عالم الحياة الزوجية - منتدى

الم الحرمان · 01-08-2007, 23:46

مرحبا بادخل بالموضوع بدون مقدمات وباكتب بالعاميه اريح واعذروني عالأسلوب:

هذي قصة انسانه تعز علي كثيييييييييير ومتأكده من صدقها في كل المذكور

هذي المسكينه تطلقت للمره الثانيه وكان زواجها مفاجئ سريع وغريب جداً وبدت الأغلاط من البدايه أخذت واحد متزوج يدعي الإلتزام بعد طلاقها من الأول بكم شهر استبشرت هي واهلها خير وقالوا ملتزم عساه عوض عن الأول المهم لما عقد عليها جا لوحده أما بالزواج حضر اثنين من اخوانه وعرس الحريم ما حضر احد ابد !! مع ان امه قويه ولها القدره على الحضور !!! وهو كان يقول ان اهله دارين وموافقين وإن امه بتحضر وبتجي يوم الزواج ولما جا يوم الزواج ما حضرت وحطهم قدام الأمر الواقع لأنهم ساكنين بمدينه غير مدينة زوجته ... كان زواجها باجازة الحج قبل الماضي وأخذها معاه وحججها ( وهذي الحسنة الوحيده من الزواج ) وكانت تسأل عن امه وأهله دايم وتقول ابغى اتعرف عليهم ويتحجج لها دايم بحجج واهيه وبعد الحج رجعت لأهلها لأنها مرتبطه بعمل وبالإجازه الكبيره بدت تبين بلاويه اخذها عنده بدون نفس وخلاها اكثر من الشهر بالفندق !!!!!!!! وكان باليومين احيانا ما يطل عليها استنجدت بأهلها بس للأسف والدها متوفي واخوانها .....!!!!الله المستعان ما سوو شي الا حثها على الصبر ولما ضغطت عليه استأجر لها شقه فاااااضيه من الأثاث تماماً حتى (حوض الغسيل بالمطبخ ما فيه ) ونومها كان على بساط الرحلات !! وكان نفس الشي يعدي يومين ما يمر عليها ابد ولا يرد على جواله لما تدق عليه وهي ما تعرف احد ابد هناك غيره ! حسبي الله عليه ولما كان يمر عليها يجلس على اعصابه وتبدأ زوجته تدق على جواله باصرار الى ان يرد ومن بعدها يطلع على طول !! ولما بغت زوجته تسافر لأهلها لزيارتهم سفر الثانيه بالقوه لأهلها مع انها عروس وغايبه عنه شهور وماخذه اجازه من العمل عشان تجلس عنده ! بحجة انه يبغى يعدل بينهم وما بيخلي وحده عنده وحده يسفرها لازم الثنتين
(برى آوت !!!!) المهم جلست على هالحال عند اهلها عشان العمل وهو ما جاها الا مرتين بالعدد خلال شهور بالويك إند ويسافر !!ولما عجزت منه صممت تتخذ موقف معاه وتجبره يعطيها حقوقها زي الأولى ويعرفها بأهله فراحت هي وأخوها بالحج الماضي له غصباً عنه لأنه رفض ياخذها وقال انا مو فاضي الحين باحجج زوجتي الأولى ( مع انها حجت اكثر من مره )لازم اعدل بينكم زي ما حججتك احججها !!!!! طيب وين العدل بالأمور الثانيه وحقوقها هي اللي هاضمها لا نفقه ولا سكن ولا الفه ولا عشره زوجيه ولا اي شي ثاني حتى السؤال عنها بالتلفون نااادر !!!المهم يوم وصلت مع اخوها المطار دورو عليه ما لقوه مع ان عنده علم من اليوم اللي قبله بموعد وصولهم ولما انحرجت من اخوها دقت عليه وعاود الاتصال على اخوها وقال له انا ما اقدر اجيكم بس انا حاجز لكم غرفه وحده بفندق !!!!!!!!!طبعاً هم حسوا بالإهانه وهي اصرت انها تروح شقتها دلت اخوها على العنوان ومن حسن الحظ كان معاها مفتاح الشقه ولما دخلوها تفاجأ اخوها بالمنظر كانت الشقه على البلاااااااااااااااط ما فيها الا مكيف واحد وبساط الرحلات عشان تنام عليه ومن شدة لؤمه وخبثه ما فكر يجيهم الا باليوم الثاني على الظهر اصرت هي تحسم الأمر وتفاهموا الثلاثه وقالت انا ما ابغى الا حقوقي اللي شرعها ربي لي كزوجه فقال لهابالفم المليان لأ مالك حقوق زي الأولى ابد ولا باعرفك بأمي ولا لك علاقه فيها امي ما تحبك وانا ما بغى اجرح مشاعرها بسببك !!!!! حسبي الله عليه وعلى امثاله من بعدها عرفوا حقيقته ونيته هي رجعت مع اخوها وبعدها بقرابة الشهرين طلقها بمكالمة تلفون مع اخوها !!!...... طبعا هذا مختصر جدا جدا لقصتها وما كتبت الا اللي ذكرته منها بس تأكدوا انه صحيح 100 %

(ملاحظه : هو خطبها قبل لاتتزوج زوجها الأول وابوها رفض لأنه تقدم لها في نفس الوقت طليقها الأول وكان اعزب وميزاته افضل بكثير منه فطبعاً ابوها يبغى لها الأفضل فقلت يمكن اللي سواه انتقام منها لما رفضوه ) ابغى ارآئكم بالقصه وهل هو على حق
وهي غلطت لما طلبت حقوقها ؟ سلااااام .....

حاير بين امرين · 02-08-2007, 00:05

اللي صار صار .. والله يعوضها بأفضل منه

ومو ذنبها اذا كان اللي تزوجها قليل الخاتمه ..

والله يستر عليها

! ابتســــــامه · 02-08-2007, 02:19

وين غلطت حرام عليك ....

الله يعوضها عنه الف خير

الأخ الكبير · 02-08-2007, 03:55

أختى الم الحرمان

أن كان ماذكر حقيقة فلن يفلت من عقوبة الله بالدنيا والآخرة

فإن كان قوياً عليها فالله أقوى منه وإن مكر فيها فالله أشد

مكراً ولايستبعد أن ينتقم الله منه بماله وصحته وولده وعذاب

الآخرة أشد وأبقى ولاحول ولاقوة إلا بالله

بيراق · 02-08-2007, 12:10

حسبي الله ونعمه الوكيل

اعتقد ان مافعلة كله بها كان انتقام لرفض اباها لة لكن هي ماذنبها؟

كما تدين تدان

الله يرزقها بالاحسن منو ان شاء الله

منيب هينة · 02-08-2007, 16:55

حسبي الله عليه من ثور

butterfly11 · 02-08-2007, 19:41

حسبي الله ونعم الوكيل

الله يصبرها ان شاءالله ويعوضها باللي احسن منه

اصرار رجل · 03-08-2007, 01:44

والله اختي حادثه جدا مؤلمه وحزينه

والله يصبر هذه المطلقه

والله يحاسب هذا الزوج على فعلته

والله انه قاسي اللقلب
والله يعاقبه بما يستحق

والله يعوض على هذه المراه

وهي الحقيقه لم تغلط ابدا بطلبها بحقوقها

(المهاجر) · 03-08-2007, 02:20

تحية،،،،

قصة مؤلمة حقيقة....وأدعو لها بخير عِوض عما فاتها....وربنا منتقم جبار.
لكن لفت نظري في القصة....اندفاع الأخت للزواج الثاني دون رويّة وتبصّر....
إذن ماذا استفادت من تجربتها الأولى ؟
يُفترض الاختيار الثاني يكون بدقة أكثر على ضوء التجربة الأولى....حتى لا تكون هناك تجربة ثانية فاشلة.....ومؤلمة أكثر من الأولى.....

لبوووه · 03-08-2007, 02:51

لاحول ولا قوة ا لا بالله

خليها تريح بالها الله بياخذ لها حقها ورح تسمع بنفسها
كما تدين تدان والظالم له عقوبته من رب العالمين

ماجستير اداره · 03-08-2007, 04:11

قولوووووووووووووو امين ان الله يوفقها بفضل منه

الم الحرمان · 03-08-2007, 15:28

اقتباس:

المشاركة الأصلية كتبت بواسطة حاير بين امرين

اللي صار صار .. والله يعوضها بأفضل منه
ومو ذنبها اذا كان اللي تزوجها قليل الخاتمه ..
والله يستر عليها

اللهم آآآميييييييييين / لا طبعاً مو ذنبها مشكور اخوي على الرد والدعوه

الم الحرمان · 03-08-2007, 15:32

اقتباس:

المشاركة الأصلية كتبت بواسطة ! ابتســــــامه

وين غلطت حرام عليك ....
الله يعوضها عنه الف خير

هلا أختي ابتسامه ....... أنا معاها قلباً وقالباً ومتأكده إنها ما غلطت وإنها مظلومه بس هي مصدومه من أقرب الناس لها لما لاموها وقالوا لها إنها غلطت لما طالبت بحقوقها !!

مشكوره على الرد وأهم شي الدعوه ......

الم الحرمان · 03-08-2007, 15:40

اقتباس:

المشاركة الأصلية كتبت بواسطة الأخ الكبير

أختى الم الحرمان
أن كان ماذكر حقيقة فلن يفلت من عقوبة الله بالدنيا والآخرة
فإن كان قوياً عليها فالله أقوى منه وإن مكر فيها فالله أشد
مكراً ولايستبعد أن ينتقم الله منه بماله وصحته وولده وعذاب
الآخرة أشد وأبقى ولاحول ولاقوة إلا بالله

هلا أخوي .... طبعاً حقيقه والله الشاهد لأن هالإنسانه قريبه جداً مني ومتأكده من صدقها وعشت معاها معاناتها أول بأول ........ اللهم آمين ربي يعوضها خير العوض وينتقم منه لأنه ظلمها ظلم عظيم بدون أدنى سبب أو مبرر .... مشكور عالرد.....

الم الحرمان · 03-08-2007, 15:44

اقتباس:

المشاركة الأصلية كتبت بواسطة بيراق

حسبي الله ونعمه الوكيل
اعتقد ان مافعلة كله بها كان انتقام لرفض اباها لة لكن هي ماذنبها؟
كما تدين تدان
الله يرزقها بالاحسن منو ان شاء الله

هلا بيك أختي ....... نعم عندي احساس كبير إنه عقله صغير وفعلاً أراد انه ينتقم منها لما رفض لأنه كان مصر عليها قبل ما تتزوج للمره الأولى ....... اللهم آآآآآآمين يارب ومشكوره عالرد ....

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أبغى رأيكم بهالقصه !