عالم الحياة الزوجية - منتدى

توتة الغنوجة · 07-06-2007, 13:27

يا ساتر عليكم يالبنات
********************************
حكايه بعض (وأكرر بعض) البنات اللي مايقدرون اهلهم يحطون لهم
زواج كشخه , تقعد تصيح وتحن وترن على أهلها (لازم تحطون لي عرس)
لا فلانه ولا علانه احسن مني .......
طيب يابنت الحلال الوالد منتف حرام تظلمينه منين بيحطلك عرس بشىء وشويات
( اعرف بنت لها 5 سنوات متزوجه ولازالت تسدد تكاليف زواجها , ليه؟
من كثر الخرابيط والبرابيط اللي سوتها (( والله محد درى عنها)) )
لازم يحطون (البعض) زفه وكوشه وباتشي >--- -- < وبقل
وشاهي وغجر ويانسون وليمون وزنجبيل وكمون وبهارات وحليب وكابتشينو
وكليجا وقرص عمر .....(هاهاها)
بالاضافه الى التمريات والسكريات والفطائر والكيك (وكل مالز وطاب )
وش بقى !!!!!!!!! ( مابقى إلا يوزعون بفك وشطه وحلاو نظارات)
هاهاهاهاهاهاهاهاهاهاهها
وهات يازعل من حكايه البطاقات الشخصيه (انواع المجازر)
مطاقق وهواش , انا اعرف مليون حرمه من اقاربي متزاعلين ...
والرجال متهاوشين والبزارين صار فيهم عقد وتوحد من سالفه
( ممنوع اصطحاب الاطفال ) اذا شافوها دعو على العرسان
------------------------------------------------------------
ومارحمت إلا حارس القاعه الضعيف !!!!!!!!!!!!!!!!!!!!!!
تجي له وحده (ماإنعزمت أصلا ) ومعبيه جمس من الحريم وكلهن بيدخلن
يقول الحارس يامدام معليش لازم بوطائه مئدرش أدخلك أم العروصه
منبهه علي مادخلش حد )
تقول الحرمه : (وخّر أهوه ,, هجوم يابنات ,, ويوطونه
ويدخلون --------------------------------- < الى البوفيه )
--------------------------------------------------------------
طبعا البوفيه هو الهدف الرئيسي لهذي الاشكال , مقاتلات عليه كانهم
عقده نمل على حلا ( ماشافو العيشه!!)
طبعا ماتشوفون إلا الغبار والجزم الطايره وتلحيس بهالصحون
وشفط بهالعصيرات
وبعضهن تدخل شيك وماتكلم أحد , المكياج يلمع آخر شياكه وعزة نفس
وكرامه ( ايه هين نشوف اذا جاء البوفيه ) , تروح الكرامه وتروح الكشخه
وتدخل في دوامة الصراع على البوفيه , ولاتنسون السعابيل اللي تقطر
واذا انتهى العشاء يرجعون كشخه وترجع الكرامه والاتيكيت والرقه
( طبعا أعزائي هذي الظاهره منتشره نعم وبعض البنات يشهدون بكذا
ولكن ليس في كل الطبقات ولا في كل الحفلات )
----------------------------------------------------------
نجي للعروس ( اللي قلبها يدق 220 ) خوفا من فشل الحفله , تلاقيها محبوسه
بغرفه مع الكوافيره (وهات ياصياح ومطاقق البنيه وش ملحها وشعرها ناعم
وتبغى تسريحه حلوه مثل صوره اختارتها , وبعدين تجيك الميكانيكي ((عفوا
الكوافيره)) ماتقصر تحوس الشعر وتلخبط المكياج
وتقول : انتي طلبتي كده
والعروس : لا انا ماطلبت كذا .............. وهات ياهواش )
الوحده احيانا تدخل محل كوافيره مبتسمه للحياة متفائله والبوك مليان فلوس
تطلع مفلسه وشعرها حوسه ومنتف ( تتمنى عزرائيل ذيك اللحظه )
-----------------------------------------------------------------
وبعدين تجي (بعض المصورات النصابات ) , تلهف ألوفات وتقول
هذي عشان تصيري حلوه طبعا تصويرنا مو أي تصوير(شعارنا السريه
وعنواننا الخصوصيه) , ومن بكره صوره البنت وزوجها واصله سكان
الآسكا وزحل !! ( وهذا عند بعض الاستوديهات )
وراعين الكوشات علومهم علوم (بعضهم متخصص وفنان) لكن البعض
الاخر لاعب على هالضعوفه , تشوف البنت كوشه وش حلاتها
واذا جاء التنفيذ شىء اخر تماما , مثلا :
تبغى البنت كوشه على شكل اهرامات , يجيب لها الاخ كراتين تايد
وقراطيس أولكر ويقول هذي أهرامات (إيه أهلين أهرامات)
وبنت تبغى كوشه ثلج يقطع لها كم قطنه من شنطه الاسعافات الاوليه
ويقول هذا ثلج !!!!!!!!!!!
وبنت تبغى كوشه أدغال (البنيه شايفتها بعرس وعاجبتها ) يقوم يسرق لها
من اقرب حديقه كم شجره ونبته ونمر بلاستيك من ألعاب ولده وقماش منقط
من ابو هلله وربع ويقول يالله ايديك على 40 ألف , أما لو يحط لي احد مثل
هالكوشه ليلة عرسي والله لأنهبل وأكمل المهزله وألبس مثل طرزان وانزل
على الناس بحبل ( آآآآآآآآآآآ آآآآآآآآآآآآآ آآآآآآ ) عشان اسوي حركه جديده ...
-----------------------------------------------------------------
أما عن الكبوس ( أقصد العيون) المسلطه على العروس المسكينه
نتناول اذا أصابت البنت عين كامله :
فهي من الكوشه الى العنايه المركزه (طاااااااااازه من الفرن الى المائده)
في حاله اصابت البنت بنص العين :
تتطلق
أو تجي ثاني يوم الشعر متقصف , والرموش منتفه وعيونها مفقوشه
متهاوشه هي وأبو الشباب من قنابل الحريم ......
------------------------------------------------------------------
وأم العروس حكايتها حكايه من كثرة مشاكل الحريم , تجيها (متلازمه داون)
ما راحت ذيك الليله على خير , الكل ناشب في حلقها هذي تجي تصيح
دخلي ولدي تراه عند الباب حرام عليتس ماعنده احد بالبيت , والثانيه
تقعد هي وبناتها عند الباب (كانهم شحادات , لانهم غير مدعوين ) ويقولون
اللي جابنا راااااح ( حيله قديمه ومغبره ,, طيب مو مشكله خوذو تاكسي
وارجعو بيتكم (( وحده نذله )) )
وإلا حكايه الحضور أكثر من الكراسي تسألون لييييش ؟؟
عن طريق التزوير في البطاقات والهجوم بعنف على البواب المسكين
وإلا مشكله اللي تنشب بحلق (ام العروس ) ياأخيه حرام عليك الطق حرام
( وطبعا انا قاعده اتكلم عن الناس اللي يحطون دف بدون موسيقى وين الحرام
في كذا !!!!!!!! )
وتقوم تهاوش وتأخذ الميكرفون وتذكر بالموت والقبر والنار ....
( احنا ماقلنا شىء عساكم على القوة انشاء الله و الدعوة اشرف رساله
لكن لها أصول واعتبارات واماكن , الناس جايه تفرح بعرسانهم
قال تعالى " وادعو الى سبيل ربك بالحكمه والموعظه الحسنه "
وفيه بعض الحريم هداها الله تشوه صورة الملتزمات والداعيات المحترمات
وتجي للعرس وهي عارفه انه فيه طق وتقعد عند الباب وتقول حرام عليكم
ولا حظو تراها عارفه بحكاية الطق وياليته مع موسيقى مجرد دف عادي ,,
والرسول عليه الصلاة والسلام اباح الدف للنساء في الزواج
(إقعدي بالبيت احسن وإلا قولي أنا على بلاطه جايه للبوفيه !! )) )
------------------------------------------------------------------
وإلا عاد الحضور انواع واشكال :
حريم تقعد على الطاوله تلف الحلا كله وتدف وراه الفطائر (هذا غير
المسروق بالشنطه !! ) وتشفط كل ترامس القهوه والشاي
ونوع من قعدو وهم مبققين عيونهم عشان يقلدون بعروسهم القادمه
ونوع يسجلون كل الاحداث ( حتى مايرمشون من التركيز )
لزوم الحش ( والتحليل الرياضي اذا رجعو للبيت ) , والحسنات رايحه
جايه ......
وفيه نوع مهذب مؤدب راقي محترم يحضر بأدب وينصرف بأدب
وهذا هو الغالب
( وطبعا تتراوح هذه النسب مابين خفيفه الى متوسطه الى غائمه جزئيا
حسب مستوى الحضور)
وياويل البنت اللي شعرها حلو (تكتب على شعرها السلام) اذا حدث
ونجت بأعجوبه , فانها تطلع من العرس وشعرها مثل شعر ولد عبدالله السدحان
في حلقه ( آباء نت ) , وفيه بعض الحريم المشاكسات واللي شايفات انفسهم
تشوفها من بعيد لابسه طقم يهبل أقل شىء 50 ألف ( ألماز يقنن يأخواتي )
وإذا تبقشت العلوم تلاقيه على بسطات الحريم مع الصواريخ والفشا فيش
-----------------------------------------------------------------
(تنويه : احنا مانخاف العين وأنما نؤمن بها ونتوكل على الله لان العين حق)
------------------------------------------------------------------
وفي الختام يابنات ياحلوين (يابعد قلبي انتو ) القادره منكم مافيه مانع
تحط اللي تبيه , لكن اللي ماتقدر لاتحمل نفسها واهلها وعريسها مالا
يطيقون
والله ماأحد داري عنك أنتي عايشه بنعيم ,والا عذاب مقيم
والناس مايفيد فيهم والله لو تحطينهم بافخم قاعه وتقدمين لهم المن والسلوى
وإلا باستراحه والطق بتنكه وتقدمين حلاو بقر وتانج
(خلو البساط احمدي) ----- < يعني خلونا صريحين
حكايه الطنازه ماراح تخلصون منها , الناس مثل العلك تشيله من أيدك
يلزق بشعرك.......... والله حاله
عشان كذا خلو زياده المصاريف بشهر عسل زي العسل , تنبسطين
فيه انتي وزوجك وبس والباقي خس
ومقدما مبرووك لكل اللي بيتزوجون (في صيف 2007 ) ولا تنسون أنه هدفنا
الطرح الهادف وليس مجرد التهكم والضحك وكل هذا من واقعنا والله ما جبنا
شىء من الخيال ............
وكل عام وانتم وبخير مقدما ...................... تحياتي ودمتم سالمين
(((منقول......مع سبق الأصرار والترصد .... هههههه )))

asd ali · 07-06-2007, 14:54

----------

Tera. · 07-06-2007, 15:21

تم الحذف بواسطتي

واتمنى من الإدارة ايقاف العضو asd ali

عاشق حور العين · 07-06-2007, 15:35

السلام عليكم

أولاً

شكراً أختي على الموضوع الذي يهدف إلى نصح الفتيات بعدم الإسراف والتبذير على امور

لا داعي لها، امور لم ولن تغني أحداَ ، مظاهر خداعه وكاذبه تنم عن الرجوع إلى الجاهلية

الأولى التي طمست وانتهت بظهور الأسلام ولكنها عادت مرة أخرى

امور والله لن تجلب السعادة إلى عش الزوجية، ولكن بالعكس قد تكون وهي

فعلاً سبب للتعاسة بالحياة الزوجية وايضاً سبب للطلاق أو المشاكل،

ثانياً أخي تيرا

وفقك الله لعمل الخير

جزاك الله خيراً لغيرتك على بنات المسلمين جميعاً وليس بعضهم

أخي الكريم ولكن ليس هكذا الأبل تورد!!

إذا كان هذا العضو قد نزع ثوب الحياء، فلا تنزل إلى مستواه، واعرض عن الجاهلين

تستطيع اخي أن تراسل أحد الإداريين او المشرفين ليقوم بحذف مشاركته، التي

تنم عن ضحالة أخلاقه وتفكيره

فالدنيا ملأ بمثل هؤلاء الذين يتسلون ويتكلمون بأعراض المسلمين، ونسي الأخ

بأن له أخت أو ام أو مستقبلاً بنت، وهؤلاء أيضاً من أعراض المسلمين

أخي تيرا

صبراً،

Tera. · 07-06-2007, 15:44

اقتباس:

المشاركة الأصلية كتبت بواسطة عاشق حور العين

السلام عليكم
أولاً
شكراً أختي على الموضوع الذي يهدف إلى نصح الفتيات بعدم الإسراف والتبذير على امور
لا داعي لها، امور لم ولن تغني أحداَ ، مظاهر خداعه وكاذبه تنم عن الرجوع إلى الجاهلية
الأولى التي طمست وانتهت بظهور الأسلام ولكنها عادت مرة أخرى
امور والله لن تجلب السعادة إلى عش الزوجية، ولكن بالعكس قد تكون وهي
فعلاً سبب للتعاسة بالحياة الزوجية وايضاً سبب للطلاق أو المشاكل،
ثانياً أخي تيرا
وفقك الله لعمل الخير
جزاك الله خيراً لغيرتك على بنات المسلمين جميعاً وليس بعضهم
أخي الكريم ولكن ليس هكذا الأبل تورد!!
إذا كان هذا العضو قد نزع ثوب الحياء، فلا تنزل إلى مستواه، واعرض عن الجاهلين
تستطيع اخي أن تراسل أحد الإداريين او المشرفين ليقوم بحذف مشاركته، التي
تنم عن ضحالة أخلاقه وتفكيره
فالدنيا ملأ بمثل هؤلاء الذين يتسلون ويتكلمون بأعراض المسلمين، ونسي الأخ
بأن له أخت أو ام أو مستقبلاً بنت، وهؤلاء أيضاً من أعراض المسلمين
أخي تيرا
صبراً،

والله يا أخي الكريم الواحد ما يبي يتكلم مثل هالكلام ...

لكن ما تشوف كيف كلامه ... وربي لو أشوفه أذبحه ... لكن انا أعرفه جباان من ظهر

جبان.

انا أتمنى انه يكون بالسعودية ... ان لأعلمه كيف ينطق مثل هالكلام ويتجرأ على

أعمامه

انا ما عندي خاصية الرسائل ياليت تبلغوون المشرفين عن هالمهزلة
.

دمعه وفى · 07-06-2007, 17:31

مشكوره اختي على هاذا النقل واللهم لاشماته والحمد لله على نعمه العقل
لاكن العنوان ينرفز ياليت تغيرينه ...اصابع ايديك مو واحد ..وكثير اللي يبغن الستر بس
ومشكور الاخ تيراء على غيرتك واهتمامك الله يكثر من امثالك

Rawwaf · 07-06-2007, 17:58

أختي توتة ...... مشكورة على الموضوع

لكن يبقى أنني لن أتزوج إلا سعودية ..... تستاهل كل خير

في فترة قريبة كنت في أوربا لغرض العمل ..... والله لم أجد مثل السعوديات في الهئية والشكل والإعتناء بالبيت والإعتناء بالزوج.

فهم فخر لنا جميعاً.

أختي تيراً ........... هذا النكرة أسد علي له أيضاً مشاركة قذرة مثل هذه مع أختنا اللبوه السورية.

لذلك أنا أطالب من الإدارة سحب عضويته.... واللي ما يحترم نفسه ويقل أدبه عندنا نقول له الباب يوسع جمل وروح دور منتدى أخر يلبي رغباتك القذرة وأعرض فيها تجاربك السئية المشينه. أما عندنا نحن هنا فلا.

شكراً لك أخي تيراً

بقايا انسانه · 07-06-2007, 18:44

هههههههههههوالله فطست من الضحك على بعض التعليقات

خاصة المطوعه اللي جايه عشان البوفيه

مشكووووووره ياقلبي على الموضوع الحلوو

محبة المدينه · 07-06-2007, 19:17

مافي زي السعودي ومردك لها
ولعلمك استحقر السعودي الي ياخد اجنبيه

وبعدين اي عروسه تتنى تكون الاحلى والاجمل فطبيعي تحجز عند احسن كوفيره واحسن محل كوشه بس طبعا بالسعر المعقول
واصحاب المحلات مايصدقوا يلهطوا فطبيعي

ولاتنسى الحريم اذا شافوا شي ماعجبهم ولا فرح ناقصه شي
قالوا بخله وفرحهم بايخ
ولا ذوقهم مو حلو

وبعدين هيا ليلة في العمر ماهي كل يوم

Tera. · 07-06-2007, 19:35

مساء الخير ..

انا آسف كانت ردودي السابقة خارج الموضوع ...

لكن رأيي ...

الكلام اللي قلتيه صادقة فيه في بعض الأحيان وليس دائما ...

لكن..

البنت السعودية (وهالكلام ينطبق على الخليجيات بلا استثناء) ..

يستاهلون من يقدم لهم عيونه ... مو فلوس ومظاهر لالالا ... المسألة أكبر من كذا

هذولي هم بنات العز .. هم حفيدات فرسان الجزيرة ... هم مصانع الرجال ...

والله ترخص لهم الروح على كف المنية ..

لو يطلبون اللي يطلبون ..كل غالي يرخص لهم... يستاهلون رفيعات الشآن .

لا تعيبون فيهم .. ولا تذكرونهم بسوء ..

ترى ما نرضى فيهم.. حتى النسمة اذا مرت من عندهم نهاوشها ههههه ..

(مع احترامي وتقديري لأخواتي من كافة الدول العربية والإسلامية ..اللي اكن لهم كل

مودة ... لكن هذا رأيي في بنات منطقتي) .

والله يخليهم لنا يارب ... ويحفظهم من شر .

المهذبة · 07-06-2007, 19:50

تستاهل البنت السعوديه كل الخييييير
وكل بنت خلوقه
واشكرج بس العنوان شوي مجرح للبنت السعوديه
الي هم خواتي ما ارضى عليهم
واشكرج والاسراف هذا حباً للمظاهر لكن ليلة العمر لازم البنت تدلع
وكل رباتها تحققوهاا
اشكرج

أبـوحـمــــود · 07-06-2007, 19:56

اقتباس:

المشاركة الأصلية كتبت بواسطة Tera.

مساء الخير ..
انا آسف كانت ردودي السابقة خارج الموضوع ...
لكن رأيي ...
الكلام اللي قلتيه صادقة فيه في بعض الأحيان وليس دائما ...
لكن..
البنت السعودية (وهالكلام ينطبق على الخليجيات بلا استثناء) ..
يستاهلون من يقدم لهم عيونه ... مو فلوس ومظاهر لالالا ... المسألة أكبر من كذا
هذولي هم بنات العز .. هم حفيدات فرسان الجزيرة ... هم مصانع الرجال ...
والله ترخص لهم الروح على كف المنية ..
لو يطلبون اللي يطلبون ..كل غالي يرخص لهم... يستاهلون رفيعات الشآن .
لا تعيبون فيهم .. ولا تذكرونهم بسوء ..
ترى ما نرضى فيهم.. حتى النسمة اذا مرت من عندهم نهاوشها ههههه ..
(مع احترامي وتقديري لأخواتي من كافة الدول العربية والإسلامية ..اللي اكن لهم كل
مودة ... لكن هذا رأيي في بنات منطقتي) .
والله يخليهم لنا يارب ... ويحفظهم من شر .

وجع وجع وجع
اخوي تيرا اعذرني
ملحقت ولا كان فزعت معك وش صاير
وشفي النااااس
عليك
امس مشكله
واليوم مشكله
وشفي النااااااس عليك
الجزيرررررررررره
مترضى والله عليك
ليه اليووووم بلله وش صار
بعد؟؟؟؟؟؟؟؟؟؟؟؟؟؟
بلله قلي
وسامحني لاني والله توي صاحي
ملحقت عليك
قلي بس وش اسم الي اخطا عليك وانا اوريك فيه
وتراني والله مقريت الموضوع علطول لفت انتباهي
ردك

Tera. · 07-06-2007, 20:02

اقتباس:

المشاركة الأصلية كتبت بواسطة يا زين الزواج

وجع وجع وجع
اخوي تيرا اعذرني
ملحقت ولا كان فزعت معك وش صاير
وشفي النااااس
عليك
امس مشكله
واليوم مشكله
وشفي النااااااس عليك
الجزيرررررررررره
مترضى والله عليك
ليه اليووووم بلله وش صار
بعد؟؟؟؟؟؟؟؟؟؟؟؟؟؟
بلله قلي
وسامحني لاني والله توي صاحي
ملحقت عليك
قلي بس وش اسم الي اخطا عليك وانا اوريك فيه
وتراني والله مقريت الموضوع علطول لفت انتباهي
ردك

هلا والله ...

يا حبي لك .. مافيه الا سلامتك ... بس تخبر حنا مستهدفين الله يعينا على هالبشر ..

وتسلم لي وجعلك ذخر.

ههههه بس حلوة الجزيرة ما ترضى عليك ... تسلم ياعسل.

Rawwaf · 07-06-2007, 20:18

اقتباس:

تم الحذف بواسطتي

واتمنى من الإدارة ايقاف العضو asd ali

تيرا

ما كان عليك أن تحذف ردك .... خله علشان الناس تعرف وش يصير

ما أقول أفضحه بس ولو خله عبره

أتمنى أنك ترجع الرد

خل الناس تعرف أنه فيه ناس ينقصهم الأدب والذوق.

تحياتي

المهذبة · 07-06-2007, 20:32

والله موضوع الاخ الي غلط\

كلامه ممسوح

لاتظنون تجاهل فيكم

لكن لو كان كلامه موجود

كان فيه دليل ضده

وكان بيتحقق طلبكم

لو ارسلنا كلامه للادارة

يعني لو انا شفته كان ما مسحته

الا بعد ماياخذ جزاه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اللي يفكر يعرس ببنت يدخل يقرا......يمكن يبطل ؟؟؟