عالم الحياة الزوجية - منتدى

لـولـوكـاتي · 03-08-2007, 09:36

السلام عليكم ورحمة الله وبركاته
كيفكم
زواجي بعد سنه لكن عندي مشاكل كثيره بشخصيتي
مع اني كبيره وفاهمه وعارفه كل شي بسسسسس
اول شي اخاف اخاااف موت من شي اسمه رجل وهذا السبب خلاني ااخر زواجي كم سنه
خايفه من جد يعني مو حيا وبس مع انها تجربه عاديه وكل البنات مرو فيها حيل مزعجني هالشي
ثاني شي ماحب احد يقرب مني ولا يمسكني يعني اللي يمسكني لو بالمزح اعطيه على وجهه واعصب واثور واغلب المرات اقعد اصيح <<< مانفع للزواج مرره
ثالث شي واللي هو اهم يوم كنت صغيره ودلخه مره طحت على كتاب عند خواتي يتكلم عن ليلة الدخله يوم قريته طبعا كله انصدمت اول مره اعرف شي كذا
فض بكاره وتدخيل واشياء غريبه مافهمت شي ابد بس اللي حاولت اعرفه وين مكان الفتحه بالضبط وجلست العب بجسمي المهم مالقيت احد ينصحني وينبهني للموضوع هذا
لا امي ولا خواتي مادركت خطورت الموضوع الا بعد مابلغت وفهمت بعض الاشياء
بعدها كرهت شي اسمه زواج او رجل
طبعا انا استخرت اكثر م مره ومع تصميم اهلي علي وافقت على الزواج
بس والله عايشه برعب كل يوم اتحلم اني عروس واقعد مفزوعه واقول الحمد لله انه حلم
ياليت تنصحوني ويش اسوي اكمل الطريق ولا لا

@بـــداية جـديـدة@ · 03-08-2007, 11:03

هلا اختي .....................خوفك هذا ناتج عن افكار قديمه بمخك تراكمت سببت لك خوف
..........اذكر كانت معاي وحدة بالجامعه كل ما اقولها ما نخطبتي ...تقول لا ان شاء الله
وتكره الزواج وهذا طبعا كان بفضل بعض الافكار المغروسه فيها وكنت اقول لنفسي
هاذي على كذا اكيد ما بتتزوج ...والحين بعد ما تخرجنا وتوظفنا انقطعت اخبارها عني
بس شافتها اختي الكبيرة مرة وسلمت عليها وقالت انها تزوجت من رجل طيب ومستانسه معه
لأخر درجه .....صدقيني الانسان مفروض ما يترك نفسه لوساوس مالها داعي تكبر في نفس الانسان وتكون
اثآرها وخيمه عليه وعلى مستقبله وهي مجرد افكار مالها اساس من الصحه....
اختي تزوجي وعيشي حياتك طول بعرض بالعكس وش احسن من علاقه
بالحلال مه رجل يقدر الحياة الزوجيه .....
صدقيني الزواج استقرار وانتي ادعي ربك يشرح صدرك ويبعد عنك هاذي الوساوس والافكار السلبيه وبالتوفيق ان شاء الله

فراشة زرقاء · 03-08-2007, 14:44

صدقيني بجرد تحبين زوجك وترتاحين له راح يتسهل امور كثيرة عليك توكلي على ربك واستخيري ولا تاجلين زواجك عشان افكار وهميه

*عهد الامل* · 03-08-2007, 15:19

اختي اولا الف مبروووك
اانا كنت اموت لو احد مسكني واتضايق بعد ما ملكت انصدمت من نفسي اختي لاني حبيته تحسين ان حتى المسكه بينكم بكون فيها ود والله بنزل عليك هذا الشعور بتحسين بالحنان لو هو يحبك وصراحة حالتك تعتمد عليك وعلى زوجك
وانصحك انتبهي تصارخين خليك رقيقة بحركاتك وابتعاد لا يقول عنك خشنه ولا ما فيها انوثة والله يوفقك

ابن الأميرة · 03-08-2007, 18:13

أولاً : ألف ألف الف مبروووك
أنا مع كل كلمة قالتها أختي الغلا
وبقية الأعضاء ما قصروا

باربي الدلوعهـ · 04-08-2007, 15:38

الف مبرووووووووك ..

والله يكتب لك فيه الخير واخواتي ماقصرو مارح ازيد شي ...

nouregy · 18-09-2007, 12:22

السلام عليكم و رحمة الله و بركاته
أختي الغالية و الله كلامك هذا ناتج عن أفكار خاطئة وجدتيها في الكتاب الذي قرأتيه و اللي زاد المشكلة إنك ما سألتي أحد في هذا الموضوع و ظللتي تعبثين بجسدك , قولي الحمد لله إن لم يحدث لكي شئ , المهم إنك تحاولين تزعي هذه الأفكار من عقلك و حاولي أن تفكري في الأمر من الناحية الإيجابية , فمثلاً ذكري نفسك بإن ذلك الشئ الوحيد لتكوني أم في المستقبل بإذن الله تعالي , هذه الغريزة التي فطر الله نساء الأرض عليها سوف تتغلب علي كل مشاكلك بإذن الله تعالي .
و في الختام أود أن أذكر إن سبب مشكلتك كان مجرد كتاب قرأتيه في الصغر , فما حال أولادنا و بناتنا إذا تم تطبيق مادة الثقافة الجنسية في المدارس كما يريد أعداء الدين , سوف ينتج عنها ملايين المشاكل و الله العظيم , و حسبي الله و نعم الوكيل
أختك في الله

sendbad600 · 19-09-2007, 11:00

موضوع الخوف اللي يلازم البنات قبل الزواج موضوع طبيعي جداً ويحصل لكل بنت بدون استثناء ولكن بنسب متفاوته ،، ونصيحتي لك ولكل بنت مافي اي داعي ان هاجس الخوف يسيطر عليك ولا يجعلك توصلين الى مرحلة تكونين فيها ندمانه على اتخاذ قرار معاكس ..
اما موضوع ليله الدخلة فحدث ولا حرج عن هذه الليله .. يعني عمري ما قرأت كتاب عربي الا والاقي تهويل لهذا الموضوع وكان ليلة الدخلة هي ليله قطع الرقبه .. واقول لك الموضوع هو عبارة عن الم بسيط بسبب الشد العصبي وكل ما كانت البنت في هذه الليله اكثر هدوء كل ماكان الالم اقل والليله تسير في الطريق الصحيح ..
وبعدين مسأله انك ماتحبين احد يلمسك راح يتغير كل شي بعد الزواج لان الزوج غير عن كل الناس ..
والله يوفقك

عـــــــــاشق بجنون · 19-09-2007, 20:28

اوله دلع

واخره ولع

عمر الزواج ما يسبب خوووف

وبجي اليوم الي انشاء الله تتمنين فيه انك تزوجتي من زماااااااااااااااااااااااااااااااااااااااااااان

الزواج راحه واستقرار

بالتوفيق

طفشاانه · 19-09-2007, 21:11

متابعه

عاشقة مجنونها · 23-09-2007, 01:37

مرحبا اختي ..

يمكن ما تصدقين اني كنت مثلك ا اكثر ... خوافه بشكل مجنون ..

وتقريبا من نفس المواضيع اللي ببالك ..

ويمكن اشياء خاصه فيني اكثر ... للدرجه ماكنت اقدر اعلم احد فيها ...

صدقيني كنت ابكي بالليل ... وأصلي .. وادعي ... كانت دموعي كعي بكل صلاه ..

يمكن البعض يعتبرها مبالغه ... بس والله تذكرت لمن قريت كلامك ..

بس الحمد لله .. ماخليت الخوف هذا يصيطر علي ..

وصرت كل ماتذكرت ... قلت" حسبي الله لااله الا هو عليه توكل وهو رب العرش العظيم ">>>دعاء تفريج الهمّ قوليه سبع مرات بس مو مجرد كلام ... لا فكري في كل كلمه تقولينها ... وبيقين وان الله هو الوحيد اللي بيفرج عليك همك ..

ترى مو اني ملتزمه ذيك الدرجه بس الحمد لله ... توكلت على ربي ...

وما صرت افكر في الموضوع ابد ...

الحين بفضل ربي .. مخطوبه ...من فتره ..

صدقيني سوالف خطيبي ... فتحت لي مجال اوسع وتطمنت كثير الحمد لله .. وحسيت اني افكر في شئ غريب !!

يمكن الخوف احيانا يرجع لي ... بس الحمد لله بنسبه مررررررره قليله

يعني نصيحتي لك ... لا تفكرين ابد في الموضوع ... وكل ماتذكرتي ادعي ربك ...

واذا كنتي مملكه حاولي تكلمنينه كثير ... وبأذن الله ربي ييسر لك ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زواجي بعد سنه بس الخوف محاصرني..