عالم الحياة الزوجية - منتدى

عريس بكراتينه · 11-07-2007, 23:09

السلام عليكم ورحمة الله وبركاته

بما اني سوف اتزوج قريبا خطر على بالي السفر ( داخليا او خارجيا )

حجزت لماليزيا وكذلك لجدة احتياط اذا ماحصلت الأولى لكن سمعت من الكثيرين يحذرون من السفر للخارج خصوصا بعد الزواج مباشرة

وانا محتار لأني بين حزبين متضادين حزب يتغنى بالسفر الخارجي ويقول : اصوووووله استانس وماحولك احد حتى زوجتك تاخذ راحته هناك

والحزب الآخر عكس الأول وله اعذاره مثل (( ان اول اسبوع او عشرة ايام ماراح تستمتع لأن جو الزوجيه جديد عليك ولا راح تستمتع بالسفره بالشكل المطلوب

انا بين رأيين مختلفين ومحتار واعتقد ان الكثير مثل حالتي

ارجو من لديه رأي يقنع ان يتفضل به هنا مشكووووراً

تحياتي لكم

(المهاجر) · 12-07-2007, 01:34

تحية،،،،

اكتب لك وجهة نظري..

البعد والسفر في الأيام الأولى غير مستحب...سافر لمدينة قريبة منكم لفترة قصيرة

عشرة أيام ....أسبوعين....عودة استراحة لفترة ....ثم سفر خارجي لفترة قصيرة
أيضا.

نوّع الأيام....لأنها لا تتعوض أبدا.

بالتوفيق،،،،

*سحر الشرق* · 12-07-2007, 01:47

ووجهة نظري من واقع من حولي

البقاء يومين بعده وا الإقلاع لقضاء شهر العسل

وأنت وظروفك ولاننكر الزواج للخارج لدى الكثيرات أفضل ..وإن لم يكن مباشرة بعد الزواج

لأنها أيام لاتنسى ..فيجب أن تكون مميزة

وبالتوفيق

أم سلطـانـه · 12-07-2007, 01:55

أول شيء الف مبرووووك.. والله يكتب لكم مافيه الخيــر..
وبالعكس أنا من رأيي السفر مهـم جداً بعد الزواج والأحلـى أن يكون خارجياً
وراح تكون هذي الرحلة من أهم الرحلات اللي طلعتوا لها
والسفر راح يقربكم من بعض وتتعرفون على أطباع بعضكم أكثر ...
أنا أوؤيد وبقووه السفر مباشرة بعد الزواج،، يعني بعده بيوم أو يومين بالكثيـر..

هذي وجهة نظري الشخصية والأراء تختلف أنت شوف أيش اللي يناسبك ويناسبها وتوكل على الله..

اسأل الله لك التوفيق.. والله يسهل أمركم ويوفقكم..

تحياتي..

عدوول · 12-07-2007, 02:02

الله يوفقك ويسهل امرك ويولف قلوبكم ويجمعكم على الطاعة .
طبعا انا افضل قضاء شهر العسل داخليا وخل عنك البربره وقولت خارج البلاد وتكبير الذنب بالخرق .
من اول ليلة احجز بفندق وفي الصباح طر على مكه وخذ عمره واطلب الله التوفيق وهذا اهم شي مدة يوم الى يومين وبعدها روح جده وفرفر في ربوع بلادي ولا حولك احد وهي المتعة اصلا بالوحدة انت واياه فقط ما فيه احد طاق الباب ولا يبي يقهويك ولا يغديك واستمتع باجمل الايام وخلها وناسه وتراه ما تفرق الا قولت اني اخذت شهر العسل بانكوك ههههههه . انت متزوج جديد ولا تعرف خارج البلاد الامن .
وهذا رايي وانت ادرى .
متمنيا لك التوفيق . وشهر عسل بدون بصل ....

Dark Negative · 12-07-2007, 14:14

أنا معه لأن الفتاة تكون متضايقة من شي جديد عليها أسمو الجنس وتطلب منفذ لراحة نفسية وتنشق الهواء

Dark Negative · 12-07-2007, 14:14

ولكن أفضل الرحلة على البحر بسبب مشاهدة الأسماء و البحر منظر رومنسي بحت

المرفهة · 12-07-2007, 17:27

اهلا بك عريس...... في منتدانا

انا في رأيي تروحوا تعملوا عمره تكون بداية خير لحياتكم الزوجيه وبعد كده ممكن تروحوا على جده يومين او تلاث
مو اكثر لأن الجو بصراحه

ومايساعد

وبعدها روح مع عروستك على ماليزيا وغير جو
وفرصه تكونوا مع بعض لوحدكم بعيد عن الأهل
وتستمتعوا بأحلى ايام شهر العسل
والله يهنيكم ويسعدكم يارب

والف مبروك مقدما

البلبل · 12-07-2007, 18:13

السفر إلى مكة المكرمة وأخذ عمرة بعد يومين أو ثلاثة من الزواج ثم قضاء شهر العسل أينما تحب سواء داخل الدولة أو خارجها والأفضل داخل الدولة
مع تمنياتي لكما بالتوفيق والحياة الزوجية السعيدة

عريس بكراتينه · 12-07-2007, 18:36

شاكر لكم من كل قلبي على ارائكم ودعواتكم الصادقه

قرأت ردودكم جميعا وطلعت بالتالي :

الرجال يحبون شهر العسل مختصر يعني (( داخلي )) اقل للمصاريف واقرب للأهل اذا دارت الدوائر

اما الجنس الناعم يحبون السفر للخارج وهذا يدل على حبهم للمغامرة و البحث عن الرومانسية من دون قيود (( لأن في الخارج نادرا ماتشوف احد من بني جلدتك )) يعني تقدر العروسه تلبس اللي تبي وماتخاف

هذا ما رأيته وارجو من لديه المزيد يتكرم به مشكورا

تحياتي

في عينيك عنواني · 14-07-2007, 03:39

مبروووك والله يوفقكم إنشاااء الله
عليك برأي الاعضاااء الذهاااب الى مكه ثم من جده تسااافر لقضاااء شهر العسل لان الاياام الاولى لو فيهااا رهبه الا انهااا جميله وراح تستاانس انت قبلهااا في السفر
السفر لوحده متعه كيف وانت مع زوجتك
استخير وتوكل على الله وساافر يااماليزيااا يا تاايلند او سنغاافوره
والله يسعدكم يااارب

لحن الروح · 14-07-2007, 11:26

..
.. الله يوفقك .. ويجعلها خير عليك يارب ..
.. ويكتب السعاده والراحه لكم ..

.. شوف ياعزيزي ..
.
.. من وجهة نظري ..
.
.. السفره اولا داخليا ماتتعدى اسبوع او 10 ايام ..
.. لان الزوجه لسى تستحي من زوجها ..
.. والامر لابد من التدريج يعني ..
.. خذها لمكه بعد ماتقضي يومين او ثلاثه بفندق .. بجده او المكان اللي تبي تروحه ..
..لان خلال هالفتره بيكون فيه قرب وتعود على بعض ..

.. وبعدها خذها لماليزيا او اي مكان سياحي نفسها فيه ..
.. لان السفر برى متعه ومستحيل تتكرر خصوصا انها اول طلعه لكم مع بعض ..
. على الاقل تكون البنيه متعوده عليك .. حتى تستانس بالسفره وتاخذها طول بعرض ,,
.. من خلال ما سمعت من اللي حولي .
.. ان السفر بعد الزواج على طول ماهو حلو ..
.. عكس اللي يسافر بعدها بفتره تتراوح مابين الاسبوعين الى 10 ايام ..
.
.. صدقني الخجل بيكون مسيطر على الوضع في بدايه السفر بعد الزواج مباشره
لكن لما تأخر السفر فتره راح تخف حده الخجل وتستانس اكثر ..
.
.. هذا رأي ونتعذر عن الاطاله ..

Rawwaf · 15-07-2007, 14:20

والله الموضوع محير كثير

أنا معه ... وأنا مو معه

احترامي

(السفيرة) · 15-07-2007, 14:24

تسافروا او ما تسافروا مافيه فرق
المهم الانسجام والتفاهم بينكم
الله يسعدكم

weddah · 15-07-2007, 22:17

اوووول شي الف الف الف مبروووك ياعريس بكراتينه >>>>> اسمك يضحك ...

باين عليك انك من جديد لساتك بكراتينك.....

اوول شي انا اكييييد افضل اسفر بعد الزواج وياحبذا لو انه كمان برا الدولة اللي انت فيها كتغير للجو لانها ايام مستحيل تتعوض ...

وبعدين بعد يوم الزواج اجلس 5 ايام او اسبوع روحوا فيها الاماكن الحلوة اللي ببلدكم واذا كنت من سكان السعودية روج خلال هالاسبوع سو انت وياها عمرة خلي حياتكم تبدأ بالبركة ...
وبعد هالاسبوع تكونوا خلاص جهزتوا انفسكم للسفر واخذتوا على بعض شوووي ...
وبعدها سافروا اي مكااان اجلسوا اسبوعين شهر بالكثير ...
وشي مهم واساسي تاخذ راي حبيبتك في السفر واذا عاجبتها الفكرة والمكان اللي بتروحوهعشان هية كمان تاخذ راحتها معاك ....
والله يوفقكم ويسعدكم ...
وعقبالي ان شالله انا مخطوووبة ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل انت مع السفر مباشرة بعد الزواج ام ضده ..... دعوه للنقاش