عالم الحياة الزوجية - منتدى

الدبلوماسية · 08-08-2007, 02:35

مساء الخير عليكم جميعا انا عضوة جديدة وسعيدة جدا انى متواجدة معاكم لانى متصفحة جيدة من فترة لهذا المنتدى الرائع
اريد منكم سعة الصدر لسماع قصتى كاملة وياريت يكون فيه ردود هكون سعيدة جدا

انا فتاة عندى 18 سنة من اسرة محافظة اهلى متعلمين وعلى قدر كبير من التفاهم معايا انا الحمد لله متفوقة فى دراستى لغاية السنة اللى فاتت

انا جبت مجموع كبير فى الثانوية العامة مما اتاح لى الفرصة ان ادخل كلية من كليات القمة ولكن كانت فى محافظة غير اللى اسكن بها فكان لازم انى اسافر مستحيل اضيع كلية زى دى من ايدى وقبل ما ادخل الكلية باسبوعين كنت عرفت طريق الشات وكنت بقعد عليه ليل نهار لغاية ما اتعرفت على واحد بهرنى بشخصيته واخلاقه العالية وبعتلى صورته وسيم جدا وابن ناس وبعد فترة من الكلام ع النت اتطور الموضوع الى ان وصل الى التليفون وكلام معسول وانا صغيرة فى السن وعرف يخلينى احبه ومقدرش استغنى عنه كمان
وبعد كدة بفترة بدأيطلب منى اننا نتقابل رفضت بطريقة عنيفة شوية وقفلت فى وشه وخاصمته كذا يوم المهم رجع واعتذر
وبعدين بدأت اقلق انى ممكن ما اتقبلوش لما اشوفه وجها لوجه وقررت انى اقابله عشان اكون انطباع عام عنه شكلا وموضوعا المهم اتقابلنا اعجبت بيه جدا وهو كمان اعجب بيا جدا لانى الحمد لله على قدر كبير من الجمال
وطبعا كل ده وانا فى بيت للطالبات مش فى بيتى وللاسف كان هناك ليا حرية اكبر وبعد ما خرجنا مرة اتكررت مرتين غير المرة الاولى يعنى خرجنا 3 مرات مع بعض وكان فيه واحدة من صحباتى اللى من ايام المدرسة كانت عارفة الموضوع وخافت عليا وراحت قالت لماما الموضوع كله ماما قالت لبابا لانها خافت عليا المهم جه بابا خدنى من بيت الطالبات وسافرنا ورجعت البيت وقرر انه ما يرجعنيش الكلية تانى وسحب الموبايل وضربنى ضرب بشع لدرجة ان كان على جسمى علامات الضرب وعلى فكرة بابا دى كانت اول مرة يضربنى فيها
تفتكروا كان ايه رد فعل الشاب اللى اتعرفت عليه؟؟؟؟؟؟؟؟؟؟؟؟؟؟؟؟
اتمنى تكتبوا ردودكم لان فيه مفاجأة ..........................لكن عايزة اعرف توقعاتكم الاول.....................وعلى فكرة القصة لسة طويلة

عـــــــــاشق بجنون · 08-08-2007, 02:47

اتوقع ان صاحبك خاف من اهلك او انه رجع يكلمك على الشات

بس ياليت تكملي القصه

دفى همسه · 08-08-2007, 03:04

بمسلسل حنا !! والا برنامج مسابقات
من اسلوبك ياعسل مبين ان مافي الا كل خير

الذات · 08-08-2007, 03:16

اهلين اتوقع حبيبتي 50% أن الحيا ة تستمر مع وحدة غيرك.....

_خلود_ · 08-08-2007, 03:35

اتوقع يعني ما دام انك مبسوطه وانتي تكتبين

اكيد جا يتقدم لك وخطبك من ابوك

اتووقع كذا

(السفيرة) · 08-08-2007, 03:53

اتوقع صحيتي من النوم وكنت تحلمين!

هل هذه قصة حقيقية؟

هوي القلب · 08-08-2007, 04:09

أتوقع أنه جيه وأتكلم مع الولد وطلب يدك

هوي القلب · 08-08-2007, 04:27

يلا أبعتي باقي الموضوع بسرعه أووووووووووي ي ي ي ي ي ي

منيب هينة · 08-08-2007, 05:46

شكلك موسعه صدرك

كملي ياغاليه كملي.. ..

قـاهرة الاحزان$$ · 08-08-2007, 05:51

اقتباس:

المشاركة الأصلية كتبت بواسطة Cocoon

اتوقع صحيتي من النوم وكنت تحلمين!
هل هذه قصة حقيقية؟

هههههههههههههههههههه والله بعد انا اقول كذا

f444 · 08-08-2007, 07:28

لا تتعشمي كثير , لإانت مجرد متعة لشاب طائش عما قليل يرمي بك

ليستبدلك بأخرى مثلك ..

السر الدفين · 08-08-2007, 10:00

امممممممممم صحبتك راحت قالت للشاب والشاب جاء خطبك

majnoOoOn · 08-08-2007, 10:56

مادري كملي القصه وانا اقولك ههههههههه

ALSANAM · 08-08-2007, 11:36

على الانسان عندما يضع مشكلته في هذا المنتدى ان يقول مشكلته كاملة ويطلب المساعده بالحل بدلا من تحويل الموضوع الى احاجي والغاز واضاعة وقت الاعضاء فيما لا يمكن الاستفادة منه

انتي ارتكبتي خطأ كبيرا عندما دخلت في علاقات محرمه مع رجل ليس بمحرم لك ثم خرجتي معه ثلاث مرات ولكن الله حماك وقد قطعت صديقتك جزاها الله خير عليكم حبل الفتنة والفساد ايا كان موقف الشاب ولو لم يحميك الله منه لكنتي الان فريسة بين يديه
ولقد عجل الله لك العقوبة فحرمتي نفسك من اكمال دراستك وحرمك من الكلية التى كنتي تحبين ان تتخرجي منها وفقتي ثقة والديك علاوة على ما حصل لك من تأديب وضرب على يدي والدك جزاه الله خيرا
ولكن الواضح وللاسف الشديد ان ذلك كله لم يؤثر فيك لان اكمالك لسرد الفصة وماذا حدث بعد ذلك يدل على انك مصرة على هذه المعصية واتك عاودتي الاتصال بذلك الشيطان وانا لايهمني ردة فعله ايا كانت والتي اتوقع انه استبدلك بصديقتك
المهم عليك ان تخافي الله في دينك وفي اخلاقك وفي اسرتك واعلمي ان هذا الطريق مهو طريق محفوف بالمخاطر

الدبلوماسية · 08-08-2007, 15:29

ميرسى لكل من تفاعل مع الموضوع وانا الان ساكمل القصة
الذى حدث هو الاتى:
اتصل الشاب بوالدتى حيث انه من محافظة بعيدة عن التى اسكن بها ووعدها بانه سيخطبنى بمجرد ان ينهى دراسته لانه كان فى السنة النهائية فى الجامعة وجعل والدته تتصل بامى عشان الموضوع ياخذ شكل رسمى مؤقت الى ان يتخرج وكان هيتخرج بعدها بكام شهر وكان فى كلية مرموقة ووعد والدتى انه مش هيقابلنى تانى نهائيا الا لما ييجى ويخطبنى وبدأت والدته فى كل مناسبة سواء عيد او غيره تتصل وتسلم على ماما وعليا
والحمد لله رجعت لكليتى
ولكن لم اقيم فى بيت الطالبات لان خلاص ثقة اهلى فيا انعدمت
وظلت علاقتى به على هذا الحال مجرد تليفون وبس المهم جه يوم اخر امتحان ليا فى امتحانات التيرم وكان بيقول انى وحشاه جدا وكنت فعلا مصدقاه ولكن هو وعد امى وفعلا ما اخلفش وعده ولا وعدى معاها
واتصل بوالدتى وطلب منها انها تسمح له ان يسافر معايا يعنى يجيلى الكلية ويركب معايا السوبر جيت ويوصلنى لمحافظتى ويرجع تانى يعنى يركب جمبى زيه زى اى واحد ممكن يركب جمبى
وفعلا جه وسافر معايا وانا اليوم ده امنت انه بيعشقنى مش بس بيحبنى
وكل اللى يعرف انه عمل كدة يقول عليه مجنون لانه قضى يومه كله سفر المهم انتهى اليوم ده
وبعدها بحوالى شهر بدأت التغيرات تطرأ عليه يعنى مثلا خفف من مكالماته المستمرة اللى احيانا كانت بتسبب لى الضيق من كثرها واستمر ع الحال ده لمدة شهر
واجهته وقلتله لو عاوز تنهى الموضوع قول لكن ما تتعاملش معايا كدة
المهم اعتذر وشغل اسطوانة الكلام الحلو واتعدل حاله بعد كدة
ولكن رجع يتغير تانى زهقت واتخنقت وواجهته بطريقة اشد عنفا عن اللى قبلها وبرده كان نفس الرد
وبقيت انا فى حيرة واقول
طيب لما هو بيتصرف كدة يبقى مش بيحبنى طيب لما هو مش بيحبنى ايه التصرفات دى معايا وكانت فعلا تصرفاته اللى بتدل على حبه كانت كتير جدا لدرجة انى مش فكراها كلها لانها بجد كانت كتير
وقلت طيب لو عايز ينهى يبقى لما اقوله سيبنى المفروض يوافق مش يتمسك بيا ويعتذر
المهم طول الفترة دى ولا عارفة اذاكر ولا افكر فى حاجة غير حيرتى فيه
المهم جه يوم بقى انا كان فعلا فاض بيا ورحت موقفة الاتصالات ومكلمتوش لمدة يومين
وهو ولا حس ولا خبر

المهم كلمته وقلت لازم اشوف حل والا ننهى الموضوع ده خالص
وكلمته وقعدت ازعق وهو ساكت وقلتله طيب عايز تسيبنى

المرة دى كان الرد مختلف عن كل مرة عارفين كان ايه الرد؟؟؟؟؟؟؟؟؟؟؟
كان الرد سكوت وانتوا طبعا عارفين ان السكوت علامة الرضا
المهم وقالى انا مش عايز اخسرك نهائيا بس علاقتنا تدخل اطار تانى غير علاقة الاحباب
يعنى ممكن نبقى اصدقاء
وقمت قلتله بطريقة استهزاء قصدك اخوات يعنى؟؟؟؟؟
قالى انا ما قلتش اخوات انا بقول اصدقاء رفضت طبعا
وانتهت علاقتنا وبعد كدة بفترة عرفت انه كان كان بيكدب فى وظيفة والده كان قالى انه بيشتغل فى وظيفة مرموقة لكن اتضح انه بيكدب

وانا الحمد لله فعلا بدأت انساه وحمدت ربنا ان الموضوع انتهى على كدة لان بداية الموضوع كانت غلط فكان لازم نهايته تكون غلط

ولكن فى بداية الامر اول ما سابنى كانت حالتى متدمرة نفسيا وزهنيا كنت مكتئبة
لكن الحمد لله مع مرور الوقت بقيت افكر بعقل اكتر

وانا على فكرة مش بنت من اياهم والله وربنا يعلم وعمرى ما سمحت لشاب انه يكون على علاقة معايا لكن المرة دى غلطت واستفدت من غلطتى لانى اتعلمت كانت غلطة والحمد لله انها خلصت على كدة

وانا الحمد لله دلوقتى بفكر فى مستقبلى ودراستى وبس واكيد ربنا هيعوضنى خير لانى الان فى طريق الله والحمد لله
وانصح كل بنت فى سنى اياك وهذا الطريق لانه طريق مظلم ونهايته بتكون سيئة

وياريت دعواتكم لى
وعلى فكرة والله والله والله القصة دى حقيقية وهى قصتى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكم عايزة ردودكم