عالم الحياة الزوجية - منتدى

ريماس الاحساس · 08-06-2007, 08:27

اهلا فيكم اولا مره اشارك في هذا القسم واتمنى اكون ضيفة خفيفة عليكم .. طيب
انا تملكت وهو يحبني مرره وحتى انا احبه طيب وجا يوم يتكلم ويمزح معااى بس انا بطبعي حساسه ومااحب المزح الزايد قال لي شوفي روبي الي تغني انعم منك طيب وانا قلت له ايه ماتدري اني رجال ايه انا رجال وضحك وسكت ودخل بموضوع ثاني وقال لي يالله يوم الاحد بشوفك مرره بعيد وانا ساكته وقلت انشاء الله بلبس لك لبس مرره شين قال ليش قلت علشان تحبني قال احبك وانتي لابسه لي شين قلت له ايه عادي مافيه شي زعل من الرد قال الواحد ينام احسن صح قالت انا اوكى علشان الواحد يحاسب على كلامه مره ثاني قال ليش انا وش قلت ذكرته بالكلمة وقال لاحول الله خلاص انا بنام الحين قلت له اوكى طيب وهو تعود اني اقول له تغطى كويس بتوحشني ومن هذا الكلام طبعا ماقلت قلت يالله قفل قال باى بس ماقفل قلت يالله قفل مو انتي الي طلبت انك تنام يالله انت قفل اول باى وسكر السماعه بعدها بخمس عشر دقايق رسلت له مسج شكرا ياقلبي ولادق ولامسج ولا اي شي طبعا انا انشاء الله بنام وبصحى وبكلمة بطريقة مرره غير تميل للرسمية شوي لاني واللله ورب البيت احس الكلمة جرحتني مررررره عمر احد ماقال لي كذا وحتى بالمزح والي زعلني زيادة انه ماعبرني وخلاني انام زعلانه ف ماادري كيف اتصرف معاه واخليه يحس بقيمة كلمته معاااى ارجوكم انصحوني تكفون وبدعيلكم من كل قلبي وربي ؟؟

me_you · 08-06-2007, 09:39

السلام عليكم

شوفي حبيبتي
الشباب متعودين يمزحون مزح ثقيل زي كذا .. و عندهم عادي
و مايحسون اللي احنا نحسه .. فـ لازم انتي بيدك تعلمينه شنو المزح الثقيل و شنو العادي

انا قبل.. خطيبي كان يمزح معاي مزح ثقيل زي خطيبك كذا
مازعلت.. لاني اعرف الشباب و تفكيرهم .. فـ كلمته و قلت له ترى البنات ماعندهم كذا
و اكره شي عند البنات ان احد ينتقدهم .. و اذا فيه شي مو عاجبك فيني قوله لي بس بطريقة حلوة .. بطريقة ما احس فيها اني نجرحت..

قال انا امزح و مادري شنو
قلت له تراني مو ولد . انا بنت .. و البنت لها احساسها الخاص .. و المزح الثقيل يعتبر تجريح لها
و فهمته كل شي .. و عطيته امثله و كذا لييين فهمني ..

وخلاص ما عاد يعيدها ..

حبيبتي
انتي ربي خطيبك مثل ماتحبين .. بالكلام العدل و بالحكمة ..

ولا تزعلين منه.. لسه مو متعود عليك و لا يعرف طبايع البنات .. شوي شوي يتعود و يصير يعرف اللي يضايقك و اللي تحبينه ..

لما يجرحك بكلمة .. لاتجرحينه.. بالعكس حاولي انتي تعدلين الموقف
مهما كان.. احنا البنات نسامح اسرع منهم.. يعني تنازلي شوي.. هو زوجك حبيبك .. يستاهل انك تتنازلي منك شوي.. و هو منه شوي تنازل .. و كذا تصير الحياة حلوة

<< هذرت كثير

الله الموفق حبيبتي
اختك مي يو ... طالبة علم نفس

شايب الهاص · 08-06-2007, 15:33

كلام الاخت هو الكلام الصحيح

(المهاجر) · 08-06-2007, 17:42

اقتباس:

المشاركة الأصلية كتبت بواسطة me_you

السلام عليكم

<< هذرت كثير
الله الموفق حبيبتي
اختك مي يو ... طالبة علم نفس

تحية،،،
ولكنه (هذر) قدّم حل منطقي....صحيح.....منظم.....ومن خبرة.

أحسنت أختي الفاضلة.

عـــاشـــق زوجـــته · 09-06-2007, 03:19

وسعي صدرك وبلاش من المشاكل والحواجز لأن بكره أي مشكله ماراح تنحل الا بالرسميات والاعتذارات وانتم داخلين حياة مشتركين فيها..

عديها المرة هذي عشاني وبلاش من الحواجز انصحك

تحياتي

ريماس الاحساس · 10-06-2007, 06:31

شكرا على ردودكم علي وانا مبسوطة بتفاعلكم معاااى والله يهني كل رجل بزوجته وكل حرمة بزوجها يارب ويرزق البنات الي لسا نصيبهم ماجاء يارب

Rawwaf · 10-06-2007, 11:54

أختي ريماس

مشكلة بعض الأزواج عند حدوث أي مشكلة يريد أن ينتقم بأي وسيلة... وبأي طريقة ....كأن الذي أمامه عدو حرب.

العلاقات الزوجية الجميلة الرومنسية أسمى من الإنتقام ...

أليس زوجك هو حبيبك وغالي عندك ... هل رأيت يوماً ما أحدا ينتقص من صديقة و حبيبه ويريد أن يضيق صدره بكلمة أو عبارة أو تصرف أو خلق. أبداً لا يمكن ....فما بالك إذا كان هذا الشخص هو زوجك وجزء من حياتك إن صحة العبارة.

إذا دخل الإنتقام الحياة الزوجية فيصعب فيه العيش ويشعر أحدنا أنه في حالة حرب وإنتقام وتربص لأي لحظة حتى يقصف الآخر بكلمة أو تصرف. توتر أعصاب وقلق نفسي والقضية من أولها ما تستاهل.

لا أجد حل لمشكلتك سوء المصارحة كما ذكرت أختي ME_YOU فهي الطريقة الأسلم والأنجع لحلها من دون أي توتر في العلاقة .... مجرد إتصال به والإعتذار له وذكرأنك لا تفضلين مثل هذا المزح وهذا الأسلوب وبعدها الحمد لله تنتهي المشكلة وتعود المياة إلى مجاريها.

أختي لا أقصدك طبعاً ولكن أقصد كل زوج وزوجة يطلعون على موضوعك لأنك لست الوحيدة التي تتعرض لهذه المشكلة ولكن في الحقيقة كل الأزواج يتعرضون لها ولا يسلم منها إلا القليل.

ملخص كلامي هو الإنتقام أبداً لن يكون هو الحل .... المصارحة وكشف القلوب لبعض هي الحل.

تحياتي والله يوفقك ويسعدك مع زوجك وتعيشين معه أسعد أيامك وحياتك.

V

ريماس الاحساس · 10-06-2007, 18:43

شكرا ياقلبي على ردوركم وانشاء الله انا بسوي بنصايحكم الحلوة الله لايحرمني منها

عبـدالله · 10-06-2007, 23:53

أنا أشوف انك حساسة بزيادة وعطيتي الموضوع أكبر من حجمه

بس اللي أثارني بالموضوع أكثر شي كلام الأخت my u يوم تقول (( ربي خطيبك مثل ماتحبين )) !!

ههههههههههه

الله يرحم زمان أول بس

Mr.G · 11-06-2007, 00:22

الصراحة اشوف انو من الخطأ ان يتكلم الرجل بهذه الطريقة مع زوجته ويقارنها بأخرى (خاصة واحدة مثل....) لأن ذلك يجرح النساء والي يحب احد لازم يحاول ما يجرحه ابداًًً

لكن يا أختي خلي ردودك عاقله ومتزنة كي تحرجيه بالأدب مثلا كان قلتي له: ومين ترضى ان تكون زوجه لك وام لأولادك انا ام روبي؟

صدقيني راح ينحرج منك ويحط راسه بالأرض ويتأسفلك

والله يحببكم في بعض

engaged girl · 11-06-2007, 02:34

حبيبتي ريماس

زوجك تماما مثل زوجي يجرح وهو ما يدري

بس أنا أقوله ترا أنت دفش

صدقيني مع الوقت راح يتغير

أنا أحسه صار يقلدني في طريقة كلامي

حتى أنا تعودت الدفاشه شوي

بس حبيبتي لا تخلين الشيطان يخرب بينكم

كلميه اذا دق وسوي نفسك عاااااااااااادي

بعدين افتحي الموضوع و صارحيه بكل الل في قلبك

الله يهنيكم ببعض ويسعدكم يااااااااااااااارب

اسعد زوج · 11-06-2007, 08:59

متابع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله يخليكم لي يارب ابغى مساعدة صغنونة منكم ؟