصوصا تصير حالته المادية ضعيفة ... يبي يتعلق

بأي وحدة عشان تصرف عليه ... والأمثلة كثيرة من هالنوع ...اقصد الإستغلاليين ...

بتوفر له سكن ومصروف .. ويمكن بعد تفتح له مشروع يحسن دخله منه ... هذا شي

طيب ما قلنا شي ؟ بس هل ترضى انها تستغل حاجتها للزواج بأنها توافق بدون تفكير؟

يعني بصراحة اذا كانت فعلا فرصتها في الزواج قليلة فأنا أؤيد انها تآخذ واحد متزوج

واكبر منها على الأقل يقدرها ويحترمها مو يستغلها ويآكل من خيرها وبعدين يتنكر لها!

صدقني صدمتها لما يتزوج عليها راح يفسد عليها احساس الأمومة اللي تتكلم عنه تدري

ليش؟ لأنها هي اللي صرفت عليه وسنعته وخلته يطلع رجال ... وتاليتها يتزوج عليها ؟

لا ويمكن يطلقها بعدين !!

انا اكرر كلامي ... انا ما اعارض هالزواج بها الشكل ... بس بشرط .. ان يكون قرار البنت

مجرد من الشعور بالإحباط والتعلق بقشة قد تقصم ظهرها وتحطم قلبها بعدين ؟

يجب عليهم انه يتحرون جديته ومصداقيه ودينه واخلاقه ... لأن بيني وبينك عادةً الشباب

اللي دخلهم ضعيف بها الشكل .. أو ما يسمونهم بالدخل المحدود غالبا ما تكثر في

اوساطهم المشاكل ... من جرائم ومخدارت واشياء لا يعلم بها الا الله .

قولوا آمين ... ان كان هالزواج فيه خير لأختنا فالله يتتمه لها وان كان فيه شر ان الله

يبعدها عنه ويبدلها خير منه .

mosafr · 06-06-2007, 13:27

اذا كانت ترضى دينه وخلقه فلتقدم على ذلك

دروبـ · 06-06-2007, 13:52

هلا وغلا

اتفق مع راي اخوي بلاك بت واختي المهذبه
البنت اذا تزوجت المهم تكوين اسره لي يكونون لها عوون في زمن لاينفع فيه احد للثاني وعن الوحده اذا كبت لحالهاا ماراح تلاقي الا اولادها حواليهاا يكونون لها سند وذخر يشيلونهاا بالدنياا هذي

وستخيير الباري عز وجل

والله ييسر اموورهاا ويجعل لها بكل خطوه سلامه
بالتوفيق

Aziz -551 · 06-06-2007, 15:21

اقتباس:

المشاركة الأصلية كتبت بواسطة Tera.

مساء الخير ...
اولا الله يفك عنك خناقك قولي آمين ..
الشي الثاني .. زواج البنت من شاب اصغر منها شي عادي .. اذا كان التفاهم موجود ..
لكن انا بأنبهك لعدة امور تشرحينها لعمتك وخليها تآخذها في بالها ..
عمتك عمرها 31 يعني متأخرة بالزواج وكل مالها تقل فرصتها بالزواج وامكانياتها
المادية جيدة ..
في المقابل شاب عمره 26 وفرصته في الزواج كبيرة لكن امكانياته ضعيفة ..
اللي انا اخشاه ان كل واحد منهم يدور على اللي ناقصه وبس .. يعني عمتك تبحث عن
الزوج والشاب يبحث عن المادة ... أو بالأصح عن المرأة اللي تصرف عليه لحد ما يكون
نفسه وبعدين ....على قولة المثل (اربيك ياطيري ولما تكبر تروح لغيري ) ... ويجي يوم
يتزوج عليها بحجة انها اكبر منه ويبي انسانة بعمره عشان تلبي احتياجاته ..
فأنا اخشى ان دافع عمتك هو الإحباط من الزواج .. فما ودي انها تتسرع .. وتحاول
تتأكد من اخلاقه ودينه قبل كل شي ... وعن مدى جديته.. لاحظي لازم تعرف مدى
جديته في الموضوع ... مو يستغل عمتك لحاجته وبس .
وانصحيها بالإستخارة والله يكتب لها الخير وين ماكان ويرزقها الزوج اللي يسعدها.

اظن الراي امكتوب اعلاه لاخوناالعزيزtare هو الانسب وتفق معاه تماما..
دمتم بحب ووووووووووود,,,,,,,,,,,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

توافق أو ترفض؟؟؟؟؟ <<<=== انطر آرائكم