عالم الحياة الزوجية - منتدى

عازب2007 · 25-07-2007, 20:33

بسم الله الرحمن الرحيم
اتمنى تكونون بالف صحه وعافيه يارب لكل الأعظاء وكل من يقرأ طلبي
يا اخوان راح ادخل بالموضوع على طول
انا ابغى اخطب بنت من جماعتنا بس فيه مشكله (((( إنها اكبر مني بسنتين ونص )))) وخايف من شي وش الشي ذا والله ما ادري اشياء كثيره ببالي يلعبها الشيطان مثل نظرة الناس انها اكبر مني او سن اليأس مع العلم ان عمرها 31 سنه وبنت ماشاء الله الكل يشهد لها بالأخلاق والدين وبر الوالدين والجمال ومتعلمة امور بيتهم زين زين يعني كل الأمور اللي احبها بزوجة المستقبل متوفره بس ليش خايف ما ادري
تكفون ابي رايكم

رقة مشاعر · 25-07-2007, 20:36

اذا هي عاجبتك ومناسبة لك توكل على الله

واذا على الناس لا يهمك كلامهم

انت بتعيش معها مو مع الناس

السر الدفين · 26-07-2007, 01:45

عادي جدا سنتين ماتفرق ابدا اذا انت مرتاح ترى الناس ماراح يفيدونك

واذا انت من النوع الي يجاري كلام الناس ويهتم له ترى راح تتعب كثير

لأن رضى النااااااس غايه لاتدرك

انت اهم شئ تكون مرتاح لها واهم شئ تستخير اهم شئ لا تنسى الإستخاره نصيحه

وبعدها صلح الي يريحك لأن هذي حياتك مو حياة الناس وانت حر

مرعب 666 · 26-07-2007, 03:28

ماعليك من الناس اهم شي اعجبتك

وانصحك بصلاة الاستخارة

sally meido · 26-07-2007, 12:27

انصحك بصلاة الاستخارة

والله يوفق الجميع

ثلوج الصيف · 27-07-2007, 01:58

اذا كانت معجبتك وما يخليك محتار غير انها اكبر منك بسنتين فتوكل على الله وكمل الزواج

الفرق اللي بينكم مو كبير ومادمتوا مقتنعين ببعض توكلوا على الله

بالتوفيق

عسل دافي · 27-07-2007, 03:36

ليه مكبر المشكله وهي صغيره يا اخي سنتين ماتفرق ابد الا اذا كنت انت متضايق من هالشي يرجع لك
ماتغصب نفسك على شي مو مقتنع فيه
اهيا قناعات شخصيه
وكل شخص يختار اللي يعجبه ويريحه
بس اقولك الحل المناسب قبل لا تقدم على اي خطوه صلي صلاة الاستخاره وباستمرار
وشوف نفسيتك مرتاحه او لا ومن بعدها قرر
وفكر عدل
اذا انت ارضيت الناس عمرك ماراح ترضى نفسك
اهم شي تقدم على اي خطوه ونت واثق ومقتنع

[وسم] · 27-07-2007, 08:40

كلام النـاس لايودي ولا يجيب..

استخر لله عز وجل..

بالتوفيق

@بـــداية جـديـدة@ · 27-07-2007, 13:32

والله عااااااااااااااااااااااااااااااااااااااااااااااااا اااااادي مدام انها بنت فيها المميزات اللي ذكرت فلا تهتم ............وكلام الناس خله وراء ظهرك لأن التوفيق من الله مهوب من الناس

الا بالعكس خراب البيوت اكثره من تدخل الناس ..............والله نصيحة لوجه الله لاتخلي

الناس يأثرون عليك بشي وخل عند رأيك الشخصي....لأنك اذا كنت من النوع السريع

التأثر بآراء الناس فهاذي مشكله كبيرة ....وترا البنت ما تحب تأخذ ابدا الرجال اللي

كلام الناس يأثر عليه .........لأنها تحس ان ما عنده شخصيه .............أقول استخر بس

وتوكل....وعلى فكرة فيه نظرة غلط فاهمينها الناس يحسبون ام 30 سنه انهاعجوز

تصدق عاد أن خوياتي اكثرهم فوق 30 سنه وأشكالهم ماشاء الله تبارك الرحمن ماتغيرت ابد

مثل ما كانوا معي في الجامعه بالضبط ....وعلى فكرة السنين هي اللي صارت تجري

بسرعه ....ولاتنسى في هذا المقام قدوتك عليه الصلاة والسلام يوم خذا خديجه رضي

الله عنها وهي ام 40 سنه

نصيحة السن بينكم ممتاز وخاصه 28ـــــ31 مافيه كلام ولا تنسى انك بعد رجال كبير

معادك بمراهق عشان تقول فرق وما فرق

والله يوفقك

ابو الغالية · 27-07-2007, 14:23

اخوي بما انك مقتنع بمناسبة الفتاة لك فتوكل على الله ولايهمك كلام الناس لانهم لا يعجبهم العجب ولا الصيام في رجب .. باختصار توكل على الله وتقدم لها وعسى الله ان يكتب لك مافيه خير دنياك واخراك .

قبل لا انسى ترى البنات التي بالمواصفات التي ذكرت فلاتفرط فيها ...

اخوك ابو الغالية .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

إكسبوا فيني اجر لأن رأيكم يهمني