عالم الحياة الزوجية - منتدى

صحاري2070 · 17-07-2007, 03:22

السلام عليكم ورحمة الله وبركاته

أنا عن جد محتارة ...

وودي انكم تساعدوني ... بلييييييييييييز

اليوم جا يخطب ... هو مع أهله !

وأنا إستخرت .... بس ما أحس لا براحه ولا بغير راحه

يعني ما أحس بشي .... نهائياً

هل هذا شي طبيعي ... وشلون أتصرف أقول ايه ولا لأ ؟

وفيه موضوع ضايقني منه اليوم ...

يعني طو ل ما أنا جالسه كان يكلم أمي ... يسألها عني !!!

طيب أنا قاعده قبالك ليش ما تسألني أنا ؟؟؟

==== يمكن كنت مستحيه بس مو لدرجه يسأل أمي ... أسئله المفروض يوجهها لي أنا .. ويتكلم عني بصفه الغائب

شرايكم .... هل هذا تصرف لائق ؟؟

فيه شي ثاني ...

كيف أكتشف الصفات السيئه فيه .... يعني الصفات الشخصيه اللي ما يمكن أكتشفها من مجرد السؤال عنه بمكان العمل أو غيره

شلون أكتشف اذا هو بخيل مثلا او كذاب ... او غير محترم ؟؟؟

أنا محتارة

reeem · 17-07-2007, 06:21

مو شرط تحسي بشي اهم شي تستخيري اكثر من مره
وهل حسيتي بالراحة لما شوفتيه في الشوفه
واما بالنسبه للبخل سهل معرفته ممكن من الهاديا
والكذب ماعرف
بس ان شاء الله انه كوي والله يوفقك
وجهة نظري ارجو انها ماتاثر سلبي

×شموخي تعداك× · 17-07-2007, 06:45

شوفي غاليتي بالنسبة لعدم الراحة هذا شي عادي بالخطوات الاولى س لازم بصير فيه ارتياحمبدئي واذا كان مافيه انشاله يجيك القرار بعد الإستخارة الله الله فيها وبالنسبة لتصرفة انا احسه عادي جدا لأنه اول لقاء بينكم اكيد انكم بتكونون مستحين من بعض ومنحرجين انا هذا توقعي الله يوفقك عزيزيتي

عطـ بكفوفي ـرهآ · 17-07-2007, 11:01

إذا استخرتي ولاحسيتي بأي شي يجب عليك الصلاه مره وثنتين وثلات لما تحسين أنك وصلتي لقرار وأقتنعتي فيه

أما كونه يسأل أمكـ فهذا شي طبيعي يمكن لانه مقدر موقفكـ وانتي مستحيه

كلمي أمكـ وأهلكـ يسألون عنه يعني هو جاكم يخطب وانتو ماتعرفونه من قبل ؟؟؟

الله يعينك ويوفقكـ

أم مروه · 17-07-2007, 13:08

شوفي حبيبتي صلاة الإستخاره مو مثل ما يظنها البعض إنه بعد الصلاة الواحد لازم يحلم أو يحس إحساس قاطع بالرفض أو القبول

بعد صلاة الإستخاره ممكن إنك تحسين بالإنشراح أو الضيق أو ممكن أي تصرف يصدر من الطرف الآخر يبين لج عكس ماتظنين وبذلك إما إنج تقبلين الشخص أو تترين في القرار

دامج ماحسيتي بأي شيئ لحد الآن تريثي وتكلمي مع الشخص يمكن في وسط الحديث تبين خفايا كنتي جاهلتها وبفضل الله ثم صلاة الإستخاره توضح الأمور أكثر

بالنسبه لضيق صدرج لنقطة إنه يوجه الحديث لأمك ويتجاهلك آنه من وجهة نظري إنه مايبغي يحرجك لأنه الشباب يعرفون مدى خجل البنت في هذه الأمور فحاب يعرف الردود الصريحه من الوالده بدون مايحسسك بالخجل ومافيها شي

حبيبتي هذه الأمور ماتستاهل إنك تتضايقين عشانها مشاكل الدنيا أكبر بكره راح تصادفك أمور كثيره المفروض إنك ماتكبرينها وتحلينها بصبر وطولة بال

الله يوفقك إن شاء الله وأتمنى من كل قلبي إنه يكون الإنسان المناسب إلي يسعدك يارب

@بـــداية جـديـدة@ · 17-07-2007, 23:15

شوفي اذا ما حسيتي بشي معناتها على التياسير

ويمكن هو مستحي منك لجل كذا كان يكلم امك ترا الدنيا بخير ابشرك وفيه رجال يستحون

وبالنسبه للصفاته اسئلي مكان عمله ............كل شي بيطلع في مكان العمل

يعني اسلوبه مع زملائه واخلاقه وصلاته وحتى كرمه كله بيبين في مكان العمل

أمـيـرة الـعـطـا · 17-07-2007, 23:30

ارجعي استخيري كمان مره ومرتين ولحد ما تحسين انك قادره تحددي موقفك وكلمتك قبول او رفض ..

بالنسبه لِ سؤاله عنك لأمك .. هاذي الحركه لاتحطينلها موضع اهتمامـ .. قد يكون مرتبك وَ توجيهه السؤال لأمك يمكن اسهل (انا يبدولي خطيبك جاي من طرف امك ؟) ..

لم يحسن التصرف في تلك اللحظات .. لااااا تلقي لهذا بالاً .. فيه اشياء قدامك اهمَ ..

من وجهة نظري محادثتك انتي شخصياً معه قد تبين بعضاً من سلبياته .. بعضاً منهاا ..
ربمـــــــــا .. وليس اكيد ,,

مالي سواك يا الله · 18-07-2007, 00:16

مع رأي الاعضاء

صحاري2070 · 18-07-2007, 06:04

السلام عليكم ورحمة الله وبركاته

أحبائي

reeem

جروح الدموع

عطـ بكفوفي ـرهآ

أم مروه

@الغـــلا@

أمـيـرة الـعـطـا

وحدة كول
الله يفتحها عليكم .... ويسعدكم .. ويرزقكم من واسع رزقه من حيث لا تحتسبون

آميـــــــن ياربي

تسلمون على ردودكم

أبوي راح اليوم ... مكان عمله وسأل عنه المسئول.... ولكن ما عطى أبوي جواب شافي

يعني يقوله .. ما أدري والله .... شاب عادي .... وانا مو محتك فيه كثير

راح عند الجيران .... كذلك نفس الجمله.... ( والله ما ندري عنه ... ما شفنا منه لا خير ولا شر ) !!!!

===== يعني كيف ؟؟؟ ما حد يعرف عنه أي شي...؟؟؟ !!!

يعني مو عايش مع الناس هو

إحنا ما نعرفه ...ولا من جماعتنا لا من قريب ولا من بعيد .... وغير كذا ... طلعت له أصول من إيران ( يعني عجمي ) !!! بس طبعاً عنده الجنسيه يعني ... ومن أهل السنه ... ولكن له أصول هناك .... هل ممكن نحكم على شخص من أصله ؟

خايفه أقبله وبعدين أندم .... وخايفه أرفضه وأكون ضيعت من إيدي رجل صالح

الحمـــدلله على كل حال !

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

ملاحظه : هو لما جا مع أهله بيوم الشوفه ... ماجاب معاه ولا شي ....نهائياً هل هذا دليل بخل ولا كيف ؟؟؟

T0000FY · 18-07-2007, 18:10

اول شي الف مبروك مقدما اذا حصل نصيب واذا ما حصل النصيب الله يختارك الي فيه الخير

تاني شي يا اختي العزيزة الاستخارة مو مرة وحده لا والله
اذا مو مية مرة ما تنفع الاستخارة الي انت تحسي بالراحه
وبعدين بالنسبة للبخل والككذب فهذا الشي ما يبين يا اختي في البداية لكن الواحد لمن يستخير حيس بالراحه وان فيه خير ربنا يشر ح صدرك ويريحك
واذا اكتشفتي في يوم من الايام انه كذاب او شي لا سمح الله
فانت وشطارتك تغيري طبعه وتتفاهمي معاه

والله يوفقك ان شاء الله

لا تصدقي مقولة ابو طبيع ما يوز عن طبعه
ترى ممكن واولهم انا بس بعدين احكيليك ايش كان طبعي وكيف صار لانه مو وقته الان الان بس برد عليك

والله يوفقك

تقبلي تحياتي ............................... توفي

صحاري2070 · 21-07-2007, 01:39

الله يعطيك العافيه ... يا أخي توفي ...
وتسلم على الرد ...
وأنا للحين أستخير ..
والله يختار لي إن شاء الله اللي فيه الخير لي
شكراً عزيزي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن تساعدوني ... الله يوسعها عليكم