عالم الحياة الزوجية - منتدى

أم مروه · 26-07-2007, 10:39

هذه صور لبعض عطوراتي مع التعليق

عطر فلور بمب طبعاً هالعطر غني عن التعريف ومن كثر ماسمعت عنه في المنتديات دخل خاطري ورحت شريته بس للأسف ماكان عندهم تستر في المحل وخذيته أول مارحت البيت وشميته الصراحه ماعجبني يعني مايستاهل سعره فعلاً الناس أذواق البنات قالوا عنه فضييييييييييع رررررررررررهيب والله دينار وايد عليه وهو سعره 53 دينار

ياخسارة فلوسي وهذي صورته

وهذي العطر أحبه وايد أحسه يفرفش لما أحطه أحس إني بنت 14

وإسمه Incanto

وهذا العطر وايد حلو أنصح كل وحده متزوجه تشتريه إسمه ستيلا

هذا العطر من كرستن ديور وإسمه إيدكت حلو وآنه أستخدمه حق المناسبات لأني قوي شوي ولكن إذا برد يصير رووووعه

وهذا عطر سينما إلي البنات دايخين عليه الصراحه ماعجبني ليش ماخذته مادري

آآآآآه على هالعطر أحبه واااايد ريحته بارده تجنن أنصح كل وحده تاخذه وبالأخص المتزوجات إسمه lalique

لي رجعه باكمل باقي العطورات لاحد يرد

أم مروه · 26-07-2007, 10:41

Bvlogari هالعطر حلو بس ما أحسه للرومنسيه يعني للطلعات أو المناسبات ينفع اكثر وتصنيفي له حلو

هالعطرين من نعومي الأصفر مو حلو إنغشيت فيه وايد قوي والبرتقالي وايد حلو ويصير أحلى لين بردت ريحته وإسمه Shaza

Blanceهالعطر وايد حلو وريحته راقيه تنفع للرومنسيه وتنفع للطلعات ريحته موقويه هاديه

عطر فالانتينو هم ريحته بارده آنه أحب أحطه حق بنوتي لأنه لين برد يصير نفس البودره وطبعاً لما الناس تبوسها تقول ريحتها تهبل ولكن لين آنه أحطها مايقولون شي

هالعطر ليش شريته مادري مو حلو

قمت أرشه في البيت والمفارش أذكر خذته لأنه فيه من ريحة البرتقال شوي زوجي يحب هالريحه بس ماعجبه وآنه كرهته

عطر إلين أعتبره من العطورات القويه إلي تنفع للعزايم والمناسبات لكنه ماينفع للرومنسيه بينبط راسه المسكين

ريحته ثابته ووايد حلوه

بعد لاتردون باقي كم صوره

أم مروه · 26-07-2007, 10:48

هالعطر كنت أحبه بس تنسيت فيه وكرهته ولي اليوم ما إستخدمته بس الحمدلله جريب يخلص يعني ماخسرته ههههه إسمه هوت كتور من جيفينشي

هذي عطر من Bvlogari ريحته بارده تصلح للصيف والصبح

هذي العطرين الصراحه ماعرف أساميهم مو مكتوب عليهم بس تحصلونهم عند ماركس أند سبنسر البنفسجيه ريحتها غريبه ماعمري شميتها في أحد وتنفع للعصريه أما الثانيه حلوه وتنفع للصبح وأسعارهم رخيصه

هذي العطر قصته قصه كلششششش مو حلو يفطس زوجي شراه لي أيام الخطوبه وكنت أجامله وأرش منه وإثنينه نفطس هو متفشل لأنه البايع مدح العطر وطلع خايس وآنه مفتشله لأنه أحس ريحتي خايسه يوم تزوجنه قالي لاترشين منه مو حلو قلت فككككككككه والقهر إنه غالي بس مايهياني قلبي أقطه قمت أرشه في المطبخ والصاله ينفع بعد الطباخ هههه

وألحين عندي ثلاث عطورات في قائمة الإنتظار خاطري فيهم

الأول إسمه سيسلي رووووووعه خيااااال طبعاً قوي وايد وينفع للأعراس

والثاني من نعومي ماعرف إسمه بس جديد نفس علبة العطر البرتقالي إلي فوق بس لونه ماروني وأكبر شوي

والثالث من فكتوريا سكرت عطر إسمه فري سكسي أسمع وايد بنات يمدحونه ويقولون عنه يدوخ

وسلامتكم

miss_angel · 27-07-2007, 02:50

بالعكس أناأموت فعطر cinema لأنو كتير هادي و نعومي وهدا دوقي

عسل دافي · 27-07-2007, 02:51

هههههه ماشاء الله عليج حلو السرد وحلوه الصراحه انا هم مره قريت بعض العطور من المنتديات البنات يمدحون فيهم والله رحت شميتهم بالمحل ماعجبوني ابد
سبحان الله الناس اذواق

miss_angel · 27-07-2007, 02:52

شكراا

سراب امراة · 27-07-2007, 14:19

ستيلا وبس

بنوتة الحنان · 27-07-2007, 14:23

عطوررائعه..اعرف بعضهاوليس الكل
عطروجودك اتحفناعزيزتي
روـوعه من جد ذوـوق
يعطيكـ ربيـ الف عافيهـ
لاعدمناكـ
دمتيـ بكلـ الود والأحترام
اختكـ

شمسك يادنيا · 27-07-2007, 17:13

شكرا حبيبتي نستفيد من الاسماء وبنجربها ان شاءالله.
نصيحة لكل البنات ما تشتروا اي عطر الا بعد ما تشموه والطريقة انكم تطلبوا من صاحب المحل يرش العطر على ورقة العطر الخاصة واكتبوا اسم العطر خلف الورقة وبعد مرور الوقت او بالبيت شميه وقرري.
انا دائما اعمل كذا وما اندم.

على فكرة انا حبيت عطر cinema وزوجي كمان حبه.

سابنا · 29-07-2007, 21:08

سلام
تتهنين فيهم ان شاء الله
وأنا عندي عطر سينما أحبه وايد , وانكانتو شميته فعلا ريحته
عجييييييييييييييييبة

أم مروه · 30-07-2007, 08:15

اقتباس:

المشاركة الأصلية كتبت بواسطة miss_angel

بالعكس أناأموت فعطر cinema لأنو كتير هادي و نعومي وهدا دوقي

مادري ليش ماحبيته هالعطر إنتي تقولين نعومي وآنه عندي العكس أحسه وايد ثقيل تعرفين خذيت هالعطر نحاسه بس كنت مسافره مع زوجي وفي المطار خذاله عطر وآنه غرت قلت لازم آنه بعد آخذ لي وأدور أدور تذكرت هالعطر من كثر ماسمعت عنه في المنتديات قلت لهم عنه وعطوني إياه أشمه وقتها ماعجبني وزوجي كالعاده قال عن ريحته عادي

توكلت على الله وخذيته عل وعسى تبرد وتصير حلوه ولكن حتى يوم بردت ماعجبتني

بس دام إنتي تحبينها إن شاء الله تتهنين بها

أم مروه · 30-07-2007, 08:18

اقتباس:

المشاركة الأصلية كتبت بواسطة عسل دافي

هههههه ماشاء الله عليج حلو السرد وحلوه الصراحه انا هم مره قريت بعض العطور من المنتديات البنات يمدحون فيهم والله رحت شميتهم بالمحل ماعجبوني ابد
سبحان الله الناس اذواق

إيه والله عاد آنه ما أصدق أسمع عن عطر وإلا طيران على المحل

لا أزيدكم من الشعر بيت شفتوا في آخر موضوعي قلت لكم خاطري في عطر فري سكسي رحت المحل وشميته ماعجبني

كلششش مو ستايلي والبنات الله يهداهم ماعطينه أكثر من حقه

على العموم مشكوره حبوبه على الرد

أم مروه · 30-07-2007, 08:27

اقتباس:

المشاركة الأصلية كتبت بواسطة miss_angel

شكراا

عفواً

أم مروه · 30-07-2007, 08:28

اقتباس:

المشاركة الأصلية كتبت بواسطة سراب امراة

ستيلا وبس

فعلاً ستيلا وايد حلو

أم مروه · 30-07-2007, 08:33

اقتباس:

المشاركة الأصلية كتبت بواسطة بنوتة الحنان

عطوررائعه..اعرف بعضهاوليس الكل
عطروجودك اتحفناعزيزتي
روـوعه من جد ذوـوق
يعطيكـ ربيـ الف عافيهـ
لاعدمناكـ
دمتيـ بكلـ الود والأحترام
اختكـ

الله على الكلام إلي يبرد القلب

والله إنه أحلى رد أتصبح عليه وأبتدي يومي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هذي عطوراتي ومعاهم نصايحـــــــــــــــــــــــي