عالم الحياة الزوجية - منتدى

السر الدفين · 14-07-2007, 14:38

السلام عليكم ورحمة الله وبركاااااته

مساء الخير يا احلى اعضاء

اعذروووني بدون مقدمات بأدخل بالموووووضوع على طوووووووول

البارح كلمتني صديقة عمري قالت جايتني المهم

بعد ساعتين رجعت كلمتني وصوتها متغير اشفيك يافلانه

قالت صارت سالفه وماقدر اجيك اليوم قلتله خير عساه خير وش صار

تقوووووول كانت هي وزوجها جالسين على الشاي عصريه

وهي جسمها تأثر من الحمل والولاده فبينت على رجولها

تقول زوجها قال لها وش هذااا <<< الأخ كأنه البارح متعرف عليها

قالتله من الحمل والولاده

"قال انا اقوووول والله لو انها والده من فخذها " << بالله اشرياكم

عاد تقول هي زعلت منه وسوتها سالفه

والله هو شئ يزعل عاد هي تحلف ماراح احمل ولا راح البس له قصير

تقول دائما يعلق على جسمي

والله انا اعرفها قبل ماتزوج جسمها كان جسم عارضة ازياااء حتى الآن

ماتعتبر سمينه ابدااا لكن طبيعي جسم البنت غير المتزوجه والي ولدت

قلتلها قوليله هذي عمايلك انت واولادك والا انا جيتك مرسوومه رسم

تقوووول مالها نفس تلبس له قصير بعد اليوم تحس تكره جسمها ومنسده نفسها عنه

بصراحه انا جلست اهونها عليها لكن مو راضيه والله انا مالووووووومها

صعبه ينقد جسمها بالصبح وينام معها بالليل مدري شئ يقهر

الواحد المفروووض يتغزل بزوجته وهي ياقلبي عليها بس ينقد جسمها

المهم وش ااقوووولها هم متهاااوشين وهي راكبه دماغها

وتقول كارهته حتى نوم ماتبي تنام معاااه

وهو الأفندي حتى اعتذااار ماعتذرررر منها لأجل تسامحه

لا تبخلووووون علينا بحلولكم الإيجابيه طبعا

مودتـــــــــــــــــي

(السفيرة) · 14-07-2007, 15:04

الأمر مو هين طبعا

وللاسف الرجال يظنون ان لو جرح امرأة في انوثتها بسهولة يقدر يراضيها او هي تنسى بعدها...

الله يعينها وما تنلام وشي متوقع انها تلقى صعوبة انها تتلبس له او حتى تتدلع وتتغنج

فيه وحدة اعرفها زوجها كان ينتقد شكلها لأنها نحيفة ومو قادرة تنسى الجرح مع انها لما قالت له

ان هالشي يجرحها بطل ينتقد وراعى مشاعرها بس خلاص السهم صاب حواء في انوثتها!

وتقول تتذكر الكلمة في كل مرة بالفراش

بعض الرجال عجيبين وما اعرف ايش يستفيد لما يهز من ثقة زوجته في نفسها

يعني المتضرر الاول هو نفسه حتى قبلها.....ويمكن بعد اكثر منها... وبعدين تشوفيهم يشتكوا من الزوجة!!!

صعب نقول تنسى لأن كل شي عدا تجريح الانوثة.... وما احد يقدر يعارض ان جمال البنت جزء اساسي من انوثتها

بس نقول تحاول تلتمس له العذر انه صحراوي وجاف ولا يقصد وانه يمزح بس بدفاشة وتحاول ماتفكر كثير على هالاساس لأنها بتتعب

وتحاول ثقتها بنفسها لا تهتز لأن لما تفقد ثقتها بنفسها راح تطيح من عينه

وهي الله يعينها مادام بشرتها من النوع اللي مرونته تقل مع الولادة ومالها ذنب لأن هذا شيء تكويني

وحتى الكريمات الخارجية تراها تجارية

فيه علاجات جدلية بالاندرومولوجي لكن فعالة فقط في مرحلة تكون الخطوط في مرحلة الاحمرار قبل ما تتحول للون الابيض وتتليف

بس الاهم من كل هذا ايش يعني خطوط وما خطوط؟؟ يعني لا يكون هو توم كروز زمانه!!!!

الحب الزوجي شي اكبر من الماديات والخطوط... الي هي في حالة صديقتك المسكينة ضريبة امومة!

رفقا بالقوارير ياتساميح فالمرأة مخلوق رقيق

توتة الغنوجة · 14-07-2007, 15:16

ما أقووووووووول غير الله لا يبتلينا بزوج مثل كذا

الله المستعان

هي خليها واثقة بنفسها و لا تبين له أنها متضايقة من شكلها ولا راح يصدق من جد الأخ و يأخد هالشيء عذر و بعدين ما تلوم إلا نفسها

و أختي Cocoon ما قصرت الله يعطيها العافية

تقبلي مروري

أختك توووووووووته

**فـــهـــد** · 14-07-2007, 15:26

اقتباس:

تقول دائما يعلق على جسمي

لاتعليق

دروبـ · 14-07-2007, 15:45

تحاول تعمل رياضه او رجيمات بالي تقدر عليه عشاان يكون عندها دافع وحجه اذا علق عليهااا اذا عطاها كلمه ترد عليه بالعشره شنو هو ماخذ انسانه مشاعر احاسيس مو جماد000 وبعد ين يعني شحليله هو وكرشته اذا طلعت له 000
على الاقل المراه معذوره لانها تحمل وتولد وتحيض غيره هو الي لاطول عمره لارااح يحمل او يولد ولا حتى رااح يحيض اذا قدر تحمل تعبهااا 00يحمد ربه اقول تراه مو حامد النعمه الي عنده
وبعد ين اذا كل مره يجلس يعلق عليهااا خليها تكسر ظهره بالاشتراكات بالنوادي الرياضيه بعدهااا يعرف انه الله حق 0000

والانسان في تغييير مو مخلد على حالته طول الدهر
ماقوووووووول اللهم لك الحمد والشكررر على كل نعمه

ღღعاشقة البحرღღ · 14-07-2007, 17:08

يا اختي هذا صاحبتك مزودتها شوي ....هذا زوجها يحقله يعبر عن رايه....علشان هي تغير هذا الشي....لعاد بكره لما يمل منها ويتزوج وحده ثانية لانه جسم مراته مو عاجبه احسن....
خلاص خلها تسوي اللي يرضيه علشان يضل شايفها بعيونه قمر.....وما تعطيه اي مجال لتعليقات جارحة حسب رايها...
بدل ما تفكر كيف تزعل جوزها وتخليه يتاسف وتمرر عيشته وعيشتها خلها تروح تفكر كيف ترضيه....
يعني خلها تجيب مراهم اللي تعالج التشققات من الصيدليات....خلها تعمل رياضه....وتستعمل مشدات للجسم اللي ان شاء الله راح تعطي نتائج روعة.....
والله يوفقها هي وزوجها......يا رب...

دمعه وفى · 14-07-2007, 18:56

الوحده تنقهر إذا زوجها سخر من شي فيها لان سبب التغيير من الولاده موبيدها
لاكن الامر سهل تعمل رياضه وباالنسبه للتشققات تحط خل التفاح او كريمات خاصه والله يوفقها

دفى همسه · 14-07-2007, 19:18

الله يعينها
تكفين شهريه شفري قصتك معنا شباب حرام يتأثرون

حاير بين امرين · 14-07-2007, 21:01

زوجها شكله عبيط

المفروض انها تعودت على طبعه يعني عادي اذا اهو اسلوبه معها كذا من اول المفروض يصير عندها مناعه

بس جد

الله يعينها وخليها تزعل زعل دلع عشان يراضيها ويعرف انه غلط بس لا تكبر الموضوع

Rawwaf · 14-07-2007, 22:34

سبحان الله

النساء جداً حساسات ... والله يعين ... يا لمرهفات الإحساس

والله مشكلة ... يعني لازم أخذ حذري من كل كلمة ومن كل جملة ... والله مرة من المرات أخطأت في حق إحدى العضوات ... ما كان قصدي الإساءة بل المزح ... ولكن ندمت أشد الندم.

بسم الله عليكم الرحمن الرحيم .... الله لا يجرحكم يا رب ... يااااي

احترامي

توتة الغنوجة · 14-07-2007, 23:25

اقتباس:

المشاركة الأصلية كتبت بواسطة Black Bat

بسم الله عليكم الرحمن الرحيم .... الله لا يجرحكم يا رب ... يااااي

هههههههههههههههههههههه

حلووووووووووه يااااااااااي

لا بس من جد يقول لي هذا الكلام بعدين راح تصير ثقتي مهزوزه بنفسي و بعدين والله كلمته كبيره ايش اللي والده من فخدها يعني شوف التشبيه كييييييييف

هو صح أني راح أحسن من شكلي بعد كلمته لكن والله الأسلوب غلط

طيب أفرض أن له كرشه

وانا علقت عليها بكلمة مجرحة زي كذا ولا أنا يا حظي بنت مجبروة أرضيه و هو ما يعيبه شيء

نورة العلي · 15-07-2007, 00:24

اسمعي قولي صاحبتك تصبر وتحتسب

والمؤمن هين لين

وتودد لزوجها ولا تحط زعل هو ان اخطأبكلمة كتبت علية ولكن لاتصغر عقلها

وتجفى علية خلها تكون افضل منة وترد الاساءة بالاحسان

وعليها ان تطور نفسها في مجالات اخرى حتى لا يلتفت زوجها الى عيبها هذا

ويضا لابد ان تعلم ان الانسان موكامل ولابد من نقص

واذا عاندت ومشت الامور هي اللي بتخسر

الرجال مايحب الحرمة اللي تعبس في وجة

وا ذا استمريت بالزعل راح يدور مجال اخر يفش خلقة فية يمكن يتوجة يكلم بنات

اوزوجة ثانية

ليش قالوا ان الحرمة حمالة الاسية

اي انها تاخذ وتبلع

ياما جا من الرجاجيل

وانت انظري لنفسك ايتها المراءة الا يطلق عليكن كفارات بالعشير

من جحود النعمة

واذا كان زوجها اعطاها تنبية على سيقانها او شكلها

ماذبحها ولافضحها

هو قالها عشان تدبر عمرها وتتسنع تشوف نفسها حتى تعفة ولا ينظر للحرام

وتحمد ربها انة نبهها

فية رجال مايلتفتون لحريمهم دايم بالحرام والسفر

ولا تنظرين لكلمتة من جانب مظلم انة جرحك رب جرح افضل من كلمة ثناء

انظري من الجوانب الاخرى فيها

فهو نذير بانك بدأتي تهملين نفسك والواجب عليك ان تهتمي اكثر حتى تأسري قلبة

وماعاد يشوف ولا يفكر الا فيك

وايضا حينما قال لك هذا الكلام معناة انك محل اهتمام وتقدير منة

لو ماطالبك بشي

فالكلمة بحد ذاتها تعني انة يريد افضل من كذا

وانظري الى ماقدم لك بالمقارنة بالكلمة التي قالها

فتح بيت ولم يقصر معاك في ملبس ولا مأكل ولا مشرب والخافي اعظم

وادعي لة بالهداية

توتة الغنوجة · 15-07-2007, 00:29

اقتباس:

المشاركة الأصلية كتبت بواسطة نورة العلي

اسمعي قولي صاحبتك تصبر وتحتسب
والمؤمن هين لين
وتودد لزوجها ولا تحط زعل هو ان اخطأبكلمة كتبت علية ولكن لاتصغر عقلها
وتجفى علية خلها تكون افضل منة وترد الاساءة بالاحسان
وعليها ان تطور نفسها في مجالات اخرى حتى لا يلتفت زوجها الى عيبها هذا
ويضا لابد ان تعلم ان الانسان موكامل ولابد من نقص
واذا عاندت ومشت الامور هي اللي بتخسر
الرجال مايحب الحرمة اللي تعبس في وجة
وا ذا استمريت بالزعل راح يدور مجال اخر يفش خلقة فية يمكن يتوجة يكلم بنات
اوزوجة ثانية
ليش قالوا ان الحرمة حمالة الاسية
اي انها تاخذ وتبلع
ياما جا من الرجاجيل
وانت انظري لنفسك ايتها المراءة الا يطلق عليكن كفارات بالعشير
من جحود النعمة
واذا كان زوجها اعطاها تنبية على سيقانها او شكلها
ماذبحها ولافضحها
هو قالها عشان تدبر عمرها وتتسنع تشوف نفسها حتى تعفة ولا ينظر للحرام
وتحمد ربها انة نبهها
فية رجال مايلتفتون لحريمهم دايم بالحرام والسفر
ولا تنظرين لكلمتة من جانب مظلم انة جرحك رب جرح افضل من كلمة ثناء
انظري من الجوانب الاخرى فيها
فهو نذير بانك بدأتي تهملين نفسك والواجب عليك ان تهتمي اكثر حتى تأسري قلبة
وماعاد يشوف ولا يفكر الا فيك
وايضا حينما قال لك هذا الكلام معناة انك محل اهتمام وتقدير منة
لو ماطالبك بشي
فالكلمة بحد ذاتها تعني انة يريد افضل من كذا
وانظري الى ماقدم لك بالمقارنة بالكلمة التي قالها
فتح بيت ولم يقصر معاك في ملبس ولا مأكل ولا مشرب والخافي اعظم
وادعي لة بالهداية

يا سلااااااااااااام هذا الرد ولا بلاااااااااااااااااش

و الله ردك حلوووووووووووو

السر الدفين · 15-07-2007, 00:39

ياقلبي عليكم ربي يسعدكم على هالردووووود

البنت ياحرام تقول حتى اكل بطلت تاكل وبتصلح كل شئ حتى ترجع رشيقه <<

بس للحين زعلانه عليه وما تكلمه ومصلحه فيها مجروحه

الي تقول عادي والله مو عااادي حطي نفسك مكانها

واذا يقصد انه بهالاسلوب بيخليها تنحف وتهتم غلطااان في مية اسلوب يبين لها انه مو عاجبه شكلها

لكن ينتقد شكلها ويجرح انوثتها والله حرام

قلبي دفى همسه والله الي اعرفه ان هذا منتدى حياه زوجيه ايش جاب الشباب

يتحملون وخليهم يفهمووووون ويتعلمون مايزعلووون حريمهم مستقبلا

اخوووي بلاك وشو ياااي وحساسين ياخي تخيل انت بكرش

وتجي زوجتك تقولك خير وش هالكرشه والله لو انك حامل

او تتريق على جسمك ليه هذا كذا وليه انت كذااا وليه ماتصير كذااا بذمتك مو شئ

يطفش ويقرف ويخلي الواحد يكره نفسه

والي يقووولي ليه تزعل دامها متعوووده اقووولها انه تبي توقفه عند حده هالمره

لأنه مصخها وزدها حبتين وش تسووووي كيف تفهمه هي ماتكلمت معاه للحين

وهو بعد موجاي على باله يعتذر ..........

هي للحين ساااااكته يعني قنبله موقووته وجاهزه للإنفجار بأي وقت

انا بس اهديها واقولها استني ابي منكم طريقه تكلمه فيها وتفهمه ان هالشئ

يضا يقها ويجرحها حيل حتى انها صااارت تكرره تلبس له وتتزين

مالي سواك يا الله · 15-07-2007, 00:44

الاعضاء كفو ووفو ما ازيد عليهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

شوفوا وش قااال لزوجته !!!!!!!