عالم الحياة الزوجية - منتدى

2000غيث · 31-07-2007, 18:29

هذا موضوع وصلني عبر البريد من أحد الأصحاب وأحببت نقله :

مع كثرت الزوجات هاليومين هذي نصائح للشباب مع بعض الاسئلة
هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك إذا كانت الاجابة بنعم فإن كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك : " الله لا يبارك في الساعة اللي جبنا فيها شغاله " . لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه .. مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني . اولاً : مرحلة ما قبل الزواج : كيف تعرف انك استويت عزيزي الشاب وحان قطافك من بنت الحلال :
اولا : علامات الرغبة في الزواج عند الشاب :
1) إذا بديت تحب الاغاني وتسمعها بمخمخه وتتخيل انك تقول الكلام لوحده فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس) التقسيط متاح بدون كفيل في مؤسسة متاجرعلى النوته كذلك إذا صرت تتابع الفيديو كليب وتهج اثمك ولو يناديك ابوك ما ترد عليه.
2) إذا بديت تقول يا زين بيروت والـ إل بي سي والمستقبل ؟ فاعلم اخي الاعزب انك لو انتظرت سنتين ستصدّي صواميل ظهرك وتصير بلا مستقبل.
3) إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( هبل) وشهار ما يقبلك ولا منتسب .
4) إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك اكرب عمرك واعرس.
5)اذا صرت تقول أن كل الممرضات الي يشوفوني يحبوني وودهن أني أكلمهن
ثانيا : اثناء الخطبة :
1) انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك . لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك. ما احب هالحركه .
2) لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة خاصة لو كانت السيارة أودي والنوع الرياضي عساك فهمتني يا صاحبي............................................. .................................................. ...
مصيرها تعرف ان السياره مو سيارتك وبالتالي تطيح من عينها .. بكيفها ..
3) اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم " فلينظر اليها وتنظر اليه فأنه احرى ان يؤدم بينهما "
وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدمِ ) يضيع مع اللحم في الضحايا خصوصاً التسبده يا
بعد تسبدي.. لا يروح بالكم بعيد.
4) في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟ انت على السرير وإلا في المقلط ؟ يخرب بيت السؤال ؟
5) لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها سسسسسسسسس ، وإلا باقي الاثاث اختاره انت وإلا خلها هي اللي تختاره كله ..لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( شرّاب تكرونيه بجبل عمر عند الحرم )...كذلك اضبط ميزانيتك على مستوى معين من الأثاث بمعنى ... ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( سوق التكارنة الي تحت كبري المنصور) بــ 20 ريال ، ومن ايكيا بــ 150 ريال .. فيصير بيتك كأنه ( حراج ابن قاسم ) من كل بحر قطره. فتصير مثل اللي بيتهم طين وعندهم( رولز رويس ).
6) اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ...مو تصير حبيّب بالخطبة وصدام بعد الملكة.
ثالثا : ليلة الزواج :
1) ليلة العمر والليلة الوحيده اللي
تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه .. فلنفرض انك قمت من الكوشه ؟؟ بعد ما تخلص هل بترجع وتجلس مع العروس مره ثانية ؟؟ وإلا بتطلع من هناك ؟ بالعربي .. انت بتبلش بلشة ما بعدها بلشة أما إذا رجعت بيقولون الحريم ( جاه اسهال من الخوف من المدام) ينعن أم الاحراج
اجل إذا راحوا الشقة بلحالهم وش بيسوي هالخواف.؟ فتصير علك في فم الرايح والجاي وملطشه للصغير والكبير.
2) ليلة العرس ارفق على سيارة
الرجال اللي انت متسلفها منه (لا تخاف يابو وليد والله بشويش).. لانك ممكن تصدم لانك ما تعودت انك تكون بسياره كشخه وجنبك بنت. (وش دراك)؟؟؟؟؟
3) خلك ذوق واسحب يد البنت وحطها على ( القير حق السياره) وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره لاحقين خير ان شاء الله ... لا تتصربع الله يطامنك باسمه..
4) إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما دخلون ( ارقع ) ذيك الزغروته اللي تهز اركان البيت .. ثبت الله اركانك .
رابعا ً : سواليف ليلة العرس :
الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :
1) انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ).
2) انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري ..الله ياخذ بليسك انت وامك لا هالحين ادخل والسبك بالعقال يعصب احيانا
بدون سبب مقنع .. ما عليه رجعت طبيعي .. نكمل ..مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.
3) امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه ..حتى لو كنت ( ادبشي ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) .. فهذا من شأنه انه يحسس المدام انها جميله بعينك ، ويرفع روحها المعنوية ،
ويخليها تهضمك يا ابو كوع ( بني ) مفروك لين قال بس فتغير من اسود الى بني .
4) انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها (.بصراحه كثير من الشباب محروم من ( كل شيء ) وافهموها .. عاطفيا و... و واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك. يااااي . خلك ثقل وخلي سلوكك هو اللي يقول للبنت اني احبك مو اساليب ( قردنه ) احبك بعدين
تقول لها ( وش رايك نلعب عريس وعروسه ) ؟ ترى هالحركات ما تمشي على البنات التاليات . معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه.
خامسا : ملابس ليلة العرس
1) بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه
) على الشعرات اللي بصدرك وبازن بها. تنظفوا ( ابتل ) اعلمكم ... همااااه ؟ بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاااااااااااااااااي شله (..
2) انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحش ) يتكلم عربي. اختر اللبس المناسب لجسمك .. مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام.. وفاجأها في الصباحية . إذا كنت سمين البس ملابس فضفاضة شورت
وفانيلة X X X L انتبه ترى ما اقصد القناة .
3) للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟ ترى الموضة كذاااااا وتطوروا بأأأأأأ عجزت اعلّم فيكم . إذا لبست لك المدام ( قميص نوم راااايق ) ترى مو معناهاااا ( طب عليّ ) .. خلك ثقيل وإلا جيت هالحين أربط ثقالات
برجليك.ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها طيب يا كولومبو.احتمت ( كبدي ) يوم سمع القصة من القهر .
سادساً : الخطة المحبوكه للقاء الحميمي :
1) حذاري ثم حذاري وهذاني اقول لك ( حذاري ) .. تتحرش بالبنت جنسيا حتى لو كانت زوجتك .. فكما يقال ( احذر ان تبدأ حياتك الزوجيه بحادث اغتصاب) . لان
البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .
2) اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين ) همااااه .
3) اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتج وتقلها نبي ندرق وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق حمام ).اركد وخلك طبيعي وإلا قالت البنت وش ( هالعومه ).
(ندرق: أي نستتر ونتخبى)
4) في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت
وياهااا ( كوفي شوب ) وانتبه تقرأ الجرايد او المجلات , وعطها وقتك كله.
5) اليوم الثالث: حاول تسافر بها المدينة لو انت من أهل مكة أو العكس بعدين لمدينة أخرى في المملكة العربية السعودية .. او مدينة اخرى لسكان الخليج .. وأن ما قدرت يا زين مخخط الزايدي ولا الطلعة الي في دحلة الرشد
6) اللقاء
الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك واللي ما يجي اليوم .. يجي بكرا .

مرعب 666 · 31-07-2007, 20:43

انت مو غيث 2000 انت غيث 2007
طيب غيث والي يقيل تحت الوايت الظهر تعتقد ان الجنس يقل عندة
مشكور اخوي غيث على المعلومات .

2000غيث · 31-07-2007, 23:56

أخي المرعب666مشكور لمرورك وتعليقك
بالنسبة لتاريخ لا تشيل هم الاختلاف في التواريخ لا يغير شي

بالنسبة لتقييل روح ياأخي قيل في بيتكم أما إذا كنت من هواة
التقييل تحت الوايتات فهذا شي ثاني
ههههههههههههههههههههههههههههه

عطر الزمان · 01-08-2007, 00:03

ما شاء الله عليك أخوي غيث(قصيمي قح)

الله يوفقك على النصائح الحلوة

تحياتي
عطر الزمان

2000غيث · 01-08-2007, 00:16

والله أخي الكريم عطر الزمان أفتخر أن أكون قصيميا

ولكنني مكاويا

وكما قرأت في أول الموضوع أني لست كاتبا لهذا الموضوع ولكنه وصلني من أحد الأصدقاء عن طريق الإيميل

والله يعطيك العافية ومشكورين على المرور والتعليق

نبض احمد · 01-08-2007, 04:02

مشكور ياغيث على الموضوع والصراحه بستاذن منك علشان اطبعه وارسله لخطيبي تعرف بعض الرجال مايفهمون بالرومنسيه لانه عايش بالريف يعني قريه فودنا نعلمه الحركات والبركات الزينه ........................

جامعيه ولكن · 01-08-2007, 05:34

هههههههههههههههههههههههههههههههههههههههههههههههههه ههههههههه

الموضوع خطيييير قل امين الله يرزقك بالزوجه الصالحه اللي تقرك وان كنت متزوج الله يتمم بينكم بخير
بس من جد موضوعك لؤؤؤطه

2000غيث · 01-08-2007, 10:49

مشكوره يانبض أحمد على مرورك وتعليقك
بالنسبة للطبع والإرسال فهي متاحة لكل عازب مقبل على الزواج
ولكل مخطوبة مقبله على الزواج .
حتى بعض الرجال الذين يعيشون في المدينة يرون الرومانسية ضربا من الخيال .

2000غيث · 01-08-2007, 11:01

جامعية ولكن مشكورة لمرورك وتعليقك
وأرجوا من الله أن يتحقق الشق الأول من الدعاء لأنه لم يحصل بعد .
وأن يتحق الشق الثاني إن حصل .
آمين آمين

هيوفا · 01-08-2007, 17:31

مشكور اخي غيث

2000غيث · 01-08-2007, 19:48

العفو هيوفا

ما يهزك ريح · 01-08-2007, 21:30

شو هاذا الابداع ......

ههههههههههههههههههههههههههههههههه

من اليوم لحد باكر..... غيث ... عاد النصايح . مضمونه ... ولا كلام على ورق ....

يسلمووووووووووووو

2000غيث · 01-08-2007, 22:34

مضمونه طالما وافقت العقل والمنطق
وكل شيء
أهم شيء التطبيق السليم

الله يسلمك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

للعزوبية المقبلين على الزواج‎