عالم الحياة الزوجية - منتدى

يزهيني واهليبه · 27-07-2007, 16:24

السلام عليكم
انا عندي مشكله وارجو انكم تساعدوني
انا شاب عمري 27 سنه موظف باحدى البنوك تعرفت على بنت اضغر مني بسنه واحد وحبيتها وحبتني واستمرت علاقتي معها سنتين وانا قبل شهر قررت اني اتزوج منها واتقدم لها رسمي وفاتحت ااخوي بالموضوع وكانت ردة فعله ظبيعيه ويوم فاتحت البنت بالموضوع ماكانت معارضه بالعكس شجعتني وانا خلاص قلت بتوكل على الله واتقدم لها وبعدين قابلن ابن خالتي وقلت له ممكن اتفرج على جواللك وقالي تفضل وخذيته وانا قاعد اقلب بالصور ةالقى صورة حبيبتي ماخذها هو من جوالي قبل فتره وماخذ رقم البنت وقاعد يهددها انه بيفضحها عند اهلها اذا ما وافقت على انها تقيم معه علاقه جنسيه معاه انا طبعا وقتها تهورت وقمت وضربت ولد خالتي اللي كنت احسبه مثل اخوي طبعا البنت راحت من بين يديني وصار لها الحين شهر منقطعه علاقتي فيها وطبعا يوم دروا اهلي بالسالفه طلعوني انا الغلطان
ارجوكم ابي حل لمشكلتي لاني الحين صرت انا الغلطان

نبع الشــوق · 27-07-2007, 20:00

اخي الفاضل \ السلام عليكم مع الاسف نعم انت الغلطان في البدايه تعرفك على البنت غير شرعي وكمان صوره الله اعلم في الباقي اخي انا انصحك بان تتقدم للبنت وتصلح غلطتك وهو حمل صورتها اما عن اهلك ردة فعل لانه صار بينك انت ولد خالتك خلاف لكن توكل على الله وتقدم للبنت ومن الطبيعي البنت تبعد عنك لانها خايفه من الي صار وخايفه من ابن خالتك اخي توكل على الله وتقدم لها الله يوفقك اتمنا لك توفيق

>>{ok}<< · 27-07-2007, 20:01

اول شي انت غلطان
ثاني شي المفروض انك اخذت جوال ولد خالك وكسرته على شان تنتهي قصه الصوره و تستر على بنت الناس لانك انت السبب
ثالث شي تزوجها او ما تزوجها هذا شي يرجعلك كيف ترضى تزوج وحده تعطي صورها لناس ما هم محارم لها
والله يستر على بنت الحلال ا.هـ

em tala · 27-07-2007, 21:19

انا انصحك بان تتقدم للبنت وتصلح غلطتك

قـاهرة الاحزان$$ · 27-07-2007, 21:25

طبعاً انت غلطان وهي غلطانه بعد

والصور اكبر غلط والمفروض خذيت جوال ولد خالتك وعطيته الشريحه عشان تستر على البنت لاتنفضح

وصلح غلطتك اذا تبيها وتقدم لها

والله يعينك ويسرلك ويفرج كربتك

تحياتي

السر الدفين · 27-07-2007, 22:07

وش ذنب البنت انك ماحافظت على صورتها !!!!!!!!!!!

رد لها واعتذر لها واخطبها وتزوجها

وقبل كل هذا استخير

ويمكن هالموقف الي أخر ارتباطك فيها خيره

استخير والله ماراح يخيبك

بس ترى انت الغلطان

ـآلنوٍفي · 27-07-2007, 22:33

اقتباس:

المشاركة الأصلية كتبت بواسطة شهريه

وش ذنب البنت انك ماحافظت على صورتها !!!!!!!!!!!
رد لها واعتذر لها واخطبها وتزوجها
وقبل كل هذا استخير
ويمكن هالموقف الي أخر ارتباطك فيها خيره
استخير والله ماراح يخيبك
بس ترى انت الغلطان

أنآ مع الأخت شهريــــــه .. يمكن هذي خيره لك انت استخير وادعي ربك إذآ لك فيها خير يقدمه لك .. وانت حاول تصلح الغلطه استر على بنت الناس اكيد هي وثقت فيك .. إستر عليها الله يستر عليك .. خذ الجوال اكسره احرقه سووو فيه اي شئ بس استر عليها .. عشان تبرئ ذمتك بغض النظر عن البنت

والله يوفقك يارب واذا لك فيها خير ان الله يقدمه لك

تقبل مروري

مالي سواك يا الله · 28-07-2007, 00:19

الاعضاء ما قصروا بالرد

الميثاق · 28-07-2007, 01:01

قبل كل شي أسئل ولد حالتك ماذا حصل مع البنت هل طلعت وياه أو لا
إذا الجواب لا
أن تذهب وتخطبها رسمي بس انا اعتقد بان أهلك راح يرفضون لأن صار ة سالفه مع ولد خالتك وهي من تحت راسك طبعاً
وهم البنت غلطانه لأنها عطتك صورتها
الحل بالتفكير بالعقل مش بالقب

f444 · 28-07-2007, 01:19

سبحان الله ما بني على باطل فهو باطل ..

وربما هو شر صرفه الله عنك ..

والبيوت يا أخي تؤتى من أبوابها ..

ومن خانت أهلها وش يمنعها من خيانة زوجها يا طيب القلب

عسل دافي · 28-07-2007, 04:22

استخير ربك واللي فيه الخير لك اعمله

ALSANAM · 28-07-2007, 11:42

الطيور على اشكالها تقع

ღღعاشقة البحرღღ · 28-07-2007, 12:09

لا تعليق...

أم عهود · 28-07-2007, 12:20

الله يكون في العون

والله حزنت على البنت كثييييييييير

اميرة البرق · 28-07-2007, 12:44

انتظر فتره الى ان تهدء الامور
واستخير وارجع واخطبها من اهلها بدون ما تشاورها
وخلى اخوك يساعدك فى اقناع اهلك
وربى يكتب لك الى فيه الخير
تحياتى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني تكفون