عالم الحياة الزوجية - منتدى

ماجستير اداره · 06-07-2007, 18:16

بسم الله الرحمن الرحيم
السلام عليكم ورحمة الله وبركاته
اخواني واخواتي رواد هذا المنتدى انا رجل سعودي من اكبر الحمايل بالسعوديه ومتزوج ولي 3 سنوات لاكن والله العظيم لدي مشكله الله يعين( على فكره المعذره من القراء انا اذا جيت اكتب احب اكتب بلهجتي مااحب اميط ولا انوع ) المهم تعبت مع زوجتي مشكلتها ماهيب رومانسيه ولا عاطفيه ولا تحب الجنس وربي اني انسان اتعامل معاها بالعاطفه والحنان ولاني مقصر عليها بشي بس عجزت وكل بعد شهر تزعل وتروح لبيتهم ياناس وربي ماينقصني شي ياربي لك الحمد والشكر اذا على المادة مليت ايدها واذا على العاطفه مليت قلبها واذا على الحنان عوضتها بكل شي واذا على الوسامه ماابي اتكلم والله لله الحمد فيني الشي المحمود من الوسامه وياربي لك الحمد على خلقة الله لي كامل والكامل وجه الله وسبحان الله كل ماتروح مناسبه تصير بيننا بعد المناسبه مشكله وكل مااقول وش ينقصك تقول كل شي ينقصني بعدين اخوفها بكلام الله اقول احمد الله وشكريه ياناس انا خلاص مليت وابي انسان يشير علي شور جميل وربي تعبت قلت يمكن لها علاقه سابقه وعلاقه عاطفيه بس البنت انا اعرفها فوق ماتتصور من الدين والحشمة مالقيت حل ارجوكم افيدوني والله لايهينكم لاتخلوني
تحياتي لكم
اخوكم تركي
ماجستير ادارة اعمال

دفى همسه · 06-07-2007, 18:21

كلمتها تناقشت معها ؟؟

alshehri · 06-07-2007, 18:22

سبحان الله عندنا وعندك خيييير
الله يعينك

كاف يار · 06-07-2007, 18:25

جرب معها اسلوب التهديد ,, وربنا يكون في عونك ,,

f444 · 06-07-2007, 18:41

هي ترى فيك الرومانسية والحنية والعاطفة , لكن لم ترى في حزم الرجل وصولته

لذى هي تعرف انك لن تستغني عنها , فلذلك تتعم التعدي عليك , دون أي اكتراث

منها , لكن لو رأى ثورة الرجولة , وبيننت لها ان اللي جابك يجيب ألف وحده غيرك

وركنتها وما اعطيتها أي اعتبار وهجرتها من كل النواحي , ولا تعطيها وجه

عندها بتعرف قيمتك وأنك ممكن تفرط فيها , ستعرف قيمتك وتحاول تسترجع احترامك

أخي ما يحدث لزوجتك يحدث مع أي زوجة حمقاء جاهلة لا تقدر نعمة الله عليها

الا بعد فوات أوان , كلن اعلم ان من جرأها عليك هو انت , فشخصيتك لم ترق لها

فلذا هي تتجرا عليك , لأنها لا تحتاج ان تبذل لك شيئا حتى تستميلك لأنك متوفر

فلماذا العناء لأجلك

_خلود_ · 06-07-2007, 19:09

اخوي في بنات يكونون في اول الزواج ماخذين فكره غلط عنه

يعني من كثر الاحتشام والأدب يحسون ان حتى الكلمه الحلوة عيب

وحتى البوسة اللي هي حلال اصلا انها حرام

ما عليه تصبر عليها وحاول تفهمها انت وش تبي منها ووش تبيها تسوي لك

واذا ما نفع حاول تحرمها كم يوم وهي صدقني بتفقد هالأشياء اللي كنت تسويها لها

وسوي نفسك منشغل عنها وبتشوف كيف هي بتهتم فيك

(( بس اهم شي لا تطووووووول بالحرمان ))

يمكن هي حاطه قاعده في راسها ان الرجال يحب البنت الغامضة اللي ما تجي بسهوله

هو صح هذا الكلام لكن مو بزياده لدرجه مالها داعي

فلذلك حاول تتقرب منها وتفهم هي وش فيها وليه تزعل وليه ما تبي تعاملك بالمثل

وترى اسلوب التهديد وشوفه الحال عليها ابد ما ينفع عذراً يعني

لانها هي بنت تزوجها الرجال من بيت اهلها واكيد انه ما لقاها بالشارع لا سمح الله

عشان يعاملها هالمعامله

والله يصلحك ويوفقك ويسعدك انت وزوجتك

انا مغربيه · 06-07-2007, 19:20

اخنا سمعنا وجهة نضرك............يمكن هي شايفه حاجه تانيه

اعتقد ان فيه حد يزن على ودانها و يبي يخرب عليكم و الله اعلم

حاول ديما تاخدها تتغدو برى تبدلو جو .......تسافرو

لا تحاول تحسسها انك زعلان منها........و لا حتى تناقشها

(من جديد ) · 06-07-2007, 19:28

اقتباس:

المشاركة الأصلية كتبت بواسطة f444

هي ترى فيك الرومانسية والحنية والعاطفة , لكن لم ترى في حزم الرجل وصولته

لذى هي تعرف انك لن تستغني عنها , فلذلك تتعم التعدي عليك , دون أي اكتراث

منها , لكن لو رأى ثورة الرجولة , وبيننت لها ان اللي جابك يجيب ألف وحده غيرك

وركنتها وما اعطيتها أي اعتبار وهجرتها من كل النواحي , ولا تعطيها وجه

عندها بتعرف قيمتك وأنك ممكن تفرط فيها , ستعرف قيمتك وتحاول تسترجع احترامك

أخي ما يحدث لزوجتك يحدث مع أي زوجة حمقاء جاهلة لا تقدر نعمة الله عليها

الا بعد فوات أوان , كلن اعلم ان من جرأها عليك هو انت , فشخصيتك لم ترق لها

فلذا هي تتجرا عليك , لأنها لا تحتاج ان تبذل لك شيئا حتى تستميلك لأنك متوفر

فلماذا العناء لأجلك

سؤال اخي الكريم
الاحظ دائما بردودك قسوة ظاهرة على المراة
هل تعمل مع زوجتك كذا

بصراحة لو تعمل معها نفسي اعرف كيف ممشيها معك

لان اسلوبك للاسف يطفش المراة

لكن يمكن تجربتك غير

(من جديد ) · 06-07-2007, 19:32

اخي الكريم يعني انت ابن حمايل هي يعني لاقيها بالشارع

انت ماجستير ادارة هي امية

انت كامل الاوصاف هي يعني ام كشة

معليش اسوا مابالحياة الزوجية ان يحس شخص بالزهو على الاخر مابالك بالرجل يشوف نفسه على زوجته انه الاحلى وانه الاحسن وانه الافضل وانها هي ولا شي وتحمد ربها انها اخذته

وبصراحة هذا اللي حسيته من اسلوبك ومن اسمك اللي سجلت به (ماجستير ادارة )

يعني مااستغرب من زوجتك انها تاخذ ردة فعل منك كونك ماتعرف تمط بالكلام ولا تنمقه وكونك تعتقد انك الافضل بكل شي

وتلومها بعدها

اصلح نفسك تصلح زوجتك

ام وليد · 06-07-2007, 19:51

اولا :نااااقشها نقاش بدون عصبيه وخلها تعطيك سبب واحد لتصرفاتها هذي
ثانيا: يمكن هي من النوع العنيد والمسترجل يعني تبي تطفشك لانها تعرف انك ماتستغني عنها يمكن فاهمه الحب والحياه الزوجيه خطأ ....
كلمها ان الزواج يعني شراكه ..حب ..احترام متبادل..سعاده..انه كل شيء زين بالحياه مجتمع في مسمى (الزواج) (والحياه الزوجيه)
أسالها عن علتها ؟ ليش تسوي كذا؟ ايش المغزى من كذا ؟
قل ابي افهم جزاك الله خير وابي اعرف السبب لكل هالتصرفات...
لابد من وجود سبب وخلل ما
وعشان تحل المشكله لازم تعرف سببها ؟ كيف؟
بالنقاااااااااااااش زي ماقلت لكن النقاش الهاديء المتزن ..
اطلعو بمكان ما وتناقشوووو بمشكلتكم لابد تلقى حل .....
او هي عندها مشكله في نفسها دامها تجمع دين وحشمه اجل ليش هالتصرفاااااااااااااااات؟

Tera. · 06-07-2007, 20:07

مساء الخير ..

ببساطة .. احتمال ان زوجتك تعاني من اكتئاب مرضي !!

لأن من كلامك حسيت انك قاعد توصف جماد مو انسان.. ومادام ولله الحمد تقول انها على

قدر عالي من الدين والحشمة .. فهذا هو أهم شئ وغيره يهون .

لكن على فكرة لي عليك ملاحظة .. انا حاس انك قاعد تمن عليها بنفسك وباللي تقدمه لها

يعني انت منزّه نفسك بزيادة شوي ..

البنت مهما قدمت لها من حنان او عطف او حب او مادة ... وتحس بداخلها بالدونية امامك مستحيل

انها تكون سعيدة معك .. لأنها ببساطة تبي تشعر كأنها ملكة بقلبك .. مو تحسسها انك انت صاحب

الفضل عليها .. وانت راعي الأوله وهي ولاشي .

انا ما أقولك تخضع قدامها .. بس لازم تحسسها بأهميتها .. ترفع من قدرها .. الحب والرومانسية

مو كل شئ ..

انت جرب اللي قلته لك .. والأهم ابيك تتأكد انها ما تعاني من الإكتئاب .

(ملاحظة : انا ملاحظ من كلامك انك تحب تتفاخر شوي بنفسك .. من حق ان الإنسان يفخر

بإنجازاته .. لكن من دون غرور .. يعني اذا صار مناسبة ما يمنع .. لكن بأسأل وش دخل انك ولد

حمايل في مشكلتك ؟؟ وسؤال ثاني .. وش دخل شهادة الماجستير في مشكلتك ؟؟ انا ما أشوف

لها أي داعي لذكرها ... وان كان كلامك مع زوجتك بالأسلوب اللي أشوفه امامي .. فوالله من حقها

انها تبغضك ... ترى الإنسان اللي يتكلم عن نفسه كثير يصبح ممل .. وثقيل جداً على اللي حوله ..

..عفوا لا تفكر اني بكلامي حاسدك ... ترى بالعكس كلنا عيال حمايل ومن اطيب العوايل

وشهاداتنا من اعلى الشهادات يعني كلن عنده خير واكثر كمان ..لكن لكل مقام مقال والكلمة

المناسبة في الموضوع المناسب ..

لكن أبيك تترك لغة " الأنا " وتشيلها من حديثك تماما .

الله يوفقك ويسمح امرك .

فيثاغورس · 06-07-2007, 20:10

تزوج ثانية ......... أو لمح باحتمالية الزواج من ثانية ........ وشف وش بيصير من تغيير ؟؟؟؟؟؟؟؟

ღღعاشقة البحرღღ · 06-07-2007, 20:15

يا حبايبي ليش تقولون يقسى عليها ويعلمها علشان تلين ....بالعكس انتوا هيك ناوين على طلاقه للاخ....
لانه وضعه حساس وما يحتاج قساوة عليها...واذا قسى عليها علشان يعلمها هذا الشي راح يعطي نتيجه عكسيه ويخليها تكرهه ...وهذا الشي ما نبيه.....
اخي الكريم حسب ما فهمت منك انه مرتك متدينه ومحتشمه....فهذه النوعيه من النساء بشكل عام يكونن كارهات للجنس وباردات....ويظهر انه مرتك مو طايقتك لانها ما تحب الجنس او لاي سبب ثاني واللي ما راح تعرفه الا اذا صارحتها به ....حاول شوف منها شو السبب اللي مخليها هيك....لانه فش احلى من الصراحة...
مو بالضرورة انه يكون لها علاقة سابقه....
لا تفتكر انك الشاب المثالي يعني اذا انت مو مقصر معها وتعاملها بحنان ومغرقها بالفلوس راح هذا الشي يخليها تحبك...لا اكيد مراتك في عندها احتياجات انت مو فاهمها...
علشان هيك ما الك الا تصارحها وتحكي معها باسلوب مفاهمة ولين..وان شاء الله تتفاهمون وتصلون لحل وعسى الله يوفقكم يا رب ...

روح البراء · 06-07-2007, 21:13

محد راضي بنصيبه

الحمد لله على كل حال

مااقول غير الله يعينك

@بـــداية جـديـدة@ · 06-07-2007, 21:32

قلها تراني بعرس عشان اتسنع ...................ترا الحريم يخافون من العرس ههههههه

تراني امزح بس اذا مافيه فايده مافيه مانع من التخويف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجتي ومشاكلها